［身痕文學］好耐冇嚟，原來一個 Pacific Place，開咗三間星巴克。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
1. 只係Pacific Place咋喎！都應該係個紀錄？仲要三間都有得坐低的。都未計金鐘廊 海富 中信 花園道 各一
2. 我覺得真係相當震憾。而聯想相當奇怪（華碩仲奇怪），我居然諗起漢堡。係德國嘅漢堡。諗起漢堡火車站 Hamburg Hbf （Hauptbahnhof）（＊）。個火車站大到一個點，係有兩個地鐵站嘅！Hauptbahnhof Nord （北）同 Hauptbahnhof Süd（南），大到一個點，可想而知幾震憾。當然機場就好多地方都有幾個地鐵站，但，火車站喎，歐洲喎。
3. 嗰次漢堡之旅極之震憾，我第一次去德國，係英國讀書時，由倫敦飛去不來梅（冇錯係嗰個不來梅，冇錯係有國際機場的，仲要坐架螺旋槳機）。但當晚已經去漢堡投宿。時為2001年，剛好廿年前
4. 冇查資料，但照計法蘭克福火車站大過漢堡，我都有去過，但個感覺冇咁震憾。而當年亦都未有柏林Berlin Hauptbahnhof，柏林只有Ostbahnhof（東站）同埋Bahnhof Zoo（冇錯係動物園站），當然同兩德分裂有關（機場又兩個，好似洪堡大學都整兩間，啲地鐵更加古怪）。
5. 亦同歷史原因有關，你見倫敦有好多個火車站，並冇一個統一晒嘅大站，所以冇漢堡站咁大規模。嗰時在漢堡站見到個Departure 牌，心諗WTF，雞拿咁大隻字不得止，仲要係好似機場咁滾動式轉，而啲Destination 係歐洲其他城市。
6. 冇錯，漢堡係一個好Q好Q大嘅大站。當時嘅我由呢度坐車去丹麥，呢部份冇乜特別。但識我耐嘅讀者知道我之後會講乜。坐坐下火車，做乜事？係成架火車上咗船的！就係火車軌上船，然後架渡輪成架火車運你過海。然後你係可以離開火車去架船度的。當時覺得非常之震憾
7. 講返呢個星巴克，台灣好似有間幾靚（唔記得邊度），但冇去過。計我最記得嘅，兩間。一間日本，一間韓國。
8. 日本嘅，東京，澀谷。好多人都知，望住個澀谷路口交差點。我第一次去東京，朋友（香港人）約我在澀谷，知我第一次去東京，就帶咗我去呢度，指定景點。後來每次去東京我都同佢約在呢度（男人，唔使問）。做乜？當然係睇女，雖然我覺得麻麻地。又，好Q多人的，無數咁多遊客會在嗰個位影相，甚至set部機拍片
9. 關於呢個澀谷路口交差點，仲有一樣嘢。唔計卡通片，我最最最早對「日本」嘅印象，就係呢個路口交差點。可能係小學雞教育電視？或者日本風情畫之類。然後事隔咗三十幾年，我先知嗰個位就係澀谷路口交差點。
10. 至於韓國嘛，冇錯係首爾。冇錯係江南高速巴士站嗰間，好有名氣的，攞奬。但重點，當然係睇女！很多女睇的，仲要多數都係韓妹，唔似澀谷路口交差點嗰間咁多毒撚遊客（例如我）同埋南亞女非洲女。
11. 去星巴克睇女？去星巴克梗係睇女啦！唔通飲咖啡？飲咖啡返屋企飲啦！
12. 其實仲有一間，都係東京，目黑嗰間咩旗艦店。既好彩又唔好彩，因為我去嗰時剛開張。但你估到了，插針不入啦，只能在外圍睇，咁就唔算去過。只有外圍搓嚟差去冇入去嘅，阿仙奴咩。
13. 呀仲有，宇治平等院嘅星巴克。呢，就在中村藤吉隔離。簡直係大煞風景。本人當然唔會去。Matcha Latte呢啲真係落地獄（其實你問我除咗黑咖啡外其他嘢全部都落地獄，雖然我而家飲緊Mocha，我不入地獄誰入地獄？）
14. 話時話，「到底一個地方開幾多星巴克同乜有關？」。固然同啲友有冇錢有關，不過大家應該聽過Big Mac Index，所以亦有Latte Index，即使去到人均收入好低嘅地方，去柬埔寨去越南都好，啲星巴克都唔會平過香港好多。
15. 有人話冋「咖啡文化」有關，really？「正相關定負相關？」。定應該越有「咖啡文化」越唔會飲星巴克？不過冇所謂，意大利法國奧地利都開星巴克，正如COCO老番屋都反攻印度（是真的！）。而香港，未有星巴克前，有冇「咖啡文化」？定根本星巴克只係麥當勞（我覺得係），食麥當勞係咪西餐文化？
16. 想講嘅係，韓國出奇地咁多星巴克。如果冇睇錯，同日本數目差不多。但日本大好多喎，人亦多好多。當然你話韓仔冇品味飲屎水先幫襯星巴克，我都唔會異議的。雖然我去星巴克十次有九次都飲茶（今日係第十次）
（＊）Hauptbahnhof Haupt就係main，bahn就係rail，hof就係court，所以就係main train station，德文特色就係啲名詞可以咁不停加上去，但只係一個字。
＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
＝＝＝＝＝＝＝＝＝＝＝＝＝＝
華碩文化香港 在 香港華碩文化's post 的推薦與評價
試試全新打造的英語聽力環境！ 不用CD、點讀筆，一指神功就能搞定！ 給孩子打造「快樂學習」的環境，「語感培養」絕對能事半功倍！ #手指點讀 #雙語 #聽力 #英語好感度 ... ... <看更多>