之前有觀眾Yuichi Wu inbox我地話想玩下評Game，後來仲寫埋份稿出黎比我地。今次佢寫左篇《Gundam VS Z Gundam》嘅評價，大家有興趣可以睇下。
當然我都好歡迎其他觀眾投稿架~~~~
================================================
By Yuichi Wu
警告:內有劇透
Gundam vs. Zeta Gundam 係2005年PS2同Gamecube 平台上面嘅vs 系列作品，而本評論主要係關於佢最有特色嘅UC mode。我先嘗試仿效伏game評的方式，用5點黎做個短評。
第一點係BGM，嘅遊戲入面，某啲關卡係會有特定既bgm，而係一般嘅關卡入面，BGM亦被分為一年戰爭同Zeta嘅BGM，當果啲角色登場嘅時候亦會有轉bgm嘅情況出現，就好似Boss戰咁樣，即使過關條件唔洗擊破佢地。(雖然某啲指定擊破嘅角色真係稱唔上為boss)。而一年戰爭嘅歌更加放左原整版本入去一啲關卡入面，當中井上大輔所唱嘅めぐりあい更係比Bandai全球禁播。想聽番最原汁原味既版本，玩UC mode都可以幫到你。
另外奧干、泰坦斯同阿古捷斯分別亦有唔同嘅BGM，而佢地亦都同呢三個勢力好合襯。雖然我音樂造詣唔高，但係佢地分別比我好唔一樣感覺嘅。首先奧干嘅BGM比到人有種唏噓感，同故事中嘅奧干呼應，聯邦軍其實已分裂成奧干同當時不可一世嘅泰坦斯，當玩家聽住bgm而又睇過有故事嘅，彷彿好似一個懷著雄心壯志嘅入伍新兵聽住奧干軍歌，準備對抗強權泰坦斯。而泰坦斯嘅BGM則比人一種傲慢、無情而且似乎密謀緊啲野嘅感覺，十足故事之中嘅設定。只不過如果話奧干bgm係令人肅然起敬，泰坦斯嘅係傲慢無情，那麼阿古捷斯嘅就係令人生畏。它一開始先有種令人感覺到有一股勢力正在萌芽都唔止，應該話這股勢力其實一早已經成熟，只是一直在幕後等待時機，只要時機一到，它就會發動戰爭，席捲宇宙，重建昔日強大的自護。佢能夠反映出阿古捷斯及自護軍果種以精神作為戰爭源動力嘅特性。
第二點，係機體，UC mode會按照角色嘅故事入面嘅進展而使玩家獲得新嘅對應機體，基本上對玩家進關係有很大嘅幫助。除左嘅最尾果幾關仲送部尼姆同埋GM-II比已經有力奇戴亞斯或者MK-II嘅你，又或者某個角色嘅if線由頭打到落尾都只係用倒同一部機打(D新型渣古都出動晒，li度都冇晒渣古，睇黎連我都冇渣古去作戰) 另外UC mode 亦可以幫愛機升lv，升lv所需嘅功積值都會按住機體強度同lv而有所唔同。而咁亦都有助玩家減少卡關嘅次數(4*魔改高渣古用左12枝飛彈秒左多玆爾准將部魔霸…) 再配合不同嘅覺醒系統，令機體嘅自由度同強度各有不同，例如開左復活嘅密達斯可以一槍打停敵人、某d機體會因為開左復活而失去其中一個武器或變型功能。(不過我本來還期待戰神渣古開復活會得番個頭)仲有，就係機體嘅細致度，例如MK-II換裝備後機體編號嘅變動(雖然有d好笑)同卡碧尼背後嘅logo等。
第三，對原作嘅環原度，始終Gundam vs Zeta Gundam UC mode 別於 DX，後者係集中環原單一系列的game，對於故事線同關卡嘅還原會比UC mode多(例如初次移形換影響UC mode唔存在)。 不過，嘅某啲關卡，你可以睇佢地重現故事入面嘅經典情節。比如亞美莉亞(無論敵人擊破與否)、古瓦多羅達卡演講，以及帕拉斯雅典娜響遊戲入面初次登場時無顯示機司名稱。
第四，Gundam vs Zeta Gundam 依家係可以免費入手…(咳咳)
都先君子左好耐，係時候要後小人，第五點，關卡。如果要完成UC mode你需要達成300%進度。而嘅遊戲入面，係近乎所有有揸過ms/ma 嘅角色，都有一條故事線。加上前面有提及過嘅if關卡同強制save系統，要speed run哩隻game………..哼，我可以講句祝你好運。其中日扎兩個跟班、黑色三連星等人，各自有一條線，而且有關嘅故事關卡仲同佢地嘅僚友近乎一樣，簡直如同每日任務嘅設計。而大多數嘅if都同主線極為相似，只係有d關換左個partner，簡直係確立左一模(關)多用我至勁嘅出game方針。馬沙計算湯加曼少爺由主線到if都唔知打左幾多次，難怪依家Bandai都比人話到等同貪財，同為萬惡之根。
唔計免費入手嘅話，都仲有一點可以講，就係敵人嘅lock on system。始終都係舊嘅高達game，敵人甩lock嘅情況可以話係不時出現，加上比現時慢嘅戰爭節奏，哩點可以話係對玩家嘅煎熬。
……
すこし、「もしも」が存在すろではないだろうか？
雖然UC mode嘅關卡重覆性可以話係惡劣，但係在套路之中仍可以享受到變化；雖然Bandai被視為萬惡，但仍然不可一概抹殺制作人嘅用心。
講番甩lock問題，其實換個角度睇，咁樣唔係更現實咩?另外當你響無睇過攻略嘅情況去享受哩隻game時，你會發現娜娜。辛(哩隻UC mode系列最猛嘅鬼) 嘅生死主宰左不少角色的if關。娜娜算係UC mode第一個軍用NT，佢嘅生死影響著各勢力對NT的研究發生，甚至奧干同阿古捷斯嘅裏if關。唔係話有裏if就係用心、有誠意，不過裏if嘅存在的確可以吸引一啲為求完成遊戲而肝嘅玩家，反觀依家嘅game市場中，又有幾多公司願意為遊戲整‘if線’、裏關，甚至裏if?而UC mode最引人入性的裏if莫過於可以玩到馬反。
君の可能性と未来も君の手の中に…。
