［版務］如何幫助埃汾繼續寫好文—而你又可以睇到。（我寫而你冇睇到，等於冇寫）。真係幾句，唔會幾千字！
TLDR：隨緣樂助，set see first，standard notification．
1. 實在唔係乞like—本身亦冇問題，但真係唔係，係嘅唔怕認，都試過啦。之前咪有次畀人ban page禁言兩日，連個reach都壓低埋，咪叫過大家幫手。咁大家都有做，亦真係幫到手，十分感激。到返返原本八九成，我就冇再個個post叫了，唔好由朝到晚都告急嘛
2. 不過今次出呢個post係真係有人問，亦係不止一個人發現呢排少咗在timeline見到我啲post．我都發現啲reach數少咗。即係如果寫嘢讀者冇興趣睇就冇計，但我見啲反應呀，comment share like嗰類都多的，但reach比以前更少，可能又改咗算法之類？都冇計（＊）
3. 但如果想唔會miss post嘅，最簡單梗係日日主動入嚟—但人係有惰性嘅，肯定，你同我都有。所以最好都係佢自動feed畀你，係咪？
4. 最簡單嘅方法，應該係首先做set 咗”see first”。點set？圖入面教咗你，在我Page熊仔下面，following嗰度，可以揀”see first” ，而唔係”default”。就算你冇like 我Page，只係follow （怕畀人知嘅guilty pressure），都冇問題嘅
5. 但仲有，如果想我一出文你收到通知（一日最多五次，但夠晒了）（＊＊），就留意埋下半截，notification，右上角支筆（？）嗰度可以按入去，揀standard，而唔係highlights，就唔會錯過任何一post
6. 另外，循例講埋，可以如何幫Ivan，拿，真係唔中二病，在你地角度，隨緣樂助。始終人人唔同，又唔係同我有親，對不？但，各自修行咯。
7. 最好嘅，當然當然就係訂Patreon（https://bit.ly/31QmYj7），係真係令人十分興奮的。養老婆都靠你地，爭在我冇小朋友咋，如果唔係抱埋出嚟乞食。訂咗嘅，萬分感謝！未訂嘅，其實可以試下，一舊水啫，一個月唔啱咪cut．而無論訂咗或冇訂嘅，都可以介紹朋友！（當然自己冇訂但推介朋友就諗下點同朋友解釋，我係你朋友一定問：「咁正你自己唔要？」，即係Nicole Kidman水咗Meg Ryan去除衫拍戲咁）
8. 第二嘅，唔科水嘅，真係冇問題。有啲朋友我係開口叫，但拒絶我嘅，都冇嘢的，唔通我畀說話你聽咩！真冇問題的，有錢咪出錢，冇錢或唔想科或唔想益我都完全冇問題嘛，錢係你嘅，掉落屎渠都係你自由。但，真係有力咪出力。咁幫手comment like share，都係非常幫到的。呢啲真係花你幾秒鐘咋，勿因勿以善小而不為。
9. 甚至唔想comment like share，驚畀朋友發現嘅（＊＊＊），都冇問題。都話各人有各人難處，明白的。咁你可以做到嘅嘢，就係報料！其實都好多人報料畀我。講真，when in doubt，報咗先！冇嘢的。我總唔會鬧返你轉頭。不過唯一一樣，都做好心理準備，未必我一定會寫。好多原因，可能有人報咗，可能我一早知，可能我覺得唔過癮，可能我唔識寫，可能我忙，好多原因。唔好hard feeling就好了。客觀講，連Patreon啲讀者點唱，我都好多單先做到一單，原因同上。Patreon五百幾個付費讀者，FB Page就萬幾人，人人意見不同，興趣亦不同。信得過我嘅，就信我去做個最後判斷。
10. Judgement 呢樣嘢十分緊要，但難在好難客觀量度或量化，不過好在係，Judgement 係一路可以學嘅，由細到老都學到。又回帶一句，你生命係一連串嘅決定造成。每一步唔多覺，積埋就好覺。你見有啲人，係不停咁做啲出事嘅決定的。呢個同學識學歷（已經係兩樣嘢）年紀財富都未必有直接關係，例如讀書會有人話Streetfighter 有澳洲佬有一陽指，ICQ年代總有人傳啲要收錢嘅message，而家就有碼頭工人秘密風暴消息（＊＊＊＊）。有機會再寫
11. 咁你話，又唔訂Patreon又唔會幫手like comment share 但又唔會報料嘅。都冇問題，點幫埃汾？好簡單。做個沉默嘅讀者咯。都係幫到人的，幾簡單！
12. 咁最後，你話你又唔訂Patreon又唔會幫手like comment share 但又唔會報料，連睇我嘅文都唔會嘅。「咁其實你在呢度做乜？」。不過認真，都一樣幫到埃汾的！講真人有三衰六旺，埃汾折墮時，畀人圍插時，你唔使幫拖—你唔加多腳，我已經好感激！
13. 你睇，做好人幾咁簡單！基本上你唔去踩多腳已經係幫到人！
14. 實在對你每一個鍾意嘅創作人（咩呀？我唔係？），都係差不多，以上嘅嘢放落第個都得。有水科水，冇水就推薦畀人（特別係好多錢嘅人），再唔得就靜靜地欣賞—退一萬步就係，唔好落井下石。人地仆街時你唔使撐，唔去幫手掟多下已經可以好過造七級浮屠。
15. 最後講埋，埃汾近期都比較Moodyz，原因係搬新Office，係相當上下心心不安的。雖則都係嗰間公司，都係嗰啲人，都係嗰啲工作。但唔好睇少硬件嘅改變。打波踢波，話知你幾有意志力啦，唔夠跑就係唔夠跑（＊＊＊＊＊）。
16. 所以，著實都有啲擔心會影響生產力。咁牽一髮動全身，影響我工作就自然影響埋我 off work。雖然呢，以往都試過好多次我有呢啲顧慮，最後turn out 都冇事，好快就適應到—但我係個謹慎嘅人，悲觀嘅樂觀者，永遠唔會係第一個跳落水嘅人（況且我唔識游水）。羅素隻雞畀人劏之前都日日好地地的
17. 拿！真係冇幾千字呀！兩千咋！
（＊）其實理性啲諗，係必然的，亦係Facebook成個business model先天最大死症：人嘅時間就得咁多，但post越嚟越多，Page越嚟越多，所以最後係一大班人不惜公本去追逐啲空間，搶你嘅時間。直接啲講：唔落廣告嘅文咪死開。問題係，我其實全不介意畀返錢小朱賺，我都洗過唔少錢，但往往係吸到好多古靈精怪人，真係冇乜幫助。Audience targeting 在香港仲未做到好成熟（美國就勁，連 target幾多收入都得，主要靠睇郵政編碼）
（＊＊）真係唔使擔心，佢最多彈五次，但而家我一日好少會有五篇文，好多時都係得兩篇，朝早七點半同黃昏各一。反而遠古年代我有朋友在personal account set我一出post就通知，結果發現洗晒版
（＊＊＊）都真係有呢啲人。但完全明白，因為有時朋友嘅朋友係相當唔鍾意我嘅，直頭我朋友share我嘅文，會有人話唔高興。咁朋友都要自己經營都要搵食（don’t undermine 搵食！人生在世邊個唔係搵食），唯有唔share，明白的！唔通又去開佢拖咩。心領的。
（＊＊＊＊）在我個畸屎，有位朋友係由細到大都做呢啲嘢，專業人士添，讀書幾叻添，各方面知識都幾好架。證明真係同學歷收入冇乜必然關係。
（＊＊＊＊＊）當然人地頂級運動員大家都係精英，就可能心理質素大影響。
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7
——————————————————————————
［收費短片第九擊］美股科技股是否泡沫爆破？價值投資之選
課程資訊：https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲？
*有乜價值投資之選？
本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145
另外想買返第八擊（美國總統大選股票部署）都仲可以：https://bityl.co/3NPn
