自我蒙蔽,係人類最高嘅智慧。
當自己飛咗去葡萄牙都得嘅啫。
仲係坐CX添。
#何嘉麗callmegaga #何嘉麗
#冇得出街玩 #掛念葡萄牙的八爪魚鬚
#CX杯麵食咗當飛咗
#那一天我們會飛
葡萄牙的八爪魚鬚 在 何嘉麗 call me GaGa Facebook 的精選貼文
尋晚出街食飯,見到菜牌上面有罕有嘅八爪魚,不敢寄予厚望,但係真係好掛念喺西葡嘅食物,於是即管叫嚟試一試。
西葡之旅,景色當然優美,建築物亦都好有特色,但係為食如我,最吸引嘅當然就係當地嘅美食,真係平同埋貴都一樣咁美味。其中以喺葡萄牙嘅八爪魚,令我留下非常、超級、極之深刻印象。
八爪魚鬚大大條白烚冇調味,但係當我一口咬落去嗰條充滿海水鮮味嘅八爪魚鬚嗰度,佢軟熟嘅肉質將我嘅牙齒緊緊包圍,簡直係淪陷於一個味道鮮美嘅沼澤之中,完全冇能力爬番出嚟!
可惜,喺疫情之下,邊度都唔使去,所以當我見到餐牌上面八爪魚呢三個字,已經控制唔到自己對佢嘅思念之情。
食物上枱,當然同葡萄牙果件係冇得比嘅,不過佢爽口之餘亦都算軟熟。算係喺疫情之中,唔能夠四圍走嘅情況之下,俾到我少少喺西葡旅遊嘅感覺!真係此情只待成追憶,只是當時已惘然!
(第一幅圖是在沙田中央廣場5樓的Beans,另外兩幅是葡萄牙的餐廳。)
#何嘉麗callmegaga #何嘉麗 #為食路上 #冇得出街玩 #疫情下的美好時光 #葡萄牙的八爪魚鬚 #Beans