關於 薄罉粉 ，我們在網路上蒐集到這些相關的討論、資訊與評價

💜💜煎雙色薄罉💜💜

粉絲仔話呢個pizza好好味喎😅

每次煎薄罉，粉絲仔一定唔會食，因為小朋友唔喜歡韮菜味道，所以今次預埋粉絲仔，煎咗另一款比佢，佢個款用粟米+吞拿魚煎，各有各好味，唔知係咪食得多韮菜味，反而覺得今次呢個小朋友版又幾好味道😋

食譜已更新在留言內

#煎薄罉 #小朋友心目中的pizza

💜💜韭菜煎薄罉💜💜

簡易晚餐

屋企有好多種類粉，有幾種粉一定要有，我習慣存貨用到一半就要入定貨先滿意，最怕突然想起煮既時候要用上某種粉先發現冇，個種失落心情非常複雜😓

高筋麵粉
中筋麵粉
低筋麵粉
糯米粉
粘米粉
木薯粉
澄麵粉
馬蹄粉
粟粉
生粉
暫時諗到咁多，應該還有其他粉架😁😁

材料~

A
中筋麵粉/麵粉70g
木薯粉20g
水160g
B
油2湯匙
胡椒粉、麻油少少
雞蛋1隻(打散）
C
鹽1/4茶匙
雞粉2茶匙
韭菜約10條(切粒）

做法~

1. 將A加入水拌勻再加B拌勻，過篩
2.加入調味及所有配料拌勻
3.加半湯匙油，中火加入麵漿，快手浪勻成圓形(越薄越好）
4.煎3-5分鐘，反面(反面前再加入半湯匙油) 煎2分鐘
5.取出切件

*不用韭菜可轉蝦米/蔥(蝦米用熱水浸軟)

🎀🎀小小分享🎀🎀
記得like我每個post，每次睇fb先會見到我既最新post係上面（唔like會浸到好㡳，仲會miss咗睇唔到架）

💜💜喜歡這個食譜，讚好like給我支持
💓💓想繼續追蹤我同粉絲仔入廚動態，記得like我地個專頁呀👍🏻👍🏻👍🏻

詳細做法可遊覽我同粉絲仔Blog
👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻
mslovekitchen.blogspot.com

#Mskitchen #韭菜煎薄罉 #煎薄罉 #粉絲仔

九零年代尾至二千年初，七哥七嫂在番禺有度假屋，我們差不多每個周末都到番禺，包車到不同地方覓食，順德、珠海及廣州等，專攻地道小菜、蒸河鮮，最常叫的是主食，炒米粉、炒沙河粉、榴槤酥、一口叉燒餐包和鹹薄罉。粉麵很有鑊氣，鹹點精緻，價錢卻非常便宜。自兄嫂離世及近年常聽到大陸黑心食材的新聞，已絕少去大陸覓食。鹹甜薄罉賣不起價，卻要用心機逐塊煎，香港人工貴，誰會費神來做，所以有多年沒吃。農曆年初女婿請我教外傭做鹹甜薄罉，想給外孫兒俊俊多一點食物的選擇。鹹薄罉主要材料有以粘米粉及糯米粉開的粉漿，蛋其實可有可無，但我想俊俊多一些營養及增加薄罉的味道，於是加了雞蛋。小朋友不喜歡韭菜的味道，他的版本是用葱綠色的部分來代替韭菜，有一點兒香味但不嗆口。外孫兒吃得開心，看見亦開懷。

材料（4人用)：
1. 麵粉 220克
2. 糯米粉 60克
3. 岩鹽 ¾茶匙
4. 黃糖 半茶匙
5. 水 450克﹙已包括蝦米水﹚
6. 雞蛋 兩隻，拂勻
7. 芥花籽油 共4湯匙﹙2湯匙放入粉漿，1湯匙爆蝦米、菜脯及葱、1湯匙煎薄罉﹚
8. 蝦米 30克，用水浸10分鐘，切成一公分粒
9. 菜脯 30克，切粒，大小如蝦米
10. 韭菜 10條，不要白色及硬的部分，切粒，大小如蝦米

做法：

1 先預備材料，每樣材料大概一公分粒。韭菜切走白色及硬的部分然後切細粒，菜脯先切條再切細粒，蝦米浸水至軟身後切粒。
2 兩隻雞蛋拂勻。
3 在一深碗放入麵粉、糯米粉，攪勻，中間開一個洞。慢慢地放入水，攪勻。
4 加入鹽和糖再攪勻。
5 將粉漿經過一密篩，密篩底下的粉漿也需刮出來用。
6 蛋漿倒入粉漿內，攪勻。放入2湯匙油，攪至油及粉漿完全混合一起。
7 中小火燒熱鑊，鑊熱時放入1湯匙油，油熱時放入蝦米，爆蝦米1分鐘或蝦米會跳動及聞到香氣。
8 加入菜脯，繼續炒半分鐘。放入韭菜，繼續炒45秒，熄火，拿出材料，待涼。
9 將爆香的蝦米、菜脯及韭菜放入粉漿，攪勻。
10 用一隻鑊底是直徑21公分的易潔平底鑊，放入半茶匙油，用鑊鏟將油鏟至四周。
11 中小火燒熱平底鑊，攪勻粉漿，快速地倒入半量杯粉漿，立即搪勻四周，讓粉漿在平底鑊上完全均勻而不會一邊厚一邊薄。
12 慢火煎一面約3分半鐘，至顏色金黃及有少許燒焦令薄罉香脆。
13 反轉薄罉，煎2至3分鐘，直至薄罉金黃色及有少許燒焦才夠香脆。
14 拿出薄罉，重複以上方法煎其餘5片。
15 立即上菜。

大師姐
江獻珠老師在港首徒，人稱大師姐，盡得老師真傳，多年來一直醉心研究煮食──買最好的材料，用最合適的方法，落最多的心機，只想為家人烹調出最好的味道。近年更推出個人食品品牌。