關於 蘋果股票 長期投資 ，我們在網路上蒐集到這些相關的討論、資訊與評價

［邊個最巴閉？］係李嘉誠買Zoom買到三份一身家，係實物蘋果1000變11萬，定係看似好慘嘅牧羊少年？

1. 照舊，明報文，隔一日先貼，當然其實網上免費（https://bityl.co/3PE8）。呢個post最底亦有全文。我打呢段係導讀。

2. 講咗了，上星期美股未股災前，剛好一個星期有三個買股票搵大錢嘅故事。第一個係李嘉誠識股於微時，2013年已經入股Zoom，回報N倍，一度升到佔佢三份一身家，多過長和或長實，

3. 第二單，蘋果日報搵咗個果粉（其實之前已搵過）（https://bityl.co/3PEO），一股實體股票，1000港紙，渣到變11萬。

4. 第三單，自然係呢度都提過，上星期都瘋傳嘅，牧羊少年奇幻之旅（https://fbook.cc/3FCy）。比悲傷更悲傷嘅故事，咖啡館幫人寄信畀未來自己，5年後先寄出。早排主角收到自己5年前寫嘅信，唔知咩感受。因為5年前，2015年，佢將2008年9.5買嘅騰訊，130蚊沽咗，60手。11萬變156萬，去求婚。開心啦？不過大家都知，騰訊之後5年，即係呢5年，再升多幾倍，而家都仲有5舊水樓上

5. 以上三位，邊個最成功？邊個最值得你學習？我contrarian，話牧羊少年先最成功。唔係睇個結果，係睇個過程。即係李澤楷讀到Stanford有幾巴閉？都巴閉，但不及一個劏房少年讀到。

6. 再講白啲。講金額梗係李嘉誠，仲要2013年已經知道Zoom，上晒頭條威水。但，佢係李嘉誠嘛。唔好話2013，根本1993年嘅李嘉誠已經係神。佢有幾多人幫佢睇嘢？幾多公司送上門？況且，對佢嚟講全部都係散紙。輸咗咪輸咗，全無壓力，所以唔會犯錯。打機打波乜都好，都知道有壓力咪易出錯。但咩人易有壓力？窮人。當隻股升十倍然後回一半，窮人必定食糊，中產都應該係，但超級富豪冇乜所謂，唔使食住先。所以個社會梗係富者越富。

7. 李嘉誠嘅嘢，你邊學得嚟？學人賣鑽石廳丫。人地輸清光都係散紙，你仔細老婆嫰仲要供樓。贏十倍已經脫貧，你一定take profit，唔會想打回原型。「所以一定唔會渣到一百倍」（實情，渣到十倍嘅已經好勁）

8. 況且，你邊位？我當你有時光機都好，返2003年搵到袁征，你話拎幾十萬畀佢，我估佢當你發神經，係騙子。人地益都益李嘉誠啦，活生生廣告。

9. 果粉呢？計倍數真係相當勁。問題係，買得1000蚊，冇乜用。證明當初都係玩票性質，當事人都有講，亦有講其他投資只係麻麻。呢個亦再一次見到好多人只係重視揀股，時機，睇新聞—但冇留意注碼。1000蚊變11萬，只係廿幾年，計倍數當然勁。但，計銀碼呢？11萬唔夠脫貧，其實畀首期都未夠。係型，但改變唔到生活質素，乜都假。你要型定脫貧？　（當然why not both，好型地脫貧）

10. 仲有，佢有個先天優勢，就係買實物股。講過N次，點解香港好多師奶買樓搵到一桶金，但買股唔會？除咗因為槓杆，亦因為股票太易沽，郁動又大。你忽然半夜屙夜尿就可以沽走隻升十倍嘅股票。但賣層樓難好多，交易費又重，再加上有啲人係拎嚟自住，或者畀屋企人住，唔會賣。

11. 就係相當矛盾地，作為投資，樓嘅缺點（流通性低，交易成本貴），反而幫你克服人性嘅弱點，變成優點。世事無如果，但，如果唔係渣實物股票，應該冇坐得咁定。

12. 所以我覺得，牧羊少年先真係勁。我對佢一無所知，但會沽晒股票求婚，又去牧羊少年嘅，應該當年普通中產，出嚟打工一排嘅年青人。咁2008年佢可以買11萬（$）落去，唔係全副身家都肯定唔係玩票性質，只係呢下，就已經唔到純粹買一股蘋果實體股紀念了

13. 另外，當中個過程，夠晒驚險。雖然冇乜大股災，但騰訊2011年都試過45蚊跌到30蚊。跌三份一喎，仲唔驚專家講止蝕？特別係佢成本10蚊唔夠喎！但佢都冇沽到，坐得，有耐性。

14. 所以，都真係冇乜好怨冇乜好抽水。換著係你，甚至係佢，而家倒後鏡，就梗係茶餐廳阿叔睇波，全知視線，哈而家500蚊呀。實際？只係2018年你都嚇到賴屎啦，2018年騰訊一沉百踩風光不再玩撚完呀。

15. 但都係嗰句，錢可以再賺，但才華係拎唔走，亦多數好少會再賺。窮者常窮，柒者亦常柒。你見好多人都係跌入呢種death spiral的。

16. 買得夠大，又賺到10倍開外，仲有乜好講？直頭勁啦。呢啲就係I already gave my best, and I have no regrets at all.

17. 真的，如果當事人真係見到呢篇文，不如出嚟畀埃汾訪問下，梗係埃汾請，請教下投資心得—我自己都冇一隻股票升到13倍啦。就去返牧羊少年咖啡館又點話。

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7

———————————————————

李聲揚：牧羊少年的騰訊之旅

【明報專訊】上星期三單新聞，同是投資股票大賺。第一單《明報》有報道，視像會議軟件Zoom績後勁升，李嘉誠所持股份水漲船高，升至佔他身家34%，超過長和（0001）或長實（1113）。第二單是友報找到超級「果粉」，早年買入一張實體蘋果股票，1000港元變11萬元。

但在社交媒體上瘋傳的是第三單：牧羊少年咖啡館有「未來明信片」服務，讓顧客數年後收到自己寫的信。今年早前有位顧客，收到自己2015年寫的信，「哭成淚人」。為何？原來2015年8月，「牧羊少年」持有60手騰訊（0700），原在2008年9.5元買入，然後2015年130元沽出。約是11萬元成本，156萬元沽出，淨賺145萬元。「牧羊少年」當年沽貨後求婚——但騰訊打後5年再升，最新股價約520元，是寫信時的4倍（騰訊2014年曾拆細，報道未有提到「牧羊少年」的60手是拆細前或後。小弟文中是保守估計。况且156萬元結婚，似乎比780萬元合理。）。

問讀者一個問題：以上三位，誰最成功？誰最值得你學習？

以金額計，是李嘉誠買Zoom，買到各大傳媒爭相報道，李氏2013年已獨具慧眼，識股於微時，佩服。但以倍數計，就是「果粉」，1000元變11萬，神級回報。美中不足是金額不大，訪問中主人翁也透露早知買多一點。

先天條件不同 首富投資難仿效
「牧羊少年」回報倍數不及「果粉」，金額不及李嘉誠。但小弟認為他才是最厲害，也最值得大家學習。以下解釋原因。

小弟認識指導香港學生的籃球教練，他曾提到，香港學生總愛看NBA明星偷師。但他卻力排眾議，希望學生看CBA的亞洲球員，自然被學生柴台認為老套。朋友並非特別愛國，他的出發點是：NBA的黑人白人球員，體格先天和亞洲人不同，你學也學不來。反而應該學習亞洲球員的打法。

李嘉誠投資Zoom，也是你學不來。紙上談兵固然個個曉，真實買賣又是另一回事。投資和打球一樣，難免有時受壓，壓力之下最易犯錯。但誰最易受壓？自然是窮人。李嘉誠投資Zoom，即使全數蝕光，對他也全無影響——李氏投資電動車和人造雞蛋也近乎輸清光。但閣下不同，仔細老婆嫩，有樓要供。先天條件已和李嘉誠不同，怎學？

况且，為何2013年李嘉誠已知道Zoom？李氏的人脈極廣，也有眾多才俊替他分析，甚至很多公司主動找上門求他入股。試想一下，即使你有時光機，找上2013年的袁征，希望投資十萬八萬——我相信他也會當你是神經病。袁征寧可以較低價賣給李嘉誠，以收宣傳之用。

「果粉」呢？回報相當不錯，更勝李嘉誠。當然是買得太少，1000港元，明顯當初也是玩票性質，若買得多就可能沒有耐性坐到現在。此外，尚有一個重點：他持有的是實物股票。若是在股票戶口，可能半夜心血來潮就沽走了，或者金融海嘯時就嚇至震走。香港很多人靠物業賺到第一桶金，但靠股票的很少。除了因為物業有槓桿外，也因為股票太易賣走。物業成交慢，交易費重，反而有助克服人性，成為了長期投資的優點。「果粉」先生拿着實物股票，不易沽出，先天有優勢。

可大額投資 較低回報也享複利威力
所以，小弟認為「牧羊少年」才是真高手。首先是注碼夠大，小弟猜測，2008年投入的11萬元，對「牧羊少年」來說並非散紙。「果粉」只買了1000元，怎計也只是散紙。注碼買得不夠大，即使是神級的倍數回報，也未夠大幅改善生活。這也是許多散戶的盲點：經常想找短期升幾倍的股票，但卻只投資幾萬元，升幾倍也不見得帶來大改變。相反，若能fully invest，回報不用太高，也可享受複利的威力。

另外，「牧羊少年」可以由9.5元坐到130元，也證明了心理質素相當強大。不要忘記他持有的不是實體股票。騰訊雖然是股王，但當中也有高位震盪。2011年騰訊曾經由45元跌至30元，絕大多數人都會選擇獲利離場，但「牧羊少年」沒有。

當然，事後看，他是沽早了騰訊。但抽水的花生網友，就像在電視機看球賽回放，全知視覺當然容易指手劃腳，自己落場就是另一回事了。「牧羊少年」13倍的回報，金額亦不細，相信沒有多少旁觀者可以做得到。「牧羊少年」未有現真身，不知他沽出騰訊後投資成績如何。但小弟相信，以其強大的心臟，打後投資應是不錯？若有緣看到此文可和小弟聯絡，小弟請客又點話。

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

【龔成問答信箱】（Q17101-Q17120）

Q17101：

老師，請問你最初踏入社會果時，你話正職之外做幾多份兼職，同埋維持咗幾耐？咩心態令你咁博呢？

其實，我而家要不斷做野還錢，好辛苦，唔知點堅持。

龔成老師：

初踏入社會的2年是我最博的，每星期都7日工作，或6天半，正職加兼職，自己的時間極少，就算有時間都會不斷睇書增值自己。

因為我好明白，窮者愈窮，富者愈富。這是由於無錢者，根本無得錢搵錢，有錢者，不斷錢搵錢，佔社會財富只會更多。

我初工作時，第一目標就是5年累積到$100萬，這不是大數目，但只要有這個資金基礎，之後的財富就會好易滾大，於是，我初工作要自己點都要積到$100萬，否則乜都唔洗講。

由於我當時著眼於「將來」，要完成更大的目標，要改變下半生，就一定要先累積到第一個$100萬，因此，我當時心中除左呢個目標外，其他乜都唔想。

當時是辛苦的，但當每日見到自己，不斷向目標行緊，愈來愈接近時，又會覺得好滿足。有動力！

我呢一刻好多謝當天的自己，你都要加油呀，這刻的付出是為了將來更大的收獲！

------------------------------------------------

Q17102：

龔sir請問你點睇1728正通？小妹在較早前1.68入左鐵塔788現在想再入你覺得如何？
感謝萬分

龔成老師：

正通汽車（1728）質素一向只是中等，近年更有質素向下情況，加上單一股票不能太集中，這類質素不高的股票就更加是。

先講佢業務，佢係汽車經銷商，亦提供汽車相關物流業務、潤滑油貿易業務，以及金融服務。佢銷售之汽車品牌包括寶馬、ＭＩＮＩ及奧迪等豪華品牌，此外，還包括日產、現代、本田及雪佛蘭等中檔市場汽車品牌。

這類業務不是無價值，但企業的獨特性不強，當經濟轉弱時，好多時就會成為其中一個最受影響的類別。

見佢盈利增長有減慢情況。股本回報率處較低水平，同埋佢較受經濟週期影響，對貿易相關都會有影響，所以股價會較為波動。

近期中國車市放緩、外來競爭、行業競爭加劇等不利的因素，都對整個汽車行業造成影響，相信中短期仍會對佢不利。

這股不是劣質，但都不是高質，但只算中等。當然，股息率是吸引點，但從整體角度，唔建議大注。

中國鐵塔（0788）有質素的，之前有少少炒概念，所以之前估值有少少貴。

這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入正不斷增長，盈利都保持向上，但股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

考慮到佢的質素、發展能力，這股算現時算是合理價。

你持有貨如不過多，無問題的，可長線持有。

------------------------------------------------

Q17103：

同埋阿sir, 我係進階班學生，已經一路溫緊您嘅notes，一路睇不同嘅年報，但依然未完全掌握到睇年報嘅重點

龔成老師：

年報你可以睇一D重點位，再睇其他位，進階班第三堂文字版的筆記，有個損益表及資產負債表的簡單因，要你填重點及相關比率，這都是一些你要知的重點位，你試下從這裡入手。

另外，你要想想「那些資產能反映企業的情況？」「對將來的企業發展影響最大？」

------------------------------------------------

Q17104：

老師，你好，我今年24歲，應屆畢業生，現有現金儲蓄$10萬。已找到全職，月入約$2.5萬，

我計過月支出約$1萬，剩$1.5萬/月。我打算將約一半（$8千）放到股市，當中再拆開一半於港股月供，一半放在美股市場。

因此，港股每月供$4千，而小弟對以下5隻有期望，請問能提供意見嗎？例如邊隻前景/潛力最差等。
謝謝！

0027 銀娛
1810 小米
9988 阿里巴巴
9999 網易
9618 京東

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識。因此，唔建議你全部都集中在潛力股，你最好建立一個平衡的組合。

上述的5股，都是有質素，同時有潛力的，你都可以考慮投資，長線持有。但就唔好只集中在潛力股。

以潛力度及穩健度來說，你可以考慮阿里（9988），之後就是銀娛（0027）、小米（1810）。

------------------------------------------------

Q17105：

龔sir 關於1177送紅股既問題 個諗法/方向係咪甘: 由於而家1177係2股送1股 所以預計股份數目多左3份1 對現有股東黎講 其實無咩影響

因為只不過係個餅大左 你收番多左個份 但如果係股價既話 大概應該會跌3份1 假設14蚊就姐係跌4.67左右 到時股價會調整到 9.33左右

另一方面 由於上述情況 10蚊樓下抵買既諗法都應該要做番啲調整 甘應該大概6.6左右或樓下先至叫比既抵買?

同埋都想問下龔sir 呢招其實係咪同煤氣既做法類似 假設1177真係愈黎愈賺錢 就可以因為呢個動作隱藏自己既升幅
謝謝

龔成老師：

對，你的理解正確，由於送股唔會增加企業價值，只是數字遊戲，所以2送1，股價就會調整，跌3份1。

同時，企業「每股」的合理值，都會改變，由原本的$10以下合理，去到大約$6.6以下先合理。

佢的目的，是唔想股價數字大高，不過這都是數字遊戲，無意思的。

------------------------------------------------

Q17106：

老師，我已購買了《5年買樓》，有幾個問題向你提問，也煩請你幫助解決，謝謝你！

1.
我留意到有人問你的問題，通常都以5年為一個單位，例如5年內可以累積一百萬資產，就以這本書也是5年內買樓，其實這個「5年」，除了是一個計劃外，是不是也有包含其他的特別意義呢？

2.
我想你幫忙分析我現今的投資組合，其實以前你都已經幫我分析過了，是這樣子的

月供股票：
煤氣，恒地，銀娛，港鐵，領展，以上都是每隻月供2千。由於我理解到3和12是同一系所以我有3個方案如下：

A : 3和12要不要其中一隻減少月供或兩隻都各減1千（因為月供的銀行要1千起跳，所以不能減5佰），我想將減出來的2千來月供盈富。

B : 將減出來的2千分散到其他的月供中加大金額是否可行呢？因為3和12是同一系，另外66和823亦因爲同地產業務有關，我明白短期不利，但我相信長遠還是看好的情況下，可否加進去每隻月供3千呢？

3.
另外我持有3手小米（平均價11.54）和6手阿里巴巴（平均價188.6），我長遠是看好的，雖然短期會有震盪，所以想你幫忙分析是否持股過多，需要減持或找機會增持嗎？

另外分享一件事情給你聽，就是我去購買你書本的時候，書要訂購，然後聽到店員說：「現在龔成連教人買樓都做埋，真係唔夠佢玩喎，佢玩晒啦！」，我聽到都替你高興，可以幫助別人真是一種能力，這種能力也不一定每個人都可以擁有，我也會以你作為榜樣，將自己學到的知識教導他人，謝謝你啊！

龔成老師：

1）通常5年是一個定目標時，較為中長期的時間，比較實在在可控制。

如果目標大長，例如20年，一般人會感到好遠，較虛無，因此一般人未必有動力。如果大短，如1年，可以做到的事情又不算多，因此，我相信5年是一個合適的年期，我自己及一般人，以這時間作為追求，較實在及有意義。

2）你可以減少煤氣（0003）的金額，恆基（0012）則不用改響，同時將資金投資其他股。煤氣都可以在你組合中成為其中一部分，但就未必適合過多。

3）這兩股都是有質素的股票，你可以長線持有，一般來說，每隻單一股票，佔股票組合的比例，唔好多過15%，如果是這類潛力股，就會再減少，例如10%以下。

哈哈，講樓的書是一個新掌試，職員講得好好笑XD，大家加油啦！

------------------------------------------------

Q17107：

龔sir你好，請問你點睇821？手上有200000股，均價0.73
見佢而家股價跌到得返0.248

唔知狠心放左佢定繼續持有好...

謝謝意見

龔成老師︰

滙盈控股（0821）主要從事提供經紀及融資服務；企業融資及其他顧問服務；保險經紀服務；資產管理服務及自營買賣。

此股市值和生意額都唔高，再加上過去幾年，年年虧損。

如果有上我堂的同學，一定會知道此股無投資價值。你最好全數沽出，轉至其他優質股上。

------------------------------------------------

Q17108：

老師，想問下3140，2834呢類美股etf，應該點睇佢點先係合理價？

龔成老師：

首先，你要找翻該ETF所追蹤的指數，例領航標普五百（3140），就是追蹤標普500指數之表現。因此，你要分析的，就是標普500的平貴概念。

當我地進行大市估值時，準確度會比個股為低，只能有方向性的結論，難以得出絕對的估值，因為每間企業都是不同類別，估值方法不同，因此為整個大市估值時，好多時都能「參考」。

利用整體的市盈率及市賬率，是其中一個方法，先了解過去多年的數據，然後推算出較合理的範圍，同時得到較平的水平。我以恆指去解釋，過往一般在10倍市盈率以下，就算是平，這就是一個初步指標。至於標普500，你可以自行找相關數據，從而得出結論。

------------------------------------------------

Q17109：

老師，我現時27歲 基本上冇乜積蓄 只係有2，3萬係手 我知數目都係好少....因為黎緊可能有額外支出 希望屋企支出需要 如果唔增值我好快又會用左個筆錢 積蓄又變零...明白賺錢唔可以心急，但有方法可以幫到我短時間增值嗎

另外我有2000 月供盈富 1000恆基 明白月供股票要5年以上 請問我點樣expect/計算個回報率？我希望可以好好規劃呢兩年要點做....

感激不盡！
想補充少少

除左個2，3萬 我每月只有$3000可月供
另外我有買一份基金儲蓄保險 如果望佢平手 3年半後供完會有$120k

龔成老師：

以正常的理財，你應該持有$2萬現金，作備用。不過，如果你好擔心會用左，同時你明白無現金有風險後，你都可以進行投資。

不過，唔好短線投資，因為風險一定大過回報。

只建議你投資一些較有值博率的股票，例如金沙（1928）、太古地產（1972）。

至於月供，可以保持進行，你預長期有8%-10%的連股息回報率。

我反而會建議你增加收入，你要有收入先可以儲到更多本金，有本金先可以投資，將財富滾大。所以，要想方法增加收入，兼職、小生意，都是可取的。

------------------------------------------------

Q17110：

老師你好，我最緊買左你本有關買樓既書，有幾個問題想請教下你：

我同先生每月總收入約$50000，我地都有月供股票約8個月如下

我$2000（盈富基金）
另外有400股金沙（@29.85）
1000股福壽園（@6.69）
蘋果股票約總值$120000（仍然滾存）

另加現金$100000

先生月供$1000領展
$1000港鐵

我地嚟緊想入市買樓，會用股票既錢嚟買，目標係細價樓約$380-450，主要目的係自住，之後可以既話先換大小小，因為睇完你既書

當中提及到資產可以由股票轉做物業，但係假設我地按揭30年，大部分人工都已經去左供樓，請問我地應該點樣做先可以再製造現金流，等老左可以安享晚年呢？

龔成老師：

首先，如果你會在1年內買樓，而你現金並不足夠首期，就要開始慢慢賣股票套現，因為無人知你買樓的一刻，股市情況如何，所以你這刻已經要準備，分注賣出就得。

至於買樓之後，由於是自住，因此無正現金流，所以在理論上，唔建議買太大的樓，以減少你地現金流的流出。

買樓後，你要加大儲蓄，要有本金，之後投資，先可以滾大財富。如果住後利息長期處低水平，只要你收入慢慢增加，你儲到的本金就會增加，成為累積財富的本錢。

所以，你買樓後要從最基本的儲蓄投資開始，如果想增加回報，可以買多少少潛力股，但就要增加知識先。

------------------------------------------------

Q17111：

龔sir,想問下點樣計算一隻股票既合理入手價位呢？是否把10年的數據找一個平均價？

如果係高過平均就是貴呢？

以2800為例24點就是合理呢？

龔成老師：

不是，平均價位只反映買賣成交價的平均數，而這個成交價，有時會反映企業價值，有時就不會。單單計股價的平均數，並不是反映企業的合理價的。

真正的方法，就是計算企業價值，有價值就知平貴，幾時合理。

但計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q17112：

你好龔老師，好多謝你指點，一路跟住你Facebook嘅post同記住你講嘅野

我睇完百萬富翁，我由上年二月係零儲蓄，到我喺一個月內儲左一萬蚊澳幣。

到而家年半，已經儲左五萬蚊澳幣。你嘅正面啟蒙真係改變左我人生。證明咗好多嘢都係有希望只要自己相信自己做到。

依家有三萬蚊澳幣可以投資，我應該點樣分配？之前有聽你講買咗盈富一路keep住，同埋買咗少量澳洲銀行股票(當月供股票)

*我喺澳州生活

多謝你老師

龔成老師：

可以令你在財務上有真實的提升，實在太好了，我地要運用「先投資，後享受」的方法進行，你這刻應該保持儲蓄，努力將本金增加。

同時，你都可以將一半現金，作投資，如果澳洲銀行股票是有質素的，你就可以長線持有，最簡單就是分析佢生意與盈利，是否穩定，並且有增長等。

另外，你可以買一些當地較有質素，屬行業龍頭的股票，當然你要了解該企業。同時，你可以投資一些基數基金都可以。可以用月供或自行分注投資。

------------------------------------------------

Q17113：

Hello 成Sir又係我啦，再有事想請教你。

三個月前開始睇你既專頁，之後睇你既書到最近開始上你堂。再次多謝你啟發我對投資理財既觀念同興趣。

今次主要有三件事想請教一下

1. 如何優化現有的股票組合

我現有煤氣、港鐵、領展、太古地產、友邦、金沙同盈富基金。當中月供和一手手買都有。

我都知道自己30歲，以上組合太過穩健，唔夠進取。睇完你本書後，對中生製藥，中國鐵塔，比亞迪有所留意。請問我應該加入那一企業較佳？

2. 月供股票問題

4個月前開始月供上述股票，發現一個問題。就係往往捕捉不到股市下跌的入貨良機。請問是否當我的投資理財知識增加後，例如你課堂之後會搞的如何計算企業合理價格。我就可以減少月供股票？

3. 資產現金比例

小弟現時有一層市值$1,100萬的物業還在供款，另外上述股票價值約有$40萬，以及有$150萬現金。現時月入$20多萬，每月開支大概$10萬。

知道持有太多現金是一件不太理想的事，那想請教龔Sir我應如何分配現有的現金，例如投資那些資產或股票較佳？

龔成老師：

1）你上述都是有質素的股票，但的確是比較平穩，水桶2的比例太多，你應該增加翻水桶1的比例。如果你投資知識不算多，就增加少少先，慢慢加上去。

以現價來說，你可以考慮中國鐵塔（0788）、比亞迪（1211）、小米（1810）。

2）對。月供股票有利有弊的。

好處是將買入價平均，這對於投資實力較一般的人來說，是好方法，因為可以減少買入價風險，但缺點就是無法捉到較平的位。

因此，你可以上完課程後，因應翻自己的投資實力，去決定是否繼續用月供，或比例多少。

3）你可以將一半以上現金，分注投資優質股，而具體的入市策略，選股等，相信你上完課程後，會有更具體的掌握。

------------------------------------------------

Q17114：

老師，想問6862現貨一手買入價$35.. ，現價想加多一手可以嗎？還是再等呀。謝謝你

龔成老師：

海底撈（6862）有質素，有增長力，但就貴貴地。

這股的確好難大跌，之前疫情理論上會對這類股有影響，但都跌得唔多，但現價又唔平，的確有點兩難。

你已有一手在手，較穩健的策略，等佢去翻$30左右水平先加注會比較好，但真的唔知見唔見到。

------------------------------------------------

Q17115：

你好，小弟今年24歲，月入24xxx,有月供股票，0006每月6000，之前3月我將投資咗嘅80000提取做現金，而家持有1000股，但近排個市太波動

令到我帳面係蝕緊錢，大約蝕4500左右，你覺得0006係咪可以當係一隻好嘅收息股長期投資？ 0027，1211，1177同2800係咪比較推薦作為月供？

另外小弟對於美股嘅創新科技股好有興趣，你點睇Tesla, google, Amazon ,intuitive surgical 及 beyond meat? 我應該用月供方法定如何？

最後想問下大市前景，你覺得遲啲會唔會大跌市？因為總係覺得肺炎嘅影響仲未浮現上嚟，如果係應如何應對？不勝感激

龔成老師：

電能（0006）是有質素的股票，收息不差，但增長力不強。你唔好太著重中短期股價。

你24歲，應該著重增長方面，因此，電能這類股，不應佔你組合比例太多。

你可以以盈富（2800）作核心，然後加上銀娛（0027）、比亞迪（1211）、中生製（1177）。另外，你上述所講的科技股，都是可以考慮的，但就要小心控制注碼，小注月供都可以。

疫情對經濟的影響，的確未完全浮現上嚟，所以經濟仍有不確定性，不過，這不代表田大市一定向下，只可以話增加了不確定性。

而我地進行投資，就是建立一個組合，長期配置，所以，你仍可以投資優質股，只要同時留有一定的現金就得。

------------------------------------------------

Q17116：

謝謝，希望請教一下你個人投資時會基於什麼因素才決定入市？因為知道你真正入市其實很少

老師，請問你會用ev/profit 這個比例嗎？如果分析兩間業務上市的公司，但其中一間負責10分高，用ev/ profit 會否比較準確？

龔成老師：

首先，我會大量分析企業，因為我現時是一名全職投資者，其中一個工作，就是不斷分析企業。

當尋找到優質企業時，下一步就會進行估值，利用平貴，去決定是否入市。如果一間優質企業，現價唔平，就會耐心等待。

你可以理解，就是我手上有一張名單，當某股出現下跌至較平價位時，就會考慮投資。

有時，當企業面對中短期問題，股價大跌，而長遠業務根本無變，這都是入市時機。

另外，當大市恐慌時，都是一個入市時機。

有些資產較多及負債較多的企業時，都會用「ev/ebitda」去進行估值，其實估值都絕對的方法，好多時會配合使用。

------------------------------------------------

Q17117：

老師你好，最近在考慮除了資產類別需要分散風險，幣值亦該分散投資。

請問在香港能做月供美股的嗎？

如果有，老師推薦哪幾隻？另外，如果有大約13萬美金，可以作什麼投資？謝謝

龔成老師：

你可以投資美股，以作為分散風險。但最重要的，是你了解該股票。

如果無個別心水的美股，投資追蹤美股的ETF，都是一個好簡單的方法。

例如在港交所上市的一些ETF，你只要有港股戶口，就可以買到，如領航標普五百（3140），就是追蹤標普500指數之表現，你投資這ETF，等如投資了美股。

每手其實$2000左右，你每月投資一手，已經是一個方法。

當然，你又可直接開美股戶口，同樣是可以的。

------------------------------------------------

Q17118：

我係初學投資，我想搵d穩陣既股票去玩
有咩好介紹？

龔成老師：

第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

另外，你可以考慮盈富（2800）。盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

你亦可以考慮一些較穩健的股，銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

------------------------------------------------

Q17119：

龔老師，你好，本人追蹤你已有三年多，亦買過你兩本書，十分認同你的投資理念同方法。我近來有以下疑惑，想你幫忙替我的組合把把脈。不勝感激。

本人現時組合：
1）長和 12.8%
2）中銀香港 12.4%
3）電能 11.5%
4）恒生 11%
5）領展 9.3%
6）置富 7.6%
7）中電 6.6%
8）中移動 5.5%
9）滙豐 4.8%
10）中國建築 4.2%
11）北腔水務 4.1%
12）長實 3.7%
13）小米 3.7%
14）長江基建 2.1%

疑惑1）
本人於2015年以$111持有長和至今，並於2020分別再$66.85及$50.05入市。想問長和都係一隻具有一定質素及防守力的企業，年年賺錢，派息每年增加/最少持平，强大現金儲備，咁點解股價呢五年不斷插水？

完全享受不到早前大市强勁的升浪。即使歐洲業務也看不出有咁大打擊吧？我投資長和的心態上都係長線投資，但五年來不斷打擊我的信心…

疑惑2）
而家大部分人，包括股評人，都捨棄港企，大都追捧國企，而我對港企仲係有信心，如恒生/領展，老師你點睇？

疑惑3）
老師點睇北控水務？近5年業績不差，盈利不斷上升，派息百分比不斷以雙位數增加？為何股價會勒住勒住？

龔成老師：

首先，你持有的股票敟目較多，有點散，其實可以集中翻少少，提升組合的優質度。

1）其實有幾個原因，第一，當年過$100以上，是貴的水平，任何投資，當在貴的水平入，國報都不會高。第二，近期市況一般，但這只是中短期問題，長遠會上翻，但就未必上到過百。

另外，這股因為歐洲業務，影響了佢的增長力，因為歐洲經濟較弱，企業的錢能力一般，都令佢比大市為，弱。

所以，如果這股在你組合中，已經佔了一定的比例，就唔好再加注，將資金投資其他股仲好。

2）一些中國股票，或新經濟股，當然有投資價值，但這不代表香港的企業已無價值。

當我地進行投資時，這是一個配置的問題，你要有不同類別的企業，平衡發展，如果太集中在新經濟股，其實會有風險，但如果只投資香港企業，增長力又會不足，因此，要取平衡。

領展（0823）仍是有質素，有平穩增長力。

恆生（0011）有質素，但增長力不強，是收息股。

3）北控水務（0371）負債有所增加，同時增長力比市場預期少，都影響了股價。整體是有質素的，但由於負債較多，這股唔建議投資太多。

------------------------------------------------

Q17120：

老師你好多，有個問題想請教一下，本人50years 有個單位想放盤，太約700萬

賣出之後會買入個細單(400~450萬)，餘的錢會有70萬去搞小生意(若2年內沒有起息，便找回工）。

跟著180萬~200萬應該買股票或等樓價回落時再買另一個細單位收租。

如果買股票，可買2800同銀行股嗎？

龔成老師：

首先，利用$70萬去搞生意，都是一個財富配置的方法，但最好你過往有搞生意的經驗，慢慢由細開始，見到成功後先投入資金，這就會較為穩健。

因為我見到不少個案，就是佢地過往打工多年，做到高層，然後近年因種種原因離開了公司，因為找不到較好的出路，於是嘗試搞生意，但佢的目的是「為搞而搞」，因為不想打工由低做起，所以搞生意要自己做老板，然後在中環租辦公室，只求表面，不求實際，最後失敗收場。

因此，搞生意都要有總心態，就是比打工更辛苦。當然，這只是題外話，純分享。

至於你的資金分配，當買了細單位後，不用太急買另一個單位，這是避免你在同一經濟週期下，太過集中投資。

所以，你可先買股票，若然出現樓市暴跌，才考慮。

你可以考慮盈富（2800），銀行股則少少好了，不用過多，另外，你50歲，可以考慮一些平穩增長股，例如銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

另外，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

再來聊聊投資吧～

不一樣的是今天還有咖啡喝

而且時間軸我都幫大家切好囉

可以點開資訊欄
直接連結到你想了解的問題

想跟我們一起學正確的長期投資策略歡迎來聽聽看分享會
用以下連結報名可以不用100元場地教材費喔
http://bit.ly/BOS-Peggie

----有以下這些內容喔-----

05:00 直播目的幫大家突破投資的心魔
05:49 為什麼股票漲了才在講？其實我更怕講完還漲不停
06:12 不怕買在股價高點
07:20 買股票要看股價 更給公司時間 跟投資朋友生意一樣
08:28 人都想追求刺激 但不要拿你的血汗錢來玩
11:49 在股市裡面上上下下真的會賺錢嗎？
13:00 有多少人在股市裡面贏錢？
15:27 ARK invest 主動型ETF可以投資嗎？
18:33 SPY與VOO有什麼差別？
21:28 要先學投資方法 或是先準備好本金再學投資
28:09 金融市場如果沒有方法 永遠學不到經驗
29:13 上帝不會懲罰無知的人 但是股市會
29:45 我現在就給你20萬美金 能不能做一個每年穩定20%報酬率的投資組合？
31:56 中樂透 或是收入很多的人 真的就從此過著幸福快樂的日子嗎？
33:48 長期投資SPY但是都買在高點 會賺錢或輸錢？
35:26 新冠病毒的血漿療法是什麼？
38:59 股息（發現金）跟股利（發股票）的分別是什麼？
40:44 MMP有人探討嗎？(MLPs與REITs類型公司)
43:56 國泰世華網路電匯600漲到800
44:18 請問對E-toro的看法？適合開戶嗎？
49:10 要先有『有錢人的腦袋』否則再多錢都會浪費掉
52:37 美股財報都是英文，英文不好也沒會計知識要如何克服？
54:10 但是不懂一個國家語言，又投資那個國家企業，不是很矛盾嗎？
54:45 TD馬來西亞用戶有手續費嗎？
55:03 你們用什麼平台買美股？交易有手需費嗎？有出金費嗎？
56:08 補充投資哪個國家的語言不是重點而是對公司夠不夠了解
57:20 先學投資知識的重要性(來自咖啡贊助商的心聲)
57:36 害怕過去績效不代表未來績效
58:16 巴菲特買黃金公司的看法
01:00:24 已持有蘋果股票在月底分拆時會變成現金還是股票呢？
01:00:59 投資美股有缺點嗎？
01:02:25 匯損？券商如果倒了...錢呢？
01:03:05 TD被嘉信併購會影響TD客戶權益嗎？
01:06:03 BOS的學習資源
01:08:22 預告下次直播內容(美股併購日常)

美股etf只需要一招獲利就多一倍
要會使用美股etf來理財賺錢

百萬品牌課程-免費試聽一小時分享會: https://1mbiz.com/webinar-registration-yt
提早10~30年退休：https://bit.ly/3oZlX3u


此節目才還有Podcast版本唷
Apple Podcast: https://podcasts.apple.com/th/podcast...
Spotify: https://open.spotify.com/show/1TJuS7O...
--
在這裡追蹤我：
👨🏻‍💻👩🏻‍💻FB: http://bit.ly/1otSo9C
👨🏻‍💻👩🏻‍💻IG: https://instagram.com/theyalechen

使用的設備：
相機：https://amzn.to/34R5G4W （聯盟連結）
鏡頭：https://amzn.to/2ZfdDQf （聯盟連結）
燈光：Aputure 300D 和 Lightdome 2
剪片軟體：Final Cut Pro
剪片設備：IMac 5k


-高人氣精選影片-
8個被動收入分享 Feat Ms. Selena | Yale Chen
https://www.youtube.com/watch?v=PE6rwJklScs
22K理財：如何在2年內成功存到100萬 How To Save 30,000 Dollars In 2 Years
https://www.youtube.com/watch?v=x5jj5PxNFJA
我的被動收入大公開。我怎麼在25歲就有4個被動收入？| Yale Chen
https://www.youtube.com/watch?v=RFUZZEWxIBE
6個成功人士一定有的習慣
https://www.youtube.com/watch?v=PHkS-cGWIEM
這對夫妻30歲就退休，9年打拼達到財富自由。他們是怎麼做到的呢？| Yale Chen Feat. Kristy and Bryce
https://www.youtube.com/watch?v=QloEGOfp4fs&t=6s

#股市#投資理財#指數基金#投资#財經
投資獲利

[合作請聯繫：neonbombteam2015@gmail.com]

免責聲明： 所有交易均有風險，請謹慎投資。過往表現不能作為未來業績指標。視頻中談及的內容僅作為教學目的，而非是一種投資建議
有些連結為聯盟連結。