#找數真漢子
#處男入廚記
男人,講得出就要做得到,講過話有朝一日會煮嘢畀阿太日常食,見今日得閒啲,即刻入廚房。
係就係拖得耐咗啲(七年咋嘛),不過拖事少,唔欠就得啦,right?🤣
呢啲咁歷史性嘅事件,真係要出個po記低我嘅心路歷程。老老實實,搞呢壇嘢呢,我係真心有plan過嘅,仲專登趁阿太落街買嘢嗰陣請教過我家姐姐 #伍家姐;當佢了解咗我嘅背景同入廚經驗之後,佢畀咗個好有建設性嘅建議我:
「Forget about it 啦 sir hahahaha。」
我發覺,佢係完全唔驚冇得撈嘅。
返番嚟我嗰part。其實我一早都知自己冇可能煮啲太複雜嘅嘢,一來能力所限啦,如果煮出嚟根本唔食得,又或者食得而我拆咗個廚房嘅話,咁就找數變找死,咁樣死,唔值得;第二,其實我想趁阿太出咗街嗰陣拿拿臨煮,等佢一返嚟就見到個製成品放咗喺枱面,然後我就問佢:意唔意外呀?開唔開心呀?咁。疫情之下阿太wfh,單獨出街嘅話通常都係去樓下supermarket買棵菜;所以,我可以煮嘅時間其實唔多。
煮個麵?
嗱,唔好笑住先。喺考慮過我嘅能力同有嘅時間之後,其實煮麵係唔錯嘅選擇,況且阿太又真係鍾意食麵喎。
咁麵都有好多種選擇嘅,就算我份人再求其呀,都唔會就咁煮個即食麵當找咗數咁hea🤣;又諗下阿太嘅喜好,佢鍾意食麵,特別喺魚麵,佢鍾意飲魚湯;終於,畀我諗到煮個魚湯魚麵。
喺超級市場左揀右揀,揀咗一包「濃白湯魚麵」。佢個介紹話呢,啲魚麵係用鯛魚製成嘅,而啲湯就係丁魚熬成嘅,咁多魚,啱喇啩怕且。
煮嘅過程比plan呢件事輕鬆。最難嗰part係就時間;等阿太出咗門口冇耐,我就衝入廚房開爐。煲水、落湯磚;湯磚煮開咗,已經聞到一屋魚香。
一邊煮,一邊仲要掛住叫伍家姐幫我影相(等阿太懷疑唔係我煮嘅時候我都有證據😂);佢嘅攝影技術好明顯冇湊bb咁好,影咗十幾次😅
見個湯差唔多ok,我就落麵;啲麵睇落好有彈性,應該幾煙韌幾有咬口嘅。
我估計得冇錯。到我煮好碗麵,幫佢擺靚靚再影埋相之後,阿太就返到。
我:「Suprise!」
太:「Sub咩派呀。」
我指一指飯枱:「碗麵呀!我煮㗎!」
Skip 之後一啲冗長嘅對話。佢坐低,靜靜哋咁食麵;期間佢冇乜講嘢,不過,我相信佢係開心嘅。
到佢連湯都飲晒之後,我問咗一句:「好唔好食?」
太:「好食,我冇諗過你真係會煮,好食。」
佢停一停之後再講咗句:
「不過下次啲麵可以煮耐少少。」
好似有啲剎風景😅,不過喺嗰一下,我相信大家都開心;村上春樹講嘅小確幸,大概就係咁。
Btw,我煮嗰款係LGH嘅濃白湯魚麵,真係值得一試嘅,喺百佳超級市場指定分店、HKTVMALL、YATA超級市場、AEON、UNY 同APITA就有得賣喇。
#LGH #LetsGoHome
#濃白湯魚麵 #甜蜜初登場
#一生一世一麵之緣
#各大超市及hktvmall有售
同時也有2部Youtube影片,追蹤數超過62的網紅德德包Taktakbao,也在其Youtube影片中提到,?峰峰處男入廚首作 - 我有我峰味! 每星期為大家介紹一款連3歲細佬都識整既簡單食譜☝? 蝦碌鏡頭唔在講,峰峰既熱誠確實迷倒唔少女性? 記住每星期黎棒場呀!??? Special thanks to @vitantonio...
處男入廚記 在 德德包Taktakbao Youtube 的精選貼文
?峰峰處男入廚首作 - 我有我峰味!
每星期為大家介紹一款連3歲細佬都識整既簡單食譜☝?
蝦碌鏡頭唔在講,峰峰既熱誠確實迷倒唔少女性?
記住每星期黎棒場呀!???
Special thanks to @vitantonio
![post-title](https://i.ytimg.com/vi/lLLAbk47Oz0/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLBFaJSaLDQnsXW2e1UlYZpiuEQbHw)
處男入廚記 在 德德包Taktakbao Youtube 的最讚貼文
?峰峰處男入廚首作 - 我有我峰味!
每星期為大家介紹一款連3歲細佬都識整既簡單食譜☝?
蝦碌鏡頭唔在講,峰峰既熱誠確實迷倒唔少女性?
記住每星期黎棒場呀!???
Special thanks to @bruno @prego
![post-title](https://i.ytimg.com/vi/aqIRVtSiIu0/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLD9S6v9SlT6v53GIfFDSvUoBmhzuA)