【全香港戲院聽日起停業至12月15日】
可能「奠奠」趕住返歸同老公傾計，（企圖）反思自己到底做錯咗啲咩，所以尋日講到一舊二舊，大家都只可以由戲院預售情況，自己估估吓到底戲院係咪收，果然，係收嘅，仲要半夜三更戇鳩鳩地刊憲，真係同其他娛樂場所一樣，聽日起需要關門營業，直至12月15日。
雖然，我同你都覺得戲院係全城最安全嘅地方，至今原來要除口罩嘅美容院係更安全，暫時就唔需要停止營業。
喺聖誕節之前，12月頭難得算係戲院熱鬧返嘅時間，原定上映嘅戲都幾多吓，好似已有優先場嘅《一秒拳王》、《消失的情人節》、《Palm Springs：戀愛假期無限Loop》、《今日我話事劇場版》、《好好拍電影》等等，另外仲有《逃獄兄弟》、《60分鐘招魂直播》、《大衛寶兒：無盡星塵》、《拳道》、《反轉三國志》、《蠟筆小新劇場版：激戰！塗鴉王國與差不多四勇者》，亦有剛剛先開始宣傳嘅《除暴》，同埋萬基一年難得發行嘅兩套戲，都同樣撞正疫情要收皮嘅《夢魘》。
一如暑假果次咁，如果戲院如期重開到，一嘢就正面對撼《神奇女俠1984》，同當日《屍殺半島》同《新異變人》決戰《TENET天能》一樣，呢堆細片又有幾多可以如期上畫？華納嘅《神奇女俠1984》又會唔會好似上次咁，「意外地」讓賽俾呢堆細片？當大家滿心期待聖誕檔期可以好似正常時期咁熱鬧時，最終會唔會變成得返《神奇女俠1984》、《靈魂奇遇記》、《拆彈專家2》獨大？
所以，唔好等喇，要睇就今日趕去睇，咩戲都好，一嚟就聖誕檔，就算你想睇嘅戲重開後仍然健在，場次都唔係話你想睇就睇，之前大家都試過，明架啦？
各位電影業界朋友，辛苦了。
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
蠟筆小新電影場次 在 蠟筆小新電影情報 - Facebook 的推薦與評價
蠟筆小新 最新電影場次表公佈啦！ ... <看更多>