肥控制員的化驗室 解釋咗點解我咁靚仔都唔係李+x，因為我打過疫苗針同埋睇過醫生😱😂
#已移除Link 可以 share 這篇
素人父母反疫苗反上腦，依家仲夠膽草擬一封信，要求醫生承擔接種疫苗既後果。其實外面已經有好多科學同醫學既 page 鞭撻反疫苗既荒謬，個個都好詳盡咁解釋科學研究同理論，我覺得我呢個半桶水真係無咩位再去講。不過聽到法網肥人既召喚，咁等我用比較市井既方式講兩句啦，因為呢班人唔係缺乏高深科學教育，而係五行欠X：
1. 先講講封信，呢封信咁把炮，但只係列出 autistic spectrum diseases (其實係 disorder，我估呢班人點樣分 illness, diseases, condition, disorder 同 syndrome都唔識)，Attention deficit and hyperactive disease (again，係 disorder 而唔係 disease)，Eczema 同Asthma。點解唔詳細列出整個自閉症譜系障礙既症狀出來呢？唔識，定係有遺漏？抑或係仲未想到有邊種手尾長既 disorder 寫落去？作為父親，我可以推介你地下次加埋呢堆要父母勞心勞力照顧既古怪疾病落去，賴埋係疫苗引起既問題：Dyslexia, Glucose-6-phosphate dehydrogenase deficiency, Phenylketonuria, α/β/δ thalassemia, all childhood idiopathic diseases, all childhood blood cancers… 咁你咪可以完全免除做父母既勞心勞力同麻煩囉，係咪？
2. 好多素人父母根本就唔識科學。我所指既唔識，唔係簡單非理科出身，而係連基本思考同邏輯都無。喂，讀文科都要 scientific mind 要邏輯架，有無聽過讀歷史會講求「言必有據、無徵不信、孤證不立」呀？有無聽過史學研究有「內部考證」同「外部考證」以及「歸納推理」同「演繹推理」呀？好明顯係無，識就唔會咁容易被人昆啦！我相信好多香港人既 degree 係背書背返來既。就咁，點解 Andrew Wakefield 個假 research 就信，其他 research 就唔信？反過來講，佢地有無想過點解 Andrew Wakefield 個 research 係做假，其他 research 就唔係呀？唔好同我講 big pharma同conspiracy theory 呀。
講返封信上既兩類症狀，第一就係自閉症呢類發展障礙，第二就係濕疹／哮喘呢類免疫系統問題。我都講過百九幾萬次病有好多成因，自閉症呢類發展障礙係搵唔到原因，你話係咪基因問題？可能係。咁基因出現問題，但人類進化一直都無 eliminate 呢種壞基因，一係呢種基因有過人之處，自然界唔會淘汰佢，一係就係 de novo mutation（新生突變）。咁免疫系統問題呢？睇返我上次講 children leukemia 果篇啦。
如果乜都關疫苗關西醫事，咁我知點解我唔係李嘉誠啦，因為我細個有打疫苗，仲有我上個月都仲有睇西醫。
3. 孩子係上天賜俾我地既禮物。上天賜禮物俾你，唔一定代表係有即時利益同唔使錢有你著數先叫做禮物。上天賜呢份大禮俾你，係要你做左二三十年人之後，好好從孩子身上學習點樣睇清楚自己、點樣面對自己既不足、點樣去接受天命、點樣去改變自己生活習慣，學習以付出代替收穫、點樣去愛與被愛… 所以，孩子有乜問題，你都要接受。人生豈能盡如人意？輸唔起，付出唔起，怕承擔責任，咁學乜人做王子公主？不如同居加結紮啦！呢D父母，根本就係怕萬一自己既細路有問題，將來係精神與金錢既付出會有幾龐大，反而無想過點去面對同拆呢個問題，否則點會寫 responsible for the medical fee and daily care fee? 咁你既愛同無償付出計唔到數咩？計唔到就搵律師計，佢地識計架。要唔要法網肥人解釋咩叫 Loss of Society 同 Loss of Service 呀？
4. 好啦，上面提到基因問題，假設自閉症呢類發展障礙係因為基因出現問題先有，咁點解人類進化史唔會淘汰呢類壞基因？你可以睇一睇之前我講 sickle cell anaemia 果篇文就明。另外，有無睇 Dustin Hoffman套 Rainman 或者 Ben Affleck 套 The Accountant? 戲裡面既自閉症主角，就係有過人既能力同智慧。自閉症唔係精神病，佢地有 special educational needs，而香港呢個社會同埋香港人正正就係唔想付出額外金錢同時間去 tailor made 任何野俾呢班小朋友！講到自閉症，其實好多人都有自閉症，最出名既就係美國動物行為學家 Temple Grandin，唔識？咁唔好生住啦你。仲有寫愛麗絲夢遊仙境既 Lewis Carrol，愛恩斯坦，大導演寇比力克，諾貝爾生理醫學獎得主Barbara McClintock… 如果你腦中只有恐懼、無知、擔心要付出，咁你就算生個正常小朋友兼唔打疫苗佢都死唔去，你一樣唔會俾到佢愉快成長既環境。
5. 最後我想講，好多素人父母係科學常識同邏輯思考上有嚴重缺陷。先講素人父母好 buy 所謂既「自然療法」(Homeopathy)：Homeopathy 根本不應翻譯做自然療法，點解？Homeopathy 係由兩個古希臘文既字頭 (prefix) 與字尾 (suffix) 組成，Homeo- (希臘文 Homío)解作 the same，而 –pathy (希臘文 páthos)解作 therapy，所以 Homeopathy 應該翻譯為 the same therapy同源療法（或者順勢療法）。後來點解係華文社會同源療法變成自然療法呢？我唔知道。只知道文字係極具威力，一放左「自然」兩個字，呢瓣偽科學就同中醫、草藥、天然無添加、唔化學、古人智慧結晶等等劃上等號。等你班友一指責自然療法，就等同質疑埋中醫、草藥、天然無添加、唔化學、古人智慧結晶。君不見每次有人質疑自然療法，其他非自然療法但又非西醫系統既人都會跳出來咩？另外，自然療法最喜歡講水稀釋同水記憶。水記憶呢D違反自然科學法則既偽科學，外面大把解釋，我無謂重覆，而且咩 hydrogen bond 呀咩 Van der Waals force 好難簡單解釋，不過水稀釋就可以。
自然療法最喜歡將佢地所謂既藥稀釋好多倍，然後話佢會有療效，因為水記憶會記住個療法。好，你依家去茶餐廳叫杯柯華田，個水吧將杯華田溝淡一千倍，然後話水會記住華田既味道，呢杯溝淡左一千倍既華田依然係華田。你唔問候水吧個老母我切。
另一樣野素人父母話依家已經無呢D百日咳呀、麻疹呀、天花呀、小兒麻痺呀。所以打唔打都無問題。我記得醫學治眼同文科生習醫都有講過 Herd Immunity，唔明可以上 Wikipedia 睇。我想講，點解依家無呢堆病呢？當然因為 herd immunity 啦，即係一班人有 95%以上既人有鍛鍊身體有武器，咁你無鍛鍊身體同無武器，佢地都可以保護你。但當有鍛鍊身體有武器既人漸漸流失，你無鍛鍊身體同無武器就好容易受外敵攻擊而死。咁L簡單既道理，根本連唔讀書都應該明白。如果大家都學你地咁，人人唔鍛鍊身體又無買武器，咁就算有武器既人都會受攻擊。
最後，如果你做人乜都怕，乜都驚，乜都要 everything in control，打針驚自閉，出街驚花盤跌落你個頭，咁你唔黐線你下一代都黐線。
#唔寫唔寫又寫左咁長 #是咁的法網肥人召喚 #講下唔接種疫苗而令人病死有乜法律責任呀 #蠢人教唔精
蠢人教唔精 在 #好多人做嘢#唔識唔緊要#蠢都仲可以人（雖然都好麻煩㗎啦） 但最 ... 的推薦與評價
#工作態度同方法 咁佢先會 #受到應得嘅教訓 ... #古語云： 「#費事教精佢呀！」 ... #只有一隻貓 #胡思貓想 #iamfine #iamgood #instagram #instamood #instavideo #instadaily ... ... <看更多>