【作為沒做過Esprit店員】
Esprit之前,街童其實是行金都商場、荷里活和信和中心。電影《金都》呈現的是一個專售婚紗裙褂的店舖。當年的金都不是這回事,從太子站出發,先逛聯合看動漫產品,再到金都,那是跟旺角荷里活中心近似,以日系作主打,又相比鄰近女人街檔次稍高的潮流商場,地面一樓有租碟有日系浮世繪靚Tee。約1983年流行短白恤衫配淺藍Big John,荷里活賣$49女人街賣$29,當中微妙差別難以言喻;而Big John牛賣$299,開始將年輕人從財富方面分開級別,要知道當年一般屋邨仔的名牌牛仔褲是Texwood或Jive或較土的猛龍Lawman,約售$59,Levis已是稍高一級的$79~$89檔次,可以買得起Big John明顯家境比較富有。
八十年代初Esprit出現,固然把Tee和恤衫等街服推上時尚新貴,由一百元內的恤衫躍升至幾百。除了「買唔買得起!」,也更尖鋭細緻地分野出「你識唔識嘢!」,「知唔知個牌子名點讀!」,再進一步要考驗你「敢唔敢入!」第一間座落銅鑼灣興發街Esprit總壇,是每位嚮往貪靚的年輕人,在膽敢進入Joyce以前,先要通過模擬考核的神殿。由劉天蘭出任形象總監,當年Esprit的首輪部分店員由模特兒公司聘請,即是每位售貨員也是六呎的Model格局,他們的打扮造型和面相神態,不是平常你以為自己很懂打扮那種級數,他們可以比明星更明星,就算打扮入時的普羅街坊街里,走進興發街也會忽然下降兩級成為二等公民。明明都是恤衫牛仔褲,他們也會把Esprit 的制服穿得如有神助。永遠沒有忘記,第一次跟幾位中學同學走進總店的感覺,會形容比大約十年後第一次入Joyce更倒抽一口涼氣。
記憶中興發街店共有兩層,所有店員所有裝置都非常高,有些店員或站在梯級或站在二樓居高臨下,你入去必須仰高個頭。各大店員都不大像店員,他們更像在進行靜態catwalk的超模,一個二個度好位置企定定,擺一副滿不在乎的臉容。別期待他們會熱情款待你,反而你好像應該入去要求合照和簽名,甚至給他們遞水斟茶送外賣。自己本來就是鄉村少年,平常走進美心皇宮大酒樓也渾身不自在,跟幾位中學同學要鼓足勇氣進入Esprit,簡直像窮人無端端闖入李嘉誠個孫的百日宴,又寒酸又自慚形穢。明明傾盡身家幾百蚊想買件恤衫留個紀念升個level,結果入到去想係咁意揭下件衫又戰戰競競,想將件恤衫度下個膊頭又好似冇人咁做,想問下店員件衫有沒有第二隻色就好像多此一舉兼無厘頭高攀。於是有點頭昏腦脹地、又肚子暗暗絞痛地離開現場,好像再沒有來過!後來我才知道,模特格局的店員只可以是一時三刻的宣傳策略,他們可以招徠仰慕者,但店內冷漠和高傲氛圍,同時也會驅趕了部分內向膽怯但其實貪靚的潛在顧客,畢竟Esprit 主售的是幾百元的高級中產商品。
直至尖東安達中心開幕,幾個同學長大了些,有些樣子長英俊了,有些忽地長到六呎高,不幸地又預料之內地兩方面我也沒有進展。當酷愛時裝的他們(他們後來分別當上時裝設計師)知道安達中心Esprit 聘請售貨員,又好像沒有之前興發街的超高門檻,他們立即飛身申請,臨行前問我是否會湊熱鬧一起碰碰運氣?最欣賞自己還有點自知之明,暑假工作還是留在西洋菜街賣音響電器比較合襯。然後他們回來說,原來面試要用英文對話,結果較英俊的成功被聘用,六呎高的因為英文未夠靈光敗興而回。好像從此,有沒有當成Esprit售貨員,也將咱們朋友圈內分割了兩個級別,好像曾經做過Esprit店員總有點不一樣。英俊朋友會經常提及Esprit店員的福利,男孩有髮型津貼女孩有化妝津貼,每天上班的恤衫制服會有專人洗燙乾淨再放進locker,每天早上開店前店長的嚴肅訓話,接電話務必要唸準Esprit發音,每個月總公司會送來一大餅像電影底片的磁帶,使用外形奇特的播放器播放不大主流又高格調的英文歌,每件事都要好識嘢似的。
因為有英俊朋友在,我們比較肆無忌憚走進安達中心找他,可以試試這試試那,但會發現英俊朋友的確招積了,稍微自高身價了。又奇妙在,後來在安達買過幾件Esprit放在身上,沒想像中稱心如意,那份曾經想膜拜的心情輕易消失掉。然後刑李源把Esprit炒上每股過百元,變得全球性超大量生產,成為媽媽姐姐們恩物。相比無印良品的無相神功,Esprit這個曾經被奉若神明的標誌,她的過氣確實可以來得更具體更顯眼。打後還要面對H&M和Uniqlo等超高速度的快吃潮流,昔日站在高端位置的時尚印記下挫得特別劇烈,轉眼間變得曖昧失效。
街坊福利會英文 在 Claudia Mo/毛孟靜 Facebook 的最讚貼文
#真係越睇越氣憤
漁護署交代道歉!
義工揭接狗屍過程 漁護署諸多刁難
【動物專訊】義工Cliver協助泰國狗主接回被處死的泰國狗狗遺體,準備為狗狗火化善終。她在「四條腿街坊福利會」專頁撰文披露漁護署在還屍過程中諸多刁難。Cliver對本報坦言漁護署的高層很離譜,不近人情,「你殺了狗主的狗都還未追究你,我們接條屍都為難我們!」
Cliver又表示,正與善終公司商討葬禮安排,並強調開支由泰國狗主支付,大家毋須送任何錢及物資。
Cliver的全文如下:
當全香港關心泰國狗狗Heaven嘅人鬧爆香港政府、漁護署、陳肇始冷血涼薄,我話比大家知,佢哋並非冷血嘅人類,而只係冇血性嘅機械人,只知執行,只想保住自己嘅高薪厚職,只識利用法例嘅灰色地帶去合理化自己嘅過錯,只驚再有任何行差踏錯,再比人數算到原來一直都錯!
唔使驚,由一開始你哋就錯,錯得好離譜,錯得好荒謬!
由狗主家姐13/3中午搵我幫手搵狗當日起,漁護署不同部門、1823都收到我多次電話、留資料聯絡,各媒體都報導狗主出現希望認領Heaven、希望刀下留狗,唯獨你漁護署咋唔知,仲呼籲狗主主動聯絡,你平行時空呀?定根本冇膽面對?我搵咗你負責人好耐啦!定你根本冇人敢負責?梗係啦,因為你12號晚已經即時啪咗,要搵人出嚟頂!
其實狗主一開始係話唔想再要任何屍體或骨灰,唔想再一次傷心,但當知道香港政府係會將冇人認領動物屍體用黑色膠袋裝住,就掉去動物屍體堆田區,對狗主而言係雙重打擊,估唔到香港政府唔尊重生命嘅程度可以去到咁,同佢哋泰國人對待任何一隻流浪動物過身會火化咗,然之後鄭重撒落河咁唔同,所以先至想攞返。
15/3下午2點,卒之收到漁護署代表嘅聯絡,要求交出任何蓄養証明,對唔住,冇,真係冇,狗主話冇晶片、冇醫療紀錄、冇相、冇片,仲有咩可以証明?我唔知,但原來你都唔知!仲荒謬到要我交出証明,保証唔會有第二個人走出嚟話自己係狗主,吓,我點保証?我憑咩保証?咁而家有冇第二個人走出嚟話佢先至係主人先?冇!咁你呢個假設性問題係要等幾耐去確定?等下有冇其他參賽者先呀?你哋班漁護署膠層究竟有冇腦?
你要我解釋狗狗點解冇晶片、冇相、冇醫療証明我都答到,但點解走上船?點解闖關?你啪佢之前唔嚴刑拷問佢?我點知呀?
好啦,拗完一輪,你漁護署話可以勉強接納聲稱狗主係唯一畜養人,就要求由認領、善終交收、火化過程都全程派員監察,冇問題,我應承,但都唔好得寸進尺,要求全程由你主導整個過程,由你哋去決定點做,我哋只可以派人參與,仲要話你哋肯比返出嚟已經好寛大處理!我係受托搵生狗,唔係求你攞死屍!咁有本事你就比返隻生歐歐嘅我!
到授權信,只肯收中或英文版,你要人係唔懂嘅語言上簽名,同老屈有咩分別?狗主係泰國、只識泰文、你即時又冇翻譯,又要收到正本先做嘢,我即使交得出泰文版,你又要拖多幾多日等封信同翻譯?
狗主對你香港政府信心全失係好合情合理,唔想再透露任何個人資料比你,怕你會釘上佢,影響佢以後出入境,我同漁護署代表諗盡可能性,包括由狗主親姐簽署,由第三者見証,由泰國領事館即時與狗主現場通話見証⋯全部唔得,又係你班怕死嘅膠層,唔知驚乜,一定一定絶對絶對要見到白紙黑字嘅狗主親筆簽名,最後狗主屈服,交出個人資料,佢唔係怕滿足唔到你而唔比,係怕你堂堂香港政府反口,怕Heaven最後不得善終咋!!
左問右問,搵到有泰國朋友肯幫手翻譯英文版本去泰文,由本來話我哋自己擬定大概內容係由狗主授權我代辦交收遺體,之後又話唔得,要由你哋寫,好,我哋又等!
到你漁護署話原來有張相係處決前影,要狗主確認係咪呢隻狗時,已經係晚上9:30啦,仲要我先應承係所有手續未完成前絕對不能公開!動物屍體我見過,生蟲拗曲血流滿地我見過,就係冇見過死囚臨處決前最無辜求饒嘅眼神,佢眼底就快跌出嚟嘅眼涙同你講緊:我做錯咗咩?我咩都唔知㗎?你想點呀?我知錯啦,你放過我啦!我自問眼淺,但面對呢件突發事情,我冇流過一滴眼淚,但見到呢張相,我崩潰!有咩人可以唔動容?邊個可以唔傷心?只你、你、同埋你哋,一班習非成是嘅垃圾,到呢一刻仍然唔認有錯,仍然未對狗主有任何歉意!!
我同大家一樣,心撕肺裂,但你叫我點比狗主睇,佢哋係有真正相處過有感情㗎!狗主好勇敢,好快回覆:係佢啦!呢一刻,我同狗狗講:你放心,我無論如何絶對會帶你離開呢個鬼地方!
到你漁護署確認英文授權信版本,我哋已經係泰國搵到識睇英文嘅泰國人,直接口譯泰文比狗主知,加速事情,時為晚上11:00,再傳來傳去,填資料簽名,完成時已經係凌晨2:00!
心諗,近啦近啦,16號一早將授權信傳比漁護署,本來已經回覆可以了,又話要今日一日之內提取、燒埋,你估間善終公司我㗎?你想幾點就幾點?唔得囉,件事咁多人出過力,點可以比你草草了事,毀屍滅跡,你呀膠層又話唔得!一定要跟你咁做,點呀!我真係爆啦:請你漁護署搞清楚件事,尊重一下案情,係你不問情由啪咗人隻狗,既然你接納兼確認狗主身份,你要嘅文件我又比到你,我攞返遺體後點做係由狗主話事,比你嚟睇、影低相做紀錄係人情,趕你走唔歡迎你係道理,咪再係所有人傷口上灑鹽!
最後,約定3點去你漁護署辦公室,你嘅代表竟然遲到25分鐘!我忍你!竟然仲話膠層建議簽咗文件先,到火化果日先將遺體送去善終公司,冇可能囉,如果今日我帶唔到遺體走我唔會走,我會即call傳媒,我同千萬關心狗狗嘅人一樣,對你哋絶對絶對不信任!由一開始,我單人匹馬同你地夾埋幾百萬月薪嘅天才隊伍角力,堅持唔搵任何機構、議員、政治團體幫手,就係唔想比你覺得我背後有好多軍司,你要提防好多嘢,更加刁難我哋!你咪蝦得就蝦,我唔係你哋咁無知,我簽晒名,你到時反口,我點同狗主、香港泰國民衆交待!膠層,你係咪顛㗎!
最後嘅最後,仲要對善終公司諸多要求,要簽承諾書,保証妥善管理遺體、保証期間有人看守、獨立存放於1個雪櫃,只可獲授權嘅善終公司負責人處理遺體⋯唉,你驚會屍變定佢翻生指控你濫殺無辜?係就好啦!
各位,我知道大家都好關心呢件事,我儘我所能詳儘話比大家知發生緊咩事,一個咁樣嘅政府,培養出一班咁出色地保護政府嘅奴才,真係香港嘅不幸。任何有血有肉有良心嘅人都好清楚,究竟誰對誰錯!好肯定嘅係今次並非政府首次如此處決一隻非法入境但又手無寸鐵嘅毛孩,不同嘅只係今次有人見到,有人影低,有人廣傳,有人認出,有人追究!
各位,再唔出聲,只會帶來更多受害者,憤怒過後、傷心過後,一定要走出嚟迫使政府修改現行對待動物嘅政策及條例,以保護動物為大前提!事情嚟到呢度,只係一個章節嘅完成,有冇下一章就要睇大家啦!能夠推動一個政府嘅改變,Heaven嘅犧牲先至值得!
最後,狗主感謝泰國香港各界從不同渠道、以不同形式嘅協助及追究,善良藏於心底係最珍貴!感激不盡!!
Cliver Chan
國片來源:dogplease
歡迎轉載
#香港動物報 #狗 #泰國 四條腿街坊福利會鄺俊宇 Roy KwongClaudia Mo/毛孟靜Mark mak泰國粉絲大本營 Thailandfans Forum
街坊福利會英文 在 逆嘶亭 Facebook 的精選貼文
應該強調浸大學生過去已經用盡方法去同校方溝通,亦要強調大學就係學生有權問政嘅地方,繼續share同提及爆粗只係令焦點更模糊。
果然要求高…
/有同學向學生會反映,自己曾多次奪得普通話朗誦冠軍,但竟然於考試中因「語氣與角色不符」而「肥佬」!此令人質疑到底是考核同學的普通話「演劇能力」,還是「基本對答能力」。/
嗱,我哋唔好衝動,俾個機會負責人解釋,點解基本要求變咗演藝精英要求:
/李贏西主任是語文中心的最高負責人(中心網頁亦顯示李主任管理普通話教師),亦是TFULP的成員之一,絕對有責任了解豁免之詳情,但李主任於學生會行動開初竟表示「自己只是一個英文老師,不了解普通話豁免試詳情」/
吓? 呢個唔係街坊福利會嘅普通話速成班,而係可能令到一個電腦系精英學生,因為普通話達唔到演藝精英水平,結果冇得畢業嘅「基本」豁免試,「我不了解」都講得出? 原來小編之前都只係睇到表面, #普通話暴政 只係其中一個長期問題,香港管治階層嘅 #綜合一塌糊塗症 先至係致命傷! 同學被戲弄良久,忍無可忍終於爆咗少少草泥馬,換來唔係公眾關注問題嘅核心,而係叫同學唔好講粗口… 小編係咪應該落個 #MeToo tag,令聚焦同學講粗口嘅一眾明白乜嘢叫做 blame the victim?
(小編唔係苛求,畢業攸關嘅豁免試,7 成不合格率,管理層一見數字就應該公佈成績之前開會了解,原來竟然冇人理,直至同學詢問先至開始了解… 呢啲管理層係咪應該集體炒魷?)
豁免試樣本試卷:
fb.com/FrontlineTechWorkersConcernGr…/posts/1775233325849726