阿妹,想食乜!同你介紹返咩係菜!
亂鳩咁黎系列,啊,應該係全職炒散系列話做就做,今日,我係菜檔陪同店主賣左半日菜,真係眼界大開,唔講太多,去點!
1)是日任務,賣菜!地點,屯門新墟街市,下午時段
2)政府街市,非領匯,檔口係兩個連位,目測菜品種類超過三十款,每款都唔算多
3)第一單生意,菜芯,一斤,廿蚊(覺得貴?咁要睇埋落去)
4)首先介紹返店主先,八十後,用五百蚊入行,零晨五點係街市前走鬼,然後投標入左街市擺檔,新墟檔口已經有八年歷史
5)店主只有一人,無請員工,返工時間,未發達前,凌晨四點幾五點,到晚上八點,幾乎你收工就要返屋企訓等聽日再開檔;發達後,朝早七點半,去到檔口叫早餐嘆,六點收檔走人
6)賣菜都會發達?一日搵幾多?黃金年代一日純利四五千走唔甩,今日就唔同講法,想知今日埋數賺幾多?慢慢睇到最後一點
7)如果想入行賣菜人工幾多?店主分享,你連菜芯同芥蘭都唔識分咁做,都一日700,當你熟手,甚至一手就可以精準拎到一斤菜時,就由一日900-1200不等,但你要搬菜,無體力請自重
8)有冇假放?你見街市有冇休息?幾乎只放新年,唔好講周末假期,長短周,連紅日你都要返工,店主聲稱只會去旅行時先會放假
9)付出咁多,你得到咩?養妻活兒,買樓唔太大既樓絕對無問題
10)睇到呢度,想入行做店主?請睇後面,會講晒所有條件比你聽
11)開始你問我答環節,咩季節食乜最好,低級問題,夏天食瓜果豆,冬天就菠菜豆苗西洋菜西芹粟米蘿蔔
12)菜芯公價係幾多?無所謂公價,唔同地方有唔同價錢,同樣係菜芯,由貴至平既排列大約如下:City Super,一田,大型連鎖超市,街市「執」菜檔,街市「唔執」菜檔,街邊大型菜店(夜晚會放晒出黎一份份平到五蚊有交易個種),而店主既菜芯係20蚊一斤
13)五蚊斤菜芯其實你都買到,點解店主會賣20蚊斤?上面講到一個「執」字,會執既菜檔普遍都貴,因為店主會將唔靚既菜頭菜尾都幫你處理好,唔好睇同壞既菜會丟左,你返到屋企只需要洗一洗就可以直接煮,有別於「唔執」檔,其實佢地有三分一都用唔到,佢貴係貴在個人工錢(其一)
14)有機菜合集,點去分辨有機菜?當你發現檔口有一大個「有機產品」Logo時,佢先「有機會」係有機菜,無Logo就一定唔係,想保證有機,請去大型超市就一定唔會呃你
15)有機菜係咪無農藥?錯,有機菜都有機會有農藥,只係係規管下你唔可以用多過幾多農藥,就算你食有機都「可能」有農藥使用過
16)有機菜係咪好食D,店主話根本難以分辨,味道口感同營養都唔係因為有機同無機而出現分別,你覺得有機菜好食既就食有機,開心就好
17)店主係咪賣有機菜?唔係,但店主主要係賣本地農場既菜,亦因為咁,呢個係佢貴過外面既原因之二
18)本地農場係咪好食D?唔一定,但一定會比進口菜新鮮,因為係運送過程會比進口菜短好多,本地菜由佢收割到街市,大約一兩日,店主話,大陸菜芯係寧夏過黎,唔通飛機空運咩,陸路過黎,又要車程又要過關,黎到香港去批發再派貨,自己計放左幾多日啦,當菜新鮮,自然就無咁老咁多渣
19)幾點前買菜最好?中午前啦,中午後就開始有野賣晒,當然你食大路野都會比較易買到
20)幾多錢先送蔥?店主話真話係,睇佢心情,我見佢有時送蔥有時送辣椒有時送蘑菇,靚女係有多D野送(以我觀察)
21)超甜粟係咪真係甜?係,但你要確認到佢真係超甜粟,最簡單分辨係粟米粒有黃有白,如果粟米鬚呈銀色就係極品(我打開粟米見到有條死蟲,店主話呢種通常都會捐去食物銀行,黑心店就會切走照賣)
22)讀者你問我答環節,有部份我都答左係上面,蕃茄係咪個底有粒星就甜?唔係,最緊要紅同軟,因為熟到軟既先代表甜
23)有機菜係咪會多d蟲,係,因為用少左農藥,整體會「樣衰」過無機菜
24)點樣洗菜最好?浸,然後洗兩轉都夠晒
25)入貨有冇MOQ,你一百蚊都可以買,有錢就得,有機菜要買唔難,但你要再轉賣有機菜就要有牌
26)菜係咪一定要噴水,係咪呃秤?店主即時展示佢既霧化噴壺,噴完之後佢問我,你覺得重左幾多?點解要噴水,店主有兩個解釋,一,依家街市有冷氣,比冷氣吹到菜乾左會唔好睇同老,所以冷氣位一定會噴水;二,因為大家都理解有水既菜先新鮮,為左滿足大家既心態,佢噴比大家開心下
27)菜有水係咪好快爛?唔係,店主話,你條菜乾到無晒水份,你放幾耐佢都係咁,但一定唔係好事,水係有助保存
28)如果買左菜食唔晒點保存?浸冰水,溫度會令菜保鮮;想放雪櫃點好?浸完水,飛水,唔好滴住咁放入雪櫃,唔駛乜報紙啊保鮮袋等等,其實都差唔多,因為家用雪櫃有抽濕功能,所以放保鮮格係會有助菜保留水份
29)菜係咪海鮮價?可以話係又可以話唔係,之前講到,有機、無機、本地、進口、地點、有冇執過都會影響價錢,當一棵菜芯係你眼中只係菜芯,咁就係海鮮,但你知道佢係一條本地有機執過既菜芯時,就係物有所值
30)冰菜上面既冰係咩?鹽份,所以冰菜有咸味
31)點氹師奶?店主教路,男既全部叫老闆,女既全部叫阿妹,呢個問題係我聽到佢叫緊一個六字頭既阿嬸「阿妹」後問……
32)點打敗家農呢類菜品店?有錢,你有一百億既可以同佢鬥過,但店主表示自己有一百億不如收息嘆世界,點解仲要賣菜?
33)仲請唔請Partner?店主無意開分店,依家佢賣菜係興趣(從佢撩阿姐既行為中,我信佢係真心喜歡賣菜)
34)點解每種菜唔同價錢但收幾錢就咁快計到?店主話當你日日都計,計足十年,你都可以
35)芫茜同蒽點樣可以放得耐啲?店主無奈表示,食左佢啦,真係要放,冰水,曾經有客問佢菜可唔可以放兩個月,店主指左對面間菜乾店叫佢買菜乾
36)每日賣淨既菜會點處理?一,食物銀行;二,賣比餐廳,通常都唔會掉,收檔時我見佢薯仔、薑、蒜頭呢類貨會留之外,其他全部入膠袋,夜少少會有人收走送去餐廳
37)平均一斤菜有幾多利潤?唔定,愈大路既菜利潤愈少
38)有冇人收陀地?無,最多都係舞獅派財神,十蚊打發走個種(佢係政府街市)
39)老老實實賣菜係咪生存唔到?係,答案太長,下回分解
40)如果你想入行,可以點?店主表示,如果你可以申請到政府街市,一個月租金平到你唔信,只要你開舖都唔會憂,領匯就唔好諗,原因太長,下回分解;以佢舖位做例子,起動成本只係兩萬以內,是日入貨1052,本真係唔算多
41)如果聽日係世界末日,店主只可以食三種蔬果,佢會食乜?非本地系列:日本產香菜、法國番薯、荷蘭甜椒;本地系列:香港椰菜、荷蘭豆、扁豆(原來兩種豆係唔同)
42)有關點揀菜……篇章太長,我會之後再解釋,今日記野都記到我頭都暈
43)是日進貨成本,1052;是日銷售額(只計紙幣)3800
44)是日本人收獲,老細請左我食外賣,一條老細精心挑選既蘿蔔同粟米,同埋一堆聽極都唔厭既賣菜知識趣事,請容我叫老細一聲,師傅!!!!
作者的話,今日真係獲益良多……我對菜真係一無所知,比佢笑左我好多次,對於一個完全無架子,願意分享成行所有情報同潛規則既店主,仲完全不求回報,佢話唔好開佢名,以免比人點錯相!我代讀者們再一次多謝佢,而我都同佢講,我仲有好多問題想知,一定會定期再搵佢!
所以讀者們如果有問題想再問既,請留言!!!!!!!!!
如果喜歡呢個系列,同埋想感謝店主既分享,請比Like Comment and Share!!!!!店主有偷偷睇Post!
賣菜系列將會下周再來!而我亦準備做圖文版本,需要較長,敬請留意我既更新
同時也有55部Youtube影片,追蹤數超過80萬的網紅果籽,也在其Youtube影片中提到,大埔一向人多、車多、食店多,良心店的自然更多。由傳統手工食物到新派精緻西餐,都可以在大埔找到,既可以緬懷傳統小食,又可在這裏感受異國風情。跟其他較多工廠大廈的地區相比,周末的大埔更精采更熱鬧。這次空肚入大埔覓食,人生路不熟,邀請了Facebook專頁「大埔為食友」的版主Louis來帶路,一同遊走大埔...
街市菜檔請人 在 Being Hong Kong Facebook 的最讚貼文
有人就有故事,越多人就越有創意。多元,互動,一直以來就係香港精神。
「就係香港」於中環街市第一次做Pop up store,我們將舊菜檔變成流動編輯室,除了編輯部隊會駐場和大家見面,也延續一貫以來的collaboration協作精神,將菜檔變成活動展覽室,定期邀請一直支持和參與《就係香港》紙本季刊內容的各路創作人,來到這裡分享他們的故事和創作。通過不同創作人的眼睛,讓大家感受多元面貌的香港。
率先登場的,是喜歡坐在地上與讀者causal地聊天的插畫家貓珊 。上環、西營盤、香港仔、黃大仙⋯⋯曾創作多處社區手繪地圖的她,本身也是兒童繪本故事創作人,出版過多部繪本故事,括以生死教育為主題的《最後的告白》、《Deserve》和《獅子山下的黃大獅》等。在2021春季號《就係香港》內,貓珊更特地為我們創作了有關白海豚流離失所的悲歌,以及大嶼山芝麻灣牛牛如何被拯救及重生的兩個感人故事。城市的人情故事、香港歷史、大自然生態和動物保育等等,一直是貓珊關注的議題,也是她的創作靈感。她也曾在個人網站上創立了「Dear Tree」網上信箱,讓香港人可以為心愛的樹寫信,重新喚起樹木與生活的聯繫。
在今天下午和中秋節翌日假期,你不但可在「就係香港」Pop up store 內觀賞到多幅貓珊畫作的原稿,以及各種社區地圖及繪本外,她更會親身到場與大家交流,甚至即場作畫。歡迎大家前來與「貓」對話。
「就係香港」流動編輯室+Pop up store
日期:即日起至11月30日
地點:中環街市Shop P05B(2樓)
時間:周一至日 10am至10pm
Artist Sharing:貓珊 Maoshan Connie
日期:9月18日 (周六)下午3時至5時 ; 9月22日 (周三)3時至5時
#就係香港 #中環街市 #社區地圖 #兒童繪本
街市菜檔請人 在 Being Hong Kong Facebook 的最讚貼文
「就係香港」流動編輯室+Pop up store,就係中環街市。
紙本,文本,人本。我們實在喜歡實體實在的感覺。
三年來,「就係香港」以紙本季刊結合網上平台的方式,分享香港未完的故事。三周年的今天,我們再多走一步。由現在起至11月底,「就係香港」團隊將會在中環街市二樓的傳統菜檔,設下「流動編輯室」,與你面對面交流分享,同時展示這三年間曾參與《就係香港》的各路本地創作人的故事。首位登場的是創作過不少社區地圖和兒童繪本故事的作家貓珊Maoshan Connie。手繪地圖的原稿,她喜歡的繪本,還有陪伴她生活的植物和陶瓷,都會一一展示。貓珊真人也會在特定日子在場與你聊聊天。
在這個特別的菜檔空間內,編輯室仝人也會因應不同主題,精選一些我們喜歡的紙本書籍,同時邀請你在這裡坐下來,將街市當作圖書角,用閱讀去補充精神養份。
一直以來,不少讀者也曾向我們查詢,如何回購一些坊間早已售罄的期數。為了感謝讀者支持,我們今次特別從私藏中抽出部分期數,在店內作限時限量發售。詳情請密切留意IG及 FB的公布。
「就係香港」流動編輯室+Pop up store
日期: 即日起至2021年11月 30日
地點: 中環街市Shop P05B
開放時間: 周一至日 10am-10pm
Artist Sharing:貓珊 @maoshanconnie
日期:18/9 (周六)3-5pm 及 22/9 (周三)3-5pm
#Beinghongkong #就係香港 #popupstore #中環街市 #就係香港編輯部
街市菜檔請人 在 果籽 Youtube 的精選貼文
大埔一向人多、車多、食店多,良心店的自然更多。由傳統手工食物到新派精緻西餐,都可以在大埔找到,既可以緬懷傳統小食,又可在這裏感受異國風情。跟其他較多工廠大廈的地區相比,周末的大埔更精采更熱鬧。這次空肚入大埔覓食,人生路不熟,邀請了Facebook專頁「大埔為食友」的版主Louis來帶路,一同遊走大埔。今次在大埔熟食街市起步,先吃甜品後吃牛扒,大埔通Louis溫馨提示,有兩間小店的糕點十分搶手,很多時候下午三時就賣完,所以想吃就要一早出發。
第一站來到甚有名氣的大埔墟街市熟食中心,其中一間長龍店就是吃「大埔名物」客家糍粑,不少大埔區外人來到也會當手信買回家吃。老闆娘每日備好手炒芝麻餡料,客人下單後即場包餡,一天賣6至7小時,賣完就關店,所以一開店就已經人流不絕。雖然等候需時,但看着老闆娘一雙「閃電手」,純熟又迅速地包糍粑,也能在排隊時解一解悶。等待大約15分鐘後,Louis接過一盒又大又圓潤的糍粑,他繼續道:「這類食品在大埔,也不止滑嘟嘟一間有賣,但是能做出這樣的煙韌度以及芝麻的香味,我覺得他們肯定是數一數二。」客家糍粑的外皮軟滑,入口不黏牙,中間包着的芝麻花生餡料非常香口,而且甜度適中。Louis又提,外賣後要放在常溫盡快吃,切記不可放進雪櫃,不然外皮就會頓時變硬、失去軟滑的質感。除了客家糍粑,還有芋圓和芝麻糊亦深受大埔居民歡迎。
https://hk.appledaily.com/lifestyle/20210515/B4OHW2N6IZDZDCUK5VKIGTRQTM/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#大埔美食 #大埔為食友 #大埔墟 #糍粑 #芝麻
#果籽 #StayHome #WithMe #跟我一樣 #宅在家
街市菜檔請人 在 果籽 Youtube 的最佳解答
|單車阿伯日踩11小時一車送90個飯盒 跑馬地雞蛋檔老闆5米高移動發泡膠塔 80歲伯伯去公園操肌後生鬼仔挑機都輸
"元朗有一間茶記叫波記,開了近30年,主力賣38元包湯及飲品的快餐。由於價錢平,外賣生意極多,差不多是全個元朗區接外賣生意最多的茶記。而由於外賣多,所以店內請了4個全職、2個兼職外賣單車手,差不多整個元朗區都送。「這班車手,我叫他們『靚仔』或者『0靚仔』,每個都很踩得。以前好難請人,如今有人來做我便請了,我們直接自己聽電話,直接自己送,你說是否快過外賣公司?」老闆娘陳小姐說。6個車手中有2個是高手,其中一個是店內年紀最大的東叔,日踩11小時,每日走至少40轉,耐力最強;而另一個就是阿開,今年55歲,雖然體重只有約100磅,但每次外賣的數量不但最多,而且速度最快。每次送外賣,他們的烈火戰車都像「掛燈籠」般,掛起一袋二袋的外賣膠袋。
https://hk.appledaily.com/lifestyle/20200520/Q3L6B4H6TYUQXMKGPKSRF5WFME/
正所謂 「大隱隱於市」,高手,總是隱藏在我們身邊。
每日下午四點,跑馬地集祥街的斜坡,總有突然長出五六米高,高過二樓伸出的招牌,搖搖欲墜的發泡膠箱塔,幾秒後「呀」一聲倒塌,幾分鐘後,又長出來無限Loop。
「有咩咁巴閉,你哋要嚟影我呢?呢度太多人識我喇!啲人當我係傻嘅就有。」
「平衡力而已,膠箱嚟,一啲都唔重,冇技術,個個都做到。」
「我無聊,自娛㗎咋!」但口罩下的腰果眼加魚尾紋,看出他鬆毛鬆翼的心理狀態。
徐先生(56歲)在跑馬地長大,街坊都叫他「蛋哥」。蛋哥說自己都是打工的,每日四點多就幫菜檔搬發泡膠箱到幾十米外,斜坡下的垃圾房回收,但街坊「篤爆」他說,他是隔籬雞蛋檔老闆。蛋哥自小就跟爸爸在跑馬地街市賣雞蛋,以前集祥街是一個街市,後來社區整修,幾個攤販夾份搬入地舖經營,變了「大興食品公司」,裏面有菜檔花檔豆腐檔雜貨舖同雞蛋檔,恰如民間小街市。
https://hk.appledaily.com/lifestyle/20200430/XQJ2LXI64HOJLZAAKDXB6JO5YQ/
在西環卑路乍彎公園,每朝都聚集了一大群長者晨運,他們大部份都只是玩玩園內的健體設施,或隨意揈揈手腳,志在鬆鬆筋骨,與老友記吹吹水,打發時間。但在公園的角落,卻有一個頭髮斑白、下巴蓄有一大把白鬍鬚、穿着白色短袖底衫的老伯,在馬騮架上起勁地做引體上升,做完十多下,又爬到雙槓上做掌上壓。他做完一連串高難度兼姿勢標準的動作,沒有谷到面紅,只有少少索氣。誰又估得到這個老而彌堅的老伯,原來已屆80歲高齡!
https://hk.appledaily.com/lifestyle/20190402/7BYTKIMJG3I4KVX3AQEP4RXDC4/
"
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#單車 #跑馬地 #雞蛋 #西環 #街市
#果籽 #StayHome #WithMe #跟我一樣 #宅在家
街市菜檔請人 在 李根興 Edwin商舖創業及投資分享 Youtube 的最讚貼文
做生意的三種力《勞力、智力、財力》
我爸爸教我:「做生意,先發「勞力」,再動用「智力」,最後用必須使用「財力」才是長久!」點解?
今日睇報紙,就話家農老闆娘簡利珍最近用5000萬買起新界仔天水圍用緊嘅兩間相連舖。 新界仔前排又用咗4800萬買入旁邊相連的兩間舖自用。 前前後後嗰條街,四間合共實用只得千四呎的舖,連手續費,就洗咗過億,兩大菜檔龍頭買入自用霸地盤。 你話呢啲係咪「財力」?
如果你有睇報紙,佢哋最近兩伙人都頻頻掃舖咗億億聲的舖, 霸市佔率,霸地盤。下下每間舖幾千萬起, 要賣幾多菜先夠數?
令我諗起我係一個好幸運嘅小孩子。 最近我賣咗間舖,收到爸爸呢個message。
佢話:「賣一間舖賺幾百萬,如果賣豆腐花要賣一百萬碗,十年八年才賺到。所以爸媽引領大家走財務、地產、鑽石的路,又賺大錢又輕鬆,對啦! 」
我目的唔係想 show off,話炒炒賣賣好。我目的是說,我自問冇我爸爸的引領,我無今日。 我目的係想同你分享佢由細到大教我嘅智慧,我覺得對做生意長遠的「三步曲」好大啟發,但先行好第一步, 一步步向前發展。 亦都解釋咗點解近年家農同新界仔,開始行到第三步,依家要瘋狂買舖。
我爸爸話:
做生意,第一步是「勞力」,第二步是「智力」,第三步是「財力」! 只有行到第三步才會容易長久。
第一步是起步 - 「勞力」。我爸爸由大陸文革時期兩手空空來港, 第一份工是1973年在觀塘電子工廠做檢測QE,返夜班晚上11點至早上7點,工資每月290元。
家農同新界仔都有佢起步嘅時候,相信主要都係靠「勞力」, 勤力啲, 薄利多銷,貨如輪轉,時間做長啲。
第二步是「智力」 - 加速器。我爸爸打了兩年工廠工,就開始在觀塘雲漢街家樓下租舖開了間「利川士多」,專賣華僑食品。 他入貨椰子一粒買入9角,搾第一遍濃椰漿可賣4.8元,第二第三遍椰汁水可賣三杯,每杯一元。共計4.8+3=7.8元。偷雞加些雲呢拿香精, 特別香,街坊個個飲到上晒癮?! 後來椰子漲價每粒1.1元,椰漿就漲價6.8元+3=9.8元。賺8倍!
後來他再入貨椰子,上面寫個「囍」字, 就每個賣13-14元俾街坊嫁娶用, 寓意「椰子、椰子、有爺有子」! .... 真有諗頭?? (All figures are exact. 我爸爸和我確認了以上數字) 。我聽爸爸講當時都幾好搵,再買樓買車搬屋都是靠佢!
由500呎士多變成5000呎超市(太平超市),後來在觀塘瑞和街再借用200呎巷仔開始做地產代理。 乜都唔識,周圍問管理處看更攞盤,介紹客之餘,再左手交右手,再交返右手,又賺幾萬至幾十萬。
家農同新界仔都有佢嘅「智力」,先至能夠打低同行做大。
爸爸教我,做生意,必須行第三步「財力」- 才是長久。 他地產代理做到1997年,他決定再憑著他多年地產的經驗再轉型做財務至今日,專攻物業按揭,多謝我哥哥 Steven加入帶領,「康業」成為全香港 No.1 的物業按揭信貸公司 (Money Lender - 2019年市佔率 17.4%,排第二的只有10.4%)。 做銀行做財務,老實說,翹埋隻手都有利息收。做商舖業主做地主,翹埋隻手亦都有租金收。
我自己今時今日做商舖基金也是跟隨我爸爸的步伐。 沒有我爸爸的指導,我沒有今日的本事。
家農同新界仔, 依家就係行緊第三步,用緊佢哋嘅財力去霸地盤。始終可以供買賣的街市街舖數量有限, 霸到地盤就能夠更壟斷街市生意, 新競爭者更加難入嚟競爭。 自用舖,進可攻退可守, 即使30年後攰啦唔做,相信磚頭舖頭都分分鐘值幾十幾百億。 如果佢哋能夠運用財力,控制埋背後嘅蔬菜豬牛羊肉供應鏈的話, 甚至乎透過自己對市場供求的熟悉, 再係金融市場玩埋什麼糧食/牲畜/油籽期貨等買賣,我相信長遠做菜檔每年大賺幾億幾十億唔難。
做生意,「以財力 - 錢搵錢」,遠遠容易過、長久過「以勞力搵錢」。 我爸爸教我:「人始終會老,會慢。但財富就可以一步步累積。」
我唔係叫你依家去炒炒賣賣, 我係叫你依家先打好基礎,用「勞力」先去賺錢,再運用「智力」,再發揮「財力」,長遠時間才是你朋友。 我自己都係2001年由買賣小生意仔,做中介,收幾千蚊顧問費開始。 嗰時都係辛苦錢! 一步一步,廿年後才發展到今日全香港買賣最多街舖及最願意揼錢出嚟幫租客做生意嘅商舖基金公司。
希望我爸爸的創業故事和對我的創業指導,對你長遠做生意亦有所啟發。真心的❤️!
老土都要講句: 「爸爸 I Love You! 」You have to meet him one day, you will love him too ??
李根興
#如何不愛這爸爸? #做生意的三種力
。。。。。。。。。。
購買李根興的四本書:
(1) 【李根興的生意哲學】(最新2020年6月出版 - 定價$198)
(2) 【買舖 要買得 PRO】(定價$198)
(3) 【買起金磚頭 - 商舖投資煉金術】(定價$128)
(4) 【買起金蛋鵝 - 生意營商之道】(定價$128)
每本+$30 本地順豐快遞。
想有李根興親筆簽名及 personal message,可跟以下指示付款,whatsapp 付款紀錄給Suki (+852) 5566 1335。.
(1) PayMe:(付款鏈結) https://qr.payme.hsbc.com.hk/2/XnedEJjfaG6ipAmbSoYWP
(2) FPS轉數快 or Alipay:97453555
(3) Citibank花旗銀行戶口:
250-390 10935983 (Lee Edwin Kan Hing)
(4) Bank of China 中國銀行戶口:
012-878-2-0106664 (Lee Edwin Kan Hing)
(5) HSBC 滙豐銀行戶口:
828-594853-833 (Lee Edwin Kan Hing)
(6) Wing Lung永隆銀行戶口:
020-644-0000-3123 (Bridgeway Development Company Limited)
(7) Paypal to edwinlee@bwfund.com
?付款後,請將以下資料whatsapp至+852 5566 1335 (Suki):
(1) 入數紀錄
(2) 你希望Edwin在新書上寫什麼名字 或是 “BLANK”?
(3) 取書方法(書本寄出的順序會以收到入數資料的先後次序發出):
- 盛滙辦公室領取:中環皇后大道中16-18號新世界大廈一期1502至3室,辦工時間: 逢星期一至五, 早上9:00至下午6:00 (午飯時間: 中午1:00-2:00),電話 2830 1111。
- 順豐快遞:請提供收件人名稱及地址 (香港及澳門,每本需額外加HK$30運費)
- 海外郵件:郵局平郵寄出(每本需額外加HK$70運費),由於疫情關係郵遞需時1個月至3個月不等