如何替在外國出生的嬰兒申請香港身份証和特區護照?
小鬼在泰國曼谷出生,再經曼谷的中國大使館,越洋申請香港身份証和特區護照,經常有網友問我如何申請,今次就寫清楚,還有表格,希望幫到有需要的人。不只泰國,在其他國家出生的嬰兒,都可用同樣方法去申請。
不得不讚一讚香港入境事務處,越洋打了3-4次電話,5-30分鐘有人聽,態度良好,非常 helpful,有了個案號碼後可以跟進,亦可以跟負責人通電,服務非常讚。
前題是嬰兒不會因在外國出生而獲得外國國藉,小鬼在泰國出生但沒有泰籍亦沒有居留權;亦不會因父或母有外國國籍而將會取得外國國籍,因為申請人要聲明沒有其他國籍。但也有擁外國國籍的朋友子女能成功申請。
1) 申請是經當地中國大使館處理(我的情況是曼谷),大使館代收表格和資料,寄回香港入境事務處,完成後,約4-6星期,香港身份証和特區護照將被寄回大使館,大使館再通知領取。大使館只做代收代寄,問使館職員的話,什麼也說不清楚,有問題,可以打去香港入境事務處,(852) 2824 6111, 職員非常有禮,有問必答。
2) 清單上已例出所需表格和資料,ID853, ID844, ID641, ROP144 可以在網上下戴,直接填寫再印出,或到大使館領取。 http://www.immd.gov.hk/hkt/forms/hk-travel-doc.html
3) ID845 在當地的中國大使館派發,可先去取或申請當天取及填,非常簡單。
4) ID641需要BB打指模(自己在表格打),小鬼打了很久也打不清,大使館也沒理會。
5) ROP144 需要父母以外的人去証明嬰兒和父母是真實關係,隨便什麼人也可以,祖或外祖父母都可以,此人的身份証和特區護照副本也要提供。
6) 圖中的「護照補充資料」是負責主任寄給我的,網上沒有,大使館也沒有,大家最好也填好,一起交給大使館,或另擬一份聲明,証明嬰兒或父母無其他國籍,若不填或不發聲明,可能會拖長時間。
7) 填好表格,跟著清單準備好相片和資料,帶同嬰兒出世紙正本和已 certified 的英文譯本,就可以去交表。
8) 大使館一般只在上午辦公,越早去越好
9) 在泰國,出生醫院會辦理出世紙,若出生時沒名字,可以1個月內辦理,同時辦理英文譯本,並且要certified加簽,大醫院會收費辦理,若沒有此服務,就自行找律師或翻譯公司辦理。詳情請查詢醫院。
10) 辦理香港身份証和特區護照沒有限期,當然越早越好,小鬼是滿3個月才去辦的。嬰兒要同行去中國大使館。
11) 若想盡快回港,可以在大使館申辦一次出境的通行証,回到香港後,按一般程序辦理,所以要在香港等4-6星期,香港身份証和特區護照到手後才再回國。
12)身分證是沒有照片的,但護照有
13)有些朋友的子女,雖有外國國籍,也能順利申請香港身份証和特區護照。
有點長,希望幫到大家。之前問了很多人,做了很多資料蒐集,以為會很麻煩,其實做起來,也不算難。
補領出世紙網上申請 在 虎羽有云- Wilma & 小虎日常 Facebook 的最佳貼文
【BB旅行有計—護照辦理懶人包】
BB半歲之後,唔少媽媽都蠢蠢欲動想帶BB出國看世界。細心考慮BB嘅身體狀況而準備充足,趁住未返幼稚園,一個短途旅行(機程太長時間對大人小朋友都係折磨)確係令BB放電媽咪放鬆。
宜家申請特區護照好方便,大人甚至預約都唔洗,Walk in 用自助機都係兩星期搞掂,Wilma媽都係用自助嘅,帶張護照相同EPS就申請/補領倒。但幫BB整passport,就要準備得多少少喇。以下會詳盡同大家講解~
#預約
1) 網上預約
網上預約雖然唔洗怕冇籌,但每一間入境處都超Full!基本上你只能Book得倒十日後嘅日子,而且同11歲以下小朋友申請護照,冇得自助方式,所以強烈建議如果plan緊同BB去旅行都預早約時間喇!
出生42日以上嘅BB至成年人適用網上預約Link👇🏻
https://bit.ly/2s4EUW9
出生42日以下嘅BB適用網上預約Link👇🏻
https://bit.ly/2J7ESqp
2) 即日攞籌
因為當時太趕住拎,本來Wilma媽網上預約咗都取消,換真人排籌!
喺排之前嗰晚,我篤盡各大forum呢2年嘅討論睇下邊間最多籌最唔洗早起身。
結果為求十拿九穩,嗰朝我凌晨5點就起身一個人去元朗政府合署排(喺街巿門口排),8點鐘職員落樓派籌,我順利得到19號籌,8點半放人入去,大概10點半完成申請走得!
3) 郵寄/投遞
郵寄的話可以準備以下文件,郵寄到以下地址👇🏻
香港灣仔告士打道7號入境事務大樓4樓旅行證件及國藉申請組
如果係投遞,就要親身到各入境辦事處投到投遞箱喇!
#申請文件
1)BB白底證件相2張
芊羽係喺曬相舖影嘅,方便又實啱規格!
2)ID (C) 842A 十六歲以下兒童護照申請書
3)ROP3 十一歲以下兒童身分證申請書
因為申請護照係必須有香港身分證,所以被迫要同時申請埋呢張冇樣嘅證件,費用全免。
4)ID 641 副署事項表格
呢樣非常重要,申請BB護照人必須係父或母,所以要填嘅表格起碼去到就算填錯要改都填倒。唯獨係呢張,係要除父母外年滿18歲人士幫手填,如果你自己一個人去幫BB申請,呢張就一定唔可以填錯。
簽呢張表格嘅人可以係BB嘅任何親戚朋友,只要唔係爸爸媽媽就可以了。
而表格上要先貼上BB嘅證件相,然後請嗰位親戚朋友喺上面簽署。
注意!簽名要跨越表格同相片,但又唔可以畫倒BB個樣。
5)副署人身分證副本
6)BB出世紙正本及副本各一
7)你嘅身分證
齊哂以上7樣嘢,就可以安全申請倒護照喇!
溫提,BB爸爸或者媽媽申請就得,唔使兩個一齊去㗎。
有一樣要留意嘅係,11歲以下小朋友要申請護照,必須申請或領取其中一次要見倒小朋友真身,如果申請嗰日冇帶BB,領證嗰日就要帶返BB俾入境署職員望望喇!
所有表格可以喺以下網址下載👇🏻
https://bit.ly/2LnUrbs
#費用
16歲以下嘅護照只有5年期,一樣有2種頁數俾大家揀。
32頁 $185
48頁 $230
#造證時間
大人嘅申請護照時間比較短,只需要10個工作天,但係由於11歲以下小朋友要同時處理身分證嘅申請,就需要14個工作天先可以領證,而且申請護照嗰一日係唔計數㗎!
而且特區護照係冇快證服務,亦唔接受出外旅遊作為加快處理嘅理由,所以記得預先申請呀!
#取證安排
成功申請護照之後嘅第二日,就可以喺網上預約取證。同申請唔同,領證嘅網上預約服務就冇咁full,可以揀嘅日子同埋時間選擇都好多,不過大家只可以揀返申請時候已經填咗嘅入境處,冇得轉㗎。
到咗領證當日,大家只需要準時出席,帶備你自己嘅身分證(如果申請時候冇帶BB你就要帶埋BB喇),同埋申請時俾你嘅領證信,去到入境處喺自助拎籌機再輸入你嘅身分證攞籌,半個鐘倒就搞掂走得啦!
**郵寄或投遞方式因為都未見過BB,所以一定要有BB去呢
預約取證網址👇🏻
https://bit.ly/2J6EUi3
雖然Wilma媽唔贊成太細嘅BB去旅行,因為BB耳膜唔舒服又周車勞頓,不過對媽媽s黎講,又係一個遠離工作同創造回憶嘅好機會❤️
希望媽媽們同BB旅行順利!