【教育迷思：讀書就梗係辛苦㗎啦，唔辛苦又點算係讀緊書呢？】
偶然都會聽到啲家長表達一個想法：讀書就梗係辛苦㗎啦，唔辛苦又點算係讀緊書呢？
當然，家長有咁嘅諗法，唔可以完全怪晒家長。
香港嘅教育制度有時真係非常變態，我認識有啲學生，學校三日唔埋兩日就比一個Test，慌死操唔死啲學生唔心息咁樣。
但係on the other hand，都有為數唔少嘅學校，給予學生嘅功課量都相當合理，喺課程設計之中亦會挑選一啲適合學生程度嘅讀物比佢哋閱讀，等學生多啲機會接觸有機嘅語文，而唔係好dry咁只係從textbook去學習，會喺課程之中配合一啲multimedia，比學生透過睇電影、聽歌集語文。
唔係話文法練習操練式訓練對幫助學童學語文完全冇作用，畢竟好多呢啲文法練習都會將一個課題之下嘅難點集中埋一齊，等學生比較容易掌握。
但家長真係唔可以將「學嘢就梗係辛苦㗎啦」作為唔幫小朋友搵更加愉快嘅學習方法嘅藉口。用補充進行操練，應該只可以係小朋友學嘢嘅一部份，而絕對唔應該係全部。
講到尾，學習嘅過程愉快，獲得嘅知識對於小朋友先會深刻持久，小朋友長遠來講先能夠愛上學習，培養到探究精神同高階思維。
咁探究精神同高階思維有咩咁緊要？
當小朋友年紀尚細嘅時候，要完成嘅學習任務，好多都係有標準答案嘅；但當小朋友長大之後，面對既大部份嘅學習任務都係冇標準答案架啦。
同樣地，長大後面對生涯規劃同埋人生課題，種種問題都係冇標準答案嘅。呢個時候，探究精神同高階思維（對自己嘅了解、創意、批判同邏輯思維等等）就會大派用場喇，教育能夠培養到呢啲特質，先能夠equip a child for life（為佢哋人生做裝備）。探究精神同高階思維，係逼唔出嚟嘅，唯一嘅培養方法就係小朋友自願咁樣長時間浸淫、長時間培養。
我記得細個嘅時候，爸爸媽媽都會想同我表明，考到頭10名，係理想嘅成績。
但係如果考唔到都唔會打罵呀，但係咁樣嘅laissez faire（自由放任）嘅政策，反而令我培養到對語文嘅熱愛：我會主動閱讀、主動寫作，有時仲會投稿去雜誌添！
仲記得細個，有啲同學媽咪真係逼得小朋友好緊要， 100分裏面攞99分已經要打要罵，今個學期考第一名下個學期考二三名，已經個天跌落嚟咁樣樣，但佢哋有冇衷心愛上讀書同學習呢？相信答案係不言而喻嘅。
你話，長遠來講，培養興趣點會唔重要得過追逐名次呢？
===============
打機 / 彈琴 / 打功夫 / 學英文 http://bit.ly/2RgLH9G
看經典吉百利朱古力廣告學英文 http://bit.ly/2P4xxXm
【成人英語 One-day course：Modal Verbs 情態動詞】
12月14日 (三) 7:30 pm - 9:00 pm
Finnie's Club 會員價 ($80) / 非會員價 ($180)
人數：~7人
報名表格：https://goo.gl/forms/hv77wPE68xcLuut82
✴️ 搶先看到更新，設定專頁為「搶先看」/ “see first”
➡️ 課程時間表：http://bit.ly/fla-courses
➡️ 與芬尼學英語 YouTube 頻道：http://bit.ly/fla-yt
➡️ 訂閱 與芬尼學英語 電子報：http://bit.ly/fla-nl
➡️ 成人班課程資料：http://bit.ly/fla-adult-infosheet
