關於 要掛喺心口 ，我們在網路上蒐集到這些相關的討論、資訊與評價

𖠋低b級家居意外 ☻︎

話說今日出門前，
我幫兩隻野執番電視櫃後面個favourite波🎱。

唔夠手長，
於是攝隻腳埋去電視櫃同窗台中間條罅再彎腰執，
一彎腰⋯⋯

-----唔係條腰有事-----

係隻腳郁唔到嘅？？？？？

就好似啲百厭仔攝個頭入欄杆抆唔返出嚟咁！

我知越監粗嚟越抆唔番，
試圖好冷靜咁轉吓隻腳睇吓抆唔抆得番出嚟。

喂，好痛呀，郁唔到呀，
救命呀！！！！！！！🤦🏻‍♀️

-----好明顯已經冷靜唔到------

屋企無人，
得兩隻貓，
仲要走嚟走去望我係咪有野玩唔俾佢地知，
個電話離我好遠，（想打俾監製叫佢搵人頂我做龍虎榜🙃）
就嚟夠鐘番去開咪，
隻腳抆又唔郁，唔抆又夾到痛，
企又企唔直，坐又坐唔到，
電視櫃好鬼重推唔郁，
我喺度諗：
死，12點無人喺直播室點算？
今晚屋企先有人番，我會唔會瀨尿？
如果我大叫，隔離屋會唔會聽到？
聽到係咪要call消防員處理啲咁低b嘅意外，
入到屋佢地會唔會話：「吓？咁咋？」
如果無人救到我，
隻腳夾到今晚會唔會有事？

僵持左廿分鐘左右，
我靈機一觸打開個櫃門，
覺得發力點好啲應該推到⋯⋯

-----郁都唔郁-----

個電視櫃裝啲咩咁重啫？！

望住時間一秒一秒迫近，
隻腳又好鬼痛，
隻貓喺隔離又喵到我個心好煩，
我同自己講，
無其他辦法架喇，

-----唔係截肢-----

係一定要盡地一鋪發力推郁個電視櫃！

就好似奧運舉重般嘅奇蹟，
我儲氣大叫一野，
竟然真係一野推郁到個電視櫃，
隻腳喺紅海中出番嚟，
我真係好似運動員贏咗咁想喊囉。

嚇死我喇！嚇死我喇！

以後，我唔會幫你地執個死·人·波！

#如果我因為咁番唔到去報榜真係史上第一人 #講出嚟無人會信 #一定當我係唔知醒無番工 #水洗都唔清 #我自己都唔信 #好在未熄冷氣 #究竟點解成日有入到出唔到嘅問題 #家居意外千奇百怪 #記住安平安鐘呀 #平安鐘安咗都禁唔到 #要掛喺心口 #嚇到個心離一離 #趕到個心震一震 #上半day太刺激 #下半day要靜心 #金甘係喺我番嚟補番張事後相都仲要同我爭個波 #你玩飽佢 #我去瞓晏覺定驚 #可以開番個_事天天都多嘅hastag #_事天天都多 #覺得_嘅請俾like #有你嘅支持我一定可以更_架

【一個人的中秋】

78歲、頭髮全白、曾中風、血壓高、皮膚差，有牛皮癬問題；跌倒兩次後，記性和體能都比前更差了！

一生沒有結婚，只有一個82歲姐姐做聯絡人，每次進出醫院都只能通知她；但姐姐坦承，自己年紀大，又要幫忙湊孫，實在無能力經常前來探望他！

唯一出路，上門送飯和入住安老院；他十萬個不願意，但我堅持替他申請了！

夢想與現實往往有一段很遠的距離，有時遠到今世也未必能相會；正如由小到大，我也一直夢想長大後賺到錢買間大屋，和肥媽一起住，帶她環遊世界！

見中秋節快到，拿了兩個月餅，上門探望他。

他，正在吃著朋友買給他的奶黄包！

他告訴我仍行動自如，天天都往街市買餸；但我進廚房打開他的雪櫃，只有一包封存已久的冬菇乾和四個明天到期的合桃蛋糕！

他眼見真相已曝光，表示餸剛好吃完了！

我把月餅送給他，叮囑他不要一次過吃掉！

「盧伯，遲啲有送飯服務，我即刻通知你！再唔係，我搵義工幫你買餸好唔好？」

「唔駛喇！我仲行得到，出街當做運動！我自己煮得到，唔駛送飯喇！」

「到時睇吓啲餸好冇先囉！一餐十蚊都唔駛，好平好抵㗎！」

他，被我說到不能不微笑點頭。

「盧伯，你自己一個要小心啲！平安鐘記得要掛喺心口！有需要嘅話隨時搵我，知道嘛？」

他如往常一樣默默點頭，雖然平安鐘依舊掛喺床頭.....

「仲有，盧伯，中秋節快樂！」

http://www.facebook.com/lamfungfrances
http://www.facebook.com/tagconcept

【遠離毒毒沐浴液！完美演繹Quality of Bath！瑞典國寶級天然有機身體護理品牌L:A BRUKET！】
L:A BRUKET BODY WASH 天然有機沐浴液 450ml

腥港天氣現正進入疑dry疑濕嘅敏感高峰期！除咗塊面要高度戒備，提升表層屏障抵禦力，以免敏感及炎症瘋狂登場，其實全身肌膚都要睇L住！事關人體喺Bathing Pig嘅時候係最易吸收毒素，水溫高，皮膚毛孔就會中門大開，用化學活性劑嘅沐浴液會洗走晒可以保護皮膚嘅油脂，導致越洗越乾燥同堅•身痕！毒素亦會經由皮膚，直接從皮下組織嘅血液以及淋巴潛入人體循環，繼而影響身體機能運作，免疫力下降，濕疹等皮膚問題就會搵上門！黑仔起上嚟，啲敏感仙女散花咁擴散到全身都喺，小朋友仲特別容易中招添架！


近年消委會出果啲乜乜產品影響健康嘅測試報告，越嚟越多港豬留意！作為一個懶精明嘅消費者，你冇奶油唔知MIT、CMIT呢啲化學防腐劑以及香料等，係個人護理產品嘅致敏原！但市面上充斥大量渾水摸魚嘅品牌，掛「純天然」「無添加」旗號，賣的卻是對人體有害嘅成分！正所謂有頭髮嘅邊個想做瘌痢，冇皮膚敏感嘅邊個想痕到落腳趾尾？講多毛謂，瘋即刻同你解構下瑞典國寶級天然有機身體護理品牌L:A BRUKET嘅沖涼液有咩咁令人愛不惜手！


除咗食瞓痾，全日最疏肝嘅時段，肯肯定係做Bathing Pig果陣！要將呢個private moment昇華至五星級嘅享受，所有煩膠問題暫時拋諸腦後，關鍵在於揀！啱！沖！涼！液！L:A BRUKET通過多項天然界嘅權威認證，包括英國Soil Association土壤品質監控、美國USDA ORGANIC、歐洲ECOCERT有機認證！創辦人Monica Kylen堅持只選用最高汁嘅天然原材料，產品全人手製作，sweet到噴汁咁呵護唔同膚質，特別適合敏感皮膚使用！


071 WILD ROSE 野玫瑰沐浴液
有別於坊間嘅化學香料玫瑰味咁得個死甜，Wild Rose散發初鏈般嘅怡人花香，為dry燥巴dee帶嚟充分滋潤！野玫瑰有機精華油容易被皮膚吸收，有助柔軟肌膚，刺激細胞再生！建議一邊哼住甜蜜蜜～你笑得甜蜜蜜～一邊將阿野玫瑰沐浴液推勻全身，重拾比仔媾嘅甜絲絲感覺！至於單身足幾廿年嘅你... Er... 跳去下一支啦！Next！


073 DARK VANILLA 黑夜香草沐浴液
平時好眉好貌但心口生粒粒嘅你，呢支好可能係拯救你一「身」嘅沐浴液！事關當中嘅香草及廣藿香混合精華油，有效抗菌抗發炎，刺激皮膚細胞再生，幫助傷口癒合！除咗K.O.粒粒，連濕疹、香港腳等皮膚過敏都舒緩到！今個夏日熱辣辣終於可以big波暢泳三點式示人啦！Um... iPad身材嘅你都無須氣餒嘅... 咳咳，因為此沐浴液可以抗抑鬱，釋放負面情緒，沖完個涼乜嘢傷心事都傷害唔到你啦！


094 SAGE/ROSEMARY/LAVENDER 鼠尾草/迷迭香/薰衣草沐浴液
薰衣草用途廣泛，咩鎮靜呀抗菌呀止痛、解充血都關到佢事，搭埋鼠尾草同迷迭香，將個抗菌功效搞大佢之餘，仲可以舒緩肌肉疲勞及疼痛！U know la，返office嘅，坐姿唔啱會肩頸痛同腰痛，做sale屎嘅，企得耐又會腳痛同水腫，唉真係返乜7工都會痛... Any肥，鼠尾草、迷迭香、薰衣草溝埋之後，氣味雖然唔稱得上怡人，但就相當寧神！有助放鬆心情，沖完涼後有種鬆口氣嘅感覺，更易入睡！亦都可以舒緩濕疹同皮膚敏感炎症！


104 BERGAMOT/PATCHOULI 佛手柑/廣藿香沐浴液
唔講你唔知，原來佛手柑對尿道炎有抗炎作用，亦可以緩和焦慮低落情緒同保護皮膚！雖然瘋已經有幾個世紀冇出現過炎西，唔知呢支沖涼幫唔幫到手，但用完之後精神放鬆咗是肯定的！而且廣藿香亦有抗菌及抗抑鬱功效，同佛手柑一拍即合！聞落覺得有啲warm warm地，沖落又有種涼快感覺，55，情況有如有個暖男揸住把芭蕉扇吹向你... 咁上下啦下，總之係心情暢快嘅！


117 MEJRAM/EUCALYPTUS 墨角蘭/尤加利沐浴液
輪到瘋's飛佛嘅117喇！近年瘋個鼻敏感都好唔生性下，呢支墨角蘭尤加利有抗氧化、暖身及令人精神煥發嘅功效，最jeng嘅係尤加利有助呼吸暢順，fit晒我呢啲鼻敏感L！佢仲可以抑制病菌滋生，感冒傷風夜睡不寧神經緊張，唔洗啪奇應丸嘅，呢支沖涼液都舒緩到，沖完包你精神為之一振，鼻水唔會打倒吞！


184 GERANIUM 天竺葵沐浴液
呢支沐浴液mix咗天竺葵、薰衣草以及黑胡椒精華油，聞落去好fresh好C服，陣味絕對係男女通殺！有鎮靜呀清除疲倦呀鬆弛神經呢啲洗滌身心基本嘢，同時有埋抗菌驅蟲功效！Well，誠意向返工長stand不能sit嘅你介紹返，此沐浴液仲可以刺激淋巴系統幫手去下水腫，減輕肌肉酸痛，拎佢沖涼，係開心仔嘅！


TAG Concept
www.tag-concept.com
總店：旺角新之城3樓306
13:30 - 22:30
分店：銅鑼灣東角駅2樓275
13:15 - 22:15
WhatsApp：54425298
WeChat：tagconceptonline

可以WhatsApp下單以［轉數快］付款
購物滿$800或以上免本地工商區及順豐站/智能櫃運費
$800以下運費到付
住宅及偏遠地區工商大廈一律運費到付


#tagconcept
#labruket

寧做小生意不批貨 西灣河老麵廠誓保質素：要維持客源唔可以偷工減料（足本版）： http://bit.ly/2RvZvhl

山竹走了，香港仍然颳大風；股市不能停，搵路趕返工，賺錢「重要」過天災。西灣河有間老麵廠叫春記，口碑載道，老闆偏偏將生意愈縮愈小，每日打麵兩三種，只做零售，門市中午12點就拉閘。
行家笑春記人懶不進取；「咁辛苦做咩啫？第一，交畀人嘅貨價可能係現在賣嘅三分二；仲有，我質量可以提升多啲，做好啲；如果交畀人要淋淋聲做完淋淋聲起貨。」第二代掌門五哥樊容強心水清，腆着大肚腩哈哈哈，十足一尊笑佛。

「禾稈冚珍珠！」慕名首次來到春記麵廠的人，可能有此一嘆。幾百呎小廠躲在靜靜的興民街，附近佔了一半是車房；門面殘舊，小趟門僅夠一人通過。但見不時有客擠進來五包十包的買麵：四位老太太似小學生在起哄，「我哋平日帶車仔嚟；今日無準備，行到呢頭又忍唔住。」金蘭姊妹分別住北角、將軍澳、何文田和元朗，你買我又買。有靚女長居法國，離港之前來買麵，他朝解鄉愁。
曾經有個在美國開旅行社的熟客，叫春記做一個貨櫃的麵，拍心口有本事賣晒。「一個貨櫃？我一年都做唔到喇！一個星期我都只係做幾百斤麵。一包麵粉50磅，一個貨櫃放麵粉800包，放幾多麵我就唔知。」五哥耍手擰頭笑騎騎。


時間　磨出來的細緻
春記貨種不多，蝦子、瑤柱、魚蓉……乾麵類六七款，濕的有生麵（雲吞麵）、上海麵、雲吞皮等，每日只做兩三款補貨。五哥指出，每星期做三兩包麵粉的生麵、三兩包麵粉的上海麵，蝦子麵做到七八包麵粉，「如果你唔係自己鋪，咁樣根本唔夠皮。」
雖然貨量少，他依舊每朝凌晨五點回來打麵。為何不多睡兩句鐘才開工？「麵呢，做嘅時候要等佢（成分）去混和，我哋行內叫做『行吓佢』，放一放先轆，放一放先執，咁係最好嘅。」他晨早打好麵，弟弟樊容坤（七哥）七點多現身，順道速遞早餐，去門市開檔回來正好執麵。
身處橫街，門面欠奉，七哥明言全靠「老主顧」支持，「人哋話你嘅麵好食，證明你嘅出品受人欣賞。（做麵）回報你嘅，唔係一包麵嘅價錢。」七哥滿足道。
五哥強調：「維持到客源，就係不偷工減料。就算有靚材料，你偷咗工都一樣死。」譬如他做掛麵，人家「夾」麵一次、轆（壓）兩次；他就夾兩次，轆四次五次六次，「如果一次過壓得夠薄，條麵唔好食嘅。轆多一兩次，麵會滑溜啲。」慢工不一定出細貨，但要細貨，不得不磨時間。當中沒秘訣，行家也知，但知不等於做，尤其趕急大量出貨的。「我不是經常做，時間耐啲，無問題，慢慢做。」工序在意，客人評價五哥一樣在乎：「你賣一樣嘢出去，個客返嚟一句說話：你啲麵唔得噃上次咁樣，你就成晚瞓唔着。」


機器　取代不了經驗
有50年，春記都用蒸籠明火蒸麵、焗麵。大約十年前傳出發展商意欲收購興民街的舊樓，所以兩兄弟一直沒有更改生產設備；然而，五年前去到討價還價的階段，收購重建無疾而終。兩年前，乘着配合屋宇署的要求，他們花了三四十萬重新鋪水鋪電，廚房改了電的蒸櫃和焗爐，走進「現代化」。
「現在蒸一車麵23分鐘。以前朝早蒸到夜晚五點，執一次麵就要去蒸，之後要焗，將啲麵調嚟調去，一日搬到黑。」五哥說。
那次大裝修，舊物只剩一紮古董竹片，父親用過，今天韌性依然，好晾掛麵。竹昇和蒸籠都沒留下來，倒是夾麵機壓麵機從父親年代服役至今，一開動就嚓嚓投訴，零件換了好幾次，就是捨不得丟掉換上先進的。
機器省了力氣，但做麵仍要靠經驗，例如大部分麵款都要落鹼水，多少有別，醒鹼時間也不同，五哥製作七哥出貨都了然於胸。水分也要掌握得好，例如做掛麵只有麵粉和水，太濕麵不好吃；太硬，麵就易斷易碎。所以，打麵前，要磅準水量，「如果你斷估倒水下去，多時加粉，少時又加水，加來加去，打麵桶愈打愈熱，麵就放唔耐。」
打瑤柱麵剛相反，成分有瑤柱汁、瑤柱蓉、蛋、麵粉、鹼水等比較複雜，最初未知濕度硬度，所以要慢慢加水，一邊打麵一邊去用指頭感受判斷，「倒水太多就死喇，你再加麵粉就稀釋咗裏面嘅材料，瑤柱味淡口咗。」
蝦子麵瑤柱麵比較受歡迎，他們每個星期都做；但掛麵就得看天時，「如果大北風嘅時候做，呢刻掛上去已經攣晒，賣相唔好；如果南風天，掛兩三日都唔乾又驚佢發毛。」打麵，並沒有一條方程式，唯有歲月造就的敏銳。

追數慘過借
春記在1965年由父親樊春創辦，1975年前搬來現址，一度是東區雲吞麵鋪、酒樓的供麵大戶，遠至灣仔也交貨；單是打麵師傅就請了五六個。五哥有八兄弟妹，除了萬千寵愛的小妹，七兄弟自小就在麵廠幫手，但繼承衣缽的只有老五和孿生細佬老六以及老七。「中學讀唔到書就跟老竇做囉！」五哥笑。
「老竇等師傅收工就教我哋坐竹昇、打麵。」七哥邊說邊回味怎樣將一塊厚厚的麵糰「坐」成薄得透光的雲吞皮。
97年老六移民波士頓，老師傅一個個告老還鄉，最後只剩下五哥和七哥兩個人。五哥回憶：「以前做生意比較困難，人哋幫襯你係好事，但數期長，周轉比較困難，你要找數畀人，夥計又要出糧。後期都係唔好喇，索性做少啲。」
「追數慘過借！」七哥搭訕。
98年五哥正式接手後，只交貨給準時出數的兩三家；四年前乾脆停止做批發，「自己賣算數」。門市就在百步之遙的西灣河市政大廈，正午12點便收鋪，客人要買麵就得移步興民街麵廠。「下晝唔開檔，因為粉麵客人通常上晝買，夜晚食飯煮餸；下晝生意額都唔夠請一個女工睇檔。」七哥道來原委。

簡單　也美
兄弟倆只差兩歲，五哥滿頭灰白，七哥無染髮也烏卒卒，完全不似59歲。
「佢以前多嘢諗。」哥哥是麵廠持牌人，打頭陣，傷腦筋。哥看弟「漏氣」，弟看哥「心急」；不過二人拍檔幾十年，早明白「如果人似我除非兩個我」，「一人少句就無事。記住，你一嗌交就散檔。」五哥笑得瞇起眼。兩兄弟都是健談之人，可是在麵廠各有專注，大多靜靜地做，任由收音機大聲播。
「我14歲開始做，現在兩個膝頭痛，痛咗幾年啦。」61歲的五哥看了醫生，說是勞損。幾十年來他日日搬麵粉、抬又濕又重麵糰走來走去，不離開崗位關節炎難緩解。七哥一樣腳痛，因為「坐喺度執唔到麵」，每日執麵，一站就是七句鐘。
「我希望65歲可以退休。」哥說。「佢四年後退休我都要退，一個左手一個右手，佢做前半部，我做後半部。」弟應。麵廠少一人都不能運作。
春記有歷史有口碑，可產量少。行家都說他兩兄弟懶，不思進取。七哥一笑置之：「錢，使到嘅就係你嘅財產；你唔用嘅就係你嘅遺產。搵到兩餐，唔係夠囉！」收工和朋友打一場波，或者在家搞吓電腦又一個晚上。
五哥點頭同意：「以前做批發一年最多休兩日，現在可以休十日八日。」自給自足，沒有交貨壓力，他整個人輕鬆了，回家飲杯冰凍啤酒，睇日劇、藍光影碟，有時煎一塊靚牛扒，已經樂透。
開心，可以好簡單。

採訪：韓潔瑤 拍攝：梁偉德

春記食品製麵廠
門市地址：西灣河市政大廈一樓D126號鋪
麵廠地址：筲箕灣興民街30號
電話：2560 5144

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

Sunday舞台王者鄭少秋：「我真的很感動。」
唔想聽SUGAR BABY嘅話，大家可以跟住跳。

主唱：鄭少秋
編曲：Alex San/C.Y.Kong
填詞：因葵

歌詞：
我果次跟個朋友走去日本周圍蒲
佢拍哂心口話過跟佢實有好前途
我話:好好好　然後唔知點算好
最好依家即刻走去醫好個肚
咦?　呢間好喎　Ｄ裝修WONDERFUL
班架妹著住ROLLER同Ｄ客落ORDER
按摩椅上睇住佢口地楂住煲茶
都未坐定已經叫口左兩客海老
擦口左咁耐仲咁HUNGRY
咁樣落去會食到幾時
SAKE叫口左半打好過孖蒸
熱口既飲口左咁耐又試下加冰
牛肉加蔥花　要烏東嘛
照燒Ｄ雞柳又試口下
然後海鮮湯　伴醬醋茶　還未完又再加
前面燒矮瓜　串燒Ｄ嘛　魚類新鮮嘛又記掛
然後加州卷　共兩客冷面　破紀錄老闆都驚訝

金曲重溫：
香港料理 - 鄭少秋
https://youtu.be/L2qbgfXzzZ8
香港4人女子跳唱組合FFx SUGAR BABY MV (Official)
https://youtu.be/yNDWRa8CV8U

MV重溫：
香港4人女子跳唱組合FFx SUGAR BABY (天線得得B版MV)
https://youtu.be/51Yca14bsLA
香港4人女子跳唱組合FFx SUGAR BABY (二次元版)
https://youtu.be/qbTFPKgWIEk
[陰曲挑戰站] FFx - Sugar Baby 糖嬰兒 (萬聖節詭異不安版)
https://youtu.be/MBNBoLCzOQQ
FFx Sugar Baby 倒轉版
https://youtu.be/qXeyon7lHeA
[MV旁述版] FFx - Sugar Baby 糖嬰兒
https://youtu.be/rIyCVz1lcQ4

【又有新MV喇﹗】FFx新MV《衝啦！Baby》 由得得B變韓國女團

本地跳舞女子組合FFx近日憑一首900蚊廉價歌曲《Sugar Baby》MV，橫掃各個社交平台，youtube點擊率每日倍增，今日中午已經有130幾萬人次睇過。不過，MV就畀彈到一蚊都唔值，批評佢哋想模仿韓式MV，但就連基本排舞、打燈都全錯，一地負皮，最搞笑係有網民直頭將佢哋個MV變成天線得得B版，取笑佢哋舞步係抄天線得得B。

究竟呢個由頭錯到落尾嘅MV，問題係咪真係出咗喺900蚊成本嗰度？蘋果為咗證實呢樣嘢，決定連900蚊都唔駛FFx畀，免費幫佢哋拍攝一個有排舞、有燈光、多角度、零成本嘅全新MV，仲將原曲填上勵志歌詞變成《衝啦！Baby》，將同一班主角，用完全唔同嘅拍攝手法，變成一個完全另唔同feel嘅MV。

其實當舊曲加上新詞，FFx都已經唱出唔同嘅感覺，加上由頂尖舞蹈編排導師黎偉倫（Dee Lai）出手，由原本個好似冇乜動作嘅MV，都變成充滿住動感、活力，而衫都一樣係兩套，但當場境換咗兩個，加上燈光效果，成個MV即刻冇咗之前嗰種天線得得B嘅感覺，變咗真係有韓國女團嘅味道。
http://hk.apple.nextmedia.com/enews/realtime/20150920/54225948

《衝啦！Baby》

主唱：FFx
作曲：Selina @ Redholic
填詞：ASS DIRECTOR

細個對鏡發呆怕怕醜醜
有晚發現對舞台有渴求
Oh 衝啦 衝啦 baby
衝啦 衝啦 baby
開騷表演先夠開心

老細發現我向着我招手
讚我算唔錯有人會唱和
Oh 衝啦 衝啦 baby
衝啦 衝啦 baby
撐我對我說句加油

時下明星千億幾個
猶幸留低得番幾個
我要高叫我！有！貨！
要向世界告知
We're gonna make you laugh

要向上 衝啦！Baby
喂 衝啦！Baby
啲衫褲最令我窩心
不需要着住貴重禮裙
無論窄或太長
簡簡單單當啱身
要向上 衝啦！Baby
喂 衝啦！Baby
不需太注重去打燈
始終想說句 冇！有！怕！
放縱這舞姿　手不鬆開不亂鬼放
I'm your honey

叫我看評語時最最開心 (Yeah)
個個卻說要挖眼又還神
Oh 慳啲 慳啲 Baby
慳啲 慳啲 Baby
想出超必發功轟我
個個在寸我太嘟太坎坷
猛笑我巨膊說著我太傻
Oh 慳啲 慳啲 Baby
慳啲 慳啲 Baby
三千出騷已經不錯

噚日能衝出YouTube噃
明日紅館開show不錯
我要高叫Don't give up
要向世界告知
We're gonna make you high

我會耗盡三倍氣力 用三倍努力
只想你快樂冇憂心
不需要着住貴重禮裙
無論窄或太長
簡簡單單當啱身
要向上 衝啦！Baby
喂 衝啦！Baby
不需太注重去打燈
始終想說句 冇！有！怕！
放縱這舞姿　手不鬆開不亂鬼放
I'm your honey

FFx Sugarbaby MV 360°足本版
https://youtu.be/ZiPbbukLq_Q