關於 觀塘工廈邪骨 ，我們在網路上蒐集到這些相關的討論、資訊與評價

New💛【觀塘新店！返工必食$36超抵食海南雞飯 / 泰式豬手飯】約朋友去返轉「泰國」！
-

超高性價比海南雞飯店再擴張，招牌主食便當有三款：粉紅水門雞飯 $36、正宗滷水豬手飯 $36、Grandma咖喱牛腩飯 $36、原隻海南雞～仲可以平食青木瓜沙律同埋芒果糯米飯，做到咁專，味道更有保證！
-

份量多、價錢又親民嘅《泰式海南雞飯 $36》，即日新鮮浸靚雞海南雞已經去哂骨，入口好嫩滑，最鐘意佢地自家調製嘅兩款酸辣海南雞汁、泰式青醬，配埋用鮮香茅同檸檬葉煮嘅雞油飯食勁惹味，超Jeng！
-
另一超值$36便當有《泰式豬手飯》同《Grandma咖喱牛腩飯 $36》，拼邪惡溏心蛋+ 香料油飯，分量一樣咁多，主角換上惹味嘅泰式滷水豬手～豬手煮得軟稔入味，入口有啖啖骨膠原感覺！仲有超濃郁嘅《呀婆咖喱牛腩飯》，牛腩鬆化，撈埋咖喱汁食好快清哂啲飯！
-

《青木瓜沙律$12》大概係1人份量，車厘茄同新鮮青木瓜絲口感好爽好fresh，加埋少量炒過嘅花生粒，入口香脆，沙律味道酸辣酸辣勁開胃！

-
必食驚喜甜品《芒果糯米飯 $18》兩款雙色糯米飯已經調好味，食落有少少暗甜，煙煙韌韌 ，加埋椰汁同甜甜地嘅芒果肉，睇埋價錢真係想唔試都難！
-


粉紅水門雞
地址：觀塘駿業街56號中海日升中心地下N號舖(11:30-21:30)/旺角通菜街1A-1L威達商業大廈地下(12:00-22:00) / 新蒲崗衍慶街29號地舖 (12:00-22:00)
#PND觀塘 #PND旺角 #PND新蒲崗 #PND泰國菜 #PND外賣
#PND小食

👫
<古今二> - 工廠創意精緻卷物🍣
今次嚟到位於觀塘工廈嘅日式餐廳🍴，門口係鐵皮裝修，型格又具有特色😎 店內裝潢有日本居酒屋嘅風味🏮 環境寬敞舒適，適合三五知己聚餐🥂 Menu菜式選擇繁多，主打創意卷物😝 📢 想知邊到有更多好西食？Follow&like @ourfoodstory.hk✨ 吃貨情侶帶你食勻全世界🌏 不定時更新食評⭐️
一一一一一一一一一一一一一一
🔻#沙律
▫️#龍卷風沙律 <$68>
·蔬菜
·海藻
·蟹柳
·脆片
沙律
沙律新鮮，加咗海藻好爽口💁🏻‍♀️
蟹柳嘅份量都幾多，味道酸酸甜甜加少少辣，食完好開胃🥗
.
🔻#天婦羅及炸物
▫️#雜錦天婦羅 <$75>
炸粉好薄，食落油而不膩🙆🏻‍♀️
天婦羅炸得香脆鬆化，蝦肉彈牙🦐 仲有茄子🍆同蕃薯🍠
▫️#炸軟殼蟹 <$65>
炸粉一樣好薄，而且唔會炸到好乾身☺️
咬落有好多蟹膏同蟹肉，味道唔錯，食完好滿足😋
.
🔻#燒物
▫️#雞軟骨棒 <$36/2件>
平時食開嘅雞軟骨係用竹籤串住一粒粒咁燒🧐 但呢個係將雞肉再加雞軟骨混合變為棒狀再燒🤓
食落去除咗有爽口彈牙嘅軟骨，仲食到嫩滑嘅雞肉✌🏻口感豐富，食落去啖啖肉超滿足😳
.
🔻#卷物
·配薑塊
▫️#金龍卷 <$88>
·三文魚
·炸蝦
·芝士
成條上嘅金龍卷賣相好吸引😍
上面係新鮮嘅三文魚刺身，中間夾住炸蝦🍤，面頭再淋上芝士😝
雖然係簡單嘅材料，但成個配搭超夾，食落完全唔膩，好好味🤤
size係一啖一嚿，食落超方便👍🏻
▫️#忘不了你 <$88>
·芒果
·牛肉
·芝士
好特別嘅配搭，面頭係酸酸甜甜嘅芒果😦
中間係牛肉，再加埋面頭嘅芝士，好邪惡呀😈
芒果鮮甜多汁，加埋少少鹹嘅牛肉，味道都幾夾㗎😎
▫️#彩虹卷 <$98>
·刺身
·牛油果
·青瓜
·蟹柳
壽司卷上面有唔同嘅刺身，中間夾住牛油果🥑、青瓜🥒同蟹柳
刺身新鮮肥美，味道不錯der🍣
.
🔻#甜品
▫️#澳洲芒果雪糕 <$45>
·期間限定
超大個芒果上面有一球雲呢拿味雪糕😍
切好一粒粒嘅芒果連埋椰果撈埋一齊😘
芒果食落鮮甜多汁，雪糕唔會太甜，加埋一齊食啱啱好😛
食完切好嘅果粒，記住用🥄刮埋芒果肉出嚟，唔好浪費呀💛
.
🔻#特飲
▫️#芒果益力多特飲 <$32>
·3.6牛乳
飲之前要撈勻，酸酸甜甜咁好飲又解油膩感🌸
.
🔻#日本直送汽水
▫️#靜岡蜜瓜梳打 <$28>
飲落好清新解渴，有少少蜜瓜味🍈
一一一一一一一一一一一一一一
👾驚喜指數：❗️❗️❗️
🔙翻撻指數：❗️❗️❗️❗️
（5個❗️最高）
一一一一一一一一一一一一一一
💑提提你：
▪️10% Service Charge
一一一一一一一一一一一一一一
📞：3188 8015
營業時間🕐：12:00-16:00；18:00-23:00
一一一一一一一一一一一一一一
🍽 #Ourfoodstoryhk觀塘
🍽 #Ourfoodstoryhk日本菜
地址：觀塘觀塘道436-446號官塘工業中心4期1樓B室
其他分店：
📍銅鑼灣軒尼詩道525號澳門逸園中心21樓
📍尖沙咀柯士甸路15B號嘉華大廈地下B02鋪
一一一一一一一一一一一一一一
#hk #852 #852food #相機食先 #食好西 #ourfoodstoryhk #吃貨情侶 #觀塘 #古今二 #日本菜 #🇭🇰 #🍽 #👫

御膳(imperial)
觀塘敬業街65 至67 號 敬運工業大廈12 樓f室
大隱隱於市 既工廈私房菜

近年租金貴 唔少食店一係結業，一係鋪頭搬去租偏平既工廈， 若有實力 個方法可以行得通 , 所以 工廈區工廠都頻頻出現唔同種類既食店 有甜品 中菜 西餐等 當然 好食既不多 淨番係比較高質既食店。
呢間喺觀塘工廈既私房菜 御膳 以中菜主打， 無論上網 住或工作喺附近既 朋友都無不讚好 而為食既我想食好耐，無奈於住得太遠，終於 甘啱朋友話喺觀塘食飯 於是我就提議 食呢間。 睇下佢御膳 imperial係咪真係帝皇級
雖然工廈區 但其實觀塘站b1 出口行去都係大慨7 分鐘 去到工廈既停車場轉入去 發現有一部行人lift三部運貨lift上到12 樓 f座就會見到一個好普通既木門 推入去就係食店 食店 唔太 估計大慨放到3,4, 張圓枱 可容納30 人大慨 雖不大 但十分企理

原來 佢係以私房菜形式， 佢一本好靚既彩色menu會有好多唔同食材 唔同 價錢既set俾你選， 但你打去book位時都可以同佢講講 有乜想食 預大慨幾錢
我訂枱時因番需要 定左一個大慨每人370 蚊既6 人餐 , 包括

香芒沙拉大蝦球
首先黎個外表色彩濱分 酸甜開胃既前菜
用沙律生菜墊底 上面鋪上藍莓 青紅蘋果 士多啤梨 青提 等生果 生果唔係一早雪凍拎出黎 而食得出係新鮮當日好近晚飯時間整 所以食落juicy, 而上面既蝦經過油炸 全不肥膩又十分香口 鋪上新鮮芒果 同秘製沙律醬 配合得好好 既清新又不失炸蝦既香口！

蒜蓉粉絲蒸大蟶子 6 隻
平時喺街市買最大既蟶子 有成隻筷子長，大又排列整齊，外觀望落去已好開心 蟶子新鮮不在話下 蒸既時間剛好 所以口感彈牙又不失鮮味 而上面加左炸蒜 蒜同辣椒 葱花等調味 令到整體十分香口 而下面既粉絲都不能睇少 充滿住醬汁 同蒜味既粉絲熱辣辣 而且又十分爽滑軟熟 要黎撈飯真係冇得輸

花龍蝦 5至6兩 3 隻 分別煮法係
滿意係6 人3龍蝦佢肯分開三個煮法 煮前直接拎3 隻生龍蝦俾我地睇 而每一個煮法 都有生菜 同炸既麵做墊底 拌碟又靚 真係有心機
順帶一提 所有龍蝦都有好多蝦膏 無論邊種整法 食佢個蝦頭都一流！

香煎 龍蝦煎得十分乾身 香味指數最高 食落去隱約食得出有好多調味 尤其胡椒味 十分惹味 而佢墊底既炸脆麵比較乾身 最適合配啤酒
上湯 龍蝦 以為湯碗上碟 原來都係用炸麵拌碟 喺上湯拎出黎再放碟 可令到龍蝦肉唔會放喺湯太耐而變林 十分細心 龍蝦當然新鮮 而上湯汁完全覆蓋住龍蝦 食落既湯汁好鮮 而且好軟滑 令到龍蝦既口感增加左層次感 !

芝士 龍蝦 芝士十分濃稠 醬汁已完全滲入去龍蝦肉 咬落去啖啖新鮮既龍蝦肉味 配合埋芝士既醬汁十分juicy而墊底炸麵亦因為撈埋左芝士醬而變得好食 正！

花鵰蛋白蒸肉蟹 1 大隻
肥美既大肉蟹 一上枱有好香既花鵰蛋白香 , 肉質鮮嫩啖啖肉 一揭開蟹蓋 蟹膏都幾多 蟹身仲放左葱去蒸 令到整碟蟹增加香味 , 而底部既蛋白密度偏高 食落幾有質感 富有蛋味
菊子魚
用12兩東星班養魚整成菊子魚 將成條班切開魚肉 切到好似菊子甘 連埋魚背一齊炸， 十分花心思時間， 魚肉因為切成菊子形 連埋魚皮炸 所以外面食落香脆而又好有口感 入面既魚肉厚實又好有彈性 唔會因為炸左冇魚味 , 整個魚肉上面亦鋪上紅椒同柑桔 令到油炸既魚肉增加清新同甜味 , 而魚背同魚頭雖冇整成菊子 但亦都炸得十分香脆且啖啖肉 好適合配啤酒

士多啤梨骨
用豬排骨整成， 豬排骨炸得有鑊氣 有少量骨 所以骨側邊既肉連筋十分有彈性 其它部位 脂肪同肉既比例佔37 成 夠口感又有豬油香 出面鋪住左濃稠既士多啤梨汁 聞落去好香 仲帶點醋既酸味 , 咬落去首先係酸甜既士多啤梨醬然後就係排骨既豬肉口感， 雙重享受！

金華肉樹雞半隻
外表美觀 用金華火腿同雞肉梅花間竹 ,類似菜膽雞整法 用茨汁淋落煮熟既雞食落會更香滑 不同既係玉樹雞既雞肉超滑 雞有雞味 而且全部去骨 十分貼心 好適合 連埋火腿一齊食 , 金華火腿因為煮得夠林 加上茨汁 不會太咸 最邪惡係厚切 咬落去煙韌彈牙 同軟滑既雞肉同時放入口 口感好match !

蒜蓉炒芥蘭
外觀上菜既色澤表現出鮮綠色 估計落既油份剛好 , 聞落去菜既香味撲鼻 而且用左炸蒜炒 更加惹味， 食落去 菜當然新鮮 出面脆身夠鑊氣 而入面有比較粉既口感 又帶點juicy可見炒既時間剛好 !
蟹油炒麵
香芳撲鼻既炒麵 一開始係聞到好香既豉油味 食落去就帶點蟹油香味 炒麵炒得最緊要乾身 佢做得到， 但乾身之餘又唔會炒到麵質太鞋 要夠爽口彈牙就更難， 佢都做到！ 呢味炒麵食落去超爽口 配埋紫洋葱 芝麻調味 色香味俱全又夠鑊氣 推介！

楊枝甘露
食完甘多好餸就食番個楊枝甘露，甘露好濃好香滑 入面既芒果 西柚 都係新鮮整成 所以食落好juicy, 加上西米粒落得份量適中增加口感 而且整個甘露奶味好香濃 明顯地落足材料 食得十分滿足！

整體上環境舒服企理
食材因為每天朝早預備 十分新鮮
廚師既餸菜多樣化有創意 色香味 外表俱全 十分用心再加上價錢以私房菜黎講真係唔貴
所以 若揀食私房菜 我都會再黎呢間 值得enore!

#御善私房菜 #foodblogger
#food #foodie #foodporn #hkfoodie #hkfood #foodstagram #iger #hkig #相機食先 #手機食先 #全力食 #全日食食食
#全日食 #食極唔肥 #為食花太郎 #私房菜