1964年-現在 五十六年前 看粵語片尋找往昔香港
尖沙咀 朱古仔村 又一村 九龍塘舊貌
片中加兩段平行時空 玫瑰街 大坑東《朱古仔村》穿越古今!尖沙咀火車站鐘樓噴水池，又一村海棠路玫瑰街尾朱古仔村木屋區.士多.舊時香煙牌子，17.30分 油麻地志和街「百老滙大酒店」在1966年清盤結業。
《朱古仔》係香港一個已經冇咗嘅木屋區，位置相當於今日香港城市大學、又一城、又一居同又一村花園嘅範圍。
喺八十年代之前達之路只係去到海棠路為止，又一居嘅位置喺當時係一個山窩，山窩裏面同外面嘅山坡上面都搭咗唔少木屋，而喺九廣鐵路（港鐵東鐵綫）嗰一邊，即今日又一村花園嘅位有唔少菜田，山窩嘅出口喺馬利諾神父教會學校後面，因為喺大坑東第二號遊樂場中間曾經有一條明渠，由馬利諾神父教會學校同又一居第二十六之間流出，以前南山邨嘅居民要去又一村，就要喺呢條明渠則邊入去朱牯仔，去到海棠路嘅海棠苑後面，轉左就可以去到達之路，轉右就可以去到玫瑰路。
喺桃源街遊樂場以前係一片菜田，嗰道有一條明渠流入去信義會中英文幼稚園前面嘅馬路，之後就再流入喺大坑東第二號遊樂場嗰條明渠，而桃源街只係去到香島中學門口為止，菜田就係喺桃源街同明渠之間，喺信義會中英文幼稚園則邊有一條小路，沿住呢條明渠一直走，經過菜田後，明渠同小路就穿過一條又高又黑嘅峽谷，呢個峽谷就係喺依家達之路下面，走出峽谷後，再直行橫過鐵路，就可以去到九龍塘，而條明渠就係沿住鐵路，由筆架山流落嚟。
朱牯仔最先被清拆嘅部份係今日香港城市大學教學樓第一期嘅範圍，大概喺七十年代初期，因為嗰個範圍被用作興建地鐵觀塘線嘅工地，當觀塘線起好後就一直空置，嗰道曾經有一間大同中學。到咗七十年代尾，今日香港城市大學教學樓第二期，即教學樓紫區嘅範圍，又拆埋。無綫電視劇神劍魔刀（1986）部份外影喺呢道拍攝，不過套劇未拍完，香港城市大學就開始起。
到咗八十年代初，今日又一村花園同桃源街遊樂場嘅範圍就拆咗，大坑都唔見埋，達之路就伸延到今日生產力大樓嘅位置。
朱古仔喺1985年火燭過，災場範圍大概係馬利諾神父教會學校後面嘅山窩，場火大概喺入黑後起，火勢好猛，重係咁爆石油氣，最後摧毀咗成條木屋區，得番向住香島中學嗰邊山坡嘅幾間木屋。到咗九十年代初，成個山窩俾人剷平，起咗又一居。(文字資料維基)
1964年粵語片〔四兒女〕由余麗珍胡楓林鳳江一帆李香琴主演。
#歷史時空
↓
觀塘遊樂場地鐵出口 在 SOUL - 【#生活SOUL｜2021年宵花市 】 一年 ... - Facebook 的推薦與評價
地址：太和汀角路10號大埔天后宮風水廣場（太和地鐵站B出口） 7.屯門天后廟廣場 ... 10.觀塘觀塘遊樂場 地址：觀塘翠屏道6號觀塘遊樂場（觀塘站D4出口） ... <看更多>