柚子甘露沾麵 ($108)
.
———————————————
🔸 柚子鹽味拉麵 ($98)
🔹 炸軟殼蟹包 ($58)
🔸 唐揚炸雞 ($68)
🔹 自家製煎餃子 ($48)
🔸 海藻沙律 ($38)
🔹 柚子青檸梳打 ($38)
🔸 AFURI whisky highball ($78)
———————————————
.
上次去東京食過一次AFURI嘅柚子沾麵，
今日開始終於喺香港都食到喇😍💛
同大多數拉麵店走嘅濃厚風截然相反，
呢度嘅拉麵同沾麵全部都清爽得多，
除咗招牌嘅柚子鹽味拉麵同柚子甘露沾麵之外，
仲有柚子辣湯拉麵、豬骨濃湯拉麵、
純素擔擔麵等共八款拉麵或沾麵，
而且仲有連日本都無嘅小食( ´▽｀)
.
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
柚子甘露沾麵可以揀冷麵或溫麵，
粗麵口感煙韌富有彈性，
配上角切豚肉脂肪入口即化毫不乾韌，
另外追加咗三片炙燒叉燒($19/片)一試難忘，
爽嫩肥美之餘洋溢炙燒焦香令人回味無窮😍
沾汁有別於一般沾麵，
除咗係凍嘅之外並非走濃稠路線，
柚子嘅酸甜當中帶點微辣相當清爽，
同喺日本食嘅味道如出一轍♪( ´θ｀)ノ
試咗啲朋友嘅柚子鹽味拉麵，
幼身拉麵比較爽滑同吸湯，
湯頭鹹香並帶柚子餘韻不過相對薄弱，
相比之下個人始終都係覺得沾麵更勝一籌♪(´ε｀ )
.
而小食方面就有角煮豚肉包、
辛辣炸雞包、炸軟殼蟹包、唐揚炸雞、
自家製煎餃子、炸餃子同海藻沙律，
亦有角煮豚肉丼、擔擔肉燥丼、
唐揚炸雞丼三款丼飯(⁎⁍̴̛ᴗ⁍̴̛⁎)
炸雞外脆內嫩保留肉汁；
餃子皮薄但煎得唔夠香脆而且比較吸油；
最鍾意係刈包形式嘅炸軟殼蟹包，
酥軟香口之餘加上蛋黃醬同泡菜更加惹味；
另外一系列cocktails都別出新意，
杯招牌AFURI whisky highball係以SUNTORY角瓶威士忌加柚子汁同梳打調配而成，
雖然我唔飲酒就無飲到，
但柚子青檸梳打酸香清爽都有驚喜♪(´ε｀ )
.
————————————————————-
📍AFURI (尖沙咀) @i.t_too
彌敦道100號THE ONE 2樓 i.t orange forest
————————————————————-
.
.
