*嚴禁劇透估劇情*
*粗口自行過濾*
*可瘋狂話戲屎但免人身攻擊*
[1230隔夜超短劇評][無綫][降魔的 第18集]
[讚]
上集結尾由趙永洪嘅內疚爆發收尾收得好，今集繼續落。些粉係「典型」男人角色設定，乜都收收埋埋，就算係的士行家一齊討論龍貓身後事嗰陣都冇出聲，呢個位係幾好嘅，終於脫離咗一定係跪地求阿嫂原諒嘅灑狗血模式（《溏心3》應該大把）。收埋嚟等佢爆，亦都好適合趙永洪去做。睇返之後些粉同龍貓喺的士前嗰段兄弟對話，就覺得趙永洪啲情緒延續力唔係好夠，下次如果有多啲戲份由頭帶到尾可能有啲危機。呢方面可能要改善吓。
何遠東 Anthony Ho(肥東)飾演嘅龍貓睇預告都知係今集嘅重點嚟，預咗佢係感動但睇嗰時都係眼濕濕。相對於趙永洪嗰種爆發力，肥東一直以來啲情感都好平均又豐富，每次佢演嘅角色無論係多係少係一場都好，佢都交到戲。今次龍貓返去探老婆仔女，又同些粉隔空對談，好大部分嘅感覺係靠肥東自己嘅之前嘅集數，每一段有佢嘅戲佢都畀到戲，令到龍貓喺觀眾心目中一直都係「幾好嘅肥仔」，呢集到佢發揮先可以托得住。當然編劇都要讚吓，之前滲吓滲吓，啲線係埋得好好。 不過肥東如果可以演得踏實啲會好啲，依家嘅感覺都係有啲「浮」（sorry，除咗浮我諗唔到其他形容）。
小馬同埋龍貓同大家一齊睇《世界靈距離》嗰段「我成世人冇乜成就，但係講起我都係笑嘅嘢、開心嘅嘢，咁最起碼我係個幾好嘅肥仔呀」真係正。之後小馬同龍貓流淚眼望流淚眼，盡在不言中又係出色。
言靈之術嗰啲光波波，流得嚟又幾靚喎。其實CG差都可以美術美感搭救。
[彈]
到第18集，小馬先至全面發動，只係得3集做「降魔俠」？另外，些粉同龍貓隔空兄弟對話嗰段，些粉又重複話個天要佢代替龍貓做個好人，如果之前嗰啲cut咗，到今集呢段先講呢句就正喇。鍾意展明嘅張佩玲同芷若講話展明成魔嗰段又係多鬼餘。
成套劇寫人情係好，但其他方面都差咗啲。
[演員表]
馬國明 飾 馬季 / 胡鴻鈞 飾 石敢當 / 黃智雯 飾 莊芷若 / 黃子恆 飾 郭展明 / 劉佩玥 飾 Bear Bear / 謝雪心 飾 梁晶晶 / 蔣志光 飾 莫有為 / 金剛 飾 力哥 / 小儀 飾 力嫂 / 趙永洪 飾 些粉 / 何遠東 飾 龍茂 / 余子明 飾 黃小旦 / 陳榮峻 飾 黃良德 / 馬海倫 飾 李翠 / *曾守明 飾 彭應材 / 劉江 飾 郭永城 / 譚嘉儀 飾 莉莉 / 韋家雄 飾 嘟嘟sir / 林凱恩 飾 張佩玲
#1230隔夜超短劇評 #無綫 #TVB #金禧台慶劇 #降魔的 #馬國明 #黃智雯 #胡鴻鈞 #黃子恆 #謝雪心 #蔣志光 #趙永洪 #何遠東 #余子明 #陳榮峻 #馬海倫 #曾守明 #金剛 #小儀 #劉佩玥 #劉江 #韋家雄 #林凱恩
言靈之術 在 NovelAI 招喚術與咒文詠唱心得- 咒文學(奶) - 看板C_Chat 的推薦與評價