關於 許文彪 ，我們在網路上蒐集到這些相關的討論、資訊與評價

許文彪：「公平咩？」
#香港樓價 #Demographia #公平咩

［大來信用證，真實的個性］係喎，佢發明信用卡的，又如何？

TLDR：柯達發明數碼相機添，但除非你有專利，否則做第一個係唔值錢的。而做大事嘅嘢，都係銀紙，銀紙同埋銀紙。

1. 我講先，我唔止四十歲，但從來都冇擁有過呢樣東西。幸好我都仲知係乜，大來嘛，Diners Club，「細細個見老母用」（而家新一代就會話「睇Youtube見過」）。「好似好型」

2. 但去到我年代，就真係歪波打？我有AE銀聯Master Visa，冇JCB（上次講過）（https://fbook.cc/3FLj）但就從來冇大來。我甚至唔知間嘢在香港執咗未。

3. 做乜今日咁有雅興講大來？因為睇咗周顯篇文（https://bityl.co/3SG1），不過好奇嘅我其實之前知，信用卡，基本上就係大來發明嘅。

4. 當然你可以拗咩叫「信用卡」，正如Ravioli係咪中國人發明，意大利雲吞係咪雲吞，睇你點定義。但正常嚟講，如果你講可以賒數，而可以一堆舖頭用，而係獨立機構發卡（唔係熟客打邊爐畀你用底先找數咁），就點都係大來第一張

5. 但，又如何？講過N次，好多人嘅盲點就係「我發明先」。咁點？使唔使好似澳牛炒蛋秘方咁，去瑞士搵個保險箱鎖住佢？知點炒蛋嗰兩條友唔可以一齊坐的士咁？你註冊唔到專利嘅，唔使再講，亦都必定有人抄。而根本冇人理呢啲嘢。你咪做北京魯蛇八九十歲去新填地街同啲北姑講「當年我發明先呀」。

6. IBM最早出智能電話添，柯達最早出數碼相機添。又如何？兩間公司幾乎畀自己發明嘅嘢整死添。問題係，你真係以為你自己唔發明，將個工程師滅口，就冇其他人整到？唔好咁中二病啦。今日係咁同人講「蘋果都係抄我」「SONY都係抄我」咁？嗰啲咩「港產Tesla」，一樣咁搞笑。你去twitter tag Elon Musk丫，睇佢屌唔屌你老母？（講真的）

7. 好多人嘅盲點之二，我講過好多次，再講多次。蘋果冇發明mp3機，冇發明智能電話，亦冇發明tablet。我甚至唔講實驗室層面，量產或商用唔到嗰啲。以上三種東西，蘋果出之前，已經一街都有人用。本人一早都用緊松日Matsunichi，有Twins嘅風箏與風，有謝霆峰嘅邊走邊愛，唔通潘蘇通出嚟屌話唔明蘋果做乜2萬億市值？「都唔係佢發明先」

8. 當然第三盲點，亦係成日講嘅「李嘉誠唔識落石屎唔識起樓」，小薯睇完創世紀（許文彪啦，唔係聖經）就更加不滿，出面班人唔識起樓唔識建築，但識得買Zoom。但又如何？好心，得閒咁撚多勞蘇，不如睇下埃汾啲文，或者睇下戲（https://bityl.co/3SHJ）。係呀，Steve Jobs都唔識寫Code 又唔係工程師又唔係設計師又唔識渣槌仔，有乜撚嘢咁天才？—Jobs: I play the orchestra. And you’re a good musician, you sit right there, you’re the best in your row.

9. 好，扯遠咗，但市場係好殘忍的，再講一次，一係你拎到專利，否則就大把人抄你。甚至你點知自己一定係最早？情況好似有啲以為有第三者，最後發現自己先係第三者。

10. 去到呢度，你會諗，股價呢？大來有冇上市？Yes and No. 本身冇上市，但母公司有。母公司係Discover Financial，標普五百成份股呀。股價表現就……普普通啦，未去到係咁跌（否則都唔會仲在標普五百指數），但呢幾年都係上上落落冇起色。當然Discover Financial唔只大來，在美國仲有銀行，仲有Discover Card ，聽講係美國第三大信用卡（咁頭二係邊兩間？大過AE？）

11. 補充返，大來母公司係美國Discover Financial，但偏偏大來北美業務就唔在Discover Financial（否則咪自己卡打自己）。北美業務母公司係Bank of Montreal

12. 最後可以睇下，大來嘅Facebook Page（https://fbook.cc/3FLn），三十萬人like，但對上一個post係舊手，已經放棄自己。Youtube channel呢？（https://ggle.io/3QHH），千幾人subscribe，對上段片又係一年前，幾百人睇。Instagram好啲，上兩個月有post，萬幾科勞拿，但其實想點？（https://fbook.cc/3FLo）

13. 呀，張相，出自大來廣告（https://ggle.io/3QHE）。1990年，夠晒扮晒嘢。1990去日本浸溫泉喎（冇寫明日本，但點睇都唔係古兜溫泉）。留意當時係叫　大來信用證

14. 更多好文，請睇Patreon。雖然有人話鍾意呢度啲文多啲。但，我唔做舞女搵錢又邊有時間寫呢度呢？你係幫我，唔係幫文嘛。
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7
————————————————————

［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

人大咗，好多嘢唔同咗，以前約班friend出嚟食飯飲嘢吹水，電話一響說走便走，而家？閒閒地要約成個幾兩個月先夾到時間。

好啦，幾經波折坐低見個面，出到嚟連話題都轉晒，舊陣時講下邊個女仔靚？利物浦曼聯車路士最近踢成點？邊對波鞋一定要入手？而家我哋係集體呻下啲工作、升職、收入，仲有住屋問題，個別一兩個friend甚至討論緊佢哋嘅小朋友，樣樣都頭痕，所謂人大咗，唔止講緊我哋自己，身邊嘅朋友亦同步長大。

「呢個世界公平咩？日做夜做，賺嗰少少錢！只係想要一間好普通好普通嘅樓啫！」

朋友怒吼完，我淡淡然回咗句：「發完癲未？我哋幾個人裡面得你供緊樓咋喎......」

「你畀我發洩下啦，結婚之後買咗層樓，你哋個個轉晒工，我就唔敢輕舉妄動，頂盡係日日睇求職網了解下市道同埋行情咋！」

經典嘅「公平咩」對白，21年前已經聽許文彪講過，明㗎喇，但係人大咗無可避免要面對呢堆問題，忿氣又好，唔忿氣又好，高薪厚職揮金如土亦好，每個月捉襟見肘要計住計住都好啦，大家一樣要因應唔同情況去衡量同埋解決，一句講晒，睇下你嘅需求係點，再搵個適合自己嘅模式囉！

唔使講出面啲人吖，淨係圍內飲緊嘢班friend已經唔同取向，當年因為結婚先買樓呢位朋友，仲要為個女嘅讀書問題兼顧埋校網，我呢啲孤家寡人就最唔鍾意住正市中心，平日生活咁緊張，唔想落街食個飯都人山人海。同枱仲有兩個friend直情係大反差，一個情傾村屋，一個就由好大間嘅村屋搬出去細一半嘅市區樓，所以呢啲嘢真係家家有求，畢竟人生有唔同階段嘛，一樣米養百樣人，其實好正常嘅。

租又好買又好，村屋私樓居屋咩都好啦，切合自己需求最重要，我閒時唔止會去求職網睇下行情，仲會上squarefoot.com.hk睇下樓，因為呢個網站無論租盤定係買盤都十分齊全，上網睇樓就好似上網搵工一樣，有需要嘅時候固然要睇啦，而平時一樣可以多啲留意，了解市況係必須㗎！

無論你嘅人生去到邊個階段，對於有瓦遮頭嘅意向係租定係買，其實冇話邊種諗法一定啱，邊種打算一定錯，因為我哋係唔同嘅個體，會面對唔同嘅問題，亦各自有自己嘅性格同思想，不過大家都可以上
https://www.squarefoot.com.hk 睇下行情，有咁多筍盤比較同埋資訊，做決定嘅時候就清晰好多啦！

#租定買 #Squarefoothk #咩盤都有齊

https://www.facebook.com/undergroundDV
https://www.twitch.tv/underground_dv
達哥好戲派!
#錢家有道 #理財教育 #達哥好戲派 #小學雞投資問答比賽 #邊有咁大隻花蟹隨街跳

https://www.facebook.com/undergroundDV
https://www.twitch.tv/underground_dv
許文達好好睇呀!!!
#錢家有道 #理財教育 #達哥好戲派 #小學雞投資問答比賽 #邊有咁大隻花蟹隨街跳