關於 註冊營養師不只是幫人減肥 ，我們在網路上蒐集到這些相關的討論、資訊與評價

今個星期係Dietitian Week, 註冊營養師的重要日子。澳洲嘅註冊營養師都不停分享自己嘅工作，喺社區中心、癌症治療中心、醫院、傳媒訪問等等嘅工作。#makeNoiseforAPDs

咁等我都分享一下最近我最愛嘅開會環節❤️
作為註冊營養師，我哋要不停增進自己嘅知識。今個星期我哋開會，Grace整咗超級精美嘅PowerPoint同筆記，同大家update返痛風藥、高血壓藥、薄血藥等等嘅副作用，同埋同飲食嘅關係。而家科技日新月異，真係好多新藥啊！

而食藥有可能會增加胃口、水腫、減低免疫力、引致皮膚痕癢、肚瀉、便秘等等。所以好多時候我哋都要知道會員食緊啲咩藥物，同埋有咩副作用。而我哋都會盡量配合飲食，避免影響藥物功效的食物，及以均衡飲食去盡量減輕不適。

不過有時真係比大家激死，有時醫生開咗膽固醇或者血壓藥，佢哋唔想食藥，就自己決定唔食⋯⋯⋯因為都有啲人覺得食藥就一定係「成世食」！其實唔一定㗎！雖然先天性會有影響，但有好多人只要後天改變生活習慣，就會有改善！有好多會員減咗體重，改變咗飲食同運動習慣，都可以光明正大得到醫生批准，減低藥物劑量，甚至唔駛食藥！大家攞住個合格嘅驗身報告俾我睇，係我覺得作為註冊營養師最滿足最有成功感嘅一刻。

病患和藥物並不可怕，最緊要你誠實認真面對。只要你願意，一定可以成為一個更健康嘅你❤️ 共勉之。

#註冊營養師 #registereddietitian
#註冊營養師不只是幫人減肥 #健康營養更重要
#proudofbeingDietitian #proudofmyTeam

近年港台韓三地女星都追捧吃番薯減肥，例如鄭秀文、小S、裴秀智，其實番薯的營養怎會只是用來減肥。Nutri-Pro註冊營養師Vivien Lau指出，市面上的番薯有不同顏色，包括橙色、黃色和紫色，橙、黃色番薯提供胡蘿蔔素和維他命A，可以維持視力健康，胡蘿蔔素更是抗氧化營養素，可以幫助身體抑制自由基。

由於胡蘿蔔素是一種脂溶性營養素，可以加入油分烹煮，以增加其吸收率，她建議用蒸或焗的烹煮方法，然後加入少少初榨橄欖油，快炒方法亦可以。紫薯的花青素含量較高，具抗氧化功效，除了抑制身體的自由基之外，亦有抗衰老功效，有研究顯示可以抗癌。Vivien提醒，花青素是水溶性營養素，如果切細粒煮食，有機會流失一些花青素，亦不適宜長時間灼或煲，因為花青素有機會流失於煮食的水中，她建議原條蒸或焗紫薯較好。


不少明星都吃番薯減肥，Vivien解釋，番薯是一種膳食纖維豐富的食物，容易產生果腹感，可以促進腸部蠕動，有利便功效，清除宿便後便可以減重。另外，將熟番薯放入雪櫃雪藏一晚，會產生抗性澱粉質，在小腸內不能夠被分解和吸收，可以幫助穩定血糖水平，令餐後的血糖不會太大起伏，不會那麼容易產生肌餓感。

她還提醒，番薯的碳水化合物、糖分偏高，糖尿病需要留意，不宜吃過多。此外，番薯的鉀質豐富，腎病患者不適宜過量攝取，她建議長時間灼番薯，可以令鉀質流失。由於番薯的膳食纖維豐富，胃功能比較弱，或者很容易胃氣脹人士，也不適宜大量食用，建議每天吃1-2條。


採訪：張淑萍
攝影：周義安、王瑋彤

========================================
立即Subscribe我哋YouTube頻道：http://bit.ly/2Mc1aZA (飲食男女)
立即免費下載飲食男女App： http://onelink.to/etwapp
即like《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相！
http://bit.ly/2J4wWlC (@eat_travel_weekly)