關於 諗到再打 ，我們在網路上蒐集到這些相關的討論、資訊與評價

【北上攻略：App必備 + 深圳木育森林 + 太二酸菜魚】

復活節就嚟到尾聲啦👏🏻， 於是同兩個姨姨s一齊帶咗金寶湯北上深圳開心大半日，玩到返屋企沖完涼馬上斷電🤣。

要準備北上，首先你要download定幾個app👇🏻
❇️百度地圖
（大陸版google map)
❇️Didi
（大陸版uber，但首先你要有支付寶同微信支付）
❇️大眾點評
（想要去邊食咩買咩呢度都有介紹，亦有好多人俾評價同放相，唔駛驚中伏）
❇️美團
（入面有勁多團購，餐廳coupon、酒店package、入場卷應有盡有，買定先入場幫你慳唔少）
❇️美味不用等
（好多出名嘅餐廳到peak hour要開始排隊時，就可以用呢個app攞定飛，唔駛喺門口等咁耐）
❇️VPN Cat
（呢個必裝！返到大陸可以用whatsapp、facebook同instagram都係靠佢咋，個app超簡單，揀國家US再㩒Connect VPN就得，得咗！）

我哋差唔多出門口至決定好去邊度，實在太隨心啦😆今次我哋揀咗去世界之窗對面馬路嘅益田假日廣場，入面有間木育森林🌲🌲，係由台灣🇹🇼引入嘅木制遊樂場，原來已經喺大陸同澳門開設多間分店！
http://www.wooderfullife.com/shop?aType=Cn

細細個跟屋企人去世界之窗，成日覺得好遙遠，但係依家喺福田口岸站用❇️「DiDi 」call車，半個鐘已經去到商場門口，40幾蚊人仔咋，✔️唔駛同人迫喎，✔️點對點喎，搭過返唔到轉頭🤣！

呢間木育森林網上好似比較少人評價，可能因為世界之窗同歡樂谷已經舊，少啲人特登過嚟呢個商場玩，但係反而因為咁，個場唔會太多人太迫，限時兩個鐘之後都冇趕我哋走😆👍🏻，呢度唔多介紹啦，有片有真相😎。

溫馨提示：
去之前用❇️「美團」買定飛，平日單人票80元，美團價69元；雙人票原價140元，美團價119元，我哋3個大人原本300元，用美團買只需257元，咁就慳咗43元！

木育森林詳細資料👇🏻
Wooderful life 益田假日廣場門市
深圳市南山區深南大道9028號益田假日廣場L2-1號商鋪 TOP
0755-25114048
週日 至 週四 10:00 ~ 22:00
週五 至 週六 10:00 ~ 22:30

➖➖➖➖➖➖➖➖➖➖➖➖➖➖➖➖➖➖

順便略略介紹吓我哋去咗一間唔駛排隊嘅「太二酸菜魚」😎
❗️用❇️「美味不用等」搵深圳餐廳「太二」，就知道邊間唔駛排隊 / 少啲人排隊啦，你話呢個App係咪必備先🤣。

「太二」應該好多人聽過佢個名，主打係酸菜魚，感覺有啲似譚仔味，不過辣好多，我係食到中途條脷痺咗，要停一陣先可以再食...所以對於唔太鍾意辣嘅我，試一次就算了，但鍾意辣嘅應該會愛上，佢比「探魚」更香，魚味更重。

另外可以出去自己斟茶飲，係洛神花+陳皮茶，飲落鹹鹹地，唔錯！試咗佢哋推介小食「蛋酥軟糍粑」即係糯米糍，軟淋淋好煙韌，再點埋黑糖漿真係無得頂😍

#北上親子遊
#深圳親子遊
#深圳木育森林
#北上必備Apps
#首先你要有支付寶同微信支付
#唔係上到去會變廢人🤣

#話說我未生仔前係北上達人
#一個月一兩次北上揼骨同唱k
#幾年冇返回鄉證都過咗期
#再次北上發現已經變天
#仲有北上攻略未share
#諗到再打

諗咗好耐
想打好多嘢
但都係講一句就夠

二次創作團隊中有內木一郎呢個人
簡直係天大嘅恥辱

【關於挽歌被內木一郎詆毀一事】

（首先請大家閱讀上一個聲明post，會在下方回覆處放上連結。）

千呼萬喚始出來，內木一郎用咗幾日，終於打咗一篇睇落大義凜然嘅長文為自己開脫。

火熱送上，大家即刻有得睇。
http://holland.pk/up…/…/d995238b3a47ff08d7dfe033750ec7a0.jpg
http://holland.pk/up…/…/59a6000062103fe0c2f3a492c8bf084f.jpg
http://holland.pk/up…/…/986217dd259e9770bbba50fc3ecf2f06.jpg
http://holland.pk/up…/…/4e959df28258f69f4008025be1c9af0f.jpg
http://holland.pk/up…/…/bd1eec9299abf79461eb0cd3e631b4f4.jpg

可惜嘅係縱觀全文，所有論點論據皆軟弱無力，連丁點值得參考同討論嘅價值都無。

喺絕對嘅事實面前，內木一郎再玩幾多文字遊戲都無用，有如強弩之末。

我而家就逐點同大家分析，呢個人到底可以有幾無恥，探究一下到底佢無恥嘅盡頭喺邊？

１）有關同人音樂會場刊的自我簡介。

自我簡介全文如下：
Hi，我係挽歌，瞓教果陣係日頭，填詞果陣係夜晚。
有一樣嘢我比人地叻係我唔怕老屁股，我同人地一樣會比credit倉頡，多謝。

可笑至極，成段文字，我邊一隻字，邊一個詞語有明示或者暗示到任何人？
我只係意指我唔怕一啲自以為喺圈子混跡得更長時間，就覺得個個都有參考過佢，先寫得出歌詞嘅人。

見到內木一郎居然對號入座，我實在忍俊不禁。
如果佢唔係心虛，唔係知道自己做緊「老屁股」行為，唔係知道自己詆毀緊我，又點會覺得我係出言攻擊，詆辱佢？

問大家一條無分嘅邏輯題，挽歌話佢最憎人遲到，呀Tom即刻衝出來話挽歌攻擊佢。
請問，邊個成日遲到咁無品呀？大家唔洗答，因為你知我知，單眼佬都一定知，不過內木一郎以為大家唔知。

２）關於內木指挽歌睇唔起同人詞界。

又係歹毒之極嘅人格謀殺。

就咁一句：挽歌瞧不起同人詞界。
證據呢？原因呢？分析呢？

又一次極其嚴重嘅詆毀同帶風向，妄想將挽歌置於整個同人圈嘅對位面。

你心地真係好差，好惡毒，又想利用「同人」圈子嘅朋友，令佢地同你同仇敵愾？一次又一次帶風向，一次又一次令佢地助紂為虐。

每一個值得尊重嘅人，挽歌都一定尊重，雖然唔係經常同「同人」圈子嘅朋友仔交流，但係我相信我態度一定係有禮同友善嘅。

反觀你同你一眾支持者，眼見己方露曬底，極度理虧，實在唔能夠再詆毀我抄襲喇，就開始對我嘅作品同填詞技巧評頭品足，「教導」我「應該」點填。完全主觀地用你地嘅「準則」，用你地把「間尺」去量度我。

到底係邊個睇唔起邊個？你心虛嗎？你羞恥嗎？

我睇唔起嘅，就只有果班「周圍屈人抄襲，無實質證據，唔敢公開對質，只敢小圈子抹黑」嘅人渣，同佢嘅黨羽。

我想問，你意思係，內木一郎或者靈，兩個人就可以代表所有「同人詞界」嘅人？

定係話緊比全世界知，所有「同人詞界」嘅人，都係「周圍屈人抄襲，無實質證據，唔敢公開對質，只敢小圈子抹黑」之流呀？

我相信其他人無你同靈咁無恥，你抹黑我嘅同時，唔好抹黑埋其他「同人詞界」嘅人。

３）有關挽歌有無參考過內木一郎。

已經於上一個聲明post講得清清楚楚。
大家可以睇曬所有回覆。強勢圍觀並係理性分析到底挽歌有無丁點可能參考任何人。

歡迎大家隨便走動。

４）有關內木一郎是否一個誠實的孩子。

佢本人所言，自2018年1月20號同人音樂會後，先主觀地覺得挽歌參考過佢。
可惜所謂「事實」，並唔係打「事實」兩隻字就變咗「事實」。

唔想多講，貼圖吧～

2017年9月1日：
http://holland.pk/up…/…/56e4e0df0f7794eb738b19869415c484.jpg

2017年9月2日：
http://holland.pk/up…/…/79ba93531c66014429fa8ec6bcee1d9a.jpg
http://holland.pk/up…/…/41a3dde9805ea8080a16d50914dbf2fe.jpg
http://holland.pk/up…/…/3a5d0b2bca2314101d32d38ebb1f395c.jpg
http://holland.pk/up…/…/0c8f4bbb0178e19607364637741e4527.jpg
http://holland.pk/up…/…/2d6ab0cb0be78285025fb147bc2d3864.jpg
http://holland.pk/up…/…/e87895d31dab74205d44cf74f23f5303.jpg

2017年11月3日：
http://holland.pk/up…/…/c4f97fdf93881d6f88c89cc4abc3bf0d.jpg
http://holland.pk/up…/…/06775a73d165eb689255af7ace149ea2.jpg
http://holland.pk/up…/…/785d626616b3087533191985a0440f1b.jpg

我唔想好似佢咁對號入座，好肉酸。我無參考過佢，所以我都願意相信世界真善美，呢段時間佢一定唔係講緊我。

但見到佢抹黑曬所有討論區嘅填詞朋友，心都酸埋，唯有放出來比大家判斷。

上面堆圖佢一直抹黑而又唔指名道姓，如果真係抹黑緊我的話，咁就唔係半年抹黑，係長達一年抹黑，計錯數對唔住。

附上最近佢公開抹黑嘅內容。

2018年8月21日:

http://holland.pk/up…/…/168dd3fe38702116cb7f04724cb5d214.jpg
http://holland.pk/up…/…/cce256e47604fbeb1d3991a40c67923f.jpg

５）關於內木是否有打手或影分身。

第一個post講過，有「人」喺某啲朋友仔嘅youtube cover下面留言抹黑。

：「小心挽歌之聲嘅歌詞」

http://holland.pk/up…/…/6310f69f7be73ae4207e960eb161dcf5.png

我回覆佢：睇都無睇過你主人啲詞。

內木一郎居然知道主人兩個字係講緊佢，唉我唔講喇，好尷尬。

６）關於內木所言，怕影響圈子，只是找了一些同人詞人和歌手私下見面商談。

呢種正正係單方面嘅抹黑。

比個例子，如果我日日周圍喺我自己圈子大聲講：呀tom其實係人妖呀，跟住分析一大堆呀tom係人妖嘅所謂證據。

而最重要嘅係，我表示自己本性善良，唔想同tom正面開戰，所以無同佢對質，跟住任由我一班好朋友周圍唱同抹黑呀tom。

我一眾愚昧嘅朋友就係咁比我喺佢地心目中種下咗「tom係人妖」呢個概念，跟住成為我嘅武器去攻擊呀tom。

如果大家係長期含冤受屈嘅tom，大家會點做呀？

對外宣稱唔想撕破顏面，實質唔敢當面對質，卻又一直鬼鬼祟祟喺網絡大典，youtube同facebook散播不實嘅謠言？

俗少少講，真係人唔笑，狗都吠呀師兄。

７）關於內木同靈「評論」挽歌應該怎樣填詞嘅部分。

坦白講如此主觀嘅說話佢地都可以煞有其事地講到好似真知灼見咁，我都不得不配佩服佢地果份唔知醜。

內木同靈認為歌詞應該按佢地嘅方式填，諗嘢應該用佢地嘅思路諗。

內木同靈眼中嘅沙石唔可以係挽歌眼中嘅美玉？
內木同靈眼中唔應該用嘅字詞唔可以係挽歌眼中嘅首選？

用自己把尺去量度他人，再用說教嘅方式發表偉論？
創作道德同尊重他人正正就係內木同靈所欠缺嘅。

老實講啦。我一直覺得填詞從來無「應該」點填，同無「絕對」好壞，所以無論填詞塔利班點抹黑好，我都無對佢地填詞技術評頭品足。
因為我覺得所有人填出佢地自己嘅詞，一定有佢地自己嘅考慮。

但如果一定要我指出，請恕我無禮，我可能會好似趙展彤咁，喺天空邊畫個大圈圈，圈起曬佢地兩份歌詞，反正所有嘢都係主觀，係咪？

另外內木同靈嘅歌詞入面，一樣有大量重覆，點解你又唔圈？

點解佢地唔狗咬狗？

由於技術或創作層面等等一早喺上個post討論過，我今次順便講一講數據。

內木同靈嘅兩份歌詞，相似度為18.88％
http://holland.pk/up…/…/f6cc08d2d61b98dbc396a4302fef5da5.png

內木同挽歌嘅兩份歌詞，相似度為16.64％
http://holland.pk/up…/…/8f28c3f46fc1e59d74c41516b50f018d.png

靈同挽歌嘅兩份歌詞，相似度為16.27％
http://holland.pk/up…/…/657bd0d52ccf34e94faee730b1b462b1.png

我講咗啲咩，相信大家已經明曬。對人定對事？

８）關於火土有無抄內木。

你地話呢？你自己話呢？

９）關於挽歌有無聽過睇話內木或者靈嘅歌詞。

講咗幾多次無呀，你地唔好咁癡線睇到自己咁高啦oh my god．

去到最後內木都唔敢公開討論，唔敢當面對質，打千字文仲要set好友限定。
可惜有好多人不恥佢嘅行為，願意為挽歌討回公道，所以大家先見到咁多貼圖。

多謝大家，我辛苦經營嘅填詞事業，絕不容任何投機主義者踐踏或玷污。
我需要向所有支持挽歌之聲嘅朋友仔負責，我係絕不會，亦不屑抄考任何人嘅歌詞。

諗到再打。

「公司又要我哋開新嘅節目，係咁OT我畀埋條命你好冇……」粉絲聚會中，大夥兒手執印有保錡樣子的面罩，在餐廳合唱《ERROR自肥企画》的主題曲，旁邊食客笑不攏嘴。ERROR和「無制限OT編集團」製作的節目令港人着迷，除了ERROR四子風格搞笑、人前人後同樣真誠坦蕩蕩，偶像和粉絲的關係，亦由神與人之間的距離變成朋友般的存在。ERROR中的郭嘉駿（193）和吳保錡出名錫粉絲，到底「老婆」和「Pokimon」眼中的偶像，有多貼地、有多入屋？

還未到集合時間，周日的銅鑼灣街頭已聚集幾百人，有一家大細，也有大叔拿着應援物獨個兒站着，大家都響應193 Fans Club的號召，參加這天的雪糕車應援活動，宣傳193推出首支派台歌《睡到三點》。個個大汗淋漓，口罩下難掩興奮，一邊排隊拎雪糕，一邊跟雪糕車旁的「33豬」易拉架瘋狂合照，沿途粉絲向路人派發不同款式應援物，繼上次「姜濤灣」引起的風暴，今天再有193這位「接近完美」的男子，令港人再次上街追星。

跟193的老婆（193粉絲的統稱）Sushi和Haha約在銅記，她們忙着疏導聚在SOGO門外的人群，Sushi打趣道：「這是個偶像勵志故事，193由一開始寂寂無聞，到現在真的紅起來，今天人多得我有點怕。」游學修說過，如果MIRROR是個奇蹟，ERROR一定是個神蹟，這天大家再次見證，這神蹟並不是幾百部電視機的收視率能定義的。

男友變情夫　TG陪偶像傾心事
「我當大家係老婆」是193三年前在TG中說出的知名台詞，粉絲們把11月4日定為結婚紀念日，自此叫他做「老公」。正印是193，男朋友變成情夫，難道不介意嗎？「有點無奈，不理他了！我把追星當是娛樂是興趣，難道我不給他看AV？」做了三年郭太的Sushi甜滋滋講出老婆們的心聲。

兼職當插畫師的Sushi自《全民造星1》看過193唱《大懶堂》後，就愛上這位舞姿怪異又五音不全的騎呢參賽者。2018年開始，全民造星不少參賽者也開了Telegram跟粉絲交流，193亦不例外，群組現有二萬多人，193至今仍會間中上水跟粉絲聊天互動。

「《花姐ERROR遊》日本回來那程機，193叫我們不要去機場找他，因為12點已很夜，但我們堅持去接機。193出來時就緊皺眉頭，我心想死了，他不喜歡嗎？怎知他一來就說：『都叫你哋唔好嚟，又唔聽話』嘩！你感覺到那種震撼嗎？」就是因為這句甜到漏的說話，令曾迷上w-inds.、BIGBANG等外地明星的Sushi再次追星，「我曾以為再沒一位港星值得追，但只要跟33相處過，都會被他所吸引。他跟fans的互動貼地、反應快，那種快樂是其他星畀唔到我的。」以前遙不可及的明星由天堂落入凡間，這對粉絲而言也是種神蹟。

要支持騎呢偶像，老婆們也用最騎呢方式應援。例如曾在Chill Club頒獎禮門口跳Pixel快閃舞給193看；拍MV翻唱193參賽歌曲《大懶堂》哄老公；接機接船，跟193聊天至凌晨兩三點。平日設計不同應援物為老公宣傳，每次都會留一份給193及奶奶（郭母），最窩心是得到193回禮，「我們常笑說為他應援像返工但冇糧出，於是他送我們『工資袋』，裏面有他的自拍照、好老婆證、名牌等，上面印了老婆賤人、老公嘉駿等字。」193每次出埠後，亦不忘買手信給到機場接機的粉絲，堪稱「愛妻號」。

老夫老妻唔使見　留機會畀新娘子
身為193的「大婆」，Sushi跟一班初代粉絲現在採取佛系應援，說大家已是老夫老妻，見不見到真人都沒所謂，寧願將機會留給新入門的老婆，「193之前有段時間少工作，當時ERROR中三人都有工作，只有他沒有，他很難過和負面，就在TG跟我們訴苦傾通宵。這些事跟朋友說可能難開口， 亦難明白，我們算是陪他一路走來的人，他願意分享心事，我們就一起想辦法鼓勵他。」

早前193在訪問中談到粉絲，平日嬉皮笑臉的他激動落淚，鏡頭前真情感謝一直支持他的同行者。Sushi說193鏡頭前真情流露的演出，背後花了不少努力，會看不同綜藝節目研究幕前演繹，希望觀眾欣賞他直率敢言之餘，也多留意他的作品，「33一開始覺得自己沒才華，會自卑，但仍有班儍更更粉絲支持他，我看到他哭自己也流淚，因他記得我們為他做過的事，今天他真的做到了，我們能大聲說：『我哋係193老婆，知我咩料啦！』」

染了一頭金黃短髮，身穿保錡品牌tee及行山帽的Wing，說話爽快直接，無論外表或談吐，都有點保錡的影子。「可能太喜歡他，外形不自覺會模仿了，偶像嘛！」保錡的粉絲自稱Pokimon，會稱呼保錡做大佬，緣於經常在TG跟粉絲談心的他說了一句「一世人兩兄妹，有你有我」，家人冇得揀，叫妹妹給人感覺更親。

Wing播放着保錡Telegram對話中的唱歌錄音和合照，回想起跟大佬過電的一剎那，只因一個IG動態，「我第一次接觸保錡是在IG看見他有個post說自己在減肥，我第一次回覆這些story，說希望你減肥成功，外形更好看，沒想過他很快回覆我：一定會！他現在的確成功瘦多了。」因為這三個字，令30歲人從沒試過崇拜一人的Wing驚喜萬分，翻看他所有節目，聽他創作的歌，更成為了保錡Telegram及fans club的admin。

音樂能力被看低　初心未變
「保錡對音樂的熱誠真的很瘋狂，每晚收工做音樂至3、4點，但翌日8點要工作， 為了夢想去到盡。」外形MK搞笑的保錡以獨立音樂人身份出道多年，自己編曲填詞，自資買器材拍MV，然而網上歌曲點擊率不高，能力常被看低。Wing說從未接觸過保錡創作的音樂類別，故尤其喜愛《ikigai》、《秋冬4U》、《Get A Real Life》等拍子和旋律都引人入勝的作品，「很多歌都由音樂人JNY監製， 為更了解大佬的歌，我就去了JNY的studio學整beat。」保錡知道Wing這舉動，提議Wing製作一隻beat，更承諾親自為她編曲和填詞，令中學時也夾過樂隊的Wing更有動力重新玩音樂。

保錡說如果要玩音樂，首先要買器材學習製作，不可以紙上談兵。由網友變成朋友的JNY跟保錡合作做過不少歌，深知他不想被人界定為搞笑藝人，因為初心是當音樂人，「他諗旋律很強，亦很有毅力，錄音即使聲沙了，都要錄到滿意才離開，平日一有新想法就不停問我意見。我們很夾，初次見面jam了幾小時，就寫出《ikigai》。」Wing在旁補充：「他們以前每月能出一首歌，很癲，都是沒錢賺的。去年6月至12月是保錡的低潮期，你聽他的歌就知他的心路歷程。」

學音樂轉工　「人生冇起跌冇意義」
雖然保錡最近因工作繁忙，加上音樂事務都需經公司批准，暫時不能兌現為Wing編曲填詞的承諾，但他對夢想的堅持，令Wing當頭棒喝。Wing成長於小康之家，體育系畢業後再修讀教育課程，當時她對生活毫無想法，也沒有想做的工作，最後選擇回家打理家族生意，家人退休了，她沒有生活負擔，別人以為她過得無憂無慮，她卻形容這些日子似條鹹魚，「未試過跌，也未試過很成功，就像一條平線，好冇意義。但保錡的人生給了很多啟發我，令我想改變、進步。」

保錡家境清貧，15歲輟學開始打工，茶餐廳、售貨員、髮型屋等都做過，課金追音樂夢，卻挫敗連連；早前曾因負面新聞、粗口罵粉絲事件惹起不少誤會，支持他至今的Pokimon為他申冤：「因大佬太直腸直肚不懂修飾，常被人誤解。」為了令保錡進步，Wing笑指偶爾也會給予偶像一些提點，指他開始時較我行我素，現在多了思考反省，願意接納別人意見，也是種進步。保錡在《自肥》成功被Mike導團隊「打救」，熱淚盈眶找回熱血初心，高低起伏的人生本來已夠勵志，「因為大佬，我也想感受吓高低起伏，今年轉工後發現職場果然很陰險，工作不順利令人沮喪，但我真的get a real life了。」Wing今年把心一橫去轉工，重投教育事業，現職教授社交禮儀成人證書班，更會在堂上播保錡的歌和片，以他的經歷鼓勵學生。

生於錯誤的時代，ERROR的出現好像我們凡人自身，岩岩巉巉，甩皮甩骨，但卻勇於擁抱缺陷與失敗，不斷嘗試，至死方休。因為沒有偶像光環，這種自由奔放堅持真我的態度，反而引起大眾的共鳴，連結了那些一直還在堅持的人。

粉絲×193搞笑互動
1. 派糧贈墨寶

193偶爾「派糧」給老婆，例如贈墨寶，在月曆寫上老婆生日日期，亦曾恥笑老婆身高創新低，更為粉絲們改名字。193為Sushi起名為阿屎，圖中則畫了嚿壽司給她。

2. 同老婆自拍

193太愛跟粉絲聊天，有時給經理人催趕也不願離開。例如有次出席金像獎走過紅地毯，他竟走回頭跟老婆自拍，最後給老婆大聲趕走。

3. 「對唔住老公」

MIRROR演唱會193做完表演嘉賓後出去找fans，去了吃飯的老婆立即衝回去「跪地」說「對唔住老公」，哄得193邊笑邊叫黐線。

4. 家用工資袋

老婆常笑說為193應援像返工，193就送出了「工資袋」，裏面有他的自拍照、好老婆證和名牌等，十分窩心。

5. 貪佢夠靚仔

在餐廳碰見193跟花姐和MIRROR同場，Sushi走過去叫老公，再問准花姐能否跟193合照。花姐說：「你咪影囉， 到底你鍾意193啲乜？」Sushi說：「靚仔。」

6. 真老婆no way

會否幻想成為193真老婆？Sushi耍手擰頭：不要了，佢太煩！她重申老婆很多瘋狂應援行為都是為搞笑，潛規則是絕不影響偶像私生活，也不能有任何身體接觸。

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#ERROR #193 #保錡 #Mirror #郭嘉駿
#果籽 #StayHome #WithMe #跟我一樣 #宅在家

人稱滿Sir的跆拳道教練張滿榮身形魁梧，聲如洪鐘，他說是由小到大的跆拳道訓練令他自立，「無人睇到出我係孻仔」，指自己在因緣際會下，認識很多不同的特殊教育需要（SEN）學生，想到成長階段的自己，「我細個成日畀人鬧，因為我成日郁嚟郁去，我都唔知點解」，滿Sir接受訪問時也要抱着令自己定下來，「所以我對SEN小朋友係好接受，因為我覺得你哋都係同我差唔多。」

滿Sir有招SEN學生，當中有獨立成班的，也有一些表現較佳的與正常同學一起接受融合教育，他說SEN同學在外面的場地等上堂的時候，外界的眼光或是職員對他們的態度令自己不滿意，因此就特意租了一個單位，專門給他們上堂。

滿Sir的教室面積不大，他卻說是教導SEN同學的理想地方，因為對他們而言，是出面的地方太大，「佢哋空間感比較差，去一啲較為空曠嘅地方，佢哋會好興奮」，因此小小的空間反而可以學生更集中地學習。

另外，滿Sir也希望教室給同學們家的感覺，因此就把自己的團體及地方稱為「道場」，「道場以前嘅古仔就係師傅屋企，前舖後居」，他又指SEN同學接納一件事是要很長時間，但當他們接納的時候，就會很認定那地方，「我最想呢度係同學仔嘅屋企，有咩事返嚟，我要陪住佢哋成長，有咩我就會喺佢哋身邊，我覺得我哋係一家人，雖然少見，最重要返屋企。」

「我希望真係宣揚，其實他們無咩嘢，但只係要多啲包容。」滿Sir為教導SEN學生報讀一些相關教育課程，指自閉症、過度活躍症及專注力不足等並非一些「傾向」，而是腦部出現差異的病，「希望社會大眾明白佢哋，唔係佢哋唔想做好，或者唔想聽你講，真係先天問題令佢哋接收唔到呢啲訊息。」

他指SEN學生行為在常人眼中怪異，其實並無惡意，「可能我哋見到你嘴角污糟咗，我會提醒你，但佢哋會睇點污糟，佢哋嘅思維有啲唔同，佢哋會睇你嘴角有啲咩，反而會研究呢啲嘢，就會靠得你好近」，滿Sir形容SEN學生是率直，指自己教了他們多年，很少見他們打人，「只要大家有啲包容、有啲忍耐，其實佢哋都唔係太特別。」

儘管與常人有不同地方，滿Sir也是找到SEN學生的優點，「佢哋學習可以好好，但只係有無方法，所以要畀佢哋機會，特別係自閉症，佢哋大部分記憶力都好好。」

他以自己患自閉症的學生作例，「好似Calvin sir，佢一星期可以記8套拳，但係我未教過佢，我叫佢自己睇片，呢啲就係佢嘅優勢。自閉症（患者）溝通能力一般，但套拳畀到佢空間，佢自己學完、我教完佢，佢自己自修，呢個係最適合佢哋」，滿Sir認為若學生學得不好，教導的要負最大責任，「就係要諗方法令佢得。」

滿Sir希望透過跆拳道，給予平時少動SEN學生運動的機會，也讓溝通能力一般的他們可與不同人交流。在課堂上，滿Sir除了教導學生跆拳道技巧，也訓練他們的領導才能，「每個同學都有機會做領袖，可能要帶拉筋、要帶新同學做每一個任務，呢個係慢慢建立佢哋嘅自信。」

他更聘請部分表現優異的SEN學生做自己課堂的助教，「我覺得係心靈嘅認同，佢哋覺得自己係有能力嘅，可以去做到助教。」滿Sir指特殊助教能力沒有問題，「喺心入面佢哋知道要做咩，同佢講一次，佢可能會唔記得，但講咗十次佢記咗入腦，佢個engine就開咗，佢就用佢嘅方法不斷去做」，助教也令自己不用擔心，「佢哋唔會遲到，因為佢哋好緊張自己嘅時間，佢哋對時間觀念好執着。」

滿Sir更指SEN助教有些地方更比自己做得好，「因為佢哋讀特殊學校，由細到大都會接觸唔同類型嘅同學仔，佢哋嘅溝通方法比我更加優勝」，滿Sir指自己曾教了一個幼稚園高班的小朋友打一套拳兩年，對方都未學識，但成為助教的Calvin sir則教那小朋友慢慢做，「慢嘅程度係你忍唔到」，打套拳打了很久，整堂也只是打到兩次，但那小朋友下課前懂了一大半，「我就明白我唔係最清楚佢哋嗰個」，指對學員而言，有人真真正正了解自己才是對整件事最好。

對SEN學生的能力，滿Sir充滿認同，指他們在不同範疇的能力都可以很高，但因為欠缺了溝通的技巧，令他們缺乏機會發展，「我不想佢哋只係做太基層嘅工作」，指自己作為僱主，幫他們解決到不擅長的東西，叫他們做一些擅長的東西，他們就可以在社會立足。

「佢哋嘅潛能係估唔到，個個潛能真係好唔同。」滿Sir希望不斷找到SEN學生不同的優點再發酵，令他們得到很大的自信，「我最希望就係帶佢哋出人群，話畀人知佢哋係得嘅！」

☁️ If you like this video, please like & subscribe! ☁️

instagram & facebook ? cameragirlcarmen

----------------------------------------­­­­­­­----------------------------------­-­-­-

．ABOUT．

原本用緊α7ii嘅我
一直等緊α7iv出 (因為α7iii都出咗2-3年，唔想呢個時間先買)
但可能因為疫情？等極都未見有
我久唔久都有上網search下α7iv幾時出嘅rumors
但連當時最有機會發佈α7iv嘅發佈會都因疫情而取消了
可能時機？市場？經濟？生產速度？品牌內部計劃？
總之就等唔到α7iv啦！
仲半路殺出一個程咬金新系列 α7C 添！

α7C 喺2020年10底左右推出
我係2021年1月初先入手嘅
我本身其實無諗住買
作為一部新系列嘅機
其實佢只要做到「FF但好細部」
已經好夠gimmick
我當時覺得佢第一代係試水溫
下一代先買比較好

一直都無同朋友講想換機
但神奇地，有一日
朋友Cherry突然問我
α7C 佢有折，買唔買？
眼見α7iv推出無期
而且用舊機拍片重重困難 (片中有分享)
加上適逢今年大生日
死就死啦 ?
咁買咗α7C ????
好彩無後悔

入手咗五個月嘅 SONY α7C
真心好滿意
希望器材輕D，以後隻手筋膜炎少D發作！

BTW 有人話我係SONY打手？乜打手咁遲先出片咖咩 ?
我以為 真 ‧ 打手 會第一時間攞到機
呢度唯一嘅「真」就係我用真金白銀買
其實咁遲先出片都未必有人睇到，但我自資買機我好想留個紀念
畢竟小資女幾年先換一次機
講完 ♥️

----------------------------------------­­­­­­­----------------------------------­-­-­-

．今集使用器材．
SONY α7ii
SONY 35mm F1.4 Z
SONY ECM-B1M

#SONY #ECMB1M #SONYa7c