响英國重未悶死系列 (7) 一日單項旅遊
香港其實都有好多風景靚嘅地方，可惜一到假日就人多到癲。平日又要工作，唔會有時間一家人去玩一日。大陸呢，風景靚嘅地方幾靚都有，不過我雙眼又唔係photoshop，唔識key走啲人，個排泄器官又唔可以暫停使用啲廁所。結果同好多香港人一樣，好難有一日嘅簡簡單單，自自在在嘅旅行。
早幾日就同老婆同阿女去咗英國歷史悠久嘅海灘，Brighton，玩咗一日。完全唔無plan，只係早一晚睇下天氣預測，知道唔太落雨（厘個季節英國一日點都有啲嘅），食完早餐就揸車出發。除咗個石灘，無其它目的地。厘個就係同以前嘅分別，去唔晒咪下次再黎囉，何必迫到自己咁急。依家我地目的地好多時就係一個，慢慢享受，因為走馬看花係毫無意義又辛苦。
英國開始係秋天，一日裡面嘅變化可以好快，亦好大。揸車嘅時候係陽光普照，泊完車去到就陰天下雨，然後又再出太陽，完全係估唔到（大家睇到相就明白個變化）。不過，肯定嘅係，厘個季節去Brighton嘅海灘，一定係會好大風，吹到儍。
其實Brighton係一個好長嘅石灘，而唔係沙灘。亦唔可以游水，因為好大浪。不過我唔係去到邊或者食乜都要同香港比較嘅人，因為咁樣只會影響自己旅行嘅感覺。去每一個地方，幾靚又好，甚至幾差都好，點都應該留意下佢嘅特色。如果唔係，留番响屋位咪乜都最好，啱晒自己囉。
落雨加大風，亦完全唔會影響我地嘅心情。就係因為天氣嘅變化，就可以睇到同感受到唔同嘅風景。因為我係影相嘅，厘個感覺就更加可以响相片到紀錄落黎。再深層次啲講，一家人，尤其是小朋友，去感受下唔同嘅風景同天氣，唔係比千篇一律嘅藍天白雲（而的確係控制唔到）更有趣咩？我好想教阿女，天氣（同環境）係唔會遷就你嘅，不過你自己就可以用心態而避免情緒受天氣（或者環境）影響。
就係咁，一家人响個充滿石春嘅海灘度四圍行，我就叫阿女睇搵唔搵到比人執晒去賣嘅glass stone（當然係無啦）。我就當然繼續做攝影佬啦，就係因為天氣變化大，結果就一日內影到唔同嘅感覺。行咗幾個鐘，食咗餐海鮮，就番屋企。真係悶唔死喎...
#响英國重未悶死
#Brighton海灘
#一日就係去一度玩一度
#慢慢享受一個假日
#諗唔到點解要迫自已去趕境點
#係心態而嘅係天氣改變情緒
#一日幾種天色去影相一流
*****************************
薰衣草田
http://bit.ly/2vQJScC
又黎薰衣草田
http://bit.ly/2vQu09U
英國放狗
http://bit.ly/2vPMZAS
Vintage Car Show
http://bit.ly/2v39RNU
唔係中產Supermarket
http://bit.ly/2gqym1b
睇戰機，其實學歷史
http://bit.ly/2h8HEPJ
*****************************
諗唔到點解要迫自已去趕境點 在 Zoie조이- #旅行的意義不在於曾在多少個景點打卡 ... - Facebook 的推薦與評價
旅行的意義不在於曾在多少個景點打卡#旅行就是要從過程中找到自己的靈魂小妹兩個星期後飛歐州，打算行程都隨心，除了必去的景點不想錯過之外，其他都是自由發揮。... ... <看更多>