關於 讓櫻花的氣息擁抱頭髮及肌膚 ，我們在網路上蒐集到這些相關的討論、資訊與評價

【櫻花護體】

人人都post 旅行賞櫻相，好討厭囉（明顯係葡萄mode）～

好彩我都唔輸蝕，有櫻花護體！

剛收到BOTANIST 2018春季保濕Body Gel，Body Soap，洗頭水和護膚素。

對上一set青蘋果洗髮護髮系列都未用完(我基本上日日洗頭但都未用完:P )，所以先用Body Gel和Body Soap。

Body Soap添加具有保濕的乳油木果、椰子、杏仁等植物原料；我只用一揼，已經有很豐盈的泡沫，沖洗亦很乾淨，不會有黏膩感。用後肌膚不乾燥，還有淡淡櫻花和蜜桃雙重香氛。

稍為抹乾身體水分後，我會抹上Body Gel，看到片片櫻花花瓣，的確有治癒效果。這款保濕凝膠含玻尿酸，花瓣也能輕易倒出，將之抹在身上，有淡淡櫻花味，質感也清爽，這種天氣不需太油潤了，春天用剛好。

最後，為大家介紹春季洗護套裝，我選了順滑飄逸型。添加日本晚櫻、桃葉和莓果植物保濕成份，採用的弱酸性肥皂成分，能產生綿密泡沫，並且溫和輕柔洗淨頭皮。

BOTANIST_hongkong
#BotanistHK #植物學的生活方式 #new_spring_new_me #讓櫻花的氣息擁抱頭髮及肌膚

[ BOTANIST_hongkong x Plastic Thing ]

自己聞到自己香噴噴
唔知點解心情都會開心啲

唔使噴香水又可以成日都Keep住咁香
咁以後就唔會再討厭洗頭啦😂

BOTANIST洗頭水可以係全港LOG-ON搵到
呢套櫻花香味洗護套裝同春天氣息一樣．．．係期間限定㗎咋

想知多啲: https://hk.botanistofficial.com/

#BotanistHK
#植物學的生活方式
#new_spring_new_me
#讓櫻花的氣息擁抱頭髮及肌膚

【櫻花來了】

近排都幾多Annual Dinner，唔知係咪出咗Bonus同花紅，食完政治飯或抽中獎，又或者唔想再對住某啲同事，所以喺Annual Dinner散場之後，唔少人都會選擇直接跳上的士。

大量乘客突然湧現嘅消息，喺的士嘅圈子流傳得好快。總之喺九龍灣某酒家散場後十分鐘，我已經抵達現場排隊抽獎。上車嘅人龍非常緩慢，又要依依不捨咁揮手道別，又要臨上車先分上車先後。排到第二位時，見到有個男人想叫埋個短髮清爽女同事上車，被人搖頭淺笑住婉拒後，總算上車走人，而我就順理成章接載清爽女同佢另一個同事。

兩個女仔上車，有一陣淡淡嘅清香，我對香水理解唔深，聞唔出咩味道，只係覺得唔太濃幾舒服。清爽女先講目的地：「我哋先去竹園，然後去⋯⋯」「沙田第一城。」一把柔潤嘅聲音答佢，估唔到第二個女仔個樣咁兇狠，講嘢咁柔潤。

「你估今年Vanessa生日，Louis會送咩俾佢丫拿。」柔潤女問。一聽到呢類對白，我好自然就會估呢個Vanessa同Louis係咩人，最常見係其他同事，或者共同朋友，甚至係其中一個乘客嘅情敵。「Louis梗係搵絲帶紮住自己行入去Vanessa間房啦。」清爽女刻薄咁講，聽埋柔潤女嘅回應，睇黎Louis好乞人憎：「係咪一入去就『汪汪，我係黎送禮㗎，我就係份禮物』。」「係喎，咁佢應該用狗帶啦，唔好用絲帶。」「佢最鍾意㗎啦，Vanessa一有咩Order，佢就『汪汪，喺到！』。」「上次Vanessa問邊個得閒跟個客，佢同我傾緊嘢都即刻轉身『汪汪，我得閒呀！』咁啦。」聽佢哋咁講完，我都稍微想像到呢位Louis有幾切合本年嘅生肖，亦估計Vanessa係佢哋同事之一。

「咁我哋送咩俾Vanessa呀？」柔潤女嘅問題將我由想像中拉回現實，呢頭話完Louis狗，轉頭自己又一齊扮？清爽女反應好快：「梗係送香水啦，佢咁臭，又用埋嗰隻奇怪味香水，入親佢房都格外醒神㗎。」一講到臭，柔潤女似乎好有共鳴：「佢嗰種臭真係標誌黎，我上次去廁所，隔住度門都知道係佢入咗黎。」「佢係咪有臭狐呀？」清爽女反問。「我覺得係佢個頭出事，成日都開晒叉咁，又旱又亂，好似笠咗個雀巢喺個頭咁。」 柔潤女都觀察得幾仔細，清爽女都係咁諗：「你又睇得咁清楚嘅？」「佢鍾意人望住佢聽佢講嘢嘛，我上次俾佢訓話，話我講嘢唔夠大聲，望住佢望咗幾耐？唔通真係望實佢個衰樣咩，唯有望住其他嘢分心囉。」聽完柔潤女嘅控訴，睇黎Vanessa係一位幾⋯⋯嘅上司，而佢頭髮係開叉嘅。

「佢成日留喺公司，又夜走又早返，都唔知有無洗頭。」清爽女繼續批評，令Vanessa無家庭無愛情嘅嚴厲女上司形象完全出晒嚟。「應該都有洗掛，唔洗頭都要沖涼啦。咁我哋送咩好呀？唔通送洗頭水咩？」柔潤女講。對於呢個吹水式提議，清爽女又幾同意，大概大家都唔想諗：「掂喎，我睇佢都係用埋啲普通洗頭水啦，如果唔係點會搞成咁。」「真係㗎？點送呀！無理由話『呢隻除臭㗎，啱你用』。」柔潤女開始注意啲實際問題。「有無啲係好似咖啡杯咁成SET㗎，咁我哋好似禮盒咁送，咪無咁礙眼囉。」「我諗到喇！送BOTANIST個春天櫻花系列囉，乜都有。大老細咪唔批四月個假俾佢嘅，我哋送樽櫻花洗頭水俾佢望梅止渴啦，去唔到日本都聞到櫻花香嘛。」柔潤女雖然講嘢柔潤，但係想法就一啲都唔柔潤。

跟住佢哋話題轉咗去認真討論邊隻洗頭水好用，咩有矽無矽，又話去頭皮之類，又話無咁刺激皮膚，對於皮粗肉厚嘅男人黎講，真係唔太理解點會刺激皮膚。總算，九龍灣去竹園嘅車程唔長，唔洗聽佢哋討論咁耐。

吸引我抄低個牌子嘅，係柔潤女講話係個櫻花香系列。春天來了，櫻花呢個詞語肯定鋪天蓋地咁出現喺香港各處，無送返一兩樣實用嘅櫻花產品，實俾另一半埋怨。揸的士嘅好處，就係無Vanessa呢類上司，亦無Louis咁嘅同事。最重要嘅係，可以聽多啲唔同人嘅心聲、唔同人嘅諗法，呢次我又多個送禮IDEA。唔咁樣將其他女仔嘅心底需要據為己有，都好難服侍女朋友。

聽講BOTANIST_hongkong呢樽嘢，已經係香港間間LOG-ON都有得賣，唔識路可以考慮搭的士去。

#BotanistHK #植物學的生活方式
#讓櫻花的氣息擁抱頭髮及肌膚 #new_spring_new_me

#lazytaxi #我的你的紅的 #的士 #taxi