Search
【警隊OT錢】每月平均3.23億
立法會審議公務員加薪、保安局回覆公民黨信件時表示，2019年6月至11月的警隊OT開支為9.5億。
而財政預算案局方回覆透露，警隊去年6月至今年2月29日的OT開支為19.2億，意即12月至2月短短三個月、OT錢開支上升9.7億，平均每月3.23億。
我剛才在特別財委會就此質詢處保安局，局方似乎只準備了政治性回覆，開口埋口恐怖主義、假新聞，卻沒有準備回答與財政預算相關的開支細節，包括OT明細、以及 譚文豪 Jeremy Tam議員提問關於其他部門透過撥款令轉撥2億元予警隊作保護費之用等等，局長和處長回答時都明顯hang機。
警隊向22個政府部門收保護費：bit.ly/2yGyORS
//支持本Page請Click入內文比Clap，已為Medium收費會員請直接Click入內文閱讀，謝謝！//
財政預算案公佈，我成日都話，根本唔駛理果啲時事評論員或者學者KOL嘅懶專業分析，以近幾屆政府嘅無能，要關心嘅從來只有兩樣：一係究竟你可以響份預算案入面拎倒咩著數，二係究竟份預算案有啲咩係倒錢落海或者害９緊你。咁對所有香港人黎講，最直接受益嘅自然係回水一萬；而最多黃絲反對嘅，自然係警隊預算暴增四份一之餘，仲包括7間響Poly幾經辛苦都先打爛一架嘅裝甲車。
雖然香港有好多黃絲好有骨氣咁話「如果派錢係同裝甲車綑綁一齊表決，我寧願唔要果一萬蚊」，但客觀黎講，爭拗攞唔攞果一萬，攞咗果一萬應該愛黎做乜，從來都係有產階級嘅奢侈討論──因為真窮撚，係連思考呢個問題嘅餘裕都無。
就響我聽完預算案出街嘅同一晚，公司樓下個看更已極興奮不停追問我係咪真係有錢派、又話網上傳言果一萬要去到出年先拎得，但陳茂波又話最快暑假就有得拎究竟邊個先係真──而重點卻係，我從來未見過佢笑得咁開心。而響街，甚至我係聽見有人話因為有派錢一萬呢個好消息，今晚要搵間餐廳食餐好嘅慶祝咁話。
所以我地一方面應該慶幸，由2011年之後，呢個政府竟然蠢足九年，將呢樣收買人心嘅最強武器一直丟埋一二邊唔用；而飯民過去九年竟然蠢到一直反對派錢，而唔係用呢段時間一直響香港市民心入面累積起「泛民主派從來支持派錢只係政府唔肯」呢個印象。
無錯，楊岳橋響之前300億防疫雞金個撥款入面，借住提出全民派錢一萬修訂動議，係有盡最後努力做咗場政治騷，但更多人卻係記得你地公民黨甚至大半個飯民從來都唔支持派錢（反而民建聯同工聯會從來響呢方面嘅立場從來都係面目模糊，搖擺不定），搞到今日政府終於跪低派錢之時，係無人會走去多謝飯民主派幫佢地。
好多黃屍之前因為民建聯響楊岳橋派錢一萬修訂案投反對票大吹特吹，其實亦只係小聰明之技：工聯會民建聯既然早收三日風一早知政府會派錢一萬，你估佢地響街頭會唔會落足咀頭，用耳語形式安慰班街坊話「放心，信建制派，一定有錢收？」香港有好多蠢人，但亦唔係蠢得哂──唔通佢地真係會以為全靠楊岳橋先有一萬蚊落袋咩！
政府而家嘅路數好清楚，就係財政預算案就擺定一皮嘢響度等大家攞，陳茂波仲要放風話最快暑假攞倒錢（雖然我懷疑公務員系統嘅辦事能力，但唔係一定無可能，因為曾俊華之前已揼好哂啲派錢系統，改一改就用得），就等同拋個波去黃絲陣營果邊，好整以暇睇下飯民會有乜嘢反應──只要飯民響預算案上面稍有拉布之舉，就立刻可以將推遲收錢嘅責任推哂去飯民身上，然後等你九月選舉一鑊熟。
可悲嘅係，成班黃屍完全唔知大禍臨頭，仲響度為啲ON9嘅問題爭拗一輪：例如究竟拎呢一萬蚊究竟係咪等同認同呢個不公義嘅財政預算案──老實，有錢唔攞除咗係ON9，亦都係一種個人選擇；而最重要卻係無論你攞唔攞呢筆錢，根本對政府甚至整個香港黎講根本毫無意義。另一方面又有人嘗試Spin去「解散警隊唔要裝甲車，我要每位市民可多派3000蚊！」作為文宣亦係無謂，因為以目前嘅立法會議員權力，根本無可能迫倒政府咁做，結果又係淪為空談口號。
真正嘅重點從來係在於，泛民主派響過去幾個月，響支持抗爭嘅市民齊心支持（同監察）之下，其實響財委會一直以拉布方式拖延住公務員加薪撥款意案，以同時阻止警察加薪。但係當政府一宣佈派錢一萬之後，任何拉布戰就立刻有等同於「拖延派錢」嘅效果──
基於泛民主派係一個隨風擺柳、極之容易受民意擺弄而腳軟嘅政黨，所以「寧願唔要一萬蚊，都唔想差佬買倒裝甲車」呢句口號係要大叫特叫，但重點唔係你真係攞唔攞果一萬蚊，而係要班泛民議員知道，繼續響財委會拉布係唔會失去選票基本盤。否則當你仲自作聰明周圍響網上宣揚「有一萬蚊就梗係拎咗先」，其實變相就係催促泛民快啲放水比預算案通過。
即係我同大家講，響今時今日嘅立法會，你既無立法權，又無否決權，唯一可以做嘅，就係全力拉布阻延法案通過。即係如果我選個議員出黎，只係響議會扮下憤怒發下言，見下傳媒影下相，然後投個反對票就算撚數，咁我同選個建制派入去，響結果上面有乜分別？
但由毛孟靜開始，泛民議員已不停放風暗示，佢地係唔單止無力阻止財政預算案通過，而且亦怕拉布拖死預算案係會失民意，所以好大機會泛民響缺乏民意強大支持之下腳軟變飯民，響財委會象徵式拉下布之後，投埋反對票就叫完成咗所謂議員嘅責任──而莫乃肛、梁繼娼呢啲面目模糊嘅民主派可能投棄權、缺席投票，甚至直接倒戈投贊成票添。
好悲哀、亦好洩氣嘅係，果班鼓吹「功能組別過半」、「體制內抗爭寸土必爭」嘅黃屍KOL係永遠唔明白，響香港民主發展路上，只要議席係比原則重要，民主抗爭就只會一事無成：
「喂我地而家要爭取中間淺藍選民呀」、
「咁淺藍選民而家急住要派錢一萬，否則唔投票比我地，咁點算呀？」、
「咁唯有放棄拉布啦，記住，我地咁做都只係為咗大局著想架咋」
咁如果去到有日中間派選民同你講「喂你地唔好要求真普選啦，我地唔想激嬲共產黨呀」，你估黃屍KOL叫人含淚選出黎一班飯民議員，尤其係果班面目模糊嘅功能組別議員，響議席利益同普選人權之間，佢地會點揀？
只要睇下有幾多非建制派議員會肯冒天下之大不諱堅持響財政預算案拉布，幾多腳軟跪低放水，就一目了然。
// 財委會沒有權決定「全民派1萬蚊」，因為目前派錢被納入財政預算案的一部分，將以《撥款條例草案》的形式，在立法會大會中審議和經三讀通過；
財委會在星期五確有會議，第一項議程確是公務員加薪（包含警察加薪），但由於「全民派1萬蚊」沒有交由財務委員會批准，所以並不會出現「全民派1萬蚊」會排在「警隊加人工」之後的情況 //
