[原諒我個人就係咁]好似測字咁,Trust your instinct.見到呢單新聞,你心入面第一句係乜?唔好呃自己。怕且唔係「鄧生熱心公益」
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
TLDR:人生在世,就係「冇嗰樣搞嗰樣」。大波女星想你讚佢演技好,靚女想你讚佢有才華。窮人想發達花天酒地,富二代當然就要證明自己。
1. 實情都有諗過,同人地三九唔識七,真係屍骨未寒,係咪唔應該咁寫文。不過後來諗下,都係睇寫嗰個嘅態度,同埋有冇咩嘢畀到讀者。
2. 咁況且,以前寫香港01時,讀者編輯都話我啲文好在:講中好多人心中想講,但礙於禮教面子怕冒犯人而唔敢講嘅嘢。即係,衰嘢等我講。
3. 真的,早兩日食飯先講起鄧生(唔好叫「波叔」咁懶熟),估唔到咁就去咗。而今日不同界別嘅朋友Whatsapp Group(BTW,又話冇人用?),講嘅都係不離嗰兩樣嘢。
4. 「真慘,臨老過唔到世」「畀個仔累死佢」
5. 即係,你話可能係市井之見(但我啲朋友都中產啦講真),或者仆街。但if you call this 仆街,咁民意就係仆街,我都係照寫。
=======================
6. 我曾經見過波叔,講過幾句.但有乜特別?我見過李兆基添,仲改變咗我一生(*)。見埋羅德丞添,傾完冇耐佢釘撚埋。
7. 講返,當年仲做大公司,大公司冇嘢多就係面子多。往往拉上拉,你會見到好多人。以前李靜高禮澤都大圍人食過飯(代言輪商嘛,真係香港精神)。咁所以,啲乜乜畀面派對,作為XXXX嘅鄧生會出現,好合理
8. 席間大大老細介紹我識,咁鄧生知我撈乜,咪循例問你兩句點睇個市。我心諗我雖然唔識做人,但都未低能到教鄧生投資下話。即係好似有一日你見到美斯,然後人地循例問下你覺得佢踢成點。屌,唔通你話:「我覺得呢,你可以練好啲頭槌啦,跑多啲啦,唔好成日頭耷耷咁好似冇乜領袖風範」。好心啦。
9. 咁所以,明顯地,我呢啲咁嘅卡拉蘇,鄧生一年食飯見一千幾百個,多過佢啲舖,當然重要生低過一個茶樓知客—是真的,知客幫到佢。我幫到佢乜?昆佢買我公司啲產品?
10. 但,無論如何,鄧生白手興家,本人當然十分尊敬。基本上我都係尊敬有錢人嘅,富二代就冇咁尊敬,除非預埋我。咁大家見到,鄧生呢幾年,甚至好似早幾個星期,都仲要撲水,實在令人感到有啲唏噓。(咁當然人地副身家縮水99%都勁過我啦,甚至人地破產都好,見過嘅風光都多過我十世,我全部知,唔使提醒)
11. 咁大家都知,好大程度,就多得佢個仔搞酒店咯。
12. 固然你可以話係黑天鵝,先搞一個社運,再搞一個肺炎,香港酒店真係大檸樂。但其他人似乎守得好啲,一來有啲係上市公司,二來有啲有其他業務,三來相信人地借錢冇咁狠。
13. 咁而我相信,如果只係老鄧生自己玩,就唔會玩到咁激嘅。
=========================
14. 曾經都識過啲富二代,做過下傍友,後來人地疏遠我就後話。BTW,講富二代,講家族上富豪榜嗰啲啦,唔係你睇八卦雜誌先識嗰啲。講身家百億港紙嗰啲,OK?
15. 咁即係,我識嘅嗰位,同埋佢啲朋友。「其實都幾空虛」。哈哈,我唔係講咩「有錢人都未必快樂」呢啲貧窮限制你想像力嘅嘢,亦唔係太監仲去警告人做愛傷身。但真係的,我唔覺得佢地好快樂喎。「其實都真係幾空虛」。
16. 人生嘅梗,就係在呢度:誰會珍惜,當你還擁有?
17. 喂我後生時心諗,屌,畀著我係你,我日日瞓到自然醒,食米芝蓮三星做早餐,然後一年坐頭等去返十次八次日本,飛去東京聽濱崎步,食住個靜岡蜜瓜玩溫泉美少女啦。不知幾咁爽
18. 係喎,真爽,La Dolce Vita.但有冇諗過,「其實人地過去十幾廿年都係做緊呢啲嘢?」。咁仲有乜好玩?
19. 真係的,自從識咗富二代,「我個人開始有同理心」。你代入下佢地情況,喂,係真係好空虛架喎。由細到大你想食乜,都有。你要去邊,都可以。理論上,你要食乜女食乜仔,都有(百億身家喎,你自己計數)。
20. 咁,問題嚟啦,你嘅人生仲有乜意義?你成本飲食男女 成本忽然一周都食晒。跟住去邊度?
21. 呢個就係人生嘅梗啦。
22. 我冇小朋友,老豆又冇錢,但即係都可以代入下。我見啲富二代呢,全部都要做一樣嘢:證明自己。
23. 當然唔係好睇睇戲咁(掃毒2 謝君豪咩),唔見得佢地仇視老豆,好想佢快啲死。唔似(似都唔會同你講)。畢竟都有養育之恩。但由我睇眉頭眼額,你提起老豆,佢地多數都唔鍾意,會好快轉話題(我懷疑如果係富家女會唔同,可惜我冇泡過,你有嘅你話我知,你有冇一路砌佢佢一路叫爹哋)
24. 因為,就係要走出老豆陰影嘛!
25. 其實呢種心態好正常。吾友話頭,鄧不利多必然要死,否則哈利波特點長大?無數荷里活片都係咁拍,老餅師傅(奇雲高士拿,或黃敏德之類)收復少不更事有熱血但衝動嘅靚仔男主角,之後一定係任務教主角而犧牲,然後男主角先傳承,真正長大。
26. 咁但,個富二代唔可以叫老豆去做飛虎隊拎手榴彈嘛大佬!
27. 所以,就梗係要搞啲嘢,證明自己。
28. 然後咁就仆街啦。
29. 你可以諗下,再老一輩嘅富人,即係富二代啲老豆。其實夢想係乜?理想係乜?唔係搵多更多嘅錢。而係,富足三代,幾世無憂,搞掂。
30. 再講白啲嘛:仆街仔,我寧願你去花天酒地叫雞算啦,使得幾錢?真喎,聽聞鄧生一個月收租都成千萬,咁你計下數,真係照計晚晚扑明星都得,請埋老豆都仲得。正如你去飲飲食食,食得幾錢?開支La Fite 同條女鴛鴦嬉水好未?你自己計,一個浴缸幾大?有限錢。仲可以飲埋。
31. 賭錢就唔好,因為賭場上冇輸唔完嘅錢,你一晚可以輸晒成檔祖業。
32. 總之,正正經經花天酒地起雙飛三飛好啦,搞乜鬼生意呢!搞生意咪即係賭錢咯!
33. 但再講一次,人生嘅梗,就係在呢度嘛
34. 就係你唔想我做我偏要做嘛!
35. 就係大家嘅諗法唔同咯。老豆想個做無憂,但個仔心諗,咁我人生仲有乜意義?
36. 唔係話乜,但你真係留意下,人係咁的。窮人係咁,有錢人係咁。溝女好,叫人做生意都好,都係差不多。每個人都總係有啲嘢想要,你畀到佢,打得中嘅,就乜都可以幫你做,「其實唔難」
37. 人生嘅梗,就係「冇嗰樣搞嗰樣咯」。真的。佛家講「求不得苦」,就係呢嘢。
38. 咁具體啲啦,窮人當然想發達,唔使講啦?有錢人呢?屌你,唔會想變窮,「但想食返當年街邊檔味道」,「想人地真心鍾意佢靚仔唔係貪佢啲錢」。咁富二代呢?當然係想證明自己都有能力,唔係靠老豆。我唔使靠佢嘅錢,唔使靠佢嘅名。因為佢冇嘅嘢,咪要搞出嚟
39. 真的,埃汾叔叔教你,溝女都係咁上下,「其實唔難」。但真係冇嗰樣整嗰樣。肥佬黎都好似話過,「當妓女好似貴婦咁」(帶佢去米芝蓮三星啩),「當貴婦好似妓女咁」(自己睇套四仔參考)。都真係,「其實唔難」
40. 真的,大波女星鍾意乜呀?鍾意你留意佢演技咯。靚女鍾意乜呀?鍾意你覺得佢都幾識嘢喎。普通女呢?想人覺得佢特別—記住,冇嘢好刷,「特別」係萬能的。我地呢個年代就係咁,個個都刷存在感,想證明自己有乜咁特別。
41. 咁所以呢,我就真係冇乜資格講,但為人父母嘅呢,好簡單,香港人核心價值,三宅一生,留返三個太古城複式單位(唏,早兩日先去過)畀你個金叵羅。一個住一個炒一個收租。其他嘅?射落海啦,自己洗(請參考以上LaFite沖涼嘅玩法),或者送畀我,或者去勞蘇基金(置頂Post有),或者去訂我Patreon.好過你個仔同你敗晒佢
42. Last but not least,聽講呢個係金融專業,唔係講LaFite或明星。咁傾返生意。固然係黑天鵝,生不逢時,酒店一開就社運然後仲整個肺炎,真係點預先預到?轉時鐘(already做咗啦)都唔掂
43. 但,其他人總算守到。一來底子厚,二來冇借得咁盡,三來有其他生意頂住。其實同我叫你投資都差不多,分散啲嘛。一個浪打埋嚟你就知
44. 但仲有一點:上市公司是好東西。當然呢啲係金融101了,上市 vs 唔上市,有好有唔好。但,除非你係啲明星start up,拎private market 有價有市。否則即係做舖做酒店呢啲嘢,呢幾廿年社會高度金融化。都係上市好。
45. 上市嘅,印公仔紙又得,問銀行借錢又得。當然鄧生一樣問銀行借到錢,但似乎terms就都幾辣。銀行嘅嘢,梗係落雨收遮啦。平時叫你買I kill you later就靚女船P,你問佢借錢就西裝友,你爭佢錢就古惑仔啦。
(*)呢個獎學金故事Personal FB成日講啦,但呢度有冇講過?冇嘅有機會寫一次。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
貧窮限制了我的想像梗圖 在 君子馬蘭頭 - Ivan Li 李聲揚 Facebook 的最佳解答
[沒有最cheap,只有更cheap]和民都仲有得變平價版!?!?
TLDR:暗黑企管系列,和民呢啲公司,客又屌,員工又屌,股東又屌,十分極品。
經濟原文: 轉型總比結業好!日本和民居酒屋變平價燒肉店搶營業額 (https://bit.ly/36FCgLr)
1. 和民嘛,我估多數香港人都食過吧。我都係香港人,所以我都食過(咩邏輯?),應該食過四五次,每次都印象幾深刻。
2. 首先係講,本人雖則十二歲已經打飛機(冇乜特別吧?),但廿二歲先第一次坐飛機(上次寫Playboy上市有講過點解(https://fbook.cc/3GfY)).三十二歲都未去過日本。去到2015年尾(呼,咁就五年),我先因為工作第一次去日本,當時我37歲,真係輸在起跑線,人地嗰啲未擺百日宴已經去齊日本47都道府縣了。
3. 同樣地,唔使獅子山下,我細個住大西北居屋(其實住到三十歲),當然稱不上好窮,但我地個年代真係邊有咁多花臣?即係當年嘅「日本嘢」,係八百伴嘅food court,熱海麵屋(我好大過先知咩係熱海),一番唔知乜(食飯的),油淋淋嘅獅子狗(同理,我應該去到三十幾歲先知「獅子狗」呢個名係香港創作),同埋測試到八佰伴都執埋笠都未測試完嘅公仔燒餅機。
4. 到出嚟做嘢,「情況都係差不多」。嗰時在學校村教書(公開的秘密),嘩,真係晚飯去荷里活(鑽石山啦,唔通LA咩)食百人一朱,已經覺得自己好撚high(*)。後來有個朋友,名校學生,中學已經去有馬(https://bityl.co/3pzA),呢啲就貧窮限制我想像力啦!有馬?我開頭以為佢講AV。ARIMA?我以為係Econometrics嘢。
5. 由於始終都係大西北牛屎仔(而家都仲係),見識係少啲,邊似而家啲小朋友咁未滿月已經去咗幾次日本。但無論如何,時間跳到去……我都唔係好記得,但好似04年?應該做緊蕉行,但未有埃瘋嘅年代。嗰時條女,在葵涌返工,我會去接佢放工。
6. 然後,我就去咗新都會廣場嘅,「和民」,噢耶。就係我教書食百人一朱覺得自己好撚high後不久。食「和民」,覺得自己更加high!
7. 因為啲女(其實有仔,但我只係睇女),係會踎低同你落單架!仲會重覆一次你嘅單,嗰時我真係驚為天人!喂,再講一次,嗰時係我食百人一朱覺得自己好撚high後不久咋
8. 就係咁咯,嗰個年代,覺得幾好食架。但後期呢,好似水準越嚟越差(可能食咗兩三次?),女都換埋,就冇再去食。
9. 然後時間去到2016年嘅七月,台北。留意我已經長大,去過一次定兩次日本,人生已經無憾。當時在台北,埃汾太已經辭咗工,剛開始在台北定居一年,嗰餐應該係當時在台北settle down 所有嘢,租埋屋,埃汾太開始長住,然後我返香港上飛機前最後一餐。
10. 而—我—同—佢—走—咗—去—食—和—民。
11. 我都唔知點解,但十成係我提出的,西門町嗰間。
12. 係,我同埃汾太小別(其實嗰一年幾我去咗台北廿幾次),最後一餐,係在西門町食和民。好有喜感。仲要係,完全唔撚好食的,亦冇你想像中咁平,好似兩條友食咗四五舊水港紙?完全唔知為乜。
13. 但我後來發現,有人結婚周年都去食和民(香港人呀下),又覺得冇乜大不了。反正今年結婚周年我都係同埃汾太打邊爐。
14. 然後去到2017年3月,我最後一次食和民。係在日本!
15. 嘩哈哈,在日本食和民添呀。但有幾出奇?我在日本食KFC添,唔止,我在京都食添,正所謂「嚟到千年古都梗要食啲特色嘢」,仲要係AEON入面嘅KFC。反正我在暹粒都食KFC,仲要我生日添(可惜冇柬埔寨開心姐姐同我玩遊戲),正所謂「嚟到千年古都梗要食啲特色嘢」。呢個全球試爆係特色節目嚟的。
16. 講返,做乜咁睇唔開,在日本食和民?實不相瞞,我係在長崎食的。真係「嚟到日本門戶梗係食啲特色嘢」。
17. 因乜咁睇唔開?答案好簡單,冇其他選擇。當其時應該係在福岡坐火車去長崎,但中途受阻,原地不動成粒幾兩粒鐘,我用咗五粒鐘先由福岡去到長崎。咁去到,仲有乜可以食?有乜食乜啦
18. 嗰次,就犀飛利咯。完全打破晒我對日本不切實際嘅「求其行入一間都好好食」嘅戇鳩刻板印象。絶對稱得上劣食,仲要完全係好似《食神》史提芬周咁,仆街啲冰大粒到丫,啲嘢食鹹到丫,啲位窄到丫。真係正。
19. 最重要係,唔好以為好平呀!早知如此,我去食麥當勞好過(長崎係有廿四小時麥當勞的,我點知?因為我食過咯!當然我係第二次去先知,況且第一次去唔係住嗰頭)。所以返返文首個問題,和民,應該係可以更cheap嘅。
20. 不過媽咗一輪和民,應該唔會有網友出嚟攻擊我話我有錢撚。首先,再講一次,「我唔覺得好平」。第二,聽聞在香港都好多人屌。咁人要進步嘛,當年就話食百人一朱覺得自己好撚high啫,而家幼稚園謝師宴都Omakase啦
21. 但當然仲有絶招,第三,聞說在日本,和民都係人人皆屌嘅,屌住食就另一回事。出名嘅黑心企業,完全就係《食神》史提芬周(https://bityl.co/3q1X).搵客笨之餘,對員工又仆街—最神奇係股價一樣仆街喎,十年前2000yen,而家1000(**)。
22. 舊文寫過(https://bityl.co/3q1t),客戶,員工,股東,多數是但死一辦。搵客笨,員工同股東掂嘅,李嘉誠咯,住過鑽石廳食過油魚就知。搵員工笨,客同股東掂嘅,大把,麥當勞,亞馬遜。有冇搵股東笨,但益客同員工架呢?好似好反智,但係有的!一大堆咩共享經濟科企公司咪係。BTW,UBER嗰啲司機,唔係「員工」呀下,正如送外賣啲南亞仔都唔係「員工」。咩係員工?你應該讀返金融101,或者訂下埃汾啲文(https://bityl.co/3q27)
23. 好似和民呢啲,客戶,員工,股東齊齊輸嘅,相當少見。
24. 結論?就梗係,做人,要企啱位。做誠哥嘅員工,麥當勞股東,UBER嘅客。好人一世平安。掉轉?做亞馬遜嘅員工,長實嘅客,外賣仔嘅股東,永不超生
25. 有冇客戶,員工,股東齊齊贏?其實冇乜,你大約諗到,之所以有個不可能的三角,因為三者係真係有啲衝突。唔上市還好(例如Instagram未賣畀Facebook時),上左市嘅,真係相當難,暫時我可能諗到……NetFlix.
(*)好似吳宇林啲乳鴿咁,「百人一朱」係本人常提嘅嘢,signature 是也。例如呢篇(https://bityl.co/3pym)同呢篇(https://fbook.cc/3GfZ)
(**)十分神奇地,2008年第四季,和民股價係勁升的。2008年第四季發生咩事?唔係唔知下話,咪雷曼爆煲金融海嘯,結果股價逆市勁升。可能因為「消費降級」?
----------------------------
Ivan Patreon 狼耳街華人,一星期至少三篇港美市場評點,其他免費好文推介,每日一圖,仲有FB Page post summary.一個月一舊水唔使,開張兩個月已 600人訂,仲有兩篇免費試睇:https://bit.ly/31QmYj7
------------------------------------------------------
[收費短片第十擊]人民幣升值受惠股,美股二線科技股揭秘
課程資訊:https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號:CC010
觀看期限:首次播放後一星期及限每影片4次
客服whatsapp: 63832145
貧窮限制了我的想像梗圖 在 君子馬蘭頭 - Ivan Li 李聲揚 Facebook 的最佳解答
[半島酒店出租率跌到三成半!]是真的!三間得一間有人住!直迫沙士!
1. 係咪史上最低?應該都不遠。沙士全年,其實都有53%。
2. 沙士之前嘅十年,都冇一年有跌到35%。最低都有47%,係1998年,金融風暴。沙士打後咁多年,最差係2009,金融海嘯後,57%。留意雷曼08年中秋先爆煲,08年嘅全年入住率仲幾高的,過70%。Comment會貼呢啲圖
3. 當然,今次只係單季跌到35%。以前冇一季季咁出,但沙士上半年,就真係有跌到去35%。
4. 今年如果頭三季就咁閃普丫肥廚,就55%,都仲係好過98嘅,暫時。況且聞說第四季入住率反而有機會反彈—不過亦未必係好事。下面解
5. 之前五月寫過,半島入住率大跌(http://bit.ly/2Y74Xdj)。或者唔想睇舊文嘅,望下呢度張圖右下角綠色圈,舊年嘅出租率率,同返左下角紅色圈,今年第一季比下。當時以為跌到七成已經好誇,當時就未知咁多事啦下,而家有七成真係還神。但亦留意今年第一季嘅平均房價,仲係高過上年第一季。
6. 然後去到六月,仲甘,出埋盈警(http://bit.ly/2OeMcRx)。
7. 但留意,出盈警係六月廿四,當時已經有兩百萬人遊行,但都係未去到後來咁大影響。你可以話七一係分水嶺
8. 好啦,去到第三季,就真係大檸樂了。出租率跌到得返三成半,真係唔知幾多年冇見過。而仲要留意,七至九月都仲未係最大鑊的。你可想而知第四季應該更加難睇。
9. 有趣嘅係,你見到出租率趺到三成幾都好,佢啲房都仲係四千八近五千一晚。同年頭近六千比固然跌咗唔少,但似乎係「唔夠」的。簡單供求經濟學,你得35%,就即係個價未夠低咯。
10. 理論上,酒店係最憎吉房,正如航空公司最憎吉位。因為仲大劑過餅舖麵包舖曲奇餅刺身,嗰啲都仲可以塞比員工食—斷估半島酒店唔會有吉房畀你放工去訓返晚掛?理論上吉房吉位就係零,其實執返幾舊水好過冇,正如刺身餅舖臨收舖都減價。
11. 但實際上當然唔係咁計,好多時都係射落海唔益你。你唔係做一晚生意嘛。刺身舖減價就會引到啲永遠臨收舖嚟買特價嘢嘅乞兒(例如我去買DONKI吞拿魚),酒店一樣。但刺身舖啲乞兒(即係我買DONKI吞拿魚)買完就走,酒店嗰啲唔係嘛,你係畀五六千蚊嘅貴客,就唔會想見到埃汾拎住盒DONKI吞拿魚踢住拖在大堂寫文啦,係咪(其實行返美麗華最近,就樓上之嘛)?況且減得一次就會有人估減第二次,就會好似啲時裝咁,好多人都等特價先買。
12. 所以,理論上,係應該maximize 第一格嗰個「平均可出租客房收入」,就係房價X出租率,第二格乘第三格。你見而家半島第三季係災難性嘅。但實際上個elasticity 點捉,係死都唔劈保住形象,定低低地慣舖,慣幾幾,就唔係啲外行人知道啦。
13. 朋友提返,半島九月尾先開始劈價(我就唔知啦,貧窮限制咗想像力),所以第四季應會見到個出租率反彈—但反正第四季一般都係旺季,睇舊年都知。
14. 又,睇亞洲其他地區呢,第三季啲人住率冇跌好多,但啲房價明顯低,整體「平均可出租客房收入」都低。係咪經濟差?未必,因為舊年都係第三季低。可能第三季係淡季吧。
15. 但你見到歐美地區就唔係咁的,或者至少半島唔係,個「平均可出租客房收入」第三季係全年最高,往年都係。
16. 呀,最後都講多次,「隱惡揚善係人之常情呀下。公司明知呢個入住率大跌實會係焦點,特別放到最底。我冇謀論論。因為,之前兩年,入住率個表都係放最頂的。」
17. 業績?唔使講啦,梗係大大鑊。上半年都盈警啦,而舊年下半年仲要係高基數,而今年下半年先係重災區。但股價唔使等你出盈警出業績先行嘅,你做緊咩價,大約有幾多人住,香港啲酒店有幾大鑊,大家有眼睇。
18. 但有趣地,其實股價十月頭低位後,就反彈,而家比低位仲高咗16%
19. 不過最後都講多句。沙士時,半島平均房租,去到兩千三蚊晚—而家你一定覺得好抵。又係話你知,通脹猛於虎呀。而家劈極好似都仲要三千幾,企業點都係大贏家。