[網友Q＆A]新手、三十零歲、有資金，應該要如果起步投資比較好？
https://www.patreon.com/posts/55817422
//話說都有一段時間冇做個案分析，因為我個起個案既google form成日沉左底，新黎既網友就唔知可以交自己個case出黎問問題。不過過來呢個星期patreon都不約而同有2個讀者問有關新手投資應該點起步既問題。不過由於你地問既問題都比較接近，我又唔想只係回應一個唔回應一個，所以我就打算一次過回哂兩位。我相信呢個都係好多網友好想知既問題黎，而香港真係十分之後入門教材，大家好似覺得d人一開始就了解哂所有投資操作咁。反觀我最近又睇左篇台灣人教買台灣樓既文章。人地真係由完全唔識既，教你咩叫中古房、預售房，再講銀行樓按借錢係計銀行估值。好多買過樓既人覺得理所當然會知既，佢都有解釋，呢種教材文章其實係有必要存在的。
個案1：
今年30同我女朋友同年，都係做護士，年收入一人接近60萬一年啦，未上車，我有130萬現金，我女朋友有40萬左右。我地無咩投資經驗，應該都係想買美股etf簡單啲開始敢。
個案2：
我係今年36歲嘅一孩之母，有大約200萬儲蓄，剛剛失業，本身有55000月入，有100萬做咗定期，有10萬買咗港股收息，淨返一半係美金現金，一半係港幣。之前學買美股， VOO 304入， 跌到200好驚，到返 310就放咗。
好想學投資，但宜家全職照顧BB已經無晒時間，見到自己揸咁多現金，覺得唔知點好，希望窮生可以俾少少方向，謝謝。//
