鷺梁津海鮮市場
簡單嚟講就係一個專賣海鮮既街市，如果有潔癖怕污漕既女仔就唔好去喇。因為街市都係咁架喇，一定濕淋淋咁。唔介意既，又或者超鐘意海鮮者，就一定要嚟！
一盤起碼有十隻既生蠔，$5000Won，可生食同煮熟。由於我怕肚痾，都係清蒸。
膏蟹$10000won兩隻，我用嚟煮湯。
另買兩隻鮑魚同四隻超大蜆，$10000Won，我都係用清蒸既煮法，其實可以揀烤。
買海鮮用左$25000won。
買完就拎上一層煮，我求其入一間。每人坐低先收$3000won/人，蒸煮費另計，大概每款食物都收錢，我再叫左枝米酒，埋單$35000won。
即係買海鮮連煮合共$60000won，大概HKD$420，非常抵食。淨係果盤全宇宙最平既生蠔，至少十隻都係$35港幣。
點去？你一定問😏😏
就係地鐵鷺梁津站，得一個出口，出到去大大個牌指你去海鮮市場，就喺地鐵站隔離，去呢度，無難度！值得推介比海鮮迷，而且唔遠，首爾市內住搭地鐵半個鐘內乜都到。
不過夜晚會收，最好六點前去到買海鮮，我今日五點到，檔主話就收檔啲嘢平啲比我，原本一隻蟹$8000won，叫我比多$2000要多隻，佢話用嚟淆湯都抵🙊🙊🙊
