［是日公告］龍五集資投資澳門，結果變成投資台灣
告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。當然我唔係坐定定「我不想努力」，一星期至少出返六篇文，仲要之前有啲讀者贏到下錢嘅（但本人目標唔係玩畀冧把，係更高層嘅嘢）
1. 雖則我同巴拿馬總統冇乜交情，不過公海資料，冇事掛？
2. 做冬我都不忘睇公告，公司亦都不忘出公告。
3. 中國星，應該唔使多介紹啦。執行董事？向華強，都唔使多介紹啦，龍五都唔識？仲有個執行董事叫陳明英，自己Google 下係誰
4. 原來中國星都近40億市值，失覺失覺。1989年「賭神」，高進張「瑞士諾斯銀行」本票（要搵個有財經常識嘅人睇下嗰張），只係3000萬美金。去到1994年「賭神2」，賭神身家原來係15億美金。但而家龍五間嘢都一度有呢個市值。通脹嘅嘢
5. 講返，因乜鬼出呢個公告？因為之前供股，咁供股點都要有個理由（當然最廢嘅理由就working capital），而之前中國星供股嘅理由係：物業投資，集咗3.5億港紙。而家呢？就改變用途了。咁雖則錢已袋，但程序上都要通知返，改變集資用途嘅。再加上，新用途亦會係一個潛在收購，所以一次講兩樣嘢
6. 點改變用途呢？其實都係物業投資。不過原本係買「中華人民共和國澳門特別行政區外港填海區第6C地段、第6D地段及第6E地段的合併地盤」
7. 而家？唔係唔買，不過話原來有銀行借錢，夠錢。咁原本筆錢點？改變用途咯。
8. 都係物業投資，不過，「購買一項位於中華民國（「台灣」）的物業」
9. 價錢？勁咯，估值約為580,000,000新台幣。真係豪宅，話連兩個車位。
10. 另外，近來台灣比較多人講嘅新聞，係以下呢單。自己睇（https://fbook.cc/3JuO）。或者，睇下右邊台灣雜誌封面。可以估下兩件事有冇關係。咁當然，上市公司租返物業畀公司董事，係好常見嘅。
11. BTW，「賭神2」，同好多續集電影一樣，票房好過第一集（「賭神2」係周潤發最高票房嘅戲），但評價當然差過第一集。你見加多咗好多人（梁家輝邱淑貞羅家英徐錦江，仲有「天若有情」紅咗嘅吳倩蓮），同枝節。好多風格同第一集都唔同。
12. 但，「賭神2」其實更加反映時代，1994年12月，識嘅自然明。包括徐錦江嘅公安，「千賭湖」（而「千島湖事件」係同年3 月！幾咁快手），張寶成，特異功能，台灣黑幫等等。仲要有羅家英嘅「達文西」！
13. 係，「賭神2」其實遲過「國產凌凌漆」2個月，但同樣都係永盛，即係而家嘅中國星，都係向生。所以啲角色都有在永盛Universe入面不同電影出現。正如古惑仔Universe都係咁。呢啲嘢真係領先荷里活幾十年啦！
14. 彩蛋：「賭神」入面「高義，你個仆街仔！」（台版：「高義，你他媽雜碎！」）是經典台詞。然後賭神高進仲在高義耳邊講咗句「契弟，你仆街啦！」。再塞咗枝玩具槍落高義隻手。好啦，然後陳金城開槍射死高義（結果餐壽酒要在赤柱擺）之前，高進仲講咗句咩對白呢？就係我而家嘅心情
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已900人訂！（https://bityl.co/4Y0h）
賭神2達文西 在 [問題] 賭神2的小問題- 看板HK-movie - 批踢踢實業坊 的推薦與評價
今天下午看到賭神2
有一段是在禿鷹的船上
台灣砲艇開過來
賭神他們三個一起唱梅花
唱到最後一句
"巍巍的大中華"
大中華三個字消音了
以前都沒有消音阿
為什麼突然要消音呢?
大中華這三個字是髒話嗎?
--
◤ ╱ ╱ ╱ ╱ ╱ ╱ ╱ ╱ ╱ ╱ ╱ ╱ ╱ ╱ ╱
▏ ▏ ▏ ▏ ▏ ▏ ▏ ▏ ▏ ▏ ▏ ▏ ▏ ▏ ▏
▏死 ▏三 ▏八 ▏偷 ▏看 ▏我 ▏的 ▏牌 ▏你 ▏是 ▏想 ▏我 ▏乾 ▏拎 ▏涼
▏ ▏ ▏ ▏ ▏ ▏ ▏ ▏ ▏ ▏ ▏ ▏ ▏ ▏ ▏ ◢
From 周星馳 千王之王2000 原作φrathunter 修改φXD9527
--
※ 發信站: 批踢踢實業坊(ptt.cc)
◆ From: 219.71.212.11
... <看更多>