【外流生活】 香港女子隊 - 鍾貝琪
香港女子代表隊近期喺賽馬會香港足球總會足球訓練中心展開集訓,當中有一張久違但又熟悉嘅面孔出現,佢就係女足後衛鍾貝琪。
現年22歲嘅鍾貝琪,喺2019年下旬毅然離開香港遠赴蘇格蘭基爾馬諾克(Kilmarnock),挑戰蘇格蘭女子超級聯賽第二級別(SWPL 2)戰場,希望一圓外流嘅足球夢。
由參與試腳到落實加盟基爾馬諾克,然後再到第一次代表球會喺正式比賽披甲上陣,其實都只係大概經過一個月嘅時間。諗返起當初嘅一切過程,「阿K」自覺非常感恩,因為佢喺蘇格蘭嘅發展,其實比起自己原先想像中順利好多。
「睇返自己喺蘇格蘭踢波嘅時間,其實一切都算幾順利。由試腳成功到簽約加盟基爾馬諾克,然後又好快獲得上陣機會,再到第一場比賽贏波,當中教練同一班隊友,其實都比左我好多信心。 雖然目前因為疫情關係而需要暫時離開蘇格蘭,不過我都好期待當一切回復正常之後,可以盡快返基爾馬諾克繼續踢波。」
「阿K」又提到,蘇格蘭足球一直畀人嘅印象,可能比較傾向簡單直接,不過從佢喺基爾馬諾克所見,好多球隊都開始著重控球組織,而且對球員嘅技術、體能同埋用波速度,全部都要求好高,令到佢喺各方面都有所提升。
「喺香港嘅女子足球聯賽,我踢起上嚟已經算係比較硬淨嘅一個,但嚟到蘇格蘭,所有隊友踢起上嚟都好硬朗,而且技術水平亦都好平均,所以起初我都好怕自己會跟唔上啲隊友。好彩教練同隊友佢哋都好好,見到我有少少擔心,所以無論喺球場內、外都會主動同我傾多啲計,等我可以放低心理包袱,盡情踢出自己最好嘅表現。」
加盟基爾馬諾克短短時間,「阿K」已經憑著喺操練同埋比賽中唔錯嘅表現,贏得球會嘅肯定,而基爾馬諾克亦喺今年年初向「阿K」開出新合約邀請留效。雖然喺蘇格蘭總算站穩陣腳,不過「阿K」就話,其實球場外都有種種困難需要克服,所以佢好感激同樣來自香港嘅基爾馬諾克隊友秦正行,喺異鄉一直向佢扶持。
「其實初初抵達蘇格蘭,我對於新嘅生活環境唔算太過適應,有時都會感覺到寂寞,有好幾次仲試過差啲喊左出嚟。我仲記得喺開頭嘅時候,因為自己嘅英文水平唔算太好,再加上當地人講嘢普遍帶有濃濃嘅蘇格蘭口音,所以都有少少擔心同當地人溝通唔到,唔係太敢出街。有時要等到室友秦正行返咗屋企陪我傾計,或者同我一齊出去買吓日用品,咁樣先會有機會出去行吓。諗番起,原來嗰時候自己都畀咗幾大壓力畀自己,不過我真係好好彩,身邊有秦正行一直不斷開解我,鼓勵我。」
喺異鄉打拚追夢,從來都唔係一件容易嘅事, 不過只要堅持信念,無論任何困難都總會可以克服。
加油!
#香港勁揪 #香港女足 #U23 #U19 #香港隊 #Youth
賽馬會女子足球聯賽 在 鍾貝琪 Vicky Chung Facebook 的最讚貼文
一個足球,連繫了兩個女生的感情,更改變了各自的人生路
從細細個於球場上相識,至入讀同一學院,成長後進入同一球隊,一同入選港隊。
一個司職右閘,一個司職右翼,彷彿將姊妹的感情亦連同進入球場上成為一種不可多得的默契。
今集第五集 《學界孖寶 各自精彩》有鍾貝琪及李穎欣真情深入分享,實在不容錯過 !
收聽重溫 : https://bit.ly/2sSXkwx
鍾貝琪 Vicky Chung Wing Yan Lee
香港賽馬會北區中學女子七人足球聯賽 HKJC N-League
賽馬會女子足球聯賽 在 鍾貝琪 Vicky Chung Facebook 的精選貼文
好開心連續兩埸都有波入,繼續keep住呢兩埸既表現係日後既比賽發揮出黎!
Super happy to have scored 2 games in a row... just check out my smile 😁. Great performance girls, lets keep it up 🔥.
#wearekitchee #hkfawomensleague #nothingbeatsagreatsmile
【賽馬會女子聯賽 (甲組) 第五周】傑志 3:0 車路士足球學校(香港)
⚽️ 9. 鍾貝琪 x2
⚽️ 15. Kerri Coombs
🗣鍾貝琪:「很開心今仗能射入兩球協助球隊擊敗對手,由於對手的平均年齡較輕,上半場雖然領先1:0,但幾次快速反擊都讓我們險象環生,不過下半場我們改變踢法,最後成功連入兩球,順利鎖住勝局。」
#kitchee #讓傑志傳承 #wearekitchee