趙學而 Bondy Chiu是我Facebook的常客，我講啲無聊野嘅時候，佢都會嚟留言，給like
我印象中的學而姐姐，係TVB皆大歡喜的林玉露。
我睇果場演唱會，有觀眾粉絲喺台下大叫「林玉露」（專家Dickson同我睇同一場），學而姐姐都講咗幾句關於嗰一個時期佢自己嘅心路歷程，佢話嗰陣時自己為咗賺錢，日出而作日入而息，淨係記住搵錢。之後佢都報補咗一句，有啲錢佢而家唔會再搵，搵咗都唔安樂。
大家都明咩意思，佢唔再係皆大歡喜嘅一個角色，而係有血有肉嘅歌手，有啲嘢唔使講出口，大家都知道，我哋係自己人。
幾年前我開始聽多啲廣東歌，佢嘅尋開心，我恨我是女人和眼福都係我最愛。
今年我已經睇咗超過10場演唱會，淨係呢個禮拜我已經睇咗三場。學而姐姐嘅演唱會，冇方皓玟咁巧妙嘅劇場設計，冇MLA同我咁有共鳴，但學而姐姐就係係唯一的，佢係屬於香港人嘅趙學而。
老實說，她出道的風光，我錯過了。雖然演唱會入面有啲歌我唔識，但係我係屋企已經聽咗幾次。我唔想再錯過咁多
答應你，以後你每一次演唱會，我都來。不要怪我沒有搵你，我怕羞仔，下次我會衝上前台跟你相認打招呼
https://www.vjmedia.com.hk/articles/2021/08/28/218648
