東京奧運完咗，先嚟一個小總結。
小方，多謝你，真心要畀3個like 你。👍🏻
第1個like係畀你嘅專業：
由最初知道會跟你拍擋，本身都有少少驚，驚嘅唔係驚你，而係驚我自己喺做節目上跟唔上你。畢竟你有咁多年幕前經驗，而你全無架子，喺主持工作上帶到畀我好多新體驗、新知識。
第2個like係好caring：
平時你都會照顧晒我哋每一個同事，而對我嚟講最warm 嘅係，好多時我要做埋啲手尾，去到10點11點先返酒店，未食晚飯，但你都會等埋我先食，有時仲買定等我，又成日請我哋食飯，我諗除咗我老豆，都應該無乜邊個男人老狗會咁對我😂
仲有就係有朝我哋有少少時間，我就決定跟著小方去游水，對於我仲未完全識游水嘅我（唔准笑），可以跟小方去學吓你話幾咁正，一堂半堂都學到唔少。
第3個like 係你嘅態度：
即使你係一個資深嘅藝人、演員、歌手，但係你對工作同未必好熟悉嘅範疇，例如：採訪、寫稿、製作等等嘅嘢，都好認真對待。最深刻係我哋去拍Golf，你怕我哋拍唔到香港運動員嘅片段，你好急忙幫手抬個攝影機跑足幾百米，甚至過千米，搬搬抬抬無怨言，我哋其實就算幾攰都好都唔敢出聲，你未停我都唔敢停。
另外就係做資料蒐集準備問題，即使你已經係游過奧運嘅運動員，但你無因為呢個身份而只係「食老本」，反而做好多research 同搵港隊教練傾好多問題，希望可以問到何詩蓓或者其他港隊一啲有質素嘅問題畀觀眾，我諗問題嘅質素係點，香港觀眾都同我一樣咁清楚，而你亦會喺搭車或有空閒時不斷重複練習個問題，希望直播問嘅時候唔會甩拖，呢種態度我相信一定畀到運動員好大信心，證明你係好關注成件事。
仲有就係寫稿，喺今趟嘅採訪，由原本你最唔熟悉嘅寫稿工作，試咗幾次之後就好快上手，睇怕我好快無得撈了。
算啦，唔講咁多喇，廢事讚得你太多😂 可能會有人半信半疑，但我其實只係講返喺日本25日我哋相處同工作嘅所見所聞。
今次東京奧運能夠同你拍檔，好開心。你落力為人好，一定會得到分數，好心好報嘛。Thanks bro 😘
Btw，感情嘢我唔知咁多，淨係知我同佢無可能，因為我鍾意女孩子的😗
#Tokyo2020 #東京奧運 #跟著小方去奧運
跟著小方去奧運 在 防疫期間大家都跟著小編#一起宅在家#線上東漂吧... - 台東就醬玩 ... 的推薦與評價
防疫期間大家都跟著小編#一起宅在家#線上東漂吧今天又要帶大家東漂， ... 晚上19:00登場的#東京奧運這次有台灣選手出場賽事項目有： 田徑、體操、游泳、射擊、射箭、 ... ... <看更多>