算唔算放負，好似好耐都未試過咁任性既一篇文章。米媽好多時都想打下啲呻下文，但每次諗到，呻下有乜為呢？ 只會令大家擔心，而且，黎得米媽呢度，只想大家開開心心，唔想你地睇啲唔開心既野。 因為，生活上既不如意或辛苦，大家都唔會少， 難得可以喘口氣時，當然想睇啲開心既post 啦。😊 所以今日就辛苦大家睇米媽既語無倫次喇。但米媽知道你地一路睇住我，好錫好錫我，米媽睇完曬大家既pm其實都無時間覆，所以，今晚諗到咩就講咩啦。😊😊 give me 🙌🏻
今朝花花6點起身，米媽等到630才出房門去沖奶，花花當然即刻喊，嘈醒了家姐🧍♀️。米米家姐即刻起身氹花花，米媽9秒9去沖奶。
返黎米米雖然口中嘮叨著妹妹曳曳嘈醒左我喇，但其實米米手仔一直無停咁拍拍妹妹。
之後米米就直接起身幫米媽手了。
之後8點到花花食早餐時，雨後彩虹， 米米拎起米媽手提影低，想等米爸訓醒等。
米媽有兩個工人，一個是湊米米花花的工人，一個是奶奶請的家務工人，主要做家務的。
今日係家務工人離職日，希望送走了不好的，會迎來心地好，有禮貌的好工人。米媽確實不懂指示工人做野，亦無定規矩，工人既妹仔大過主人婆、以及妹仔大過主人婆頤指氣使，米媽都有責任，因為咩都無所謂，咩都話唔緊要，最後造成貪心，氣盛以及當米媽工人咁用🤣🤣🤣 黎緊8月家務工人才會到，希望米媽可以好好定下一些規矩等工人可以盡佢既工作責任就好了，能力其次，最重要都是開心，以禮相待，要求也不是高的，米媽很怕無禮貌，或是長期黑面既人..令心好唔舒服...
之後，就是，米媽其實沒有停下來的時間...唔係唔想停，而係每樣都好瑣碎，但每日都需要你做，其實，家庭主婦，或是在職媽媽，兼顧既野一樣都係咁多。無人可以話唔做的。 做得媽媽，做得老婆，媳婦，女兒等等，需要到時，又如何可以咪埋眼當睇唔到唔做。
加上，米媽性格可能都真係停唔落黎...又好急..
即使有工人，都唔敢點佢地做野，好似米米新房間，裝完傢俬好多櫃桶，木碎，好多塵，啲櫃門有啲要用松節水抹，再過水。麻煩工人，唔該你幫我抹一次之後再過一次水哎。呢度記得抹。 工人就會即刻黑面話，知啦。😂。 之後好快就話抹完了。米媽都唔敢再叫。 今日星期日，趁工人唔係度， 係佢唔知情況下， 趁花花訓早覺，午覺時間，米爸用松節水抹曬全部櫃邊，米媽用清潔劑加水，將所有櫃桶，櫃面，全部傢俬擔梯，抹完，再用清水，過兩次。 啲水係灰色的。 小朋友要訓既地方，要放衣物既櫃桶，米媽真心唔敢假手於人。
雖然很累，但值得的。
明天，可以慢慢的將米米的物件逐樣開始放進新房。 啲傢俬未齊的未完整的就等米舅母之後再續。
其實，每個人，每個角色都會忙，只是如何handle,如何平衡。
米媽要兼顧既好多...米媽其實做到既，只係身體差，負荷唔到，所以經常出問題。 心想做，但身體話你知你唔得， 於是今次爆敏感爆到7彩俾你睇，等你忙是仲要再忍受埋呢啲痛。 有時都覺得自己好麻煩，點解成日咁易呢度痛果度痛，呢度發敏感果度出事。 點解咁差，我都好嬲自己。有時好沮喪。有時有人怪起時，米媽心想，身體差又不是我想的..我都盡量不提也沒增加別人負擔..
米媽淨係話俾自己知，要盡辦法令身體強壯，令心情輕鬆啲，不要想太多，顧慮太多，自私一點點。 平衡多點點。 但人就係咁，啲野放係面前，你唔做就會周身唔舒服。 學習既路好長， 每天每天都要努力過。 米媽比很多很多人幸福很多很多。 米媽從來不覺自己苦，真的， 所以，更加要學懂如何處理這些事情，如何令自己身體更能應付日常生活。 不是嗎。而不是說停就可以停的。 照顧小孩，照顧家人，照顧老公，處理家事，都是自己的責任，都不是說放手就有人會幫你的。
事始終要自己處理，只是如何可以學習處理得更好，自己更應勻有如。
米媽性格自己知自己缺點，多愁善感，愛管，愛多想，愛多事，以及想滿足所有人，想所有人都開心，只要有人向我提過，米媽就好想幫忙解決...當自己事一樣熱心，有人唔開心時米媽又會唔舒服🤣🤣🤣 所以米媽好多野要煩😂😂😂
米媽座右銘，知足常樂，活在當下。
有愛我既媽媽，哥哥嫂嫂，老公，家人，朋友，有兩個咁可愛健康既女兒，可以全職在家陪住佢地成長，無野可以比呢樣咁重要更幸福的了。
#雨後彩虹🌈
#努力過開心過
#要珍惜可以付出努力勞力換取成果
#好好的擔起一頭家
#身體爛左米媽要啲時間睇下點搞好佢..
每個人都其實是別人的生命導師，從別人身上學習自省或得到力量。多謝你地一直關心米媽愛護我
身體爛左米媽要啲時間睇下點搞好佢 在 好似好耐都未試過咁任性既一篇文章。米媽好多時都想打下啲呻下文 ... 的推薦與評價
雨後彩虹 #努力過開心過#要珍惜可以付出努力勞力換取成果#好好的擔起一頭家#身體爛左米媽要啲時間睇下點搞好佢.. 每個人都其實是別人的生命導師，從別人身上學習 ... ... <看更多>