關於 車床天地改裝 ，我們在網路上蒐集到這些相關的討論、資訊與評價

【Kongner投稿天地】
Nteven：劇情F道具F的槍械發現案

大家好，又係我Nteven。繼上次偷左班長份稿之後，黨又有最新任務俾我喇。快活角落黨中央政治局常委權力核心就叫我搵班長問佢有關早幾日警察喺天后搜出槍械嘅新聞。不過由於班長條友話自己唔得閒同會劇透，擺明唔肯合作，所以我就以黨中央之名，毒打左班長一輪。而佢就喺我逼供之下，迷糊之際就話咗我知佢除咗用眼睇之外點睇呢件事。

新聞詳情可以參閱以下呢條Link：
https://news.mingpao.com/…/o%E8%A8%98%E6%90%9C%E6%B8%AF%E4%…

警方新聞稿就咁寫嘅：

「警方收到消息指一批曾參與非法集結的激進人士計畫在今日使用武器襲擊警員，以槍械製造混亂，甚至企圖嫁禍警員開槍傷及無辜途人。警方今早採取行動，共拘捕8男3女。在行動中，警方於天后檢獲一把懷疑9mm格洛克（Glock）半自動手槍。

警方相信灣仔克街一處是團夥的行動集合點，發現兩件避彈衣，又在天后炮台山道一單位，發現一把懷疑9mm半自動手槍，經軍械鑑證課專家鑑證後，相信手槍有良好發射能力。警員在屋內還發現5個彈匣，當中3個已上滿子彈，另發現105發性能良好的子彈，及3把匕首和軍刀等武器。」

班長一開始就話，警察搵到嘅果支「槍」一定唔係“Glock 19”，原因有三（詳情可以參考封面圖）：

1. 紅圈呢個位置叫做RIS（軌導介面系統），係用嚟俾使用者安裝不同類型嘅配件。例如手槍一般嘅配件就會係電筒或者雷射指向器。而Glock 系列當中，剔除咗Compact/Subcompact緊湊型（即係迷你型）嘅G26, G27, G33, G39, G42, G43, G48係無RIS系統之外，所有嘅“Glock”都已經一早統一咗RIS嘅設計，而個樣絕對唔係警察搵到嗰支咁嘅樣。

2. 黃圈呢個位置叫做 Trigger Guard（護弓），用途就當然係防止Trigger被意外勾到，從而導致走火。班長就話佢相信用眼睇嘅人都應該分得出左右兩張相明顯係有分別，呢個位置係唔可以隨便客製化咁改變，因為呢度係會涉及槍套能否穩固咁扣住槍枝，而無任何一個客製化嘅配件會有咁大變化。

3. 藍圈呢個位就叫做Slide（滑架）啦，但大家要留意嘅係上面嘅Marking或者係商標。基本上一支槍應該點都會有Marking，而警察「搜獲」果支就無正常Marking，唔係被磨走，係連個Marking都無。如果係改裝嘅話，班長話咁真係唔好意思，因為佢未見過咁單調同咁柒嘅改裝款式。

因此基於以上呢三點，班長認為呢支嘢並唔係“GLOCK”

（參考資料：GLOCK官網https://us.glock.com/en）

嚟到呢度，班長就話就當佢痴咗線發噏風用C眼睇嘢，當呢支嘢真係GLOCK 19，真係有人走私軍火，不過佢話呢件事上面都出現左四個唔合理嘅位（下方會簡稱被捕人士為A君）：

1. 班長就話早一排有消息指，香港警察想買德國HnK廠製造嘅MP5，理由係咩就唔再講喇，不過佢想提嘅就係GLOCK廠都係一個比較高端嘅槍廠，點解呢位A君唔走私一啲喺黑市上流通多啲嘅AK (e.g. AK47)又或者TT-33（黑星）呢？唔會簡單啲咩？

2. 喺新聞稿上，警方就話佢哋搜獲到105發子彈同5隻彈夾。班長就話如果1槍配5夾+105飛子彈，咁佢會認為A君呢個行動好唔合理，重有啲智力堪慮添。因為如果真係有能力走私嘅話，走多幾支槍配少啲子彈其實會合理好多，例如係3槍配3夾各20發子彈，會唔會比較符合呢個聲稱「走私軍火，好有危險性」嘅人物描寫呢？

3. 班長認為子彈類型都係一個好大嘅問題，大家睇新聞都知道警方今次搵到嘅子彈係「中空彈」，咁如果大家唔知咩叫「中空彈」，班長就請大家可以去睇返佢嘅《6mm生活雜誌》第三集講「香港警察執法有感」，果集有詳細解釋過點解警察會配備「中空彈」。班長就話如果一個咁叻可以有能力走私軍火嘅人，會唔會唔知道警察有種裝備叫「避彈衣」呢？明明佢自己都被「搜出」有兩件啦，咁子彈選擇上用反穿甲彈唔會好啲咩？

（《6mm生活雜誌》第三集「香港警察執法有感」Link: https://www.youtube.com/watch…）

4. 班長叫大家睇返圖，睇下圖中嘅綠圈位置，然後再比較返A君支槍同GLOCK嘅原圖，大家就會見到A君支槍個Grip（握把）紋路同原裝完全唔同，疑似經過改裝。呢個做法喺氣槍界都會有，主要原因係有時本身Grip嘅手感唔好或者磨擦力不足，所以用辣雞直接改Grip嘅紋路。班長就話問題在於A君想行刺嘅話，做乜春會搞埋咁多花臣嘢呢？

我聽完之後就問班長，問佢有無可能支槍唔係走私，係A君自己一手一腳用CNC（數控車床）整出嚟，所以支槍先咁肉酸咋，之後又同時俾A君成功整到火藥咁，咁樣又有無可能呢？

聽到我講到呢度，班長就忽然仰天狂笑，就話如果A君係有咁嘅能耐嘅話，警方「搜」到嘅就唔只得一支槍，就會有一百支槍啦，重要個完成度咁高？莫非佢屋企係槍界華強北？而就算真係有能力自己Homemade，點解會整外型上比較複雜嘅中空彈呢？再者就算真係Homemade嘅話，咁點解要整個Trigger safety機制出嚟，同時又唔再大幅簡化個外型，又整埋個RIS呢？最後就係香港警察無理由分唔出乜嘢係Glock嘅，因為佢哋自己都有列裝啦，問題就係點解佢哋重要話係Glock呢？如果真係走私軍火嘅話，點解海關又唔出聲呢？

講到呢度，班長突然之間大叫一聲「老師公大顯神威！」諗住乩童，結果就俾我一個野獸咆哮震暈咗。而喺班長失去意識之前，佢最後重講咗一句：凡事都要用腦諗清楚，因為有證據證明嗰啲叫做推論，無證據證明嗰啲叫做陰謀論。

唔講咁多喇，我重要帶班長返去黨中央接受思想糾正改造教育，我哋下次再講啦！

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
HappyKongner 招稿喇！！！
我哋嚟緊會喺逢星期五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！
納稿標準：合乎邏輯，文句通順，言之成理即可，不過編輯部同事比較嚴謹，大家自己小心。

【Kongner投稿天地】
Nteven：劇情F道具F的槍械發現案

大家好，又係我Nteven。繼上次偷左班長份稿之後，黨又有最新任務俾我喇。快活角落黨中央政治局常委權力核心就叫我搵班長問佢有關早幾日警察喺天后搜出槍械嘅新聞。不過由於班長條友話自己唔得閒同會劇透，擺明唔肯合作，所以我就以黨中央之名，毒打左班長一輪。而佢就喺我逼供之下，迷糊之際就話咗我知佢除咗用眼睇之外點睇呢件事。

新聞詳情可以參閱以下呢條Link：
https://news.mingpao.com/ins/%E6%B8%AF%E8%81%9E/article/20191208/s00001/1575774647467/o%E8%A8%98%E6%90%9C%E6%B8%AF%E4%B9%9D11%E5%9C%B0%E9%BB%9E-%E6%AA%A2%E6%89%8B%E6%A7%8D%E5%AD%90%E5%BD%88%E6%8B%9811%E4%BA%BA-%E7%96%91%E4%BB%8A%E5%8D%88%E9%81%8A%E8%A1%8C%E7%94%A8%E6%A7%8D%E8%A3%BD%E9%80%A0%E6%B7%B7%E4%BA%82%E5%AB%81%E7%A6%8D%E8%AD%A6%E5%93%A1

警方新聞稿就咁寫嘅：

「警方收到消息指一批曾參與非法集結的激進人士計畫在今日使用武器襲擊警員，以槍械製造混亂，甚至企圖嫁禍警員開槍傷及無辜途人。警方今早採取行動，共拘捕8男3女。在行動中，警方於天后檢獲一把懷疑9mm格洛克（Glock）半自動手槍。

警方相信灣仔克街一處是團夥的行動集合點，發現兩件避彈衣，又在天后炮台山道一單位，發現一把懷疑9mm半自動手槍，經軍械鑑證課專家鑑證後，相信手槍有良好發射能力。警員在屋內還發現5個彈匣，當中3個已上滿子彈，另發現105發性能良好的子彈，及3把匕首和軍刀等武器。」

班長一開始就話，警察搵到嘅果支「槍」一定唔係“Glock 19”，原因有三（詳情可以參考封面圖）：

1. 紅圈呢個位置叫做RIS（軌導介面系統），係用嚟俾使用者安裝不同類型嘅配件。例如手槍一般嘅配件就會係電筒或者雷射指向器。而Glock 系列當中，剔除咗Compact/Subcompact緊湊型（即係迷你型）嘅G26, G27, G33, G39, G42, G43, G48係無RIS系統之外，所有嘅“Glock”都已經一早統一咗RIS嘅設計，而個樣絕對唔係警察搵到嗰支咁嘅樣。

2. 黃圈呢個位置叫做 Trigger Guard（護弓），用途就當然係防止Trigger被意外勾到，從而導致走火。班長就話佢相信用眼睇嘅人都應該分得出左右兩張相明顯係有分別，呢個位置係唔可以隨便客製化咁改變，因為呢度係會涉及槍套能否穩固咁扣住槍枝，而無任何一個客製化嘅配件會有咁大變化。

3. 藍圈呢個位就叫做Slide（滑架）啦，但大家要留意嘅係上面嘅Marking或者係商標。基本上一支槍應該點都會有Marking，而警察「搜獲」果支就無正常Marking，唔係被磨走，係連個Marking都無。如果係改裝嘅話，班長話咁真係唔好意思，因為佢未見過咁單調同咁柒嘅改裝款式。

因此基於以上呢三點，班長認為呢支嘢並唔係“GLOCK”

（參考資料：GLOCK官網https://us.glock.com/en）

嚟到呢度，班長就話就當佢痴咗線發噏風用C眼睇嘢，當呢支嘢真係GLOCK 19，真係有人走私軍火，不過佢話呢件事上面都出現左四個唔合理嘅位（下方會簡稱被捕人士為A君）：

1. 班長就話早一排有消息指，香港警察想買德國HnK廠製造嘅MP5，理由係咩就唔再講喇，不過佢想提嘅就係GLOCK廠都係一個比較高端嘅槍廠，點解呢位A君唔走私一啲喺黑市上流通多啲嘅AK (e.g. AK47)又或者TT-33（黑星）呢？唔會簡單啲咩？

2. 喺新聞稿上，警方就話佢哋搜獲到105發子彈同5隻彈夾。班長就話如果1槍配5夾+105飛子彈，咁佢會認為A君呢個行動好唔合理，重有啲智力堪慮添。因為如果真係有能力走私嘅話，走多幾支槍配少啲子彈其實會合理好多，例如係3槍配3夾各20發子彈，會唔會比較符合呢個聲稱「走私軍火，好有危險性」嘅人物描寫呢？

3. 班長認為子彈類型都係一個好大嘅問題，大家睇新聞都知道警方今次搵到嘅子彈係「中空彈」，咁如果大家唔知咩叫「中空彈」，班長就請大家可以去睇返佢嘅《6mm生活雜誌》第三集講「香港警察執法有感」，果集有詳細解釋過點解警察會配備「中空彈」。班長就話如果一個咁叻可以有能力走私軍火嘅人，會唔會唔知道警察有種裝備叫「避彈衣」呢？明明佢自己都被「搜出」有兩件啦，咁子彈選擇上用反穿甲彈唔會好啲咩？

（《6mm生活雜誌》第三集「香港警察執法有感」Link: https://www.youtube.com/watch?v=qQtDC1jlBvU&list=PLpVij9qNiJL5ybZlqaXiWgs8BL3Juts0e&index=3）

4. 班長叫大家睇返圖，睇下圖中嘅綠圈位置，然後再比較返A君支槍同GLOCK嘅原圖，大家就會見到A君支槍個Grip（握把）紋路同原裝完全唔同，疑似經過改裝。呢個做法喺氣槍界都會有，主要原因係有時本身Grip嘅手感唔好或者磨擦力不足，所以用辣雞直接改Grip嘅紋路。班長就話問題在於A君想行刺嘅話，做乜春會搞埋咁多花臣嘢呢？

我聽完之後就問班長，問佢有無可能支槍唔係走私，係A君自己一手一腳用CNC（數控車床）整出嚟，所以支槍先咁肉酸咋，之後又同時俾A君成功整到火藥咁，咁樣又有無可能呢？

聽到我講到呢度，班長就忽然仰天狂笑，就話如果A君係有咁嘅能耐嘅話，警方「搜」到嘅就唔只得一支槍，就會有一百支槍啦，重要個完成度咁高？莫非佢屋企係槍界華強北？而就算真係有能力自己Homemade，點解會整外型上比較複雜嘅中空彈呢？再者就算真係Homemade嘅話，咁點解要整個Trigger safety機制出嚟，同時又唔再大幅簡化個外型，又整埋個RIS呢？最後就係香港警察無理由分唔出乜嘢係Glock嘅，因為佢哋自己都有列裝啦，問題就係點解佢哋重要話係Glock呢？如果真係走私軍火嘅話，點解海關又唔出聲呢？

講到呢度，班長突然之間大叫一聲「老師公大顯神威！」諗住乩童，結果就俾我一個野獸咆哮震暈咗。而喺班長失去意識之前，佢最後重講咗一句：凡事都要用腦諗清楚，因為有證據證明嗰啲叫做推論，無證據證明嗰啲叫做陰謀論。

唔講咁多喇，我重要帶班長返去黨中央接受思想糾正改造教育，我哋下次再講啦！

--------------------------------------------------------------------
HappyKongner 招稿喇！！！
我哋嚟緊會喺逢星期五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！
納稿標準：合乎邏輯，文句通順，言之成理即可，不過編輯部同事比較嚴謹，大家自己小心。

【Kongner投稿天地】
Nteven：解答近期有關槍械的疑難

大家好，我係Nteven！上次Ban長Phone in 完11月16號深宵，詳情可以篤呢條Link：

Link: https://youtu.be/hiSH4zLMBpg

喺節目後半段部分，Ban長就以專業嘅角度講出咗佢對警方使用槍械嘅睇法。而聽佢講咗一大輪，我讖大家都未必會太過清楚佢講乜，所以我就問左Ban 長拎咗份稿，整理過之後就喺呢度完完整整咁Share俾大家！

1. 警方槍械的危險分級

對於發夢嗰時遇到嘅槍械，Steve就做咗一個危險分類，佢就由低至高咁講起，不過要注意嘅係就算排名較前的都有一定的危險性。

a. 根據香港法例，2焦耳或者以上的槍就會被視作真槍嫁喇。

b. 15-30焦耳 就係「壓縮氣體推動的非致命武器」級別，例如太古站單嘢嘅果種胡椒球槍等等。如果警方無自主改裝威力，承受攻擊嘅人如果帶上咗合格嘅面罩，應該就可以阻擋到。

c. 約200焦耳 就係「用火藥推動的非致命武器」級別，例如海綿彈、TG同布袋彈之類。面對呢類嘅武器，即使係承受攻擊嘅人帶上咗合格嘅面罩，都會有被貫穿或者鈍器傷到嘅風險。不過由於呢類武器嘅非貫穿性設計，如果面對住有掩體或者係一啲唔會產生碎片嘅物料所構成嘅盾牌，呢類武器嘅物理攻擊性就可以大大減緩。

d. 300-500焦耳 就係「實彈手槍」級別，例如「點38」、 P250、P226同埋Glock 17 之類。面對住呢個層次嘅火力，除非承受攻擊嘅人有掩體，否則受傷嘅可能性係會好高。

e. 1700-1850焦耳 就係「步槍實彈」級別，例如好似AR-15 配上5.56 NATO咁，除非有堅固掩體或者避彈裝備，否則承受攻擊嘅人被貫穿嘅可能性亦都係極高，因此被直接擊中身體嘅話，係會導致高致死率嘅情況。

2. 點樣分別專門發射用壓縮氣體推動嘅「非致命武器」槍械？

一般發射所謂胡椒球嘅槍械，動力來源都係嚟自壓縮氣體，所以要分別嘅話就可以觀察一下果支槍械有無壓縮氣樽。同平時AIRSOFT嘅氣槍唔同，呢啲槍所用嘅壓縮氣體嘅壓力大好多，所以往往都會需要連接住一個壓縮氣樽，體積都只少會有一枝汽水左右嘅大細，有時會明顯咁吊住，有時會係整合成尾托嘅部份。 呢啲槍同AR-15完全唔同，亦唔係咩416，而廠商本身設計呢啲槍械設計到好似步槍咁，唔係為咗要扮真槍，而係想使用者唔使重新花時間訓練。

3. 警方拔槍的次數明顯常見左

Steve認為由於激烈嘅抗爭行動越嚟越多，POPO自己本身都怕俾人私了同搶槍，所以一但當佢哋遇到任何人想靠近嘅話，都會覺得自己係被人威脅，因而直接掹槍。11月12號嗰晚有個消息講到，有警察為保自身就連架EU車都棄埋，呢度突顯到嘅係佢哋聯群結隊有裝嗰時就咩都唔怕，但一落單無裝就明顯淆底。

4. 11月12日西灣河槍擊事件

睇返相關片段，大家不難會發現，由影片開始前，果位白衫警就已經想用槍，理由係由佢由手持槍嗰時嚟睇，佢根本無解開槍套嘅動作，即係個槍套一早就打開咗，合理推斷就係佢一早已經預謀咗要掹槍出嚟。

另外就係，呢位白衫警開槍嘅行為，明顯係唔符合警例，甚至可以話呢位白衫警係已經失控，因為佢嘅反應表達出嘅唔係佢覺得受到人身安全嘅威脅，而係佢嘅權威被挑戰。正常情況之下，如果警察受威脅嘅話係可以選擇用格鬥技壓制對方，但如果警察要使用槍械嘅話，理論上係一定要向後同目標保持距離。因為假設對方有住武器嘅時候，按照正常判斷警察係唔會選擇同佢零距離接觸。Steve喺第一集《6mm生活雜誌》就已經講咗「用槍督住人」呢個動作就只有做戲或者行刑先會出現，而當時果位白衫警係捉住咗白衫，然後就用槍指住佢，呢度就明顯出現咗一種「你已經比我控制住」嘅心理表現。

（《6mm生活雜誌》Vol.1 創刊號：氣槍入門：https://youtu.be/Pmc0QnuUNGI）

5. 警察移動傷者明顯係惡意

警察全部都有急救牌，而且佢哋應該專門受過呢類嘅緊急情況處理，因此移動傷者呢個行為係明顯唔符合常理。除非喺戰場，面臨傷者明顯有機會再受傷，先會選擇強行移動傷者，否則呢個行為比10月1號果日賢仔俾佢哋打中咗之後嘅不聞不問更為惡劣。

6. 警察記者會講嘅「肌肉記憶瞄準論」

首先肌肉記憶並唔係好似佢地講咁勁，其實只係一啲比較基礎，而且可以由條件反射訓練出嚟嘅本能，例如拳擊手會舉起雙手，預備格擋嘅動作，或者係警察以往感覺自己受「威脅」嗰時會㩒住自己仍然喺槍套嘅槍械嘅呢啲動作，都可以係肌肉記憶啤。而瞄準嘅本能動作，喺射擊業界就會叫做Body Alignment，意思係即使係喺未詳細瞄準嘅情況下，射擊者仍然會將槍指向已知目標嘅方向。訓練嘅方法可以參考港產片《槍王》入面嘅內容。而實際效果啤講，Steve做過一個保守嘅合理推斷，射擊者理應可以喺槍重放喺槍套嘅情況之下，先觀察完前方3米嘅目標，後閉眼，再抽槍瞄準，槍咀（瞄準器）同目標嘅誤差正常都唔會大過一包紙巾。不過喺呢度嘅問題根本就唔係乜嘢肌肉記憶 Body Alignment嘅問題，大家唔好俾佢帶離題，因為當初講呢個問題嘅原因，主要係想質問警察係咪刻意向住抗爭者嘅頭射擊，而當時果位白衫高層警就講話警察訓練唔會訓練打頭，所以一定係意外。但其實問題在於，乜大家重覺得佢哋係控制到自己嘅問咩？就算訓練係教打身，但佢地而家明顯係想打頭，所以呢樣嘢根本同佢地嘅訓練係完全無關，根本就係佢哋個人取態，控制唔到自己嘅問題。

7. 3D打印機打印槍械問題

最近啱啱新出嘅熱門遊戲大作，小島秀夫嘅Death Stranding 世界入面就有使用3D打印機打印槍械嘅功能，咁睇返現實又有冇可能呢？

首先分開咗塑膠做原料嘅3D 打印機係最普及，但其實哪怕係號稱膠身嘅GLOCK喺好多主要部件上都仍然係會有金屬，至少槍管同撞針呢啲就無乜可能唔用金屬，而槍當中重有好多半成品，例如彈弓之類。而Steve本人就唔太睇好用3D PRINT去打印一啲受力嘅部份，因為即使氣槍都會有3D PRINT，但爛件嘅情況係時有所聞，更何況係火力更大嘅槍械呢？而就算係一啲塑膠部件真實存在，我地又搵相同原料，假設放得入個PRINTER度，又係唔係等於可以PRINT出嚟呢？

傳統塑膠制作Injection Molding即係啤膠，係經由高溫高壓之下進行生產工序，同3D PRINT 常壓下制作係完全唔同。Injection Molding嘅產品密度更高，所以兩者嘅產品喺物理性上都係絕對唔同，因此Steve就話估計無人想支槍喺手上開槍果陣會唔炸開啩。當然，或者真係有3D PRINTER 做到，不過係唔係一部兩皮野嘅家用機會做到呢？呢樣嘢Steve就抱有懷疑喇，而且就算整到出嚟都好，佢自己本人都唔敢用。

不過，如果係用金屬打印呢？高等研究室有金屬打印機係好合理，而金屬打印係用激光，去燒一啲預製咗嘅金屬粉末，咁呢方面Steve就覺得個合理性就高好多，外國亦都有唔少用呢個方式去整槍嘅公司。然則，即使係3D 金屬打印機定係數控車床都好，3D PRINT本身係應該用嚟整啲傳統工業整唔到嘅野，而且大家亦都忽略咗最重要嘅野：子彈。

子彈最簡單可以四個部分：彈頭、彈殼、火藥同埋底火。彈頭之前喺第3集講咗，講情可以睇以下呢一集：

（《6mm生活雜誌》Vol. 3—香港警察執法有感：https://youtu.be/qQtDC1jlBvU）

由於片入面都講咗彈頭嘅知識，咁喺呢度就唔提喇。彈頭係子彈入面最易整嘅一部分，因為呢啲嘢喺有STANDARD同有專科知識嘅人，就咁睇設計圖都應該會有個生產流程出到嚟。

彈殼同彈頭亦都類似，但大家要留意嘅係，使用唔同嘅物料都有機會令到槍械故障，大家都知道子彈火係有用銅同不鏽鋼製作，問題係咩成分呢？呢樣其實大家都好難得知。

而就當大家用後膛槍都好，結構最簡單嫁喇，但都重有一個好大嘅問題，就係火藥。Steve就話佢唔相信大家會諗住用硫磺、木碳加硝石咁簡陋就算啩，咁不如直接塞入罐MONSTER度，等被人搶個時再點引線算啦。因為現代子彈用嘅都係叫「無煙火藥」，入多少，每個粿粒大小都有講究。

最後就去到底火嘅問題，底火係槍械撞針碰撞之後用嚟點燃火藥嘅部分，當中曾經用過雷酸汞，即係美劇Breaking Bad第一季用嚟講數嘅果樣野。遇到受熱、輕微撞擊或者摩擦都會爆炸，但又係唔係個個都識用而唔會TK到呢？呢個先可能係你會首先諗嘅問題。

8. 柴灣撿獲手槍子彈問題

之前喺柴灣出現過有關執到子彈嘅消息，據了解就係一名休班警員掹槍後掉落嘅。之前同大家講過，可以持槍休班嘅警員就係CID，佢地所使用嘅槍械管就係P250，係一種雙動式嘅槍械。Steve嘅保守合理推斷就係佢掉下一粒子彈嘅原因係因為佢掹槍之後，因為判斷自己需要開槍，所以先拉動滑架，嘗試幫槍枝上膛，但槍膛本身已經有子彈，所以當使用者再拉滑架嗰時，本身槍膛入面嘅子彈出嚟。其實呢個舉動亦都表示咗佢地根本無持一個專業態度去使用槍械，如果唔係嘅話無理由連本身支槍有無子彈都唔記得。

最後喺呢度亦都附上講解危機處理，喺緊急嘅情況之下如何製作防彈護具嘅影片：https://youtu.be/afLhS0R7cg8

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-
HappyKongner 招稿喇！！！

我哋嚟緊會喺逢星期五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。

有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。

期待收到大家嘅鴻文大作！

納稿標準：合乎邏輯，文句通順，言之成理即可，不過編輯部同事比較嚴謹，大家自己小心。