Search
Weekend Eatcation
以前公幹，只會在忙碌工作才會叫Room Service
以前旅遊，只會在夜深肚餓才會叫 Room Service
以前週末三日兩夜可以快閃一轉台灣食麻辣鴨血
以前週末三日兩夜可以快閃一轉東京食刺身壽司
一個新官疫情，一堆愚民政策，搞到民不聊生；可以坐低舒服食個有溫度的晚餐，最近距離原來係本地週末三日兩夜，悠閒住宿食Room Service ！
#一人前三日兩夜食食食
#真正星級堅離地RoomService
#辛苦搵嚟自在食
#點解香港人要咁慘
#攬炒癈官
#政治大於經濟
Jayson Tang JW Marriott Hotel Hong Kong
正所謂：安樂茶飯；但此時此刻，想食餐安樂茶飯談何容易。未能從容自在，也要盡量吃得好一點吧。離辦公室不遠的畢街，有兩間不錯的選擇。
「用心小廚」這小店的鹽焗雞飯不像一般坊間的來得「乾噌噌」，鮮嫩其實更似客家咸雞；配上薑蔥蓉佐以熱騰騰的白飯更是一流。除飯品外，即叫製的乾炒牛河，和即炸兩面黃的肉絲炒麵也相當不錯可以一試。
由「用心」橫過孖沙街到畢街的另一端，也就是我們辦公室的all time favourite「長龍食府」了。每天都有多款蒸餸任君選擇，味道是homey的平易近人；愛嗅米氣者如我每次都吃上兩碗白飯。去「長龍」，最好你能夠準時「放飯」，因為他們只做午市，每款蒸餸也都是限量製作，賣晒就無。
堂食以外，兩間食肆也可外帶。在「杰撻撻」的汁飯頹飯的現實之間，有得揀都總好過無得揀。
#四眼仔週記 #lunchtime #辛苦搵嚟自在食 #上環 #畢街 #用心小廚 #長龍食府 #就係香港 #編輯團隊日常
［讀者私信］其實又冇乜特別。雖然都值得鳩威下。
前者，其實唔難。都幾公開嘅資料，恒指成份股（成個籃）嘅帳面值就係23000左右。呢個講2019預測市帳率，但而家都九月啦大佬。唔通用2018咩。進取啲啲友用2020都仲得（事實大行呀基金經理呢一刻肯定全部睇2020市盈率股息率之類）。2020帳面值就25000左右。
而恒指即使在金融海嘯都不過係去到1.1倍book左右。所以呢排（呢排咋下）我先成日講25000呢個底好難破。當然總會有機會恐慌（但結果冇），咁所以咪話如果真係去到24000就相當抵買。但結果冇，邊有咁多機會畀你
甚麼市帳率呢啲，其實都唔難搵。或者睇返我明報舊文（記住每個星期睇）（恒指近「海嘯價」難大跌）（http://bit.ly/32zc3Jb）都有圖。
當然你總可以話爆煲核戰闔球鏟，咁就真係冇得講的。你咪當埋條底褲沽空。現實係正常少少嘅淡友都唔會覺得而家可以同2008年比。2008年真係好恐怖的，我同老細同事食早餐大家嘢都唔講，冇人提股票。仲要當年社交網呀智能電話呀未咁勁，否則真係人都癲。
至於第二點嘛，一早講咗啦，我好似快過本地媒體。但其實大陸網一早報。咁本地媒體唔多敢跟車好正常，始終大陸媒體啲往績唔太好。況且本人大可以笠頭盔，甚至炒咗車就講句唔好意思，但本地媒體有個招牌始終唔同。再加上，如果下下只係轉載人地，今日我就引述南方都市報講乜乜，聽日又引述北方徐淑敏報乜乜乜，人地就會諗，咁睇你嚟把托咩
拿，幫本地媒體啲記者朋友笠晒頭盔了。「不過我見網媒KOL都冇報」，真係只此一家，爆料又快又準。You heard it first from Ivan （http://bit.ly/2LhzIrZ） （http://bit.ly/32F75dV）
又，呢個，唔係普通小混混讀者呀，上司公司高層呀，年報有佢個名的。
當然最重要係，請本人食飯啦。本人而家貫徹「呃飯食」嘅宗旨。搵食搵食，辛苦搵嚟自在食嘛
自從港鐵開到老區西環，這店消失了，那店漲價了、味道不再了……
1967年開業的祥香茶餐廳，一杯奶茶依舊獨步城西。
「沖奶茶邊有秘密！最緊要工多藝熟，同靚茶葉。」老闆周錫豐73歲，40個寒暑就埋首這茶、這店。
颯爽健步日漸蹣跚，店亦老了，相伴相隨仍是如友的街坊、像家人的夥計。
「做人都係要有情有義。」周老闆說。轉瞬，他笑：「但到阿仔呢一輩唔work啦！」
隆隆打樁聲此起彼落，對面型格豪宅正賣得火紅。兩子跟在身邊近20年，實務接了，「情義」也種了，都說：「夥計就是財產。」
不論早晏、人多人少，祥香都是熱熱鬧鬧的。茶餐廳總共不過千五呎，樓上雅座靜一點；樓下客至，夥計光哥或阿卿即刻迎來，在水吧的成哥、守火位的全哥已經揚手打招呼，未幾大家已談高鐵、講波經。
熟客冰姐說兒子今年46歲，「佢未上小學我已拖住佢嚟。以前湊仔煮飯，當然滾水淥腳；退咗休，我起碼坐一個鐘。」這裏生客熟客，都不會催你埋單，隨便hea。
有些客早餐見，下午茶又見。林先生一周來4次，「最靚咪係奶茶囉！蛋撻、咖啡、雞尾包嗰啲唔錯。」祥香廚房小，食物貴精不貴多。麵包沒特定出爐時間，這樣快賣光就焗那樣，新鮮熱賣，一律4元，只是連鎖店的一半價錢。最搶手是蛋撻和蓮蓉雞尾包，前者最高峰日賣30多盤，牛油酥皮夠鬆化，蛋漿用密篩隔走蛋黃的薄膜，又下了鮮奶，滑不溜口；後者全港罕有，口味獨特。都是承上手製作，周老闆改良過，減糖減了牛油。
又香又濃的奶茶，更是熟客們的「例牌」。周老闆選取錫蘭一級茶，自家混合粗茶、幼茶、香茶，「外面好多茶葉係現成嘅，撈好晒，不過我信唔過。」茶葉一星期撈一次，每次200磅；想當年用人手撈，大汗疊細汗，好辛苦。眼前的老爺茶葉機，油漆剝落，但已順暢地運作了超過20年，原是他和夥計研發出來的，「慳咗人力，同埋分量、茶味可以自己控制。」
一杯奶茶，周老闆表示要茶色靚、有茶味、有香味，茶夠滑。人家表演沖奶茶，忽高忽低十足做雜技。周老闆笑言不用「花巧嘢」，茶拉兩三下就已足夠；拉茶動作在於看茶的顏色：「一壺茶裏面有14杯茶，滾好出嚟嘅我哋俗稱『新茶』，『食奶』比較少，『中茶』又多啲，去到最尾兩三杯我哋俗稱『老茶』，比較嚡口，搭多啲奶落去。」
所以，一杯奶茶要講究平衡，「奶同茶嘅比例係要靈活變通，對客、對夥計都一樣。」
今夕何年 1967……
祥香在1967年開業，上一手做了11年，周錫豐和父親周任泉接着頂手。當年父親的商業登記店叫「祥香園」，但上手「祥香茶餐廳」的銅字招牌，一字沒改，至今掛了40年。
父親之前在同區的東邊街與人合營茶居，自己是個職業司機，「爸爸勸我，你今年已經33（歲）。你唔學做生意呢，將來就只係個司機。」其時周錫豐已是三子之父，家擔漸重，給父親說到心坎裏，同意轉行求生機。
當時他住在九龍城，每朝四點半天都未光，就坐通宵小巴過來西環，率先回店開水電掣，準備就緒就到附近的員工宿舍叫人開工，「有啲夥計仲未起身呀！」事實上，早更由凌晨五點開始，為了留人，從頂手那年起，他們已供給宿舍。
父親不懂煮，擔當管理角色；周錫豐由零學起，櫃面、樓面、水吧、製造部、洗碗一腳踢。雖然辛苦，但相比揸的士，「心情輕鬆咗」，因為收入從此穩定下來。
夥計 就是財產
做生意，周錫豐認為最緊要有好夥計。「夥計心情靚，對客人係好啲，有好多笑容。」
在最困難的沙士一疫，夥計願意減人工，共渡難關，「所以，我覺得我呢班夥計好有人情味。」事過15年，他仍然記在心。「楊梅到處一樣花，夥計好嘅難搵，佢想搵好老細亦都難。」後生時，他有時不回家，同夥計「一齊喺宿舍瞓，一齊去消夜，大家好close。」當中不少至今相處了二三十年，夥計都叫他「豐哥」。有人鬥氣，他就居間排解，「大家一齊做嘢，見同事多過見自己的親人。「就似同坐一條船，都想開開心心啫。」
對夥計，他有求必應，借錢好少托手踭，數目由二三萬到十幾萬都有，「大家咁耐朋友，好似兄弟無分彼此。你對人好，希望人哋對番你好。」人善，難免被人欺。不時有人走數，通常一萬幾千；曾有個夥計借了五六萬，「講屋企難處博你同情，又話欠大耳窿錢，我希望佢還咗債，喺呢度專心做。點知幫咗佢，佢唔返工，石沉大海。」
雖然，他失望很多次，但仍堅持「做人都係要有情有義。」不過他補充：「到阿仔呢一輩唔work啦，社會改變咗，走我數嘅都係啲後生。」哪下一代如何管人，他不置喙，「要靠佢哋自己去摸索啦！」
近幾年他半退休，茶餐廳交兩個兒子打理：一個負責人事入貨，一個管賬。他天天仍舊返店和夥計食飯，過時過節福食固然豐富，每月初二、十六做禡必備一煲靚湯給夥計。
「我老闆風雨不改返來食飯，一定同我哋食。由佢哋第三代幾歲大佢就帶住我哋做，有份感情存在嘛，即係屋企人咁樣。」做了20年、管理水吧的成哥說。他打趣說，假如自己去第二處肯定無法生存，因為不習慣，「我哋都試過出去做替工，同事老細之間唔係咁樣。」他指老闆從沒罵過大家一句，接手的太子也一樣。
做樓面的光哥在祥香三十多年了，一樣盛讚豐哥對人人都好，也實話實說：「唔係年年加人工，邊做得咁長呀！」他娶妻生仔抱孫都在廣東老家，幾十年在西環樓下返工、樓上瞓覺，祥香就是他的家。雖然不時跟熟客搭訕，他手腳並沒因此停下來，抹完枱，又一支箭去招呼客人。
「夥計就係財產。爸爸教我同夥計融洽啲。」周老闆的孻仔啟文說。他自言讀書不成，二十年前回祥香幫手。賣麵包、入水吧、做樓面……甚麼都要懂都要做，無人開工時有壓力，無生意時又有壓力，「樣樣都經人手，我自己有幾多對手呢！所以要對夥計好啲。」
但願 情長久
大哥啟東一樣要賣麵包、做櫃面，朝朝清晨五點返早更，到弟弟啟文回來，他就計數理賬，落場四五個小時後又回來做到六七點收鋪。他是半途出家，之前做過股票，開過軟件公司，當年不太好景，剛巧父親做了手術需要休息，便開始替父親返早更。
「做飲食業都係困身嘅。」架着眼鏡、斯斯文文的他笑說。
「以前做股票（我）就係做盤房嘅，最緊要係快、準；好緊張，因為唔可以錯。呢度有啲叫做人情味，街坊真係好熟好熟好熟，嘻嘻哈哈又一日，做得又幾開心。不知不覺咁又差唔多16年喇。」重要的，說了三次。
祥香客多是本區人。周老闆形容2014年底港鐵通到西環，是店鋪繼沙士之後的第二個艱難。「一開始時，周末真係好旺，但過咗一段時間就靜晒。」啟文說。
交通便捷了，居民外出多，很少留在本區消費。人流減少，鋪租卻在升。祥香鋪位由78年租到現在，周老闆解釋為何不買：「有錢難買心頭願，業主不賣，你永遠買不到。」地產狂潮席捲過來，小店最易沒頂。幸好，業主相當講理由，沒因西環通車即瘋狂加租。但鋪，始終沒話事權，令他患得患失，「周圍的租金都升得很貴。誰不要錢呢？所以我也有一個憂慮。」
「有得做就做，做得幾耐就幾耐。」孻仔啟文說。
今天，三個兒子已經成家立室，周老闆最感欣慰。「我嘅責任就完喇，祥香等佢哋搞啦！」自己每日返鋪跟夥計食飯傾偈，見見熟客，就好開心。幾年前，他已懂抽身得自在：「我自己真的要交給後生做。佢哋喜歡就繼續做下去，有飯開就算，唔好理咁多啦。」
撰文：韓潔瑤
拍攝：關永浩
祥香茶餐廳
地址：西環堅尼地城卑路乍街107號
電話：2855 7911
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
今個星期同陳小姐嘅試食直播！同大家搵嚟我哋細細個最鐘意嘅5款懷舊零食！話埋你知邊度有得買！#試食#零食#阿晨#誠實試食# 辛苦搵嚟自在食 #懷舊直播 ... ... <看更多>
辛苦搵嚟自在食 在 辛苦搵嚟自在食 - Facebook 的推薦與評價
辛苦搵嚟自在食. 115 likes · 3 talking about this. 顧名思義, 所有與食有關嘅人同事都關我哋事!! ... <看更多>