#記得填問卷 17K Like問券調查 forms.gle/NdGrvJTVnHqCcUJP7
【Amazon Prime 《Hunters納粹獵人》 短評】
『雷聲大雨點少無甚驚喜之作』
#癮友文集 By Bwk Ng (#以粵語寫作)
⚫雷聲大雨點少… 抱歉！應該算係乾打雷，無落雨😅之作
睇哩齣劇因為Al Pacino 招來，加上故事設定吸引：神祕組織將潛逃到美國嘅納粹戰犯起底然後擊殺，仲要係用返佢哋殘害猶太人嘅手段，以彼之道還施彼身。
另一方面，原來納粹戰犯已經無恐不入，潛藏在美國政府高層，密謀復興納粹第四帝國......
⚫ #奇葩納粹獵人Hunters
第一集開首，全劇最精彩角色反派Biff(Dylan Baker) 出場😎，將場面變成大屠殺景然意外地吸引，可惜....
主角Jonah (Logan Lerman,波西·傑克森系列 )出場卻，一貫小子成長橋段，整個第一季徘徊在懦弱、 大事件、被迫面對自己、再迷失，到最後立志改變嘅套路中。Al Pacino飾演神祕超級富豪Meyer Offerman ，作為組織領導+主角的導師，只係一個垂垂老爾嘅角色，並無期望中的神彩，甚至連深刻嘅演出 或 一句令人有印像嘅對白都無😞。
叫得HunterS，當然唔會得一個納粹獵人。第二集開首介紹哩個組織嘅成員。金主 Offerman (Al Pacino)係組織領導﹔修女 Sister Harriet 專長策劃；演員 Lonny (Josh Radnor, HIMYM)係偽裝師；夫婦 Mindy & Murray電子專家；黑人 Roxy 女車手；華人Joe 搏擊王，而主角嘅外婆本來都係Hunters一員，而新加入嘅主角Jonah 則是數學天才，可以輕易破解密碼，一班奇葩組成納粹獵人Hunters 。
⚫ #角色平面故事無力
劇中最大問題是Jonah 除咗主角光環，Lonny 經常扮鬼扮馬外，成班專家睇完成季都睇唔到佢哋發揮功能。一般來講，團隊每個主要角色都會有篇幅介紹返佢嘅背景，再有一啲逆轉勝嘅功能，但哩齣劇係欠奉嘅。10 集裡面一隊人一齊行動嘅時候5隻手指數得晒，過程亦唔見緊張，符符碌碌就做完🤓。
爭啲唔記得，仲有一個FBI 角色Millie, 有正義感超強推理能力，角色設定係黑人+百合 左膠味濃到化不開😵。同樣，劇裡面對佢嘅描述係極表面，除咗佢嘅身型(注意係身型，唔是身裁囉😂) 之外，角色欠立體感。
你話我膚淺都係咁話，成齣劇無一個女角嘅顏值係合格嘅，唯一有啲印象，係主角Jonah 外婆嘅少女版。我明呀，導演想帶出平凡人做不平凡事嘅訊息，但都唔駛平凡到一個點喎🤣🤣🤣。
⚫ #反派成MVP?
講完正派，講反派。第四帝國嗰邊Biff 一個搶晒戲，另一擔重角色Travis:美國人加入納粹組織想建立第四帝國，功能上角色係有趣嘅，但背景？動機? 佢嘅成魔之路係完全欠奉。
去到結局來個大扭橋(不劇透)，可惜我並不受落囉，跟本講唔通，甚至可以稱為恐怖片…😑😑😑
總的來說，要故事無故事，要角色無描寫，要顏值亦欠奉，扭橋亦變唔出花樣…其實如果睇團隊合作捉壞人嘅電視劇，我情願翻煲舊劇『#通天奇兵 A-Team』可能會爽得多啦😂。
#A家傳送門
https://www.amazon.com/Hunters-Season-1/dp/B07ZPF4DVK
《Hunters納粹獵人》 #開季介紹+預告
https://www.facebook.com/MeiKekNin/videos/1003496266710623/
亞視播出嘅翻譯美劇 『#通天奇兵 A-Team』
https://www.facebook.com/MeiKekNin/posts/589287407901938/
～～～～～～～～～～～～～～～
【美劇癮 專頁1️⃣7️⃣0️⃣0⃣0⃣ Like 成就解銷 #問券調查】
👉 #問卷 https://forms.gle/NdGrvJTVnHqCcUJP7 👈🏻
通天奇兵 在 1984 香港亞視《通天奇兵》(The A-Team) 粵語版片頭 - YouTube 的推薦與評價
香港亞洲電視從1984年開始在於黃金台（今本港台）配音播出的美國電視影集《 通天奇兵 》（The A-Team）於1983年1月23日至1987年3月8日在美國NBC首播，5 ... ... <看更多>