【龔成問答信箱】(Q22341-Q22360)
Q22341:
睇咗你好多專欄,幫人解決投資/人生上既問題,比左好多好既建議,可以幫下我嗎?
你好。龔成老師!係你既讀者,第一次來信給你。
本人38歲。已婚。想在5年之後財務自由,做自己想做既事,做兼職減少工作時間,想之後幾年生小朋友,多些時間陪BB,老婆。
現在有點迷惘,唔知下一步點做好。希望老師幫忙分析下,產資應該怎樣分配,為日後鋪路,本人投資方面比較保守。
本人每月收入,人工$1.8萬+收租$1.3萬,每月支出(1萬) + 供樓(5千) + 月供股票(1萬)
。現金178萬
。人民幣27萬(定期)
。股票約95萬(同媽媽各佔一半)=47萬
。股票債券基金16萬︰
景順環球消費趨勢基金4萬
瑞銀中國股債基金(每月派息5%)12萬
。單位自住(己供完)
。單位收租(己供完)(市值約700萬)每月$1.3萬
。單位爸媽住(市值約660萬)每月供$5000(欠144萬)
月供股票︰
中華煤氣$2000
香港交易所 $2000
領展$2000
建設銀行 $1000
騰訊 $1000
阿里巴巴 $1000
小米集團 $1000
股票約 $956 939($478 469)
0002。中電控股/500 2500
0006。電能實業/500 2000
6823。香港電訊/1000 2000
2638。港燈/500 2000
0003。中華煤氣/1000 1025
2800。盈富基金/500 226
0823。領展/100 164
0005。匯豐/400 924
1398。工商銀行/1000 10000
3328。交通銀行/1000 5000
0939。建設銀行/1000 18971
0388。香港交易所/100 223
0270。粤海投資/2000 2000
0941。中國移動/500 1000
1310。香港寬頻/500 2000
4246。ibond/100 300
0700。騰訊/100 106
1810。小米集團/200 631
9988。阿里巴巴/100 144
9626。Bilibili/20 40
9888。百度/50 50
3033。南方恆生科技/200 400
3032。恆生科技ETF/200 400
6993。藍月亮/500 500
1)想日後每月有3萬左右被動收入, 應該點樣操作?
2)想喺五年內供完層樓(因為想無負擔),好定還一半比較好?定係用現金做其他操作好?
3)這個股票組合可以加/減什麼股票,會更好?
4)月供股票應否繼續?有冇供錯股?
#好多問題請多多包涵#80後百萬富翁支持者
龔成老師︰
1) 如果你希望每月有3萬蚊現金流,以股息率6%計,你需要本金600萬。你可以透過投資有增長力的優質資產,去累積這個資金。
而你現有物業,已經可以為你創每月1.3萬現金流,因此你最終只需要額外340萬,基本上你就可以創造到每月3萬現金流的效果。
你現時持有不少物業類資產,未來時間,你應集中在優質股部份,去令成個財富組合更平衡。
2) 現時按息好低,唔建議提早還款。你應該用這些資金,去做投資增值,或者買其他收息資產,個創造財富效率,會更高。
當然,如果你財富已足夠你財務自由,你都可以考慮將額外資金,先還款都無問題。
3) 你現時組合好亂,雖然這些股票都有質素,但隻數太多。長線你要集中翻係10隻左右,最多都係15隻好了,否則你好難定期審視和管理。
由於你現金、定期、債券和股票,加總已經可以有340萬這個金額。所以投資上,唔需要太進取,可以維持現狀,在這5年間,再進行適度增值去提高個本金,咁就可以。
持股中,嗶哩嗶哩(9626)和百度(9888)都有質素和潛力,但風險都係會較高,故不宜持有太多。
到5年後,你就慢慢將組合中股票,換成收息資產,咁去支援你財務自由的生活,就可以。
另外,你債券基金部份,表面上係穏定收入。但你要留意翻佢個回報,有多少係保證,同時會否出現賺息蝕價的風險。
4) 月供股票,大致可以。
現時大市只在合理區,我建議你再多動用50-80萬,去買入一些平穏增長股,去進行適度增值。如果想保守些,你可以將部份投入收息股,都係可以。
至於餘下資金,我地就等大跌市出現,才去掃平貨。
例如收息股,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,不能太過大注)。
------------------------------------------------
Q22342:
老師,你點睇未有盈利,但股價升既股票?
龔成老師:
要深入分析,投資者要了解,企業現時是否發展理想,就算無盈利,都要有一些發展,例如產品、生意有增長、技術提升,市佔率正擴大。
如果無這些因素支持,而市場不斷對將來作無限幻想,只要企業發展有少少不如預期,股價都可能大跌,因為之前的價位無足夠實際因素支持。
------------------------------------------------
Q22343:
有不少人認為即將會有股災,假如目前就算分小住購入,都是損失啊!稍為等待是否更好呢?
龔成老師:
第一,無人能預測到股災,能預測的就不是股災。
第二,只要是優質公司,就算短期股價下跌,企業價值完全無變,你是完全無損失的。
------------------------------------------------
Q22344:
sir,我在$18.5買了5千股3067,求救
另外,我看你的fb,得知你持有1177 ,我也跟着在7.65買了一萬股的1177,現在如何辦?好恐慌
多謝你
龔成老師:
恆生科指ETF(3067)有質素,你長線持有就得,最好長期月供,你唔好太著重短期價格,要睇長線,起碼持有3年,根本唔洗理短期股價。
中生(1177),我有貨,長線,根本完全無野要擔心。
(你的問題都幾大,心理質素好弱,都幾擔心你,因為以我過往做銀行及證券行的經驗,這類人是最不適合投資的。)
------------------------------------------------
Q22345:
龔sir,看到您專欄,知道您對股票投資有獨到見解,想在此方面向您請教:
本人42 歲,有自己投資股票,但以短炒為主,數年前亦在高位入市,致現金股票虧損了約二十多萬。我暫時的存倉有:
1. 005 HSBC 4000 股 (這股佔我虧損一半金額)(平均買入價75)(收了5-6 年息)
2. 0941 中國移動 1000 股 (平均買入價 60)
3. 1336 中華保險 3000 (平均買入價 40)
4.1398 工商銀行 5000 (平均買入價 5.94)
5. 2318 中國平安 500 (平均買入價 87.4)
6. 6127 昭衍新藥 & 9888 百度,均是新股獲分派一手,惟2 隻現也虧損
7. 9988 阿里爸爸,抽新股獲分派一手,暫時是所有股票中有些點微利的......
本人買了數份銀行的儲蓄保險,預期在65 歲可拿回約二百萬現金 (投資合共約一百萬港元)
本人月入約4 萬,每月支出約1.8 萬,有一層未補地價居屋自住。現有約70-80 萬流動現金。
本人期望可以55 歲時有錢可買一層細私人樓自住或出租,請問在投資組合上有何建議?本人正考慮買入一些穩定收息股如煤氣、中電、港燈、電能實業等...不知是否合適?還是您有其他更好建議?
本人在工作出來不久已嘗試投資股票,起初以短炒為主也有不錯斬獲,惟憾15-16 年股災虧損,之後在股市30000 點時高位入市(特別是滙豐),致現今的情況....
非常感謝您閱讀此訊息,也謝謝您賜教!
龔成老師:
建議你之後長線投資,全球最賺錢投資者巴菲特的方法,都是長線的。這是投資的王道。
至於你現時的持股,並不是無質素,但買入價一般都唔平,反映你未有企業估值的能力,建議你之後用平均入市法,例如分注或月供,能減少一次過在高位買入的風險,當然,都要好好提升投資知識,學習選股,計算企業價值。
另外,如果有些個別股佔你組合比例較多,宜減。
匯豐(0005)你可長線收息,但預佢增長力不強,如果你持貨多宜在上升一定水平後減持。經濟好轉後,佢股價都會上翻D,你到時可減部分,餘下再守。
中國移動(0941)你可持有,但預佢增長力不算強。
新華保險(1336),只是不過不失,不宜持有太多。
工商銀行(1398)你可持有,但預佢增長力不算強。
中國平安(2318)雖然中短期較弱,但長遠仍是不差的。
阿里爸爸(9988)可長線。
百度(9888)如果貨不多,無問題,可長線。
昭衍新藥(6127),都有D發展力的。
這股潛力度都有,但業務始終有不確定性,建議小注投資好了。都可以長線的。
另外,同一行業不能多過30%,同一股票佔組合比例不能多過15%,你長遠要跟這指引調整翻。
如果你想55歲完成目標,你可以用「先增值,後現金流」的策略,你42歲,可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。
建議你的比例,平穩增長股:潛力股
7:3
(如果你投資實力較強,可增加潛力股比例)
平穩增長股:指數基金。另外再加:銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
潛力股:安碩恆生科技ETF(3067)
另外再加:阿里(9988)、騰訊(0700)、港交所(0388)、舜宇光學(2382)、小米(1810)、GX中國電車基金(2845)、比亞迪(1211)、中生製藥(1177)、三星FANG ETF(2814),但就要明白波動性比上述會高左,同時風險大左,你要自己平衡。部分要等回少少先入。
現時大市波動,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q22346:
月供港鐵,平安好醫生,小米可以嗎?49歲
謝謝老師
龔成老師︰
平安好醫生(1833)和小米(1810)都係有質素,但都是潛力股類。佢增長潛力較大,但風險都會較高。你朋友49歲,不應投資太多這類股票,最多佔組合2成好了。
若月供,我建議佢集中係平穏增長股類。港鐵(0066)係其中一隻唔錯的平穏增長股,可以選擇。
以下係其他平穏增長股,你可以比你朋友參考下。如果佢對這些股票,認識不太多,可以集中供指數基金。
再加平穏增長股︰金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
現時大市只在合理區,每月儲蓄唔好盡用。要留有一部份,等大跌市機會出現時,可以用來掃平貨。
------------------------------------------------
Q22347:
早晨龔Sir, 可以問下你俾d意見嗎? 我現時有份marketing 工作月入穩定,可是壓力越來越大,常常OT,我身心累到沒有精神時間處理投資,和女兒相處時間又小,
但我都很多開支,供保險,養父母等都須用上3/4, 餘下可能得番$5000,有時洗費大咗都沒錢儲,所以點想都唔敢遲職,我想問學股票或全職投資取代正職的做法是不可取對嗎?
因為應商也是要希唔定積蓄才可考慮。
龔成老師︰
其實做全職投資者,係我書本《80後千萬富翁》講述5條致富之路,其中之一。
要做到全職投資者,投資對你而言,不單要係興趣,而且更要成為你強項。若你現時對投資無乜了解,你就要先由一個「基本知識投資者」,慢慢開始提升自己。
你要花大量時間,努力去看相關書籍、睇年報聞、睇新、、上課程,去學習如何分析一隻股票。
到你累積到分析50間企業和長期實戰經驗,你就可以變成一個「有實力的投資者」,以算有做全職投資者的基本條件。
但要突破至最高層次的「真正專業投資者」,已經不單是投資知識的問題,因為要突破,就要擁有很強的分析力、很強的眼光、很強的心理質素。這些要更長時去磨鍊,才會做到。
你以前作為目標,係可以。但當現時未有太多相關經驗時,最好都係有份基本收入,用作支付你日常洗費和定期投資之用。
之後,再邊工作,邊學習。到你應為時機合適,或者你被動現金流,已足夠支付你大部傻份開支時,就可以考慮慢慢變成一份全職投資者。
至於你現時工作,從你生活和投資學層上分析,都唔係太理想。但畢竟你開支較多,如果你一時間無法找到相近收入的工作,最好暫時維持現狀較好。
------------------------------------------------
Q22348:
呀sir你好!想請教一下你,我而家29歲,月入6萬-10萬(睇生意而家)
月供緊︰
小米一萬
五千煤氣
2500金沙中國
2500 銀河娛樂
因為儲錢比較近期先開始,暫時有30萬股票係手,都係小米 京東健康 同埋銀河娛樂
想係31歲前買樓,想請教一下你 點部署會比較好
目標:買600-800萬樓,想9成按揭
多謝你呀sir 會繼續睇你page,遲少少希望上埋你堂
龔成老師︰
假設投資回報有10%(連股息再投資),你每月投資$20000 + 30萬股票,2年後大約會增值至85萬,相信足以支援你首期。
但問題係,雖然你現時持股都有質素,但2年係一個短時期,好易會出現股價上的波動,影響最終回報,你要明白這個風險。
若你想保守少少(但回報都會少左),可以將部份月供資金,改為月供收息股。收息股增長無你上述股票咁高,但股價相對較穏定,再加上有一定股息。
另外,小米(1810)雖然有質素,但唔建議太集中去供任何一間企業。建議你抽走佢部份月供資金,去投資其他優質股。
以下是一些適合股票,若你2年要動用資金,收息股會較穏陣,而平穏增長股,增長力會較高,但波動性都會比收息股高少少。你可以因應自己風險承受能力,去作出選擇。
除了投資優質的平穩增長股外,同時,可以建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)。收息基金(3110),都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
------------------------------------------------
Q22349:
龔Sir你好!我有幾個問題想請教你一下:
今年買股票明年才收息,咁應該係睇周息率還是預測息率呢?
為什麼預測息率通常都是高過周息率呢?這是否純屬估計今年盈利增加, 而預示明年派息金額會比今年為高嗎?
點解經濟通和A A Stock同一隻股票同一個股價,息率會有少少分別呢?計算方式有冇咩唔同呢?咁應該睇邊一個才更加準確呢?
另外上一堂聽你提到Vtech303算不算是工業股嗎? 因為有9%股息那麼高,如果作為我上面配置表中10%穩健的收息股作長期收息是否穩陣和適合嗎?
謝謝龔Sir解答並祝週末愉快
龔成老師︰
"預測息率"只係一個估算,你可以作為參考,我實際派多少,要到明年才知道。但投資定平貴時,若你用股息率作估值,我地應主要參考"周息率"。
至於"預測息率"高於"周息率",主要是預期來年派息會增值。但這只是估算,而且每個網站估算方法都會有所不同,所以這指標只宜作輔助性質。
而經濟通和A A Stock同一隻股票同一個股價,但息率有分別,這是正常。因為佢用邊個時間股價、匯率等,都有機會造成影響。
你做分析時,只要係用同一網站資訊去作比較,咁就可以,用那一個網站都無問題。
偉易達(0303)算係工業股,產品未算係高端科技,但都要一定技術,故都略有競爭力。增長力就不算強。本質正面,長遠投資價值有的。
以佢過往正常的經營環境來講,佢派息比率高達9成,成立於70年代,業務是電子產品,這麼高的派息,反映管理層明白這公司已過了最高增長的年代,之後只會是平穩增長。
公司已不需要每年投資發展,反而管理層、大股東,偏向想收息,因此這是重派息多過重發展的公司。
雖然佢係某些業務做得不錯,但發展心不強,同時大環境並不是高速增長,故相信佢之後都會平穩。近年這公司的生意,都是平穩增長,如果比較幾年前的盈利,都是差不多。
這股係一隻有投資價值的收息股,都有平穏增長力,此股適合你。但不能太過大注,大約佔你組合5-10%就好了。
------------------------------------------------
Q22350:
阿sir你好,因為工作需要黎緊要讀一個碩士學位,想問下應唔應該借學貸確保自己有錢投資?
因為如果我借左黎交學費之後將自己既錢攞去投資喺大型etf (voo qqq 果類)或者穩健/收息型既公司(823,apple果類),
只要佢地年回報率/股息率高於學貸既利息率,理論上我既資產喺讀緊書既時期都係上升緊。
同埋如果借錢係咪應該將還款年期拉到最長?因為宏觀經濟喺大機率情況下會長期通脹,變左我拉長黎還既話越後期還果舊錢既實際購買力其實會越低?
唔該阿sir!
龔成老師︰
碩士課程,你可以睇翻個息率高唔高,如果唔高,其實應該借貸(用較長年期),再用空出來資金去投資增值,咁個效益會較好。
你所講股票,長期平衡回報相信都有8-10%,如果學貸息口明顯係低好多,咁就會創造出投資效益。
但記住,這個回報我係用長線去估計,中短期都會有波動。所以,你要預算好還款部份。唔好諗住靠這些投資去還錢,因為可能係你要開始還款時,剛好大市在不利環境。
若你要套現,就會變成賤賣資產,令到正向投資效益不能產生。
------------------------------------------------
Q22351:
龔城老師對不起,我之前打錯左,比亞迪係242入,唔係142入,請問應該點做?以下係我嘅資產分佈⋯⋯
100股700 $519.5
100股700 $539.5
100股700 $567
100股700 $557.5
100股700 $527
100股700 $581
100股700 $542.5
200股3690 $211.2
100股3690美圑 $248.2
100股3690美圑 $232
100股3690美圑 $238.4
100股3690美圑 $241.6
100股3690美圑 $366.4
100股3690美圑 $298.2
500股1211比亞迪
$247.2
500股1211 $248.6
500股2269 藥明生物
$129.6
100股9988.HK 阿里巴巴 $197.7
謝謝
龔成老師︰
比亞迪(1211)你係$142,定$242入,其實都唔影響你是否持有的決定。只是心理上影響你。
你要明白一個概念,我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
你持股都有質素,係值得持有的股票。
但問題是全部都係"潛力股",佢地雖然有增長潛力,同時風險都較高,不宜持有過多。
若你算年青,潛力股可佔約5成,餘下應用以下平穏增長股。若你投資經驗較淺或年紀較大,潛力股比重,要再下調。
你美圑(3690)和騰訊(0700)佔比好高,而沽出部份,換至其他股票平衡下,咁會較好。特別係美圑(3690)佢不確定性較高,不宜持有太多。
未來時間,你就要加大翻平穏增長股部份,令組合更平衡。
平穏增長股:指數基金、金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
------------------------------------------------
Q22352:
老師請指教 持有︰
長實1000(51.00)
吉利 3000(25.00)
長城1000(29.00)
京東健康400(165.00)
美團 100(322.00)
比亞迪500(225.00)
共蝕3萬幾,應該再等候? 可以長期持有??
龔成老師︰
你要明白一個概念,我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
你持有的股票,都有長線投資價值。中短期股價波動,係正常,你照持有就可以。
但你上述股票,都係偏向潛力股較多。若你係年青至中年人士,都係可以。但若你年紀較大,這個組合風險就有點過高。
另外,我見你不少股票,買入價都偏貴。如果你唔係咁識估值,去定平費,最好用分注或月供策略儲貨,以平衡價格波動的風險。
------------------------------------------------
Q22353:
龔老師, 你好!朋友拜讀老師的註作和分享,獲益良多,因而我也開始留意龔老師的分享。我想請教一下,我以下這個財務狀況,要怎樣投資,才能達到兩年後,獲利30萬的目標:
現有投資和資本:
中電(500股), 2235
恒生銀行(100股),
勝捷(1000股),
本金 $50000 (可著量加碼)
因重返校園,没有收入。
中電以$65買入,恒生以$118買入,勝捷錢招股價買入。中電和恒生打算長期持有。
感謝老師幫忙!
還有,set左小米以目標價$26買入兩手。
龔成老師︰
現時你持有的股票,中電(0002)恆生(0011)可持有,雖然你年齡可以進取少少,而這電股增長力不算強,但如果佔組合比例不過多其實可以的。
至於勝捷企業(6090),佢於新加坡及馬來西亞開發、擁有及管理特建工人宿舍。並開發、擁有及管理英國、澳大利亞、新加坡、美國及韓國特建學生宿舍。
佢財務數據只是中等,增長力不強,近年盈利大跌,企業的獨特性唔算高,投資價值中等。
雖然不是劣質,但長遠當股價上翻D時,可考慮賣出。
至於小米(1810),你預$24為合理區頂位。
我地投資股票,等同投資一間企業,就算再優質股票,都要時間成長。2年只係一個好短時間,好大機會會出現股價波動。
而且,我地一般希望做到架合理回報,係每年增長10-15%。你現時這個目標,用股票投資去做,風險會好大,較難達到。
如果你無其他增值方法,建議你按部就班,透過月供和買入優質股,去為自已資產作增值。
除了上述持股和計劃,你可以因應自己年紀,去再月供一些股票,去做財富增值。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
假設你係年青至中年人士,你可以用「平穏增長股」 + 「潛力股」的組合。如果你係偏年青,比例大約可以去到各一半。
但由於「潛力股」有一定波動性,較適宜年青和有投資經驗人士。若你投資取態較保守、經驗較淺或者較接近中年,「潛力股」比重就要相對下調。
現在你每月先用5成儲蓄做月供。其餘先儲起,用一邊月供一邊儲蓄的策略。
至於餘下的現金(包括現有5萬),就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
------------------------------------------------
Q22354:
你好,龔成老師,我係你學生黎㗎,上左你投資班!有個小提意,你而家因為幫人愈來愈受歡迎!你又真係好好人,咩問題都答!
其實我想話有個小提議,不如你另外開一個Facebook group,只係for有上過你堂既人先可以join
咁個個group既人可以係group問你上堂教既問題,你又唔會太怕一d無上堂嘅人攞到你既心得!咁我覺得對你公平d!
你得24小時,你救唔到全世界既人,順便都要救下上過你堂d人!haha只係小提議而已!
龔成老師︰
多謝你意見,其實回答問題,的確係會比較費時。因為FB中問題,我99%都係會回答。
但我設立FB平台目的,除了幫助同學,解答一些課堂上的問題外,都希望可以幫到一些投資者(非同學),找到正確的方向。
所以,我暫時都會保留平台,跟同學或者讀者交流投資心得。
到真係吃不消時,才再算,哈。
------------------------------------------------
Q22355:
龔成老師你好, 我40歲, 丈夫每月給予$18,000家用, 扣除日常開支, 餘下大約$10,000. 現時持有股票如下:
9988_200股@177.9
1398_5000股@4.19
0175_2000股@23.75
3067_2000股@16.2
0135_8000股@6.903
0939_10000股@6.00
6837_2400股@12.55
0005_1600股@69.5
自從一年多前看你的專頁便開始月供股票, 本年6月份前只供2800和2638, 每月供款合共$5,000. 6月份調整每月供款金額為$6,500, 月供股票如下:
0002 每月供款$2,000 (自本年6月份開始供)
2800 每月供款$3,500 (自一年多前開始月供, 目前大約有3000股)
2638 每月供款$1,000 (自一年多前開始月供, 目前大約有4800股)
現金約有60萬, 計劃4年後送女兒到澳洲讀書, 希望能在這4年內有一筆資金可讓女兒留學4年的費用, 即大約160萬,
故來信請教龔成老師給予一些投資建議, 以達成目標.
龔成老師︰
你現時持股,都係有質素。但如果你目標係想做增值,現持部份持股只是收息類(1398, 0939, 0005, 2638),增長力較弱,你就不宜持有太多。
而且,個別企業和行業,不要佔組合15%和30%以上,銀行業更加不要高於組合20%,否則會有過度集中性風險。
你現時銀行股(1398, 0939, 0005),係超左標,加上佢地只係收息股,建議沽出部份,換至較有增長力股票。
另外,昆侖能源(0135)和海通證券(6837)質素只係中等,不宜持有太多。現貨可持有,但暫時不要加注了。
新資金和月供,可以集中投資在一些「平穏增長股」和「潛力股」。你每月$6500儲蓄做月供,其餘先儲起,係正確策略。但港燈(2638)增長力弱,建議換成以下股票。
選股上,你可以投資在平穏增長股︰指數基金、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、粵海(0270)、領展(0823)。
潛力股可選安碩恒生科技(3067)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)、三星FANG ETF(2814)。但佢地波動性和風險會較高,你要自己平衡。
現時大市只是合理區,你現有60萬資金可以先投入10-20萬,用"分注"形式,慢慢買貨。餘下資金和每月所儲倒的資金,就等大市出現一定程度的下跌,才大力度掃貨,然後長線投資。
假設投資回報有10%(連股息再投資),你每月投資$10000 + 80萬資產(股票+現金),4年後大約會增值至160-170萬,故這樣安排相信很大機會達至你的財務目標。
------------------------------------------------
Q22356:
龔sir你好,本人41歲,有兩個小朋友,在職月入$55000,先生42歲月入$70000,自住物業購入$475萬,欠$300萬,月供$20000,每月花費頗多,最多只能淨$15000-$20000.
股票只有滙豐,少於十萬.現金大約$180萬.
以前買過基金及股票輸過太多,所以唔敢亂買,現有小朋友既顧慮,並希望可以盡快退休陪小朋友。
所以好想請教一下龔sir我嘅情況應該如何安排比較合適?謝謝你
龔成老師︰
由於你以往在投資上,都輸唔少錢,相信係有一些核心性問題存在。譬如一些錯誤的投資觀念。
記住,正確和正常的完全不同的事,多人採用,並不代表係正確的方法。
首先﹐股票是企業﹐你要分析企業的本質去投資股票。買股票也不是「賺差價」,而是享受企業成長以及產生的股息。
往後,你只要以「長線投資優質股」,作為投資目標。我好有信心,你會結束過往一直虧損的狀況。
以你41歲,可以選擇一些「平穩增值股」+「潛力股」作投資目標。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,另一半就先儲起架策略。
由於你投資知識不高,因此可較集中在平穩增長類股,至於潛力股,只宜小小注(約2成)。此期間,你最好是努力提高投資知識,才慢慢增加翻潛力股比例(最多4成)。
如果你想再保守D,可以全數100%投資平穏增長股,都係可以。
大市現處於合理水平,那180萬資金,你可以再用多40-60萬,以"分注"形式慢慢入貨。餘下資金和每月儲蓄,就等大跌市機會出現,才大力度掃貨,並長線投資。
到你累積到一定金額,你就可以將佢地,慢慢換成收息資產(如收息股、A級債券、年金等),去創造穏定現金流,支援你退休生活,咁就可以。
------------------------------------------------
Q22357:
我現年50,股票有大約160萬,分佈如下:
60000股煤氣
500股港交
23000股建行
1000股電能
5200股領展
60股蘋果
自住物業仲有4,600,000按揭,每月人工大約46,000,
問題如下
1. 煤氣好似升得比較,建唔建議用一半$換港交所?
2. 又或者有冇其他建議?我希望可以做到一年多啲被動收入
3. 同埋如果想買多一層樓收租,細單位,應該點樣部署
龔成老師︰
1) 我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時50歲去計,雖然都可以增值,但就要保守少少。港交所(0388)和APPLE這類波動性較高股票,不宜持有太多。
另一方面,我地創造一個財富組合,除左因應人生階段外,都會講求平衡性。
個別企業和行業,不要佔組合15%和30%以上,銀行業更加不要高於組合20%,否則會有過度集中性風險。
你現時持有股票,都有質素。但煤氣(0003),佔你組合比重太高,點都要沽少少,換去其他行業會較好。
2) 以你年紀,可以用以下股票作增值,去先累積起一筆財富。到你將近退休前數年,就慢慢換成收息股,去創造穏定現金流(即股息),來支援退休生活開支。
3) 方法一樣,都係透過以上股票,去增值這筆資金。
但現時租金回報率不高,從投資角度,投資優質股會較好。而且,你已有一間物業,再加一間會比較偏重左係物業之餘,都會令你負債進一步增值,造成風險。
以你年紀,總負債最多只好佔總資產一半,所以是否再加一個收租物業,你要自己衡量。
------------------------------------------------
Q22358:
呀sir..想請教下點睇平安好醫生?哩排日日跌,係本質變左定係仲可以keep等佢升返?感謝
而家持倉哩幾隻,請問有無咩建議
(1211、1833、1810、3067、1919、1448、1177、1083)
龔成老師︰
平安好醫生(1833)本質上,唔見有明顯改變。近期大市較弱,這類未有盈利,市值很大程度建基於"未來"的企業,好多時都會有較大調整。
此股有質素,你可以照持有,只要佢佔你組合,唔係好大比重,咁就無問題。
而其他持股,都係有質素,照長線持有係可以。
但組合配置上,就較大問題。你而家組合,太偏重左係潛力股(除了1083唔算係之外),佢地雖然有增長潛力,同時風險都較高,不宜持有過多。
若你算年青,潛力股可佔約5成,餘下應用以下平穏增長股。如果你投資經驗較淺或年紀較大,潛力股比重,要再調至2-3成以下。
未來時間,你要根據自己人生階段和投資經驗,去加大翻平穏增長股部份,令組合更平衡。
平穏增長股:平穩型指數基金、金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)。
------------------------------------------------
Q22359:
龔成老師 你好。小弟今年38,政府工月入42k。有兩個小朋友,居住完全無問題,我由6月中先開始睇你個page和買了你好幾本書睇,真係覺得好有道理完全改變咗我嘅理財觀念,
其實之前對股票投資係0經驗。但我有跟著你的方法月供股票,但由於開支比較大,每月只可存3000左右現金用3000做月供,2k盈富、1k小米、1k金沙。
再入咗2手3067、1手0808、2手0493。雖然剛起步入市好少~但我覺得係要行出第一步,令自己真係參與其中先會有動力繼續落去。
老師現在我有一個問題就係現在我月供金額比較少,現在銀行有個低息貸款,如果我借15萬5年每月還款2900剛好就是我月供嘅金額,
我想用15萬加大月供嘅金額由2k2800加到4k,小米和金沙各2k,請問這個借貸投資方法可行嗎?謝謝
龔成老師︰
你現有持股和月供計劃,大致都可以。
但留意國美零售(0493),從過往分析,質素只是一般。企業連續出現虧損,品牌價值遠不及從前,優勢不強,雖然正加強網上網售網絡。
唯一的賣點是創始人黃光裕回歸,可能帶公司變強,但發展仍有未知數,如果以這刻的業務、發展、現價,整體的投資價值唔算高。
當然黃生可能帶領公司變到好唔同,但這點真的無得計。以理性分析,這刻投資值博率,只是一般。你持貨唔算多,可以守住再觀察,但不要再加注。
至於貸款去投資,唔係唔得。但我會視之為最後皇牌,到大市真係好平,先會動用。
但現時大市只在合理區,唔係最平宜,明顯未係理想時機。即是說,這些借貸投資不是不能用,但要等到有把握才會用會更好。
所以,若你真係打算借這15萬。現階段最多只可動用部份,而且入貨時必需分注進行,等到大市有大跌,才好大注入貨。
或者,你用來加大月供金額至4K,去平衡風險,都係一個可行方法。但你現明白當中風險,咁就可以。
------------------------------------------------
Q22360:
成哥,請問3898何解6個月升了一倍,因晶片関係,它是影子股嗎?不足收入長期月供股,是嗎?請指教。
龔成老師︰
中車時代電氣(3898)係中國鐵路車載電氣系統供應商及集成商。
佢的產品可分為兩大類:(1)車載電氣系統:包括列車牽引變流器、輔助供電設備與控制系統、列車行車安全裝備。(2)電氣元件:包括電力半導體元件、傳感器及其他相關產品。
佢主要客戶為鐵道部及其地方鐵路局、中國主機廠及城軌運營商。
佢向主機廠及城軌運營商提供新造機車車輛的車載電氣系統,以及向鐵道部的地方鐵路局及城軌運營商提供作維修及更替用途的車載電氣系統。
業務不是無質素,但增長力一般是較大的問題,企業價值無乜向上,盈利亦很普通。
佢近半年大升,除了其半導體部份外,其母公司中國中車(1766),被美國從制裁名單中刪除,都係利好原因。
但現價已被推得太高,由於此股質素只是中等,增長力不強,不宜用作月供。想投資的話,建議有好明顯回調出現,才好考慮小注。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有3部Youtube影片,追蹤數超過2萬的網紅HAPPY ANJAY,也在其Youtube影片中提到,HELLO 好耐冇見!以一個好長嘅無聊VLOG陪下WFH嘅大家啦! #疫情 #失業 #在家工作 #在家一天 #疫情下失業 #化妝影片 #遲職了 #grandmascones #化妝品開箱 04:27 未來To-Do List! 05:22 試食Gran...
遲職 在 龔成 Facebook 的最佳解答
【龔成問答信箱】(Q21981-22000)
Q21981:
龔sir 你好,上完你既基礎班,我自己整理咗投資組合,希望想聽下你既意見。
本人40歲,資金唔多,得幾萬蚊,(黎緊會keep住儲現金)之前一直都無投資底,我希望係呢10年盡量爭取時間,所以盡量集中水桶1、2既升倍股:
水桶1 -
福壽園 (1448)$1000/ 月供
金界 (3918)$1000 / 月供
希慎興業(0014) $1000/ 月供
水桶2
港鐵 (0066)$1000 / 月供
盈富(2800)$1000 / 月供
另外之前上堂有聽你提過下美股,以下呢兩隻都係追踪指數,亦都係水桶1,係有限既資金上,邊一隻比較忙可取呢?!
(2814)(QQQ)
唔該龔sir
你放心,我唔會訓番身去買水桶1,我記得你講過,要衡量自己可承受風險,所以我都係小注投資,
另外都會用你教既方法去搵潛力股同優質股,唔好盲目去亂買股票,呢個我好勤記
龔成老師︰
你投資的股票,都適合你年紀。但希慎興業(0014),我地會視為水桶2的股票。
Invesco QQQ Trust(QQQ) 是追蹤納斯達克100指數
三星FANG ETF(2814)的投資目標,係追蹤NYSE FANG+指數的表現。是一個美股潛力股基金。
首先,FANG+係代表美國上市多隻領先既科技股票,即係代表Facebook、Amazon、Netflix、Google,而該指數會再加上其他科技股,如Twitter、Tesla、百度等,即是全球處最前列的科技類公司。
這基金是一個潛力基金,長遠正面,但要留意價格會較為波動,加上近年科技類公司上升左唔少,因此現價唔算平,建議以月供的模式投資,買入後長遠持有。
QQQ和三星FANG ETF(2814),2隻都係水桶1的股票,都係有質素,而潛力度和波動性,會係2814較高。
由於「潛力股」係需要一定經驗和有一定波動性,你經驗尚淺,可以先小注,大約佔組合2-3成左右。若你係有一定經驗,你可以投資到約4-5成比重。
現時大市只在合理區,每月資金唔好盡用。最好留有部份,等大跌市出現時,可以用來掃貨。
------------------------------------------------
Q21982:
老師你好。作為收息股,請問覺得 386 & 405 可以嗎?
另1772 現價雖然下跌,但都好似略貴,而且有風險,請問這隻股你覺得可取嗎?
謝謝解答。
龔成老師︰
中石化(0386)和越秀房產(0405)都係有質素的收息股。
中石化(0386)質素算是不差,但又未到好好,始終這只是商品企業,沒有一些太大的優勢。
石油是商品,當中沒有差異性,佢地要將石油賣出,只能跟國際油價,這令佢地處於被動狀態。沒有價格自主的能力,這令佢地的獨特性有限。這類商品企業,都可投資,但就要明白不是最高質的企業。
生意近5年只是上上落落,無乜增長力,這是受油價等因素影響,反映佢處於一個被動的狀態。收息是可以的,但增長力唔算強。現價合理,可以分注入貨。
越秀房產(0405)物業以大陸為主,會較受中國經濟因素影響,以及有人民幣風險。
同時當中的物業,都以商業為主,所以在疫情中波動性也會較大。現價在合理區,可以分注。
贛鋒鋰業(1772)是潛力股,估值較難,分析時的確資料較少。由於上市年份少,我地較難有長期數據分析。
佢為鋰化合物、金屬鋰及鋰電池等鋰資源生產商,業務涵蓋上游鋰資源提取、鋰化合物深加工、金屬鋰生產、鋰電池生產及鋰二次利用及回收。集團提供涵蓋五個主要類別逾40種鋰化合物及金屬鋰產品。
其實佢的產品應用都廣泛,包括電池相關產品、化學品、藥品及新材料等,而客戶主要包括電池材料公司、電池製造商、化學品製造商、製藥公司及電子器件製造商。產品主要於中國、韓國、日本及新加坡等十多個國家出售。
我相信佢長遠有潛力,有長線投資價值,問題只是平貴度的問題。現價略貴,小小注好了,之後等佢回落先正式入貨,始終行業有一定的變化。
其實你選擇上述3隻股票時,除左睇質素外,都要睇翻自己風險承受能力和年紀。
收息股,增長力較弱,就要係創造穏定現金流。較適合近或已退休人士,或者風險承受能力好低的投資者。
而贛鋒鋰業(1772)是潛力股,佢增長潛力高,但風險同樣都大,適合較年青和有經驗的投資者。
你可以因應自己情況,去進行配置。
------------------------------------------------
Q21983:
Hello, 老師,本人也想開始試吓每月投資法,每月可儲三萬左右,你會建議儲邊隻股好呢?
龔成老師︰
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
因此,你在選擇應該投資那一類股票時,會係因應你人生階段、投資經驗和取態,去做決定。
假設你係年青至中年人士,你可以用「平穏增長股」 + 「潛力股」的組合。如果你係偏年青,比例大約可以去到各一半。
但由於「潛力股」有一定波動性,較適宜年青和有投資經驗人士。若你投資取態較保守、經驗較淺或者較接近中年,「潛力股」比重就要相對下調。
現在你每月先用5成儲蓄,即$15000做月供。其餘先儲起,用一邊月供一邊儲蓄的策略。
月供方面,你可以選擇投資在平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、希慎(0014)、太古地產(1972)
或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里(9988)、騰訊(0700)、GX中國電車基金(2845)。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
------------------------------------------------
Q21984:
龔sir,你好!已經follow左你一段時間,睇左你不少分析同意見,獲益良多!希望能夠有幸抽中並得到指引!
現在想重整自己的股票組合,有冇咩股票會放左佢會好d ?
股票組合如下:
1475(日清食品), $8.74, 5000股
3988(中國銀行), $3.71, 1000股
6618(京東健康), $185 ,100股
9600(新紐科技), $4.24, 800股
2013(微盟), $25.08, 1000股
00992(聯想集團),$9.37, 2000股
1186(中國鐵建), $5.14, 1000股
00769(中國稀土),$0.96, 4000股
感激不盡,謝謝老師! !
龔成老師︰
你現時持有股票,大致上都係有質素,有長線投資價值。
除左中國稀土(0769)質素一般般。炒作多過實際,過往賺錢能力不高,業務波動,間中出現虧損,投資價值唔算高。
另外,中國鐵建(1186)質素只係一般,現貨持有係可以,但唔好再加注。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
因此,你在選擇應該投資那一類股票時,會係因應你人生階段、投資經驗和風險承受能力,去做決定。
如果你年青,可以「平穩增值股」(1475, 0992, 1186)+「潛力股」(6618, 9600, 2013)。中年人士,可以較集中翻係"平穏增長股"。
當你已近退休之年,就應集中在「收息股」(3988),去創造平穏現金流。
你可以睇翻自已年紀,去作出配置。
------------------------------------------------
Q21985:
老師,剛剛睇到80後千萬富翁中段了,但我現時身處一個疑問,現時我擁有一樣價值接近5萬元收藏品
但對這個收藏品的未來,及不知道市場嘅走向感到有點迷惘,咁我應該8折讓出去換現金去投資,定繼續起碼2-3年等佢可能升值?皆因我只見到現時虧損率,但不知道未來嘅增長率。謝謝
龔成老師:
由於「收藏品」不能產生經濟價值,也不會產生出現金流,因此,我地在定義佢質素時較困難,同時不一定是資產類別。
而當中的價格,就取決於大家的認同價值,如果將來對這項目的認同增加,就會對佢價值增加,由於每種收藏品都有各自的市場及認同價值,因此,你一定要有相關的專業知識、分析力。
如果無相關知識,建議賣出。如果有,就要分析這項目長遠的價值。
------------------------------------------------
Q21986:
早晨龔sir,最近睇你pages, 見你介紹3110 高息股作收息。。請問這些有風險嗎?因我幫小朋友長線儲錢用!
另外 3067 我都係跟龔sir意見買左幾千股,但聽龔sir講一隻股不能太多,所以我想分散落 3110!但。。我又唔見 3067 有派息。。
龔成老師:
上述的兩隻,都是交易所買賣基金(ETF),當中都是持有一些質素不差的股票,但性質不同。
安碩恒生科技(3067)風險會較高,投資者進求股價增長,但股息較少。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
這基金上落較大,現價大約在合理區頂,因此,這刻不能大注投資。
最好的策略,就是月供,或自行分注小注慢慢收貨(例如每月買一次、或2個月買一次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
如果你投資目標是收息,就不應投資3067,應考慮3110。
GX恒生高股息率(3110),是一個投資收息股的基金,追蹤恆生高股息率指數之表現。
可以視為收息股的組合中其中一員。這基金可投資的,現價合理,可分注。佢是投資香港大型,較穩陣,派息較高的上市公司。
這是不差的收息組合,但增長力不強。
可以上基金網站有介紹的,我建議你睇睇先。
------------------------------------------------
Q21987:
龔老師,上完初階課程後,希望你指點一下我的投資組合
1,000,000現金
400,000人民幣定期存款
200,000保險基金,主要是投資美股科技股每年有7%利息收入
有四手i bond
230,000股票
吉利汽車 00175. @21.000 3,000股
康師傅控股00322@ 12.800 2,000股
中國石油化工00386@3.340 2, 000股
置富產業信託 00778.@6.930 3, 000股
中國鐵塔00788@1.180 8, 000股
中國海洋石油00883 @8.050 1 , 000股
友邦保險01299@95.000 200股
三生製藥01530@8.480 1 , 000股
小米集團一w01810 @29.350 400
平安好醫生 01833@88 200股
港燈一SS 02638 @7.590 4 , 000股
本人40歲,月入30,000,支出大約8000一個月,每月儲蓄大約兩萬蚊
我與家人同住沒有置業需要,有機會也想投資一個物業收租
想五年賺到2,000,000,55歲退休
但由於是投資新手,只懂把資金放進定期及收息產品,高風險投資不知道那樣做,那些股票不是優質股或潛力股可以賣出。
我是可以承受中高風險投資。我知道很多股票現貨價在比較高的水平,我想等回歸合理區才分注買入。多謝賜教
龔成老師:
以你的年齡情況,上述的配置沒有問題,方向基本正確,選股大致都是有質素的股票。
你40歲暫時唔需要再增加收息股,你原有的收息股,就持有先,唔需要特別變動,但之後唔需要再增加就得。例如港燈(2638)、置富(0778)、中石化(0386)。
因為你有15年時間,你可以在頭的7-10年,做好「增值」的部分。到之後的幾年,就開始轉為收息類別,即是運用「先增值,後現金流」作方法。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。
每月$20000的儲蓄,可以用月供,或自行分注的模式投煽總之現時不能用盡現金就得。
平穩增長股:潛力股
7:3
(如果你投資實力較強,可增加潛力股比例)
平穩增長股:考慮盈富(2800)。
另外再加:銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
潛力股:安碩恆生科技ETF(3067)
另外再加:阿里(9988)、騰訊(0700)、港交所(0388)、舜宇光學(2382)、小米(1810)、GX中國電車基金(2845)、比亞迪(1211)、中生製藥(1177)、三星FANG ETF(2814),但就要明白波動性比上述會高左,同時風險大左,你要自己平衡。部分要等回少少先入。
現時大市波動,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q21988:
Sir你好!已經遲職了, 決定去創業~~再做下去已沒意思, 浪費時間。 想剩下的人生時間活得精彩, ~~始終創業才可以真正做到財務自由, 自己話事。將會開間細美容院(大約資金20幾萬)
1)有62萬股票, 40萬現金
2)計劃將剩下1211/1手($60買入)&1830/6手(@$3.98), 全部賣出作為創業資金。
3) 還是賣出其他股票代替1211 1830?想你給予意見作為參考。 謝謝
以下是本人手持股票資料
788 4000@1.56
1108 12000@7-
1177 15750@8.23
1211 500@60-
1317 8000@6.08
1448 14000@8.19
1810 1000@31.74
1830 24000@3.98
2388 500@37.35
3067 1000@18.33
6993 3000@15.89
謝謝龔Sir回覆
龔成老師:
創業中途會有不同的困難,但只要堅持,就終會有成績,加油!
現時你唔好再買股票,因為創業都要一定的資金,同時要為各種可能做準備,因此要多留現金。
至於賣出那些股票,其實你應該將想法倒轉,你想留下那些股票,那些股票較有質素,以及長遠較有增長力。
上述的不少都是有質素的股,但現時應該賣出一些增長力較一般的。
我會建議留低比亞迪(1211)、中生(1177)、福壽園(1448)、恆生科指基金(3067)、小米(1810)、完美醫療(1830)(如果上述有個別股,佔你組合%較多,都可減持。而餘下就可能考慮賣出。
------------------------------------------------
Q21989:
你好龔老師,我是投資新手,看了一段時間你的教學片,增加了一些投資的知識,未留意你之前買了些股票,包括
0005 @ $60
0410 @ $4 (最近$2.3止蝕賣出後急升)
1310 @$10
今天1310跌到$9.3 , 我也看到有債務問題,請問現時股價合理嗎?是否值得持有?還是應止蝕沽出?
多謝老師寶貴的意見。
龔成老師:
我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
你最大的問題,就是集中分析短期股價與消費,你犯了一般散戶都會犯的錯。
你記住,買股票就是「買入企業等企業成長」,一般都要3年以上先會見到成果。同時,你不是炒賣,是「財富配置」。
匯豐(0005)、香港寬頻(1310)質素都算有的,但不算高,你可持有,但不建議太多,之後要選更優質的股票。同時,你。建議你睇《股票勝經》。
------------------------------------------------
Q21990:
老師想請教下a股既問題,因為比較接觸多港股,最近買了a股後有點問題
1:5送1的部分,如果係碎股,a股碎股係唔係沽唔到,如果沽唔到應該點做好
2:10股派股息2cny,此股票每手100股,假設我有100股,應該收幾多錢股息?
3:老師,想請教下,週期性行業,係未應該用pe模型,計算果時應該著重pe定係eps,因為我見週期性行業pe高低都好大上落,完全好似冇參考價值咁,應該點計好
龔成老師︰
1) 碎股都可以沽出,但實際處理方法,要問翻你用緊的金融機構。
其實只要係有質素股票,不論係完整一手,還是碎股。佢長線投資價值,都唔會有分別。
2) 若每10股派人民幣2元,你會收到人民幣20元。但實際上,你收到金額會少於20元。因為收到股息前,係先要扣除內地相關稅項,和金融機構代你收息之費用。
3) 去計算一些週期性行業,你可以用市盈率估值法,作為其中一個參考方法。當中,市盈率和每股盈利,都同樣重要。
由於企業盈利,係受一個特定週期所影響。故你在拿參考數據時,係需要拿一個較長年期(7-10年),已確保數據可以包含整個週期的變化。
但你要留意,在這些年期內,會唔會有一些事情,令成個大環境出現改變。就好似我初班第5堂,用港交所(0388)作例子。佢雖然係週期性企業,但由於近年多左中概股回歸。
在抽取數據時,只會用最近幾年,而唔係用一個週期性長度的時間。
------------------------------------------------
Q21991:
Hello 龔老師,早晨!
現有一層供完樓,作收租之用。如將呢層樓,再造銀行按揭,用作買些电力股收息。請問是否可行?
因本人巳近退休年龄. many thanks
龔成老師︰
現時息口偏低,利用加按貸款,去買入收息股,從而賺取息差,係一個可行做法。
但我地要考慮翻,自己本身負債能力。由於你按揭已經全數清還,所以再透過物業,去借一筆資金投資,係可以。
不過,你現時已經50歲,借貸金額不宜太進取。以你年紀計,總負債佔總資產比倒,唔好高過一半。到60歲,更加下調至30%以下。
另外,我地建立一個收息股組合時,不應太過集中個別企業或行業。因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
特別要留意銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。
以下是一些有質素的收息股,你可以參考下。
現時大市只在合理區,新取得的資金,唔好盡用。最好留有部份,等大跌市出現時,可以用來掃貨。
港燈(2638)、香港電訊(6823)、恆生(0011)、工行(1398)、置富(0778)、陽光(0435)、深高速(0548)等,大多有5%股息
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、完美醫療(1830)、互太紡織(1382)等(記住,股價略波動,不能太過大注)。
(你可睇下《50穩健收息股》當中仲有好多)。
------------------------------------------------
Q21992:
吖Sir,2809 GX中國潔能,由之前90幾蚊都升了不少,股價屬於什麼位置?ETF不太清楚平貴
長遠睇好綠色能源板塊,世界各國致力推動碳中和,中國亦已訂立2060碳中和目標,相信未來會有不同政策岀台去支持行業發展的
龔成老師︰
GX中國潔能(2809),其目標為追蹤SOLACTIVE中國清潔能源指數NTR之表現。
當中佔最多為"半導體產品與設備"股份,約組合4成,其次是逾2成的"獨立電力及可再生電力"。
此股平貴不易分析,而且頭10大股份中,除了信義光能(0968)外,其餘都在內地上市。
潛力度是有的,但會比較波動。
你預現價大約係合理區頂,至略貴水平。如投資,宜慢慢分注或者月供儲貨,並長線持有。
------------------------------------------------
Q21993:
多謝老師之前的回覆,我會叫阿仔去上你堂。
$8800真係超值,日後學懂投資長智識一定賺得返。我自己就是一個例子,以前投資真係輸多贏少。
老師,但我更想如何令自己小孩早啲開竅?知識是終身受用。
老師,我有問題唔明。你也建議大家買REITS,回報等同買樓收租,但係如果投資者有能力買樓收租,長遠利益來看,買樓收租更可賺樓價升幅,不是回報更佳。
我明白買樓投資需要龐大資金成本,且流動性較慢,我朋友現在每月供樓壓力頗大,但我深信幾年後他必定有高回報的。
龔成老師︰
無錯,有錢人著眼"回報",普通人則著眼"付出"。所以,我地學習不應該只著眼於付出多少成本,而是可以從中獲得多少回報。
點樣可以幫小朋友開竅,最主要方法,就係唔好令佢地將"學習"同"返學"掛鈎。
因為,其實有好多有用知識,包括投資,係平常學校都唔會學到。如果小朋友只係學學校教授的知識,他們只會成為一個好員工,但永遠唔會知道,自己可以當主人。
更甚的情況,就係佢畢業後,會認為自己人生的"學習"過程已經完成,永遠只停留在畢業一刻的水平,人生從此就再無前進過。
其實書本,係一個好好學習媒介,你可以鼓勵佢多閱讀不同類型書籍,去開闊自己視野,對佢會將來會好有幫助。
至於REITS和物業,都係優質資產,都應包含財富組合當中。性質上,會有少少不同。
由於物業金額較大,對資金較少,但又想投資物業類的投資者,REITS會係一個好選擇。
但物業雖然流動性較低,成本也較大。但由於佢除了可以收取租金回報外,本身都會有增值潛力,令你資產價值上升。
而REIT,主要係收取當中物業租金回報,資產增值部份唔會明顯。回報部份,主要來自租金產生現金流。
因此,你要睇翻你投資目標,去決定邊個項目才適合你。
------------------------------------------------
Q21994:
龔成sir 你好,我現時32歲
想請教以下問題:
1. 我將手上的股票,按水筒123 分類,想問問分得正唔正確,以及比例上希望俾俾comment
2. 藥明生物2269 的合理價是多少?
謝謝
龔成老師︰
1) 以下是要修正的股票。
水桶1︰港交所(0388)
水桶2︰中金公司(3908)、煤氣(0003)、越秀地產(2934)、長建(1038)
中金公司(3908)經營投資銀行、財富管理等金融業務。佢業務係有,但賺錢能力唔算好強,整體質素算係一般。你投資都可以,但唔好太大注。
XL二南方恒科(7226)產品之投資目標為追踪恒生科技指數每日表現兩倍(2x)的投資業績。
雖然我長遠認為,恆生科技指數正面,但中短期可以較波動,由於這基金有槓杆,就會令價格更加波動,其實有風險。
我會較建議投資無槓杆的恆生科指ETF(3067),始終較好。
以你現時32歲,應以增值為主,水桶1和2各佔一半都可以。
由於「潛力股」(水桶1)係需要一定經驗和有一定波動性,如果你經驗較淺,可以先小注,大約佔組合3成左右。若你係有一定經驗,你可以投資到約5成比重。
2) 藥明生物(2269),主要提供有關生物製劑藥物發現、開發與生產服務。
佢涵蓋生物製劑發展過程的所有五個階段,即藥物發現、臨床前開發、早期臨床開發、後期臨床開發及商業化生產。
潛力是有的,因為過往的財務數據的確理想,但現時的估值唔平,這刻投資值博率一般。
不過,這類股好難話現價一定貴,因為佢有好高的增長,只可以話現價唔平,但如果之後有高增長,那就未算太貴。只可以話,如果你真的想投資,小注好了,你要明白業務有不確定性,同時股價會好波動。
------------------------------------------------
Q21995:
你好呀龔成老師,多謝你一直以來嘅分享。我同男朋友都有聽你講每月月供優質股,穩定儲咗一筆資金。
我自己有keep住月供恆基,現升幅不少,所以想放少少轉現金,再買入另一啲有升值潛力的股票。
想問問老師意見,我應該等除淨派息後就放一半轉為現金,定係應等恆基價位升到40左右才放呢?有機會嗎?
謝謝老師解答
龔成老師︰
恆基(0012)是有質素,當然,增長力減少左,預期佢中短期都是弱,不過,這股是睇長線及超長線的。
這單計佢手持農地是全港最多的發展商,就明有一定的價值,當然,農地要發展要好長時間,所以這股要好長線。
我地投資優質股,其實就係將只會貶值的現金,轉成有優質資產的過程。只要質素無變,而價格又唔係升到太過高,我地係唔會沽出。
恆基(0012)有一隻有質素的股票,現價唔算特別貴,只係合理區內,唔建議你沽出。可能你會覺得近期升唔少,但我地持有優質股,目標係希望倍升,甚至更多,所以你目標要放遠D。
除非佢已經升到好貴、長線質素明顯變差,或者大市好狂熱,你才好考慮減持。
若你想加入其他優質股,可以用新資金去做,恆基(0012)照長線持有就可以。
------------------------------------------------
Q21996:
龔sir,我買左你好多既書黎睇,宜家已經睇左8成,亦留意到巴菲特都講過婚姻先係人生最大投資,
加上睇埋你幾年前分享的曾同有錢女的拍拖的帖文,我突然有感而發:
我想問下︰
1. 如何用理性地以超長線眼光來擇偶或是
2. 該有何較通用的標準來評估對像的優質度?
因為這是人生最重要的投資之一!
由於學生想獲得較深入的指引,加上比較私人和個人化,如果可以,不知你可以在6月17日股票班課後詳細一點點指引學生好嗎?
利申:男,22歲
感謝
龔成老師︰
我過往有錢女朋友故事,主要係想帶出,只要你有目標和動力,你才會進步。
另外,你身邊要結識一些比你更叻和更高水平的人。如果你身都是同水平的人,你就不會有動力,去再提升自己。
因此,你要創造一個環境,令自己有動力去保持進步。
至於擇偶,每個人都有不同的準則,唔會有一個通用標準。最重要,係佢明白你,同時間願意和你一齊進步,咁就可以。
其實最重要,是同你夾、適合自己,大家有共同的方向。
------------------------------------------------
Q21997:
龔sir您好,想問吓你意見,想將媽媽啲定期存款買股票收息,可否提供幾隻股給我。
如果買1煤氣2匯豐3領展4地鐵現價合理嗎?又想收息同時又可以增長,麻煩比啲意見給我,十分感謝
龔成老師︰
你所講的4隻股票,現價都合理,可以分注。當中匯控(0005)係偏向純收息,增長力唔會明顯。
其餘3隻係平穏增長股,股息係有,但唔算好多,不過會有一定增長力。
投資前,你先要明白,收息股回報雖然高於定期。但就算再穏定的收息股,都會有波動,係可能會出現"賺息蝕價"的情況。唔會好似定期咁,保證你個本金。
若你媽媽距離退休,尚有一段時間,你投資上述股票係可以,去邊收息,邊增值。
但若果你媽媽已經退休,就最好集中翻係收息股,去創造現金流。以下是一些優質收息股,你可以參考下。
現時大市只係合理水平,現金佔比重大約3-5成。故你可先用部份資金,去分注入貨。餘下資金,就等大跌市出現,才加大力度掃貨。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
------------------------------------------------
Q21998:
龔成 你好 想問8160我由0.6入手,現在跌到0.083,是否應損手離場?
龔成老師︰
金滙教育(8160)在香港以「勵致研習中心」品牌,向中小學學生提供補習服務。
佢業務係有投資價值,但集團規模好細,每年營業額才相連4千萬都唔到。
其品牌唔算好強,見佢多年出現虧損,反映其賺錢能力不足。
此股投資價值好一般,長線計,你換碼至其他優質股會較好。你可以等佢出現反彈,就慢慢沽貨換碼。
------------------------------------------------
Q21999:
Halo 成哥,1357 美圖
708 恆大
如果依兩隻股票一年前都係喺低位只不過依三個月前曾經高過(我喺佢哋高位嘅時候入)但係而家又開始跌返落去,我將三份一嘅股票賣出去做法唔知正唔正確?
恆大而家跌到29,我當時67入
美圖而家跌到2,我當時3.7入
買完之後就一直跌跌到而家幾個月後我都唔知好唔好放定係等一年之後有可能佢哋會再升返我買嘅時候嘅高位?
感謝。我知我傻了,在高位入左
龔成老師︰
首先你要明白一個概念,我地持有一隻股票與否,關鍵位是企業質素、前景,不要被買入價影響。因為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心,照持有就可以。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
美圖公司(1357)長遠仍算正面,佢過左最差時期,現時正向好。
佢主要從事提供在線廣告及其他互聯網增值服務;以及開發、製造及銷售智能硬件產品。
見佢財務數據改善,這企業仍有發展力,有長線投資價值。不過業務變化始終大,不建議大注投資。
恒大汽車(0708)雖然可能有潛力,但風險高,佢資金投入的確強,大力發展新能源車,但這些仍未有賣產品真正的實力,長遠能帶動多少收入,未知。
由於仍有好多未知數,而股價已經大升左好多(比半年前),因此,這刻要自己衡量風險。
可能佢真的有潛力,但連基本的銷售銷售都未有,我地作為投資者,就好難分析,只可以話佢股價會大上大落。
我唔係話佢無投資價值,只係不確定性較高。投資時,必需控制注碼,不能太大注。
這2隻股票,若佢佔你組合不多,你可以守。如果佔比重較高,最好沽少少,去平衡翻個風險。
未來再投資前,記得先做好估值。若你投資經驗較淺,可以考慮用月供去儲貨,透過長期平均價格買入法,去減低買貴貨的風險。
------------------------------------------------
Q22000:
龔Sir, 想請教一下有冇分柝過一些公司,從潛力股到不再是潛力股? 會有什麼先兆 從而知道要及早離場
亦想請教一下現有什麼板塊你認為未來10年會大躍進?
龔成老師︰
除左你可以從年報中,管理層將來發展計劃,可以了解到企業狀況外。
你都可以睇一些財務指標,好似股東權益回報率(ROE)會由以往較高水平,一直回落。派息政策,由以往零派息,到現時較高派息比例。都反映企業增長潛力,係下降左。
另外,當你見到大環境對佢不利,有其他新的產品替代原有產品及行業,都是一個不利訊號。
當然,我地唔可以一概而論,要每隻股票認真分析,睇佢數年發展情況,才可以下定論。
但你要記住,企業增長潛力慢左,唔等同於佢無左投資價值,純粹係企業或/和行業開始成熟,股票由「潛力股」慢慢變成為「平穏增長股」。
我地係投資配置時,唔會全部分晒係「潛力股」上,因為風險會太高。必需配以一些「平穏增長股」,令成個組合風險更平衡。
未來10年,相信新能智能車、醫藥相關、物聯網、綠色能源等行業,會有較大優勢。
----------------------------------------------
若你有問題想向本人發問,可在龔成的fb專頁中(龔成)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
遲職 在 龔成 Facebook 的最佳解答
【龔成問答信箱】(Q15281-Q15300)
Q15281:
Hi 龔成老師,我26歲,月入6萬,現金儲蓄120萬,暫時放8成儲蓄落銀行做3個月定期,每隔3個月做一次。不知按現今社會情況和未來變化,最明智的做法是什麼?
幾年前買過幾隻股票都蝕錢離場,不太敢再買股票,如要令財富增值,應該從何入手?thank you! 祝身體健康!
龔成老師︰
你過往失敗的投資,很大可能是跟你投資知識不足有關。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
以你年紀計,應以增值為主。定期雖然可以賺取利息,但利息回報也不高,所以唔係咁適合你。
現在你每月儲到的錢,可以5成去做月供,其餘先儲起,用一邊月供一邊儲蓄的策略。
月供方面,你可以選擇投資在平穏增長股︰盈富(2800)、金沙(1928)、恆基(0012)、中銀(2388)、港鐵(0066)、煤氣(0003)、港交所(388)、長建(1038)、粵海(0270)、領展(823)、深高速(0548)或潛力股︰比亞迪(1211),中生(1177)或福壽園(1448)。
但如果你無信心選股,你可以月供全數在盈富基金(2800),佢係一隻包括50間質素不錯上市公司股票的組合,有效平衡組合風險。到你有能力選股,才加入其他以上提及之優質股。
至於那120萬,同樣可以將一半以分注形式,慢慢買入盈富基金。例如每個月1號,不論價格高低,都用當日價格買入2手,直至這60萬用盡。
而餘下60萬和每月儲到的資金就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
記住2個投資重點就係,買入必需是"優質股",並"長線持有",這樣才會對你最有利。
------------------------------------------------
Q15282:
龔老師,請問滙豐現價可買入,長期收息?
thx
龔成老師︰
匯豐(0005)作為一間大型企業,有一定規模和品牌。
但這企業的賺錢能力比過往年代已減,這刻只是一隻收息股,不要對股價增長有太大的期望。
現價計佢股息率在6.5%以上,以有長線投資價值,已可以買入。但只是收息股。
------------------------------------------------
Q15283:
Hello,師兄你好。我自己比較睇好836華潤電力,至今已經喺唔同階段入咗10萬股,平均價$10.984。
我打算喺嚟緊預計3月22號出業績之前繼續收集,想聽聽你嘅意見。
買入嘅原因如下,
1)500億市值
2)雖然2019改policy後大跌但反饋歷史其實依然每年穩定派息。根據#4,末期派息應有$0.425,因此全年派息實際超過6厘,PE全行之冠
3)以六個月平均價來説屬於低位
4)雖然每一年發電量下降但因為煤炭價格下降,所以令到生產成本下跌,轉換成實際盈利大幅上升。根據計算應該最少可以有70%盈利增長。參考1071發表預測盈利增90%-110%。
根據以上資料,所以我覺得836嚴重被低估。假設我推算正確,只要三月公布業績,應該吸引投資者重新關注,反映到股價
以上大概是我個人分析,但我想聽其他人看法
龔成老師︰
你所講"以六個月平均價來説屬於低位",這個並非有關企業本質的因素。我地投資股票,應該著重翻佢本身質素和前景,這些多少個月新高新低,唔需要去理。
至於佢最終派息多少、新一期業績會如何,我地現階段唔會知。就算跟你預期末期派息有$0.425,佢現時估價則等同6.25%股息率,但以其質素只算合理區。
再者,如果此股已佔你組合中不輕的比例,就算再平,我都唔建議你再投入資金,以免出現過度集中單一企業或行業的風險。
華潤電力(0836)其實佢本質不差,業務穩定,生意額保持增長,但就因成本問題,令盈利比較波動。其實2018年業績,生意額都有增長,但盈利下跌,加上派息大減,都是致命傷,相信佢中短期都會較弱。
另外,你預要耐心一點才有回報,同埋面對未來一兩年內,派息可能會較弱。
------------------------------------------------
Q15284:
龔成老師你好,看到你有篇黃金十年的文章,想請教一下以下問題:
如果我只做十年月供股票儲蓄每個月供$3,000合共用了$360,000,一直放在户口不動,利用複息效應滾存到20年后才取出來,比較我每個月供$1,500供20年一樣是合共用了$360,000,那個方法是回報好些?
盈富年息率是大約3.30%,想問怎樣可以做到每年有10%回報?盈富基金價格上落是跟恆生指數,是否當恆生指數上到30000點時便可以沽出一些盈富基金賺取利潤呢?
謝謝老師解答我的問題。
龔成老師︰
以年均回報率10%計︰
$3000供10年,再滾存20年 = 總回報約385萬
$1500供20年,再滾存10年 = 總回報約267萬
雖然投資資金一樣,但月供$3000計劃,累積成36萬本金時間較短,令總資金有較長時間享受複息效益,所以那個回報會明顯優勝。
買入盈富(2800)主要有兩個回報(分別是股價升幅,加上股息回報),股息不多,大約只有3%,而股價升幅,其實有升有跌,每年都會波動,但長期平均計,都有5%-10%,當然,這是不一定的。
至於沽出時間,當市場去到一個好貴架時候,我地會調整我地架持有現金比例,這些可以考慮沽出部份。至於平貴,盈富可以簡單用過往恆指市盈率來衡量,而過往主要在8-22倍區間升跌。
------------------------------------------------
Q15285:
你好~之前買左幾隻股跌左好多,要點步處?
1.閱文(772) 99.9 入左1000股
2.華南城 (1668) 2.5 入左58,000股
3.瑞聲(2018) 109入左1,000股
4.易鑫(2858) 7.7入左500股
5.中國龍工(3339) 3.08 入左54,000股
D股都揸左好耐,邊D需要止蝕走人? 邊D可以再注資? 謝謝!
龔成老師︰
瑞聲(2018)長線持有無問題。
易鑫集團(2858)則質素較一般,不斷燒銀紙,未知幾時先有較理想的盈利,對這股略有保留可考慮賣出。
中國龍工(3339)近2年生意不差,但以過去5年計,生意與盈利都有波動情況,這點不得不注意。而企業的賺錢能力算是中等,因此投資不能大注。
另外,你要留意翻閱文(0772)和華南城 (1668)雖然質素唔算差,但同中國龍工(3339)一樣,我都唔建議太大注。一來是質素未算最高,二來是資金過度集中在這3隻股票,都唔係咁理想。
你最好沽出部份,轉至其他優質股上。
------------------------------------------------
Q15286:
龔老師你好, 我今年25歲, 每月揾2.2萬, 扣除家用開銷可儲蓄到1.5萬。
我沒有投資經驗, 請問月供股適合我嗎?
每月投資1.5萬到股票市場適合嗎?會否風險太大?
感謝龔老師解答
龔成老師︰
如果你無投資經驗,唔識定平貴,月供股票就適合你。月供就係透過每月定額供款和長期進行,令買入價會自然地平均,從而減少因價格波動造成買貴貨架風險。
你尚十分年輕,是財富增值的黃金時間,投資策略應以增長力為主。但由於你無投資經驗,我建議你現時每月先用$7500去月供盈富基金(2800)。
盈富(2800)是包括50間質素不錯上市公司股票的組合,有效幫你平衡風險。而另外$7500就先儲起,到你有一定經驗才開始用佢來投資其他增長股。
同時間,你要去多讀投資相關書本、年報,新聞和課程。本人的【投資倍升股課程】適合初學者的,每一課後都會有指引比你,要你在一星期內找那些資料,溫那些內容,只要你跟著去完成,到你讀完整個課程後,你已能自己選股、投資、評估平貴,在投資上已掌握了一定的知識,對你未來投資會有一定幫助。
------------------------------------------------
Q15287:
成哥,想請問981有投資價值嗎?
咩價先係合理區?
龔成老師︰
中芯國際(0981)本質不過不失,雖然仍每年的生意都有增長,但盈利就有波動,反映雖然大環境的市場在增長中,但佢的成本與售價,就未必在佢掌握的範圍,最後造成盈利波動的結果。
雖然這股都有前景,但以佢面對的情況,但好難將佢定義為好優質的股票,只屬中等,但有潛在的增長力。
另外,此股近期升了不少,現時市盈率已經去到近70倍,明顯係貴的水平。此股質素和吸引力一般,你小注可以,但要等佢回落翻較多才好落注。
------------------------------------------------
Q15288:
老師,想問1212仲可長期持有嗎?現在這個時勢,同埋是否再等它跌多d?
龔成老師︰
利福國際(1212)正面的,佢有崇光的業務,同時持有了優質的物業,啟德地都是這公司的,我相信長遠有增長力。
2016年,佢以近$74億投得啟德商業地,利福國際計劃於該地興建兩幢大廈,當中包括建立新的崇光百貨店,連同其他商業、娛樂及飲食設施,以拓展崇光百貨的零售業務,以及持有作收租用途。新項目預期將於2022年前落成。
利福國際將繼續用地產加百貨的模式發展,購入有相當價值的黃金地段,將百貨店進駐其中經營,提高百貨店的品牌及生意,物業其餘部分用作收租,長遠享受物業價值的提供、百貨店在黃金地段的業務提升、租金收入的長遠升值。
簡單來說,就是地產加百貨,購入黃金地段,注入百貨業,而百貨業務產生品牌及人流效應,從而對持有周邊地收租的利福,產生亙相提升價值的效果,絕對是長遠增值的業務模式。
近期大環境因素,難免會影響到佢盈利能力。但相信影響只係中短期,長遠質素不變。但至於佢會跌多幾多,這個無人知。我地投資唔係"估走勢",而係做"資金配置"。
現時價格已是合理區底部,已有長線投資價值,可以買入。
------------------------------------------------
Q15289:
老師你好!我今年31歲!儲蓄10萬!
月入1萬7千!今個月開始做月供6千供盈富基金和每個月儲蓄5千想做其他股票投資!
希望可以係8年之後可以做
財富增值到100萬
請問用那一款投資計劃可以令到自己增值更多
龔成老師︰
其實你現時策略己經可以,每月將$6000投入月供盈富(2800),而另外$5000我建議你先儲起,用一邊月供一邊儲蓄的策略。
現時大市只在合理區,你儲起的資金就等機會。當大市出現一定程度的下跌,就可以動用現金去投資,在平宜價加大力度掃貨,然後長線投資。
以恆指過去年平均回報10%計(連股息再投資),你每月投資$11000,8年後大約會增值至150萬,故這樣安排相信很大機會達至你的財務目標。
以下這些股票都適合你年紀︰
平穏增長股︰盈富(2800)、金沙(1928)、恆基(0012)、中銀(2388)、港鐵(0066)、煤氣(0003)、港交所(0388)、長建(1038)、粵海(0270)、領展(0823)
潛力股︰比亞迪(1211),中生(1177)或福壽園(1448)。
------------------------------------------------
Q15290:
龔先生你好,我係澳門的讀者 現在24歲。前幾日有見到你講月供股票的介紹,我都開始月供盈富基金(5000/月)
另外想揸多一隻進攻型股票,想問小米集團是不是都係一隻長期發展的股票? 謝謝
龔成老師︰
小米集團(1810)其實有增長力的,因為佢的產品的確受歡迎,同時處於增長狀態中。
但估值是最大的問題,佢不斷在投資,同時無人知幾時先有較理想的現金流,大家都只是憑「將來價值」去推斷,因此股價一定好波動,市場估值經常處於不一的狀態。
所以,你要預佢將來慢慢會向好,但未有確定時間,因為佢的確這刻未有較好的盈利,如果你投資不多,可以當博下佢將會會發展得好好,因為無人知結果。
如果這股只投資不能太大注。佢前景都算正面,只是有較多不確定因素。
------------------------------------------------
Q15291:
老師,想問如果長缐持有的話,590 或14 會好d!
現價合理嗎?或我應該用月供方式持有。
現時已月供:
2800 $5000
0012 $3000
823 $2000
1211 $2000
謝謝!
龔成老師:
你現時月供的,都是有質素的股票,可以保持長期月供。
如果要加一隻,上述兩股都可以,都有質素,現價都有值博率。如果要2選1,希慎興業(0014)會略好,現時已可開始。
------------------------------------------------
Q15292:
龔老師你好。我係你嘅長期讀者。
想請教你一的投資問題。
講下自己嘅情況先:35歲。同父母同住居屋。父母有小生意。暫時唔使養佢哋。我自己有stable 收入。
每個月月入大約4萬頭。扣除家用,自己用費。一個月大約可以儲25k to 28k左右。有一百萬現金做左定期,2.1%回報。
另外有四十萬買左股票。目標係未來一,二年儲到二百萬左右可以買5m 左右嘅樓。請問有咩投資可做以早日達成目標?唔該你。
龔成老師:
如果你打算1、2年內買樓,就宜較多資金持有現金,投資方面亦唔好太進取。
因為投資股票就是買企業,就算優質企業成長都要時間,2年只是一個中期,未算長。因此,到時的股價就只反映當時市況,而無人知到時市況如何,因此,當中存有一定的風險。
現時的$100萬,建議大部分持有現金,最多動用$30萬投資收息股。目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、匯豐(0005)、置富(0778)、陽光(0435)都可以。
另外,香港經濟轉弱,未來1、2年樓價可能向下,但這可能只是中短期調整,因為香港樓長期供應仍唔夠,因此,長遠仍向上。
以你現時的財富情況,其實已經可以開始睇樓,只要見到樓價有多少少下跌,同時遇到一個心急業主,就是買平貨的機會。
------------------------------------------------
Q15293:
hi,龔老師,一直有留意你的FB,想你給點建議。
我月入4萬左右,老公也一樣,兩人加起共9萬左右。
現時開支是老公負責,供兩層樓,澳門一層(給父母住,共供100萬,供15年左右),珠海一層(投資用,每月還款人民幣7000左右) ,保險(他與兒子),給父母的家用,家庭及兒子使費,工人(一人一半,他出MOP2000)
我們自住的房子是父母全款買的,不用供。
我們是分開理財,老公負責所有支出。
我那份除自己基本使費與自己份保險及工人工資(與老公一半,所以2000)外都是存起來的,現在我手頭上有50萬左右人民幣,70萬左右港幣。
雖然基本開支也多,但老公一直以來理財意識不強,所以基本上他的那份工資沒儲蓄,由於他理財意識不強,(不會節約)我就選擇自己処理自己那份收入,其他開支也盡量要他出。
我有2個兒子,大兒子4歲,小兒子剛2個月。
我想離職,主要原因是我工作性質是服務性行業,休息時間(不是週末)及返工時間較忙,較多限制。這份工作不能兼顧兒子教育及沒自己時間。
離職後這段時間我會專注兩個兒子教育,及自我進修,如加強英文及投資理財技巧,及可以的話會做些兼職)
當我認為合適的時候,我會再出來工作的,但還未知是何時)
1.我離職是否合適,因自己沒有收入。
我能利用手頭上現金做些怎樣的投資(股票,房産我都不會)如果投資股票有什麽適合我?
及還有什麼理財適合我?或其他建議?
我一直也想投資做點小生意,我一直从事零售管理工作,所以有管理生意經驗,但自己去投資做生意卻无從入手。
補充一下,1.我現在事業也可以,得到上頭認可,再奮戰多一兩年也有昇職機會。
2.我未與老公商量離職事,我遲職老公應該不太同意,因以前我有提過離職,當時沒太深入去講。或者老公擔心他那份糧只夠開支,沒儲蓄.
3.但我認為這段時間對兒子很重要,尤其大兒子,由於一直沒太多時間專注他,他現在的性格較為任性,我想趁他還小時,多去引導他,陪伴他,令他有進步。
呢兩日盤點下銀行存款,原來我現金港幣有100萬左右,其中有60萬在做銀行定期存款,6月份到期,外幣50萬左右(上述提過的人民幣)
我本人雖對投資不是精通,但經常會留意投資,樓市方面資訊,如財經新聞,youtube視頻及一些書籍,這些我都會花時間看,也經常看你的FB,也有很大的收獲。
你推薦的書也會睇,除我講這些外,還有什麽方法可以提高自己投資,理財技巧?
関於股票,本人雖不懂分析其價值,但由於聽你講得多,我都有心水想買入,一直等機會,如金沙,中銀,盈富基金等...近呢幾個月是買入的時機嗎?具體何時可買入?應分別買入多少?我手頭100萬均可動用,除我所講的還有什麽適合我持有的?
我儲蓄意識很強,所以一直有儲蓄習慣,而且也會記帳清楚自己現金流向。
關於離職與否,本人十分矛盾,離職因舍不得薪水,繼續這份工作又會錯過教育孩子的黃金時期,是否可以透過購入股票增值,从而彌补工作薪水。
若沒工作,沒收入,本人覺得十分無安全感這,就是我一直工作的原因。
龔成老師:
1)如果將資金投資收息股,目標是6%股息的類別,例如港燈(2638)、深高速(0548)、香港電訊(6823)、工行(1398)、匯豐(0005)、置富(0778)、陽光(0435)都可以。
你現時現金數約$150萬,如果投資收息股,6%,平均每月收息$7500,你要自己衡量,如果無左正職,而單靠這個收息數目,能否令你安心。
單從財富的角度,這刻的財富應該未足以令你財務自由,不過,你這刻如果有家庭需要,就要自己衡量,無絕對的標準。同時,你可以計下,能否達至「每月收支平衡」,作為決定點。
另外,你有一層投資物業,要睇下有無方法產生正現金流,幫助你的情況。
2)我建議你與先生,計下每月的消費金額,更了解現時的情況,計算每月的平均基本支出。然後計算下,減少了你的工作收入,以及增加了$7500利息後,能否達至收支平衡,這就是你重要的考慮點。
人對未確定的野,總會有較大恐懼,你地盡量將事情確定,收入,支出,能否收支平衡等。
3)其實你可以考慮做兼職,如果你能找到,增加收入,計數後家庭每月有收支平衡,可能可以做到。
這些問題無絕對的答案,從財富角度,你在年齡唔大時盡力儲錢當然最好,但小朋友的成長都不能忽視。因此,你只能想方法取平衡。
------------------------------------------------
Q15294:
中手遊(00302)點睇佢。我3.13買入。
龔成老師:
中手游(0302)主要於中國從事手遊發行及遊戲開發業務。佢提供多種類型的手遊,包括CCG(可收集卡牌遊戲)、RPG(角色扮演遊戲)、MMORPG(大型
多人網絡角色扮演遊戲)、SLG(模擬遊戲)等。
過往生意不差,有持續的生意與盈利增長,財務數據初步正面。
不過,上市年期不算長,這會令財務數據代表性較低,同時,行業業務波動,不確定性大,都令這股造成風險。這股如果你投資不過多,持有無問題,始終不是無質素。
------------------------------------------------
Q15295:
你好!
我99.85入了美團點評,請問前景怎樣?
謝謝!
龔成老師:
美團點評(3690)我唔敢睇少佢的業務,因為真的業務巨大,同時增長快,不過,佢仍是有危有機的股票。
業務較新興,但佢現時仍在燒銀紙狀態,我比較怕這類企業。這類企業不是不可投資,而是不能大注。
因為無人知佢燒銀紙燒到幾時,因此市場對其估值都是「估估下」,這一定會帶來股價上的波動。你投資小注可以的,長期持有無問題。
------------------------------------------------
Q15296:
我之前股票 佔太多騰訊,依家沽一半,睇好亞里,但買亞里會否同類比例太多?
龔成老師:
都是同類的股票。
我地理財,就是要進行財富的配置,在各方取平衡,同一類別唔應該佔組合比例太多。
你將部分騰訊(0700)轉為阿里(9988)是可以的。但你最好計算打算合共持有的比例。你最好同時持有其他類別的股票。
------------------------------------------------
Q15297:
龔生,本人是年過五十一事無成的C9。兒子升上中學後本想找工作幫補家計,但近年社會動盪加上今年疫情突襲,至今仍差跎光陰,自覺十分失敗。
龔生你年青有為,想知你對香港的前途有什麼看法,還值得你留低嗎?
龔成老師:
成功無絕對的定義,你令兒子成長,已經是成功的地方,更何況,每個人追求的都不一樣,不是每個人都一定要成功的。
香港的優勢,的確比過往弱左,但當中的獨特性仍在,因此,仍有留低的價值。中短期香港一定會差,但長遠來說,又會慢慢好翻。
如果有時間,就多睇書及上堂增值自己,外在環境我地不能改變,但就可以先改變自己,加油!
------------------------------------------------
Q15298:
老師,金界控股的潛力是否比澳門賭業股大?9蚊入是否便宜區。有冇長線投資價值
龔成老師:
金界控股(3918)有質素的。佢是柬埔寨最大的酒店、博彩及娛樂運營商,旗艦NagaWorld是金邊市唯一的綜合式酒店及賭場娛樂城,持有為期達70年至2065年的賭場牌照,NagaWorld僱員人數超過5500人。
賭業本身是高毛利行業,而金界壟斷了金邊的業務,加上業務平穩,財務穩健,沒有未償還借貸及債務,企業有一定的質素。
但要留意,金界所發展的是較新興的市場,若然比較澳門的賭業股,金界的增長及潛力較大,但當中的風險同樣略高,因為業務難免存有不確定性,這點你要明白,亦因為這原因,若投資此股,在注碼上不能去得太盡。
$9只是合理區中下部。
------------------------------------------------
Q15299:
Hi~龔sir!最近疫情關係,加上股市情況,令我有少少有感而發。之前武漢肺炎消息一出冇耐,就話好大機會預測股市會下跌,但真係好奇怪,股市真係預測唔到。呢段時間我喺度睇個恒生指數,諗住睇下會唔會有機會低價入優質股,點知係不跌反升!
而呢段時間真係有種歷人性嘅貪婪同恐懼的感覺,有好多股票係呢段時間熱炒,多咗人買入,其實我自己都心郁郁,不過真係好在上過你堂!
同埋真係吸收唔同嘅書,加上在家工作的關係, 見到股價升得好快,有時會有感覺好似蝕咗咁, 後來理性小小睇,係短炒嘅風氣,應該要避開。
雖然可能真係會錯過賺差價嘅時候,但我相信價值投資係要避開呢樣嘢,要抵擋到貪婪的欲望。反而股市咁動盪更要留意,估計分分鐘出現警號。
感覺上恆指係咁升,背後可能有大莊家或者中央出手,個背後目的令人好多遐想,我喺呢段時間就重溫嗰陣時上你投資課程既內容
仲有睇不同嘅思考、投資書,坦白講,真係幾難同辛苦,但我相信我一定係會成功,謝謝你一直以來的分享,同埋你嘅股票班,嚟緊嗰期進階班我會再睇下時間啱唔啱,上到我就會上。期待那天分享成功的一刻!
龔成老師:
所以點解我一直強調「唔好預測中短期市況」,因為當你有翻多D經驗,你就好明白,股市根本無得估!
好多投資大師都有講,唔好預測股價走勢,我地只是投資優質股,長線,就是這樣。
另外,學識「平常心」面對股價上落,都是好重要的,成功投資者,一定要理性,無持股股價上左,唔會「覺得蝕左」,持股股價下跌,要平常心面對,再理性分析企業。
你上完初班,知識上已打好基礎,反而要訓練心理質素,相信近期的市況,都是一個很好的學習。
好,希望遲D進階班見!
------------------------------------------------
Q15300:
老師,我今年37歲,打算15年後退休,現在想儲退休的積儲,可以每月儲1-2 萬,想供十年,10-15 年後進入退休生活,屆時每月有2萬收入,請要如何報署和應買什麼月供股票
龔成老師:
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
如果你未有選潛力股的能力,未有掌握投資時機的能力,就可以簡單地投資盈富基金(2800),利用月供模式都得。跟據過往恆指過往的數據,連股息的複息回報有近14%。
現時,我地保守一點,假設回報為10%(你要將股息再投資)。
如果每月供$15000,供15年,10%回報,15年後預期會滾存到$$570萬。到時進行「現金流」部分,即是集中投資收息股,目標6%股息,每月收息約$28000。
----------------------------------------------
多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
遲職 在 HAPPY ANJAY Youtube 的最讚貼文
HELLO 好耐冇見!以一個好長嘅無聊VLOG陪下WFH嘅大家啦!
#疫情 #失業 #在家工作 #在家一天 #疫情下失業 #化妝影片 #遲職了 #grandmascones #化妝品開箱
04:27 未來To-Do List!
05:22 試食Grandma Scones!
07:03 NARS orgasmX 開箱!
12:51 試妝!
14:16 看我edit新拍的相+IG片~
16:00 夜晚Night Routine!
19:13 頭皮微針Update!
優惠碼 Promo Codes:
AMIKA: extra 5% off on all items [ANJAYXAMIKA]
[ WATCH THESE TOOOO! ]
?HOME TOUR 月租$20,000銅鑼灣單位係點樣?香港同居生活~ | ANJAY ?
https://www.youtube.com/watch?v=H_GcA...
?墨西哥VLOG 超震撼神光洞穴+粉紅湖 CANCUN DAY3 CENOTE 【中字】 | ANJAY ?
https://www.youtube.com/watch?v=U6YX0...
?墨西哥VLOG 超級好玩的洞穴體驗 + 瑪雅遺址 + 食鱷魚肉!? CANCUN DAY 2! | ANJAY ?
https://www.youtube.com/watch?v=3oN7c...
?指甲矯形!MY NAILS ARE DEAD 我的指甲死了 媽啊。。。 | ANJAY ?
https://www.youtube.com/watch?v=mu2rG...
?開箱減價ASOS 5天上班穿搭 BACK TO WORK LOOKBOOK 2020 | ANJAY ?
https://www.youtube.com/watch?v=h20Rn...
任何問題歡迎留言/IG DM我噢!;D
下次見!LOVE U ALLLLL
——————————
? Keep in touch ! Find me on :
✏︎ Instagram : @anjayho https://www.instagram.com/anjayho/
✏︎ Facebook: Anjay Ho https://www.facebook.com/anjayho
✏︎ Business contact : anjayho@gmail.com
![post-title](https://i.ytimg.com/vi/wnCoR-w9BsU/hqdefault.jpg?sqp=-oaymwEZCNACELwBSFXyq4qpAwsIARUAAIhCGAFwAQ==&rs=AOn4CLDze-sHJntT6X6UmEt0O0W-KazMjA)
遲職 在 Edmond Poon Youtube 的精選貼文
德福花園裝修撞鬼,笑到心寒即刻遲職!(第2249集重溫)
第2249集 (14 Jun 2017)
大佬呀!德福花園係咪咁猛呀?
恐怖在線 www.edmondpoon.com
逢星期一至五 晚上十一點半到凌晨一點
每日免費收睇直播
視像月費重溫$40
聲音月費重溫$30
相關香港新聞:
#Jun #凌晨一點 #德福花園 #恐怖在線 #潘紹聰 #德福花園裝修
![post-title](https://i.ytimg.com/vi/6qjErURchg0/hqdefault.jpg)
遲職 在 Edmond Poon Youtube 的最佳貼文
荃灣美容院同恐怖靈體一齊美容,疑點重重嚇到遲職!(恐怖在線重溫)
恐怖在線 www.edmondpoon.com
逢星期一至五 晚上十一點半到凌晨一點
每日免費收睇直播
視像月費重溫$40
聲音月費重溫$30
#恐怖在線 #潘紹聰 #荃灣 #美容 #院 #恐怖 #靈體 #美容 #疑點 #嚇 #遲職
![post-title](https://i.ytimg.com/vi/qMK9OOKyJeA/hqdefault.jpg)