【 電視節目預告/珠光寶氣十周年終於重播 】
游大東自私選 ─ 回歸20年必睇港劇20大:http://bit.ly/2njbW1O
過去兩星期淹沒在外出採訪、撰寫專訪的「深淵」之中,「睇電視」這回事幾乎完全停頓(電影倒是看了《Mission Impossible: Fallout》以及《Incredibles 2》,這兩天仍應該會抽時間看《嫲煩家族3走佬阿嫂》),莫講話要另外花時間寫甚麼電視情報,沒錯,是減產了,直至今夜寫起一篇長稿,我又回來了,就講講大台深夜重播的劇集吧。
長達50集、潘嘉德監製的《刑事偵緝檔案IV》剛剛播畢第38集,意味尚餘12集便會播完,難怪較早時間收到讀者私信查詢:「喂,大東,你收到風下套會重播嘅劇集係咩未呀?」順理成章,一個WhatsApp向消息人士打探,得出的結果是:戚其義監製的《珠光寶氣》,由8月20日(周一)23:50開始晚晚重播,長達82集,播完都已經是11月初。劇名已經刊在內部使用的節目表上,當然,都係嗰句:一切以電視台公布為準。
《珠光寶氣》於2008年10月12日首播,是為無綫41周年台慶劇,今年剛好是首播十周年。這套劇有幾個創舉及必需留意的重點:(1)香港電視史上首套以高清拍攝的劇集(第一套以高清廣播的劇集是《同事三分親》,2007年除夕播出);(2)製作費逾一億,以本地製作而言,是近十年罕見的最高投資了,但相信冠名贊助「MaBelle Leo Diamond」應該抵銷了很大部份的製作費;(3)此劇外景何其多!先後去了青島、上海、深圳、東莞、珠海、西藏、澳門、香港、泰國、法國和印尼等地取景,當今屆港姐都只能夠去西貢取景,回望十年前,實在情何以堪;(4)這是黎姿(即馬黎珈而)最後參演的一套劇,她在劇集首播當晚直播的特備節目《東張西望 ─ 珠光寶氣閃爍夜》之中,宣布退出娛樂圈:「今日係我最後一次接受大家訪問,之後我唔會再做訪問,亦唔會出席任何宣傳活動同台慶,我會全面退出。」
事實上,這套劇原本分開三條主綫:康家三姊妹 ── 康雅言(邵美琪飾)、康雅瞳(黎姿飾)和康雅思(蔡少芬飾)的情感轇轕,但拍至中途,黎姿胞弟黎嬰遇上交通意外,為了照顧家人,江湖傳聞黎姿曾停工半年,直接影響拍攝進度,故此原有黎姿的戲份無奈刪減,劇組臨時修改劇本,將蔡少芬、鍾嘉欣那條綫的劇情放大,結果無可避免影響劇情推進(當然,我是非常渴望可以訪問編審之一的鮑偉聰先生求證此事);(5)此劇有同性戀角色程日東(黃德斌飾),是過去20年無綫自製劇集中,最不存在歧視或扭曲或妖魔化的男性戀者角色;(6)此劇陣容極鼎盛,動用逾百名演員,然而看那堆主角,今時今日還留下來的藝人只有寥寥幾個;(7)編劇團隊超多人,4位編審(周旭明、鮑偉聰、梁敏華、黃育德);12位編劇(鮑偉聰、梁敏華、梁志賢、雷秀蓮、譚翠珊、孔亮人、陳立芬、麥世龍、陳嘉儀、袁寶慧、阮美鳳、馬家威)以及6位編導(陸天華、陳耀全、黎栢堅、蔡國泰、關文深、邱南隆),當中陳耀全今天已是無綫劇集監製。(8)《珠光寶氣》長達82集,往後已不再有這種長度的港劇了,一來,沒有編劇可以寫到,《誇世代》50集已寫得力有不逮,何況80集?其次,今時今日大家愛看Mini-Series,82集比《權力遊戲》還要長,沒有超勁劇力,誰會看?(9)這個劇名曾遭詹瑞文取笑,以《萬千師奶賀台慶之豬肝補氣》之名義舉辦舞台劇,2008年12月公演。
《珠光寶氣》主題曲《鑽禧》,由關淑怡主唱:http://bit.ly/2ygkqup
(08082018)
#游大東 #游大東影視筆記 #珠光寶氣 #港劇 #TVB Tvb粉絲團 TVb粉丝俱乐部 鮑偉聰 #戚其義 #周旭明 鍾嘉欣 Linda Chung 陳豪 黃德斌Kenny 黃宗澤 思想。隨筆 快樂的 H-E-J-N-O-M <=> 芒姐再現 講劇大時代 MaBelle 蔡少芬Ada 麥子樂 Bryant Mak Gigi 黎姿
邵美琪j 在 阿檸 Ningbbbbb Facebook 的最佳解答
扭蛋劇場1027 揚帆
J: 古語有云,每個男人心入面都有一個黃翠如,就好似每個洪永城心入面都有一個張保仔。
N: 邊個張保仔呀?
J: 海盜嗰個呀……
J: 張保仔呀。
N: 點解係佢呀?
J: 洪永城做張保仔架嘛!
N: 係咩?唔係喎,我之前睇好似黃浩然先係張保仔喎~
J: 排隊都未到黃浩然啦,係都陳展鵬啦。
J: 你到底有冇睇架……
N: 我掛住睇個水龍捲吖嘛……是但啦總之佢地三個入面,有一個係張保仔啦。
J: 點解咁肯定啫。
N: 咁套劇係叫張保仔吖嘛,梗係似主角先做到張保仔啦~
J: 咁陳凱琳夠係主角咯~
N: 係喎……咁可能陳凱琳先係張保仔。
J: 會唔會係邵美琪先係呀?
N: 邵美琪咁好戲都可能係喎~
J: 咁邊個做張保仔洞呀?
N: 好似冇人做張保仔洞喎……冇budget喎,啲錢拎晒去整水龍捲~
J: 唔怪得你剩係睇水龍捲啦~
N: 人地花咁多錢去整,你梗係睇嗰個啦!
N: 其實成個故事係講咩?
J: 好似係啲土地同住屋問題……有好多隱喻架喎~
N: 講嚟聽下……我以前果啲未睇呀~
J: 佢講穿梭古代同現代嘅~有啲今昔對比咁囉~
N: 啲人係一樣嘅?
J: 啲人係一樣嘅,不過喺古代有屋住,嚟到現代就冇屋住啦。
N: 咁你都知?
J: 我見佢返嚟現代之後全部戲都喺街度拍架。
N: 好似幾好睇~今晚睇先~
J: 大咗結局啦。
N: 吓?咁而家做咩呀?
J: 歐陽震華。
N: 即係套劇叫《歐陽震華》咁呀?
J: 唔知套劇叫咩,不過好似有歐陽震華~
N: 講開呢,你知唔知呢,每個歐陽震華心入面都有一個陀槍師姐架喎~
J: 係咪宣萱~
N: 唔係~關詠荷~
#扭蛋劇場 #散蛋劇場
重溫:http://www.881903.com/Page/ZH-TW/latestaudio.aspx