【一言為定！】
肥媽，我唔知道，我哋仲可以有幾耐時間一齊？
我只知道，我無時無刻都好想喺妳身邊，黐住妳，抱住妳！
上次記者訪問我，問我覺唔覺得為妳犧牲好多？
我回答佢，唔可以講話係犧牲，應該講話係交換…
我願意放棄一切，以換取妳仍然喺我身邊！
仲記得中五&中七畢業禮，我上台獲頒學業成績優異獎、最佳品行獎&傑出服務獎，妳喺台下拍手拍得好開心！
1999年中大畢業典禮，我以社會科學系(主修社會工作)一級榮譽畢業，妳喺邵逸夫堂台下，眼含淚光好欣慰！
一切嘅榮譽，除咗靠我自己努力，更因妳無私付出…
無數個攬住大叠書同筆記、喊到fee li fe lei、完全唔敢亦唔肯瞓嘅深夜，係妳一直默默喺我身邊，為我給力同打氣！
我，辛辛苦苦讀書，希望能考到好成績，成功攞到獎學金、做個好社工幫助有需要嘅人、賺到錢等妳有好嘅生活！我努力做個乖乖女，希望妳唔駛再受委屈、唔駛再俾人蝦……一切，全部係為咗妳！
妳，不論春夏秋冬，永遠做我人肉鬧鐘，隨時候命叫我起身，邊返工邊照顧我！天未光起身為我煮早餐、整三文治同飯壼俾我帶返學、煲湯煲糖水為我打氣、幫我洗衫熨衫……一切，全部係為咗我！
簡單講，妳同我一直為咗對方而生存，為咗對方而努力…
因為「妳快樂，所以我快樂！」
如今…
今早返工，下晝放假，我見天氣咁好，決定帶妳去公園散步…
沿途見到個阿嬸喺路邊曬果皮，我笑住同佢講我準備曬肥媽！
公園好寧靜、花草好茂盛、空氣好清新、陽光好溫暖…
我感謝天父，讓我能夠成為妳個女兒；我懇求天父，希望讓妳能繼續留喺我嘅身邊…
肥媽，我唔知道聽日會發生乜嘢事？
我只知道，我無時無刻都好掛住妳！
我，永遠都咁愛妳！永遠唔會放低妳！
同樣地，我亦希望妳永遠唔會放低我！
我哋一言為定！OK？
邵 逸夫 獎學金 在 香港中文大學逸夫書院Shaw College ... 的推薦與評價
逸夫 書院校友會校友服務獎5. 邵逸夫爵士金牌(頒予一名傑出表現的應屆畢業生) 6. 才藝獎7. 蔡韋愛玉紀念獎學金(香港歷史研究獎學金) 8. 曹陳惠聘女士紀念獎學金(大中華 ... ... <看更多>