[方以文問兩句][魏焌皓]
喺《不懂撒嬌的女人》裡面,差唔多每個角色都喺愛情同埋事業之間徘徊,唯獨是鐵仁對Molly一條心,等足4年。今晚嗰集鐵仁知道佢嘅女神Molly要結婚,佢個衝擊係幾咁大。有觀眾話鐵仁咁做好傻,又有人話佢為咗一棵樹放棄成個森林。不如等飾演鐵仁嘅魏焌皓講兩句啦。記得follow佢嘅facebook page 魏焌皓 Nathan Ngai。
****************
問:有人覺得《不懂撒嬌的女人》裡面嘅鐵仁專一,又有人覺得佢咁等Mall姐係戇居。你點睇佢等足Mall姐4年?你又會唔會等一個鍾意嘅人4年?
答:我就覺得一啲都唔戇居,每個人鍾意嘅嘢同需要嘅嘢都唔同,而且現實當中都好多姊弟戀嘅成功例子。如果我認為呢個人係值得我去等嘅話,我都一樣會等,但喺現實生活中,又邊有咁容易遇到一個對的人~
****************
問:點樣去準備鐵仁呢個角色呢?
答:雷鐵仁呢個角色其實同觀眾睇到嘅一樣,簡單鮮明,非黑即白。演嘅時候要話畀自己知唔可以放棄,就算明知故事結局鐵仁追唔到Mall姐,但係每一場戲都要同自己講最後一定追到佢!(按:好壯烈﹗)
****************
問:鐵仁點解會金毛中分?呢個髮型係咪你自己設計呀,如果係點解咁設計呢?你覺得鐵仁襯唔襯呢個髮型?有人話你呢個造型似江華,好可能係似金蛇郎君。
答: 其實髮型嘅野,最緊要啱返個角色,我嘅職責係盡力將戲演好,梳頭化妝當然係交返畀劇組處理,其實我覺得都幾襯啊😆(按:一邀請魏焌皓講兩句,佢就問我係咪講個髮型,睇嚟佢都收到好多意見,哈哈~)
****************
問:之前拍《使徒行者2》隻手骨折,發生咩事呀?依家情況如何?
答:拍戲嗰陣跌親囉~意外嘅嘢冇人想嘅,依家拆咗石膏,做緊物理治療。
****************
問:好多觀眾認識你都係由《On Call 36小時》(2012年)嘅張一康開始,之後同觀眾密集式見面就係《愛‧回家》(2015年)嘅Henry,跟住就係《不懂撒嬌的女人》(2017年)嘅雷鐵仁。你對呢三個角色有咩感想?隔兩三年先有一個角色爆出,對於演藝路途嘅發展同成長,你心唔心急?
答: 張一康無疑係我最難忘最喜歡嘅一個角色,因為其實人物性格同我本人都好相似,當時劇本都加咗好多我本人嘅元素落去,而我都好畀心機去演。當時開劇前2個月,我問劇組借咗輪椅返屋企練,成日坐住個輪椅周街去,想體驗殘疾人士嘅日常生活,而街上面亦都真係會有好心人幫手上上落落過馬路。 而《愛‧回家》嘅Henry,就帶畀我好多磨練,無論演技上或者心境上面,我都感覺到有所成長。 鐵仁呢個角色我都有好大嘅期望,依家有咁多觀眾留意同埋支持鐵仁我都好感謝、好感恩,希望大家會鍾意鐵仁啦。
對於演藝路上,話唔心急就呃人嘅,08年踏入TVB,一直堅持到依家,都唔係一段短時間,經歷嘅嘢都唔少,慢慢學會自我調整,學會當發生事情嘅時候用另一個角度去睇一件事,時也命也,學會用感恩嘅心看待自己嘅人生。 哈哈,好似越講越遠~
****************
問: 除咗以上呢三個角色,你有冇一啲自己演過好鍾意嘅角色呢?點解咁鍾意?
答:除咗以上三個角色,我都真係仲有好多好鍾意嘅角色,包括《結‧分@謊情式》入面嘅Perry,同埋《神鎗狙擊》入面嘅狙擊手林伯榮,可以同張兆輝輝哥一齊拍戲,學到好多野。仲有《戀愛季節》入面嘅嗰個薑啤,同糖妹有一段似有還無嘅感情線。《飛虎2》入面嘅古惑仔船長,暗戀鍾嘉欣。《醋娘子》入面嘅捕快英明,同卓羲杏兒一齊開工好開心,亦都學到好多嘢啦。同埋《性在有情》嘅層敏俊,一人分飾兩角。
啊……重有微電影《愛神搭錯線》入面嘅泰國愛神,人生第一次出國,劇本非常有趣,非常吸引,好可惜放映時間太短只有大約40分鐘。(按:《愛神搭錯線》係2013年喺J2播嘅微電影,有梁烈唯、苟芸慧、楊秀惠等演員。)
****************
問:你咁強橫嘅腹肌,要花幾多時間去keep呀?依家好似套套劇都要你剝衫喎。
答:健身呢樣嘢,其實真係要付出好多時間同努力,不過對我嚟講最重要係訓練到我嘅意志力同埋耐性。
****************
問:之後會喺咩作品見到你?最近又忙啲咩呢?
答:嚟緊上映嘅《使徒行者2》將會有我嘅演出,係我入行以黎最有挑戰性嘅一個角色,好希望可以得到大家認同。目前我仲係工傷狀態仍未復工。
****************
問:最想挑戰啲咩角色?
答:入行咁耐以嚟,都係做好人居多,其實我好想試下做大反派。
****************
按:原來一康呢個角色準備咗兩個月﹗畀心機做,觀眾會睇到。希望魏焌皓佢愈做愈好愈多機會。最緊要係快啲好返,入返劇組﹗
#方以文問兩句 #魏焌皓 #無綫 #TVB #不懂撒嬌的女人 #OnCall36小時 #愛回家 #結分謊情式 #神鎗狙擊 #戀愛季節 #飛虎2 #醋娘子 #愛神搭錯線 #性在有情 #使徒行者2
郎君不如意演員 在 Kai Chi Leung 梁啟智 Facebook 的最佳貼文
//《不懂撒嬌的女人》很多方面都有所進步,例如分鏡、對白;然而它與傳統劇集的表面差異,始終掩飾不了其守舊性別意識。假如觀眾全盤接收,就無異於擁抱連串性別定型,或如女性主義概念doing gender——女人應該溫柔嬌嗲,小鳥依人;與其做個女強人,不如做個男人背後的幸福小女人,相夫教子,三從四德。天呀,這是什麼年代了?//
不懂乜乜的女人
文/阿果
刊於明報星期日生活 20170514
我身邊不少女性朋友,長期非常忙碌。除了日復日的保濕化妝、揀衫換衫、返工放工、洗衫煮飯、卸妝護膚、相夫教子(假如已婚)、擔心(或被關心)無得相夫教子(未婚者適用),近期時間表還額外增添兩項行程:睇電視、看電影——只因這陣子有三齣本地影視作品,都打正旗號,要說出香港女性心聲。
第一齣女人戲由TVB 炮製,名叫《不懂撒嬌的女人》,故事講述一對「不懂撒嬌」的香港堂姊妹,辦公室內能幹強悍,情場上卻面對中台強敵夾擊。劇集簡介寫明,這是關於「如何扭轉單身終老命運的愛情故事」。聽起來異常老套的情節,每晚卻吸引百多萬觀眾收看,甚至引起網上熱話。不少人說,此劇有別一般膠劇,畫面清新,對白精警,角色設定刺中港女心事。如劇中唐詩詠飾演的Cherry,受過情傷,堅持以結婚為人生最大意義,偏偏遇上一個恐懼結婚的男人,不少女觀眾大力點頭,「講緊我呀」。
另一個教港女點頭的故事,是《春嬌救志明》。張志明和余春嬌之間的感情,七年前萌芽於後巷煙霧,兩年後續集備受北方情敵挑戰,仍和好如初。近月上映的第三集,再無外敵,但「港女代言人」余春嬌眼見身邊大男孩長不大,心情敏感,茶飯不思,情海(無端端)又翻波。女觀眾一邊為角色無理取鬧、故事永遠循環而厭煩,一邊卻暗暗認同自己有時一樣脆弱而敏感。
還有同樣正在戲院上映的《29+1》。電影由彭秀慧自編自導自演的舞台劇改編,講述兩個29歲女生林若君和黃天樂,即將步入三字頭的複雜情感。星期五晚我獨自入場,觀眾中有女、男女、女女、女女女等組合,額頭刻着一個「男」字的我,頓覺異相。電影放到中途,身邊突然有道強光——原來旁邊的男觀眾悶得發慌,按捺不住要碌手機打發時間。同一時間,坐他身邊的女友,卻在拭淚。顯然,《29+1》是名副其實的女人戲。
作為男人,我知道我和那個玩手機的男觀眾一樣,永遠跟女人心事有道屏障。但這兩星期,努力拉住港女衫尾,為Cherry、余春嬌、林若君的故事肉緊以後,我起碼重新摸到香港女生的三點心情。
一、港女之累。
《29+1》一開首用快鏡描述主角林若君每早由起牀到出門的連串步驟——保濕化妝揀衫換衫煮早餐穿高跟鞋,足足兩小時才能踏出家門。我眼界大開。而這只是一天之始而已。許多香港女人在辦公室忙完整天,回家還要煮飯洗衫教仔照顧父母,別說撒嬌,連呼吸也幾乎遺忘。不用女性主義者提醒,我都知道這樣的人生很累。
二、港女之慮。
有別於男角們個個性格瀟灑、從容不迫,三個故事裏的港女們,長期緊皺眉頭,或憂慮一世單身,或憂慮伴侶不愛自己。例子有《不懂》的Cherry一臉認真向Mall姐說:「香港30歲以上女人,每三個就有一個嫁不出,你我不可做那一個。」又例如人到中年的余春嬌,眼見張志明拖沓多時仍不願跟自己結婚,便懷疑對方不愛自己(因為太愛他自己)。年紀大、無婚結,是港女心裏最大憂慮。
三、港女之懼。
恐懼,因為自己(在男人眼中)不夠好。《不懂》劇組眼中,「香港女生」缺點多多:身材平平,無前無後,吸引不到男人;個性獨立倔強,不夠溫柔,不懂撒嬌,無法取悅伴侶。這些天生缺點,放諸中國、台灣佳麗面前表露無遺,更在「三成香港男人娶內地妻」等事實之下,化成摸得到的恐懼——再不發奮圖強,我(港女)就會地位不保,身邊的男人會被更嬌媚溫婉、更玲瓏浮凸的女人一手搶走。
對於許多人來說,以上其實是老生常談,也是性別常識——誰不知道香港女人又累又慮又懼?問題在於:知道了,然後怎麼辦?
《不懂撒嬌的女人》交出的答案出人意表。劇中兩位女角個性強悍,但情路不順,於是劇情安排Cherry向台妹學習撒嬌,換來愛情;Mall姐也放下黑面,努力做個通情達理的「好女人」。換句話說,讓自己變得更加女性化,原來就是「扭轉單身終老命運」的不二法門。這是劇集主旨。
類似信息,更直白地見於myTV 網站上一段長達三分鐘的節目宣傳片「三地女生之不同」(按:傳送門請見文末留言)。當被問到「撒嬌是否女人最強武器」,劇中各演員不論男女,都大表認同:「遇到女生向自己撒嬌,我會頂唔住」(袁文傑);「男人當然喜歡女友溫柔一點,嗲吓佢」(高海寧);「沒有男人喜歡工作回家後還被呼呼喝喝。Soft一點、撒下嬌會好些。」(林文龍)
明白了嗎?劇集先將「30歲以上女人有三分之一嫁不出」設定成一個問題(甚至是奇恥大辱);然後一口斷定,香港女人遇上問題,因為她們本身就是問題(不懂撒嬌)。你或會問,現實中好多人這樣想呀。對,但這不代表劇集可以毫無批判地接受,以至傳播。《不懂撒嬌的女人》很多方面都有所進步,例如分鏡、對白;然而它與傳統劇集的表面差異,始終掩飾不了其守舊性別意識。假如觀眾全盤接收,就無異於擁抱連串性別定型,或如女性主義概念doing gender——女人應該溫柔嬌嗲,小鳥依人;與其做個女強人,不如做個男人背後的幸福小女人,相夫教子,三從四德。天呀,這是什麼年代了?
女人的煩惱不止愛情
除了販賣陳舊意識,流行文化也往往將女人看得過於簡單,女角的心思意念,一定完全繫於愛情之上。一班女人聚頭,談的永遠是愛情小事,不可以是國家大事。女角的happy ending,不可以是夢想成真、工作成就,反之一定是覓得如意郎君,婚姻圓滿。否則,就像陪伴觀眾七載的余春嬌一樣,永遠為張志明疑神疑鬼,惶惶不可終日。這是女人的宿命嗎?就算是,某程度上也多虧媒體翻弄定型,落力促成。
香港女人有許多男人不能明白的煩惱,例如怕30歲未婚,怕深夜歸家,怕升職太快。對此,香港社會很多時的反應,不是揪出真兇,而是怪罪女人——嫁不出,因為你不懂撒嬌;被侵犯,因為你不懂預防;不升職,因為你不懂平衡家庭與工作……香港女人的頭頂,永遠有很多外間加諸的「不懂乜乜」標籤,諷刺的是,偏偏從來無人帶動女生一同un/re-doing gender,以至doing yourself。
所以我更喜歡彭秀慧的《29+1》。林若君的故事告訴我,香港女人的煩惱從來不止愛情。走入三字頭,女人要面對的殘酷現實,除了嫁不出去等老生常談,還有父母年邁、友人疏離、工作太忙,以至遺忘自身。要活得快樂,重點不是一窩蜂地學習撒嬌,尋找歸宿,等候志明,而是反問自己:我怎樣才能快樂?
簡單來說,與其做(大眾心目中的)「女人」,不如先學懂做返個人。