《當你無咗聽新歌嘅耐性，你老啦...》
好多人話而家啲歌唔好聽，以前啲歌好聽啲，我都有啲認同。但你發唔發覺，每個年代，都有佢哋鐘意聽嘅歌，例如你呀女麻會好鐘意帝女花分飛燕，你呀媽會好鐘意sam hui 同葉麗儀，然後我會好鐘意sammi千Fa祖兒Twins，而每一個年代，都會覺得人哋個年代唔好聽，自己個年代最好聽。
我覺得其實每個人都有一段比較得閒，比較開心嘅階段，中學個段時間，我成日聽歌聽電台，我俾咗好多耐性去聽呢段時間嘅歌，而呢段時間發生咗好多開心嘅回憶，於是覺得首首歌都好啱feel。
過咗呢段時間，你就用一世來懷緬返你最開心嘅回憶同呢啲音樂。開心時刻隨著成長變得愈來愈少，甚至而家嘅開心好多時係沿自懷念以前嘅開心時刻，於是你就不停recall 返以前嘅開心回憶，同connect 呢啲開心回憶嘅background music。你再無時間，再無耐性同capacity 去聽新歌，build up 新嘅開心回憶。呢個moment ，就係人變老嘅magic moment。
今晚有個朋友send 咗段 sp'ACE 唱sammi 嘅classic 片俾我聽，因為我上星期講過好想睇sammi concert ，而我買唔到飛。我初頭見到呢隊band，我見到space，我心諗係唔係hku space 啲 friend，我一click ，再google，呢隊係一隊本地band，已經玩咗好多年，上年入咗主流唱片公司，出咗派台歌。可能好多人識佢哋只係我out，但如果唔係佢哋唱sammi，我唔會留意到，佢哋條sammi 片九月一號post 上fb，人傳人傳咗半個月，去到月餅節，終於傳到我耳邊，我今晚聽到係覺得，好有新鮮感。
佢哋唱得幾好，我必須好慚愧地講，我無咗聽新歌嘅耐性，但你哋唱舊歌，誘使我聽你哋首Never Say It Again，再誘使我睇咗幾個你哋嘅文字訪問。起咗你哋一輪底，我覺得，不如唔好100%時間沈醉喺懷緬舊歌同回憶上，不如花幾個%嘅耐性，容納吓新歌同新面孔。
我又諗起，就到Q4，大公司個啲 corp com 都搵緊annual dinner 嘉賓，如其拎幾萬搵TBB三四線姐仔，新年唱財神到，xmas唱蒸糕包，不如諗吓本地band，你無聽新歌嘅耐性，叫佢哋舊歌新唱，都係另類玩法，另類興奮呀。
開學喇🙇🏼！ 80後中學回憶返晒嚟...👫👫👫
以下二十首Sammi鄭秀文嘅經典情歌，你喺K房唱過邊幾首呢？🎤🎤🎸🎸🎼🎼🎼
#我們的主題曲
#理想對象
#值得
#愛的輓歌
#親密關係
#薩拉熱窩的羅密歐與茱麗葉
#為何又是這樣錯
#終生美麗
#如果我們不再見
#最後一次
#不拖不欠
#默契
#上帝早已預備
#不要驚動愛情
#捨不得你
#如何掉眼淚
#放不低
#插曲
#唯獨你是不可給取替
#哭泣遊戲
我哋將呢二十首歌嘅Medley版本《勁多秀文金曲》一口氣唱晒，發覺Sammi嘅歌我哋幾乎首首都識唱！！降兩度版本唔知有冇張敬軒出現？
特別鳴謝Support Bassist Keath Kong
Youtube: https://youtu.be/zts4CbJU7I4
#買唔到鄭秀文演唱會飛 ＃降兩度 ＃好想聽軒仔唱一次 ＃更想sammi唱呢首歌一次 ＃好想睇sammi演唱會 ＃首歌編咗好耐 ＃有冇人可以一口氣唱晒二十首 #勁多秀文金曲
