#日常生活小品系列
話說，呢排真係唔知做乜鬼，暝暝中好多野都係有條路，最近分別在唔同場合，認識左好多護理系嘅朋友。
首先唔好提本身已經識左兩年嘅老人院看護朋友（抱歉，對上一次佢出場嘅時間係大半年前，我講緊做老人院看護做到可以買到兩間屋），最近又識左一個專打醫療官司的律師，同埋兩個醫生，再加一個心理醫生。唔好問我點解會識到咁多護理系嘅男人，佢地自己送上門，唔關我事架...
Anyway，言歸正傳，我想講英國嘅醫生真係唔多好做，呢三個男人都叫做主管級啦，但工時還是非一般的長，而人工嘛... 除稅後絕對沒有比我這種朝九半晚五再加兩個鐘飯break的冗員好了多少...
更糟糕的是，他們超枯燥的。
話說，其中一個醫生朋友，最近多拍拖多年的男友分手了，還要是很不愉快的那種分手。基本上，他完全是世界末日的樣子— 上班時對著病人，是聽他們訴苦說身體不適，工作期間病人肯唉聲嘆氣倒好，最怕是沒聲沒氣，咁就走左去。工作以外，回到家後就已經九點十點，食完個晚飯，對著家裡四面牆，才能放鬆下來崩潰。
幸好的是，我們是街頭街尾的鄰居，我走三分鐘就能到他的家。一星期總有一兩天，他崩潰了，我就去他家借膊頭。有一點我真的需要讚一下我自己，我肥還肥，但都算肥得實淨，膊頭超好枕的；加上我好細粒（即係矮啦），所以基本上正常鬼佬的身高，一攬落黎就係我個膊頭位。天生我才必有用，原來我天生就是附帶被人抱抱的屬性（誤！）
咳... 離題了。我想講呢，唔好諗住專業人士真係乜都特別叻，佢地都只不過係有血有肉的平凡人。甚至，在某啲方面係差得嚇人，例如我呢位朋友咁，係完全處理唔到感情問題。我有時在想，是不是因爲工作的原因，把他們關了在象牙塔裡太久了，還是真的太專注於專業之上，所以完全沒有經驗去處理其他問題。
我不是什麼治療師，也不是什麼心理醫生，我治療不到他的傷痛，但是我也有另一件很擅長的事情：溝通— 通唔通無所謂，最緊要係溝。我也許不能讓你走出痛楚，但是我可以用很多的笑聲和沒什麼營養的廢話，讓你忘記時間。由你打開門，到我喝完那杯伯爵茶的一小時，你都不會記得時間、也不會想起其他東西，到你累了送客了，我猜你也過了一段愉快的時光。
我很閒嗎？其實也不是那樣閒，但是該救的人，還是要救的，何況這傢伙還是挺帥的。
#超講到尾咪又係因為人地靚仔
#喂我幫佢快啲重新投入market
#我都係幫各位姊妹之嘛
#抽返少少行政費很合理是吧
#辣手回春
#癡線我唔會食佢囉
#乘人之危是不對的
#鄰居就唔好食啦
#今日唔見聽日見
#陣間人地以為我係啲咁隨便嘅人點算
#三貞九烈play
#留名等攞精接牌坊
#上個tag係咪打錯左字
#代你煽動快樂軀殼
#代你憤怒掙脫束縛
#亦能代你發夢不要思索
#你要愛幾多有幾多
#代你發夢
#本故事內容純屬虛構
鄰居就唔好食啦 在 鄰居LH Kitchen - Facebook 的推薦與評價
鄰居 LH Kitchen, Hong Kong. ... 上星期一直食唔到嘅食客仔，今日可以柯打啦！ ... 長摭，唔係就好似店主貪方便用縮骨摭中，一嚟大風吹～跟住反摭做咗落湯雞。 好啦！ ... <看更多>