之前吹到係威係勢嘅香港再出殯大聯盟，一早都知佢哋得個吹字，但真係無諗到會吹到咁搞笑。網站上顯示所謂「最新消息」，已經係2020年6月15日，你以為6月中有乜大事情啦，原來係：
「［2020-6-15］大聯盟副秘書長施榮懷與大聯盟共同發起人施榮恒、施榮忻一起午飯」
然後整兩張一樣嘅相，顯示一個三人飯局。
好啦，再睇下一條：「[2020-06-11]大聯盟共同發起人何世柱、李國章、劉遵義和劉麥嘉軒與朋友聚會，促銷費撐經濟」
再加兩張（一樣嘅）相片。
好喇，再下一條：「［2020-6-5］大聯盟副秘書長施榮懷與人大代表黃友嘉、廠商會會長吳宏斌、立法會議員吳永嘉、廠商會第一副會長史立德、第二副會長徐晉暉、陳國民副會長、楊志雄常務會董晚飯聚會」
又係八人食飯相。
呢個網站，變咗好似Facebook打卡咁款。
至於香港藍絲最關注嘅優惠，又係得啖笑。例如有間「泰安佛具神樓批發中心」，話2020年8月30日前九折，然後大大張相叫人買「天然酥油燈」。
其他優惠全部都九唔搭八，唔知同「再出殯」有乜關係。
回想幾個月前，香港建制出盡最精英嘅人物，企圖整個聯盟，結果不倫不類，可以想像背後出過錢出過力嘅組織或機構，對本土建制會有幾咁失望。
中央對你地班建制咁高期望，但你哋就只係請埋班後宮佳麗三千番嚟。出咁多資源，變成城中垃圾集合所一樣，有負國家，有負中央，有負民族使命，有負國家領導，有負中國人民。
唔怪得要培養海歸普通話新建制，整嚟止止驚！
（建制而家開始心諗：哎，好似玩大咗，大 lemon coke！）
酥油燈批發 在 菩月酥油燈- 首頁 - Facebook 的推薦與評價
因此菩月推出了二款藍色【藥師燈】，願諸位大德在供燈的修行上，都能更加圓滿！ ○【藥師燈】 自在園4小時藍色純酥油燈每盒批發價：190元每盒數量：56盞可燃時數：4 ... ... <看更多>