垃圾會通過垃圾收費，可謂再創新猶，我哋想像下個情況會係點。
唔知啲指定垃圾袋有幾厚，又唔知大家多唔多負責掉垃圾。我個人鍾意喺返屋企嗰下掉埋，用盡口罩最後一個功能，皆因屋苑附贈啲白色垃圾袋，好多時都敵唔過貓罐罐、可樂邊、洗手液，有時候放多一兩件垃圾，就會啱啱好包唔埋，或者去到垃圾房，封口已彈開。
垃圾房個大桶，永遠都半滿，明知每次姐姐換完，都有破處嘅機會，偏偏永遠無機會，更大可能係直接放上面，同放出嚟嘅鞋盒、順豐袋淘寶包裝作伴。行咗新徵費之後，咁會多幾多件包唔埋嘅垃圾呢？
自己家居垃圾嗰種宿味，將你幾日內暢快嘅餘韻溝埋再發酵，你次倒垃圾都好似聞醉酒佬嘔肚物咁。
將來要收錢，忽然垃圾都香，邊個唔會用到賮，包唔埋咪包唔埋，大家都臭無咩好歧視嘅。隨時仲要捧住搭𨋢去指定垃圾桶，咁到時全屋苑陣陣飄香，講咗咁多年，真正我們都是清潔工。好事嚟。
唔知大家有無留意高速公路嘅邊緣，特別係臨上公路嘅彎位，大大小小嘅汽水罐，唔同式樣嘅口罩，食到一半好勤食嘅三文治，望下條公路就知香港人都有好唔文明嘅一面。
尤其是半夜，前前後後都見過有人順手就將垃圾飛出街，忍唔住都會想掉下。到要收錢時，相信更多人會體會呢種快感。
不過，公德嘅真正考驗並唔喺公路，而喺私人屋苑度。私人屋苑高空擲物，從來都捉唔到。報警，警察一如既往話「哦，呢啲我哋唔做，管唔到」，報食環呢，都會嚟睇下，約埋三五知己頭愕愕，望住成座幾十層樓，慘過守株待兔，皆因就算當住食環面掉煙頭，十樓以上，都幾難捉到。你諗下就算幾十隻動物掉落街都告唔入，大家點會唔日日掉，至少細件順手咪飛出街，將來豪景花園呢啲私人屋苑，難免有啲帶汁避孕套飛出窗外，天降甘霖，中出香港。
垃圾徵費唔係唔啱，不過極速通過收錢，香港人就一定唔岔氣，十八個月後香港變垃圾城市，感謝垃圾會鼓勵進一步攬炒香港。
醉酒佬 在 醉酒佬廚房 的推薦與評價
醉酒佬 廚房. 2706 likes · 2 talking about this. 廚藝交流分享. ... <看更多>