#小編去開房 之 千禧新世界香港酒店$1,300起包三餐「享. 饗住宿禮遇」
包三餐唔少酒店做，但包日式 🇯🇵 餐嘅唔多，小編太掛住京都嵯峨野，所以專登去試下包「嵯峨野」晚餐嘅前日航酒店。
🎊預訂網址🎊 https://flyagain.la/io3z
📍預訂日期📍 即日起至10月31日
📍入住日期📍 即日起至10月31日
重點一覽：
😍下午茶+早餐已包
😍平玩揀午餐（$1,300起），貴玩揀晚餐($1,500起）
😍海景房只加$200
📝 餐飲選擇豐富，同價其實可選中/日/西/自助餐，但自助餐好爆、閒日易搵好多。
詳細分享：
🛏 房間
小編自己出錢，所以慳家book最平嘅高級客房嘅晚餐plan，閒日入住幸運被升等 🆙 去豪華城景客房。呢個房型最少都有350呎，空間感充足。房間設計大量使用深色木材傢俬 🪑，加上採光度高、感覺穩重又唔老土。大愛千禧新世界呢個浴室，分開淋浴間🚿 同浴缸 🛀，配埋Elemis用品，實用上嘅奢華。
🍽 餐飲
🫖房內下午茶
Check In時前台職員confirm有個tea set, 落埋想要嘅飲品 ☕️，再安排同事3-6pm送餐。因為專登唔食晏留肚嚟，所以叫前台可以盡快送餐。一入房無耐個下午茶就送到，食物以醒神橙色🟧手抽硬卡架裝，符合大衆對「食tea要三層架」嘅期望。本身好肚餓所以好似樣樣都幾好食，竹炭三文魚🐟卷好重油香、鮑魚雞肉撻彈牙、Scone鬆脆，甜品方面最鍾意黑森林卷🍰同紅莓合桃撻，其他item都幾穩陣，唔會特別挑戰你味蕾（which is good!)
🍱嵯峨野晚餐
可以話係今次戲肉，小編掛住日本嘅程度，Donki已經滿足唔到我，我要周圍有日本人一齊食飯！入到餐廳真係見到兩枱日本客人，有feel! 被安排坐窗邊望到少少海，好開心！食完簡單三款前菜🥗後，再上三款剌身🍣，鯛魚清爽，夏天（唔覺就嚟中秋）食正好，吞拿魚同甜蝦🦐都好新鮮，貨源不錯！煮物日式煮黑毛豬肉片肉質好有彈性，肉片連小小肥肉好滑溜，鹽燒雞肉🍗皮下脂肪少，燒到塊皮脆卜卜，配兩款鹽都好match，火炙帶子酸食幫手清一清味蕾，先再食🍤大蝦天婦羅飯，可能連埋其他枱一齊煮，上枱時只係微暖，不過都仲好脆嘅。甜品本身係時令水果，職員貼心話可以轉雪糕🍨，黑芝麻味比綠茶味好好多，綠茶無咩味😂
🍳自助早餐
明明唔係太肚餓，但食早餐嘅staycation先喺staycation㗎嘛！自助早餐於1樓Café East享用，早餐選擇都幾多🤔，有日式、中式、西式，連港式雞尾包都有！小編覺得豆漿+油炸鬼冇得輸😍其他點心質素都ok，唔會甩頭甩骨！☺️ 而果汁🧃選擇都好驚喜，除基本蘋果橙，仲有驚喜菠蘿汁🍍及番茄汁🍅，乳酪同益力多都有，小朋友啱哂～真係唔怕冇嘢食呀！
📄總結
$1,300起有tea set+午餐+早餐真係好抵玩，upgrade海房/晚餐都係加$200，房間同餐飲表現平穩，值得一試呀！不過呢口價係閒日為主，周末會貴少少，年尾清假玩閒日就可以慳錢慳到盡啦！
重點一覽 在 自由時報- 早安，今天的報紙重點一覽來囉～ ==== 下載App ... 的推薦與評價
早安，今天的報紙重點一覽來囉～ ==== 下載App 掌握新消息==== iOS https://goo.gl/Gc70RZ Android https://goo.gl/VJf3lv. ... <看更多>