浪漫月巴睇2000(146)
【駱振偉的一人之境】
4月18日那一晚,除了林家謙,駱振偉也在持續感受那一人之境。
1.那一晚,《Chill Club推介榜年度推介》。
2.不排除你沒有看(甚至根本不知道有這一個節目),不排除你同一時段正在收看某人扮城城,看一個不是歌手的人扮一個歌手——我自然不會知道那一刻你感受如何,可能有笑,也可能冇笑,無論有冇笑,都與我無關。
3.有些主持要去扮另一個人,而駱振偉可以做回駱振偉。那一晚,他的角色是《Chill Club推介榜年度推介》主持,由開波到完騷,就只有他一個人負責做主持。
4.不只得我,當晚不少有看的朋友都在社交媒體分享,駱振偉做得有點吃力,他好想辣㷫個場,但就是有點吃力,然後,自然會有人提出:如果改由強尼去做便沒有這問題。沒辦法,強尼太強,以致強尼面前人人平等——平等地輸給強尼。不妨回看之前那個ViuTV五周年Show,強尼那種壓場感,不是其他主持所能擁有的。
5.而有理由相信,強尼之強,是有份製作當晚頒獎禮的都知道(高層們也會知道),但並沒有(基於現實考慮)安排強尼去擔任主持,又或者,讓他跟駱振偉一起在台上,反而是,交由駱振偉一個人,由頭做到尾。
6.因為《Chill Club》一直由駱振偉主持。
7.實不相瞞,我是因為《Chill Club》才知道駱振偉會唱歌——當然,如果在大台的邏輯下,任何藝人都會唱歌,就算唱得欠佳甚至難聽都冇所謂,大可以作為綜藝節目一個環節,加以利用以便醜化某某歌手,令人笑固然有賺,即使嬲,也是Noise(而且只會鬧負責扮的嗰條友)。但駱振偉那種會唱歌,是真的唱得專業,而每一次節目,他都得到機會,去唱別人的歌,我最深刻的一次,是聽他演繹《終生學習》,這明明是一首100%情歌,但聽著他唱「從來未放棄嘗試,最大志願,也不管這過程多麼辛酸」時,感覺是赫然變成一首勵志歌,他給自己唱的勵志歌。
8.十四年前他已經參加新秀,仲贏埋。那一年,他23歲。當日的精彩演出,可在YouTube輕易搵到,底下的兩個評論亦可輕易睇到,其中較長的一個,咁講:「唱到咁X差又甩beat都可以冠軍,果件矮仔唱得咁好,因為樣衰就輸左真係慘」(當中那個「X」是我改的,原句中是寫另一個字),是的,那天演出,駱振偉的確有一句入遲了,甩了一整句,但不影響結果,並由王祖藍(他是主持之一)宣布他獲得金咪大獎。他能夠撼贏網民口中那「矮仔」,是否就是單純因為靚仔?我不知道,「矮仔」不會知道,駱振偉也不一定知道,但全世界都知道的是,正式成為歌手後的他,連一首屬於自己的歌也沒有,便離開,輾轉簽過不同公司,最後加入ViuTV,做主持,拍劇,我較深刻的是《理想國》第二集,他是一個冇拖拍、愛上虛擬幻象的Uber司機,被他愛上的幻象真身,是吳海昕(我認我是因為吳海昕才去看這一集)。
9.或許人活著就是等待。等到疫情肆虐的2020年,終於不再唱別人的歌,終於等到一首屬於自己的歌,《成熟.不了》。梁栢堅填的詞,說出一個三十多歲成年男人的矛盾心情。成熟,是否必然等同識撈?就算識撈,又至否一定要做到連自己都喪失的地步?
10.又其實,等待並不等同乜都唔做,這種,只是白等,有努力去做的等待,名叫堅持。堅持的難與艱辛,只有堅持的本人明白,就像4月18日那一晚駱振偉著的那件樽領冷衫,我望見都覺拮肉,但有幾拮肉?只有他知道——也有可能,旁人覺得拮肉,但他樂在其中。無論點,最緊要是,我哋下集 / 下年再見。
(原文刊於am730)
#浪漫月巴睇2000
同時也有1部Youtube影片,追蹤數超過10萬的網紅MPWeekly明周,也在其Youtube影片中提到,駱振偉○七年參加《英皇新秀歌唱大賽》贏得「金咪大獎」入行,更與英皇娛樂簽約成為歌手,但一直與唱歌無緣,直至最近他終於擁有首支處男單曲《成熟.不了》,更參與填詞,「其實整件事感覺真的很夢幻,當初歌唱比賽出身,但一直都無機會唱歌,所以自己都已經放下唱歌這件事差不多十年,即使後來加入Now TV做主持後,...
「金咪大獎」的推薦目錄:
- 關於金咪大獎 在 月巴氏 / Work Super Guy Facebook 的最佳貼文
- 關於金咪大獎 在 方以文 睇電視喇喂 Facebook 的最佳解答
- 關於金咪大獎 在 方以文 睇電視喇喂 Facebook 的最佳解答
- 關於金咪大獎 在 MPWeekly明周 Youtube 的精選貼文
- 關於金咪大獎 在 2008金咪大獎得主Rex陳曙輝@你不在2008英皇新秀準決賽 ... 的評價
- 關於金咪大獎 在 英皇娛樂EEG - 今晚就係#英皇新秀歌唱大賽決賽啦!究竟10位 ... 的評價
- 關於金咪大獎 在 金莎Mimi on Instagram: “不論你是不是我的朋友7/20公益活動 ... 的評價
金咪大獎 在 方以文 睇電視喇喂 Facebook 的最佳解答
[方以文問兩句][ViuTV][詭探][駱振偉]
《詭探》今個星期就大結局,大家都想知神婆入去邪教做卧底成唔成功,梳打又會唔會入埋去幫拖呢?今次多謝 駱振偉 Thor Lok 趕住飛去第二度拍嘢都答完我問題先上機出發。
---------------------
問:梳打最後階段成唔成功學法?結局嗰個星期有冇發揮呀?
答:梳打其實都係偷師比較多,所以其實佢學到與學唔到都唔算太大分別。跟住個大佬咁耐,點都學到啲嘢,你話同阿全哥個level 當然無得比較啦。其實去到結局會多少少戲,發唔發揮到就留俾你哋去睇啦!你睇Trailer我都有啲崩潰嘅場口,拍到隻手瘀咗一大個印都唔知,都幾好玩!
---------------------
問:梳打同你有咩最相似?有咩最唔似?
答:梳打同我似嘅地方都好多,所以要多謝製作團隊寫咗個咁啱我演繹嘅人物畀我。最似我諗係我同梳打都係嘴串串得把口嘅人,做嘢俾人感覺永遠都唔認真,似一個大唔透嘅小朋友。
最唔似就係,我同神婆嘅愛情故事上,我本身個人就無咁輕挑嘅,私底下都係比較靜嘅人,所以追女仔嘅時候其實會細心啲同溫柔啲。去到故事最後都多啲我脾氣暴躁嘅情節,依方面同我真人都好唔一樣,因為我都幾冷靜嘅人嚟嘅(私底下)。
按:有冇睇過Thor同女朋友接受訪問呀?女朋友話佢溫柔又體貼。至於佢話佢私底下比較靜,呀,同外表好大反差喎。訪問呢度 >>> http://hk.apple.nextmedia.com/…/supplement/20170702/56897523
---------------------
問:呢套劇你話參考咗張繼聰嘅《幕後玩家》嘅演法,但我覺得都似張家輝嘅「化骨龍」喎。你覺唔覺?
答:其實監製搵我傾話拍《詭探》嘅時候,就係因為睇過我扮張家輝😂。所以其實佢畀我嘅要求就係,梳打就係化骨龍。不過我自己都好怕人哋模仿得太勁,所以拍嘅時候都好驚做多咗。問咗好多朋友嘅意見,都話張繼聰做《幕後玩家》有張家輝嘅影子但唔討厭,所以我就參考咗佢嘅演繹方法。希望我依個有化骨龍影子嘅梳打對你哋嚟講都唔會太討厭啦。
按:我就覺得好正喇,誇張位拿捏得好。
---------------------
問:其他主持成日話你嘴賤,你認唔認同?
答:我嘴賤呀,其實我都認嘅。因為我係一個好鐘意講笑嘅人,所以好多時候都會諗好多唔同嘅笑話,唔同嘅類型。再加上我都真係睇好多外國嘅棟篤笑表現,其中一種佢哋成日玩嘅都係人身攻擊,不過佢哋就真係睇得好開,開玩笑咋嘛,洗咩咁認真。我諗我都好想做一樣嘢,就係令到生活咁大壓力嘅香港人對自己對其他人都放鬆啲,正所謂「頂你個肺」真係會起腳咩?😂
---------------------
問:身為英皇新秀金咪得獎者嘅你,仲想唔想唱歌呀?之前你同ToNick主持嘅《粵詞越愛》我都有睇呀,係正。
答:其實唱歌真係我好鐘意嘅一件事,但係都要睇機會。好多謝有支持《粵詞越愛》嘅朋友,同都好開心可以同ToNick合作!佢哋真係好好嘅樂隊,都好鼓勵我!但係見到佢哋咁畀心機,同時都令我明白到自己喺音樂上唔夠努力,一日得廿四個鐘,依家我都想花曬喺做一個好演員!如果有一日再有機會再做一個歌手,我會花多好多時間喺上面!
按:各位監製大人可以搵Thor唱吓劇集主題曲插曲呀,想聽。
---------------------
問:嚟緊仲有冇劇上呀?有咩新搞作?
答: 6月尾就會同Helen譚凱倫出發去法國同德國拍一個旅遊節目!其實仲有一位主角同我哋一齊拍攝,不過就真係唔可以透露係邊個住!賣個關子先!因為佢人見人愛,太受歡迎,我怕大家會羨慕我哋兩個 😂 我都非常期待依一個旅程,記得留意之後嘅節目宣傳!
完咗個旅遊節目之後嘅工作都係拍劇拍劇同拍劇!公司之前都安排咗好多劇嘅casting畀我,好好彩都中咗幾套。所以嚟緊都會花曬所有時間去拍劇!劇名就遲啲再公布,不過今次演繹嘅角色就一定唔係小混混化骨龍啦!演戲界我仲係個初哥,而演戲最好嘅訓練就係演多啲戲。所以希望大家都會畀呢個「舊」新人多啲機會學習同挑戰啦!
----------------------
按:出道十年,由港台到英皇,由now到ViuTV,真係睇住佢畀心機努力成長。大叫一句「阿Thor阿Thor我哋支持你﹗」
#方以文問兩句 #ViuTV #詭探 #粵詞越愛 #駱振偉 #英皇新秀 #金咪大獎 #ToNick #張繼聰 #幕後玩家
金咪大獎 在 方以文 睇電視喇喂 Facebook 的最佳解答
[ViuTV][異鄉再出道] 有時最難面對嘅人,就係對你最信任嘅人,只因為佢信你會做得到。當你唔成功,但你其實相信同希望自己可以成功嘅時候,呢個人就更加難以面對。因為佢確實代表咗你對自己嘅信心、盼望,你可以喺忙碌生活中避自己、呃自己,但你面對佢嘅時候就無得避。
今集駱振偉 Thor Lok去到英國再學唱歌,攝製隊畀佢睇自己香港唱歌老師梁老師嘅預錄片段,佢喊晒,我都好激動,眼濕濕。正如Thor所講,攝製隊真係好賤格,因為真係好入肉。
你又有無勇氣面對自己?接受自己?
P.S. 今日熄咗電視或者揀咗睇《煒哥的味道》而無睇到嘅,快啲上網重溫。
傳送門>> http://viu.tv/encore/begin-again/begin-againe3hok-cheung-goh
#ViuTV #異鄉再出道 #英皇新秀 #金咪大獎 #駱振偉 #陳俞希 Hailey Chan
金咪大獎 在 MPWeekly明周 Youtube 的精選貼文
駱振偉○七年參加《英皇新秀歌唱大賽》贏得「金咪大獎」入行,更與英皇娛樂簽約成為歌手,但一直與唱歌無緣,直至最近他終於擁有首支處男單曲《成熟.不了》,更參與填詞,「其實整件事感覺真的很夢幻,當初歌唱比賽出身,但一直都無機會唱歌,所以自己都已經放下唱歌這件事差不多十年,即使後來加入Now TV做主持後,都沒有再想過,直到ViuTV音樂節目後,開始有唱歌的機會,所以直到今日都依然很夢幻。」全文:https://bit.ly/3fQ0t2w
#駱振偉 #金咪大獎
-----------------------------------------------------------------------------------------
明周娛樂 https://www.mpweekly.com/entertainment/
https://www.instagram.com/entertainment.mpw
明周文化 https://www.mpweekly.com/culture/
想食明周 https://www.facebook.com/foodiempw/
INNER https://www.facebook.com/innermpw/
https://www.instagram.com/in__ner
![post-title](https://i.ytimg.com/vi/s535exPPPKk/hqdefault.jpg)
金咪大獎 在 英皇娛樂EEG - 今晚就係#英皇新秀歌唱大賽決賽啦!究竟10位 ... 的推薦與評價
今晚就係#英皇新秀歌唱大賽決賽啦!究竟10位參賽者中邊位將會勝出奪得#金咪大獎成為明日之星? ... <看更多>
金咪大獎 在 金莎Mimi on Instagram: “不論你是不是我的朋友7/20公益活動 ... 的推薦與評價
... Instagram: “不論你是不是我的朋友7/20公益活動一起來~ 這是一場以我兒子咪咕嚕命名的公益活動❤️ 做愛心還有可能抽到你 雙人來回機票 還有其他大獎等你 ... ... <看更多>
金咪大獎 在 2008金咪大獎得主Rex陳曙輝@你不在2008英皇新秀準決賽 ... 的推薦與評價
2008 金咪大獎 得主Rex陳曙輝@你不在2008英皇新秀準決賽060908(澳門漁人碼頭) ... <看更多>