[美食攻略]
跟朋友很喜歡到處食食食, 搵下好食店, 很開心!! 不過有時我們都會encore 再 encore 一些我們覺得出色的食店, 就好像這一間啦~~
雖位處很陳舊的唐樓中, 但因置於尖沙咀, 就在MTR 旁, 所以相當方便! 食飽之後行街街不俗呢!
這店有幾款菜單的, 可參閱我們的相片. 我們嘗試過幾款了, 每一款都很滿意!! 今次我們一行5人就encore 個HKD288 一位的晚餐吧~~ 重點這裡是不收加一的, 但服務都不差呀! 只是格局有點像一個家庭, 沒有靚靚的decoration.
個蟹肉扒金山勾翅其實是一大煱上的, 不過我忘了影相....所以只影了自己的那碗吧. 翅份量多的很, 好有氣派, 一梳梳的, 正!! 個湯底不會太咸, 夠香又濃!!
我最愛的就是花雕海蟹蒸蛋白, 今次的花雕酒味就輕手了一點點....不夠濃. 蟹幾鮮甜又大隻. 膏亦不少呀! 至於蛋白就老了一點點....可以再多一點點呢~~
鮑魚扣山珍海味幾有氣勢! 材料豐富, 色澤靚! 每款材料都浸得夠, 發得夠. 而且煮得很軟熟. 個汁配上白飯一流!!
蒜蓉粉絲蒸元貝, 幾大粒! 蒸得剛好, 不老不"鞋"~~ 不過味道就較淡, 不夠香~
另一特色之選就是三色蝦, 蝦幾新鮮, 爽口彈牙~ 蝦膏亦不少呢! 蝦丸中間有芝士, 正!! 幾彈牙, 不會太多粉, 咬落去, 又香又濃又熱, 相當不錯!! 黃金蝦的咸蛋黃看上去很薄, 但香味十足!! 感覺不太厚的都幾好, 不會食到成口都是碎呢~~而豉油蝦就不過不失啦.
又點會沒有魚呢?! 蒸海班的時間拿得很準, 弄得十分鮮嫩!
食了這麼多海鮮都要食返一些肉~~天下第一雞, 又香又脆, 幾鮮嫩!
炒飯就一般, 可以不提.
瑤柱菜心亦有睇頭呀! 菜弄得剛剛好 ~~
最後的芒果布丁都值得一食呢~ 中間有芒果的呀! 加分!
雖然有一些海鮮是雪藏貨, 但這個價錢, 真的幾值得去食呢!
龍泉私房菜
尖沙咀彌敦道83-97號華源大廈AB座16樓B1及B2室
每位HKD288
