好睇。
《迴響》創刊至今一個幾月，承蒙各位厚愛，第一期順利出版，第二期亦都即將寄出。每次見到網友討論迴響，編輯團隊都會一一細閱，務求精益求精。尋晚喺連登網友討論迴響（https://lihkg.com/thread/2160040/page/1 ），當中亦有唔少指控，我哋有錯就認，打就企定；若有指控係不實嘅，我哋都喺度逐一回應。
首先，迴響絕對冇「奶中聯辦」。迴響以推廣粵語為宗旨，凡係有利本土文化、有益粵語發展嘅，我哋都會同大家分享。我哋一直主張粵語應該海納百川，而唔係劃地為牢、閉門造車，只有吸納唔同語言嘅精華，粵語先可以越見豐富。難得有人提出呢個論點，我哋亦都想同大家分享，希望大家唔好先入為主，見到中聯辦就因人廢言。冇錯，共產黨的確打壓方言多年，但唔代表我哋分享一篇文章就係奶共掛？
關於同作家藍橘子嘅誤會，編輯團隊喺度誠懇致歉，確保以後一定會了解清楚先再作評論。訪問出街之後，我哋私底下亦同咗藍橘子道歉，喺度在此為引起誤會道歉。
我哋編輯團隊仝人支持普世價值，以推廣本土為己任，今時今日政治表態嘅代價好高，但我哋一定身體力行，為香港話留低血脈。如要為粵語留低血脈，首先我哋呢份期刊要經濟上生存到先。我哋唔希望讀者支持我哋係因為我哋高舉「本土」兩隻字，而係真係想追住期刊嘅內容嚟睇。而要做到呢點，我哋相信稿費要高，先可以吸引高質素嘅投稿。要做到財政平衡，又點可以唔當迴響係生意噉run?
我哋明白總編同埋成個團隊係冇可能割裂，我哋尊重編輯以個人身份發表言論嘅同時，總編亦都為引起各位不快道歉。喺今日國安法壓境之下，亦無謂逼人對特定議題表態。
我哋團隊唔想撻所謂「社運CV」，但既然大家講到我哋扮黃扮同路人，亦都冇其他辦法。我哋團隊相識於雨傘，之後創辦粵典，一直推廣緊本土文化。如果咁樣都係鬼嘅，我哋實在無話可說。
唔知大家有冇聽過《十年》入面本地蛋嘅故事，國安法嘅紅線漂移不定，就算唔就任何議題表態，本土、粵語可能未來會變成敏感字眼，可能推廣粵語都係分裂國家。但係我哋團隊一定會繼續同所有香港人行落去，堅持到底。請大家繼續支持我哋，支持粵語。
錯就認打就企定 在 #錯就要認打就企定 - Explore | Facebook 的推薦與評價
B: 咁如果黃店係黨鐵商場開鋪又點計?… See more. No photo description available ... ... <看更多>