收到一位朋友嘅message, 覺得值得喺度討論一下.
「你好Mr.B
我係其中一個香港嘅Cast member
呢排見到海洋公園有好多消息出嚟
話要轉型或者不停受到政府的資助
我唔想我哋迪士尼成為下一個要淘汰成為回憶嘅一個樂園
其實樂園其中一個重要嘅收入係門票
咁點解香港人會咁鍾意唔俾錢買飛😡
小朋友去到六歲咁大
一眼就望得出
仲要同你講佢得兩歲/要求小朋友講大話
樂園而家已經好努力咁推出好多唔同嘅門票優惠去為自己爭啖氣
希望嘅就係可以維持到一個香港人嘅回憶
成日話香港人要自己加油
為自己爭一啖氣
但係其實就係香港人每一次連最基本門票錢都唔俾嘅時候
咁仲講乜嘢magical moment
仲講乜嘢派貼紙
仲講乜嘢佢起新嘅遊樂設施出嚟
其實我真係唔介意我冇咗呢份工
但我真係唔想我鐘意嘅迪士尼樂園步上海洋公園嘅後塵
最後 如果大家都真係真心愛迪士尼，請大家買飛入park玩～
對唔住 有D長 但係我一個小小嘅心聲.....」
個人認為... 孤掌難鳴, 當然主要原因係有一班貪小便宜嘅人, 但亦因為本身制度出現漏洞而唔能夠及時修正先會引致不能挽回嘅局面.
海洋公園嘅香港人生日優惠係一個血淋淋嘅例子, 不妨再睇睇早排公園宣佈重開當日, 追債式被詢問點樣補償(安排)返關閉期間所失去嘅生日免費入場機會.
香港迪士尼嘅漏洞亦有好多, 未必全部係同收入有直接關係, 但亦出現好多嘅不公平現象, 係大家都見到意識到嘅事. 牛高馬大嘅小朋友唔買飛係其中一個例子, 早幾日再重提返當年嘅星級款待Magical Moment 由CM 揀選幸運兒所引起嘅糾纏同投訴, 園內部分貨品設限買數量 vs 不斷輪迴嘅代購, 甚至乎.... 處處通小童白金會藉所享有嘅待遇係咪有必要同成人會藉完全相同, 部分處處通會藉待遇係咪應該要每日設限次數.... 等等等等, 都係值得大家思考嘅事.
小小嘅漏洞, 唔去及時修正, 終有一日可能會變成不能補救嘅局面. 就係今日嘅海洋公園.
前線演藝人員看在眼裡, 憤怒, 心痛, 接受, 習以為常, 除咗由上而下嘅改革同修正, 負責把關嘅前線演藝人員又可以做D咩呢? 又或者問, 園方對前線演藝人員嘅支援又有幾多呢?
鍾意vs鐘意 在 鍾意幾時會昇華到愛？ - 港澳感情事板 | Dcard 的推薦與評價
好多人討論好感同鍾意既分別，但好似好少人講鍾意幾時先會昇華到愛。我份人比較現實，啱啱同男朋友係埋一齊個陣講唔出「我愛你」依種說話，但「我鍾意 ... ... <看更多>