［為了她，我死撐！］長篇
由一開始諗住用貨櫃做cafe，我已經知道要面對嘅問題唔少，尤其係我呢種蚊型舖，啲位置極珍貴，畫floorplan果陣我真係逐厘米度到盡㗎！
所以話，邊個話舖頭大先難搞，好似我哋初初不知幾頭痕呀，究竟係加一層隔熱層而放棄兩個坐位好吖，還是放多兩個位，但唔整隔熱尤佢局死好呢？結果我哋選擇咗要多兩個位😅！
退而求其次，我哋叫裝修師傅喺廚房加咗個假天花，諗住隔到丁屎熱啩，結果梗係白痴仔咗，熱到抽筋啦！
每日返到舖頭就好似打開汗蒸幕道大門咁，由鐵皮造成嘅密室，完美地將成朝嘅太陽熱力困晒喺入面，真係蒸到靚水蛋㗎陰公🥚！
而作為一個標準型嘅泰妹🙋🏻♀️，佢第一個反應一定係「開行個冷氣」，🤦🏻♂️唉⋯我第一時間梗係制止佢啦！我叫佢先開窗再開抽氣扇，等室內熱氣抽走，新鮮空氣互換先再開冷氣啦！
咁當然啦，作為一個稱職嘅標準型泰妹，佢除咗不解，當然係發脾四啦！經過一番努力嘅協調同遊說，小弟終於令佢參透箇中玄機，試想像你將煲滾咗嘅老火湯放入雪櫃，真係多得你唔少呀，又嘥電，部機又易死，到頭來因小失大嘛～
事情邊有咁易解決吖，作為一個稱職標準型嘅可愛泰妹，面對🔥熱，又唔可以開行冷氣，當然係搵位向我亂開機關槍數射啦，所以都係要解決熱呢個問題。
之前我哋是但買塊好大嘅膠膜蓋住個頂，諗住擋兩野太陽又唔怕落雨，點知原來係笨實咗，經過兩年風雨太陽嘅無情洗禮，上星期終於成塊碎晒隨風飄落，泰國嘅太陽真係唔講得笑！
我把心一橫，同泰妹研究搵師傅起個架空嘅鐵皮屋頂，諗住一了百了，點知睇完價錢，兩條友你眼望我眼收晒聲，然後得啖笑，哈哈😄
好彩小弟都並不是省油的燈，我好man咁命令泰妹上泰網搵反光料，而我當然就係淘一淘啦，最後喺泰網搵到一種好啱我哋嘅物料，又輕、又反光、又大塊、又唔貴、又易安裝⋯ 真係開心到呢🙆🏻♂️🙆🏻♀️
終於到戲玉(sor，我認好長氣)
實不相瞞，小弟由細到大都有一個解決唔到嘅問題，就係「畏高」，仲要係好嚴重果隻，細個喺條行人天橋上面一定唔敢行兩側，眼要望前面，有巴士橋底行過我都差啲要跪低添呀😖
今次要爬上舖頭屋頂真係唔易，條長梯又唔到頂，想用手爪實鐵枝爬上去又熱到好似鐵板煎豬扒咁(係，我就係果隻🐷)。
我幾經辛苦爬到上去，企都唔敢企直，一邊剪啲材料，一邊好似毛蟲咁爬行🐛，我諗樓上啲街方見到一定笑__我；而泰妹就好似平衡木上面優美嘅體操選手咁，好輕盈咁走嚟走去🏃♀️，佢去到邊邊位仲係好大動作咁郁身郁勢，我即刻阿爸教女嘅語氣話佢：「🙎🏻♂️ระวังนะ 罅弘那！(睇住呀！)」佢就偏晒嘴。
結果我哋喺屋頂搞咗個幾鐘，終於大功告成，我呢堆肉已經煎到半生熟，雙眼發白見飛蚊，差啲透唔到氣，一波剛平一波又起，點落返去呢？落仲恐怖過上呀，做一個離地嘅人真係唔係咁易。😭
呢次令我諗起一件往事，當年喺香港為咗盡快蓄多啲錢，唔洗同泰妹再long d，我爬出40幾樓地盤遊走搖搖欲墜嘅棚架去搬石仔，望落地面巴士頂細過自己粒鼻屎嘅情景，無他嘅，都係為了她，今次都係⋯
⋯ 為了她，(不再因爲熱而發我脾氣)，我死撐！
#現代標準型泰妹發脾氣是常識
#diy鐵皮屋頂
#端午節快樂
#人在泰香港仔日記
鐵皮屋頂隔熱材料 在 請教鐵皮屋隔熱方法 - Mobile01 的推薦與評價
(有空看看那些隔熱材是把鐵皮清板拿來比較? 還是拿二合一浪板比較?) 我家鐵皮也有發泡板,但也刷隔熱漆,主要是為了做防鏽 ... ... <看更多>