Search
擎，
今晚聽咗好多妳以前嘅故仔，
咁多年嚟妳俾人嘅感覺都係咁一致。
無論邊個時期嘅朋友講妳嘅軼事，
大家都好有共鳴點晒頭咁笑，
心裏面都想講「係呀佢係咁㗎」，
果然妳份人「都幾有趣」。
.
妳總會對人講過一啲說話，
令對方一世都記得。
而最令我記得，
一定係妳喺節目公開地講自己細個好靚，
係「萬綺雯+劉心悠」嘅化身。
.
嗱！
我哋喺節目應承過，
@sodun_music 過1.8k followers就公開嗰張相俾大家讚美妳。
呢家都係時候，
等全世界都知妳（細個）有幾靚！！！
.
閆擎，
今晚有幾百人嚟到，
希望妳都感受到大家對妳嘅心意，
希望妳聽得開心滿足。
有啲咩遲啲再講啦，
未來見。
丘國盛
閆擎：
不知不覺就過咗一星期。
我無辦法忘記2021年3月22日嗰一日，
由下晝搵唔到妳開始忐忑，
到節目播緊歌時收到訊息知道你過咗身。
嗰刻我嘅世界一片漆黑，
除咗喺直播室發癲以外，
我當下嘅反應係「繼續做落去都無意思」，
想辭職。
.
有咁嘅諗法應該係因為事發前幾日，
我先喺度諗緊呢間公司都無乜將來，
唯一值得留低嘅就係同妳做嘅呢個節目，
覺得只要努力打拼就滿足。
我記得早一個月前都同妳講過類似話題，
話好驚厭倦嘅一日好快嚟到就會想離開。
我好記得妳當時嘅答案，
妳話妳嘅動力係覺得有好多好嘅作品係應該俾人認識同認同，
而見到佢哋得到好嘅成績妳就滿足。
當時我純粹係明白，
但呢家我係體會到，
並且變成我嘅動力。
.
過去一星期，
見到好多人同妳講嘅說話，
先發現妳默默地播咗好多好嘅種子，
妳對人好佢哋真係知㗎。
亦可能係妳呢種坦白直接嘅性格，
令我好自然好放心哋同妳share自己嘅嘢。
試過有次有單無聊嘢想開mic前同妳講，
妳即刻話「咪住！一陣開mic講咩﹖」。
我諗對我嚟講，
同妳share啲生活瑣碎嘢係最開心。
.
最神奇嘅係，
我未見過妳嘅朋友，
妳又未見過我嘅朋友，
但彷彿兩個圈子都好認識對方咁。
呢種關係好微妙，
我都唔識得形容。
啲人話男女之間邊有純友誼，
我諗我哋之間就係。
一嚟真係夾，
而下一句，
妳都估到我想講啲咩賤嘢㗎喇。
.
明明夾咗個節目只係五個月，
但好似過咗好耐咁，
對妳嘅過去、喜好都清楚了解。
雖然無發生過啲咩驚天地泣鬼神嘅事，
亦無講過啲好熱血嘅約定，
但每日逐分逐秒嘅累積，
就成為咗我哋。
老實講，
我都唔知應該同妳講啲咩好。
可能係因為多到講唔晒，
又或者係細微到已經有默契，
唔駛講太多都明。
我知，
妳實笑緊我講嘢可唔可以有重點。
.
寫咁多嘢，
除咗為妳而寫，
我諗都係為自己而寫。
心入面呢個窿永遠都會存在，
係唔會好得返，
但我可以做嘅就係好好裝飾同佈置呢個窿，
等我以後見到佢唔會只有悲傷，
可以好好面對佢，
雖然唔知要幾耐。
無啦，
再咁寫落去都唔係辦法，
妳明我明就得。
星期一開始大家都要重新開始，
唔得都要好似妳平時咁頂硬上㗎喇。
.
仲有，
妳成日話我劣食睇唔過眼，
我會繼續㗎！
最好嗰餐留返妳book定枱揀晒料請我食。
最後，
我揀咗呢兩張相呀。
第一張係啱啱星期五我完成成個紀念特輯後，
望上呢個天見到妳好似平時咁舉起手指公送俾我。
第二張就係5年幾前我同妳影嘅第一張合照，
妳睇我哋嗰陣得24歲幾後生？
.
保重喇肥妹！
@yimking
丘國盛
自閆擎加入《騷動音樂》以來，一直認真看待節目的每一個訪問、每一個環節，花盡心力，只為向大家推介好音樂。對於她的突然離開，《騷動音樂》團隊深感悲痛與不捨。
為了紀念這位好戰友，我們將在這個星期，播出閆擎生前最後完成的歌手訪問，同時整理她過往在《騷動音樂》主理過而又深感喜愛的環節，讓我們記住閆擎對音樂、對工作是如此充滿熱誠，也懷念她在節目中帶給我們的歡樂。
最後，謝謝每位歌手、媒體朋友的關心。此時此刻，我們雖然難過不已，但團隊成員會互相扶持著，無負閆擎做好節目的使命。
#騷動音樂
最後，謝謝每位歌手、媒體朋友的關心。此時此刻，我們雖然難過不已，但團隊成員會互相扶持著，無負閆擎做好節目的使命。 #騷動音樂| Facebook ... ... <看更多>
閆擎 在 31歲知名主持人閆擎去世死因曝光香港電臺王牌節目騷動音樂 的推薦與評價
31歲知名主持人閆擎去世死因曝光香港電臺王牌節目騷動音樂3月22日晚，90後知名女主持閆擎去世，享年31歲，此前，閆擎曾主持香港電臺王牌節目《騷動 ... ... <看更多>